der kinstler

di *nevue fun shvartsaplen 1: der kinstler

der kinstler hot *afile *hanoe gehat funem toyt. un der toyt, a shteyger? o, yener hot *mekane geven dem kinstler.
faran a zaydvorem un faran a zaydmentsh. un azoy vi der zaydmentsh hot nit oyfgehert tsu vebn zayn kunst, hot der toyzntoygiker nit oyfgehert mit im zikh tsu farmestn: lomir zen ver s'hot mer talant!
mit a shneyik-fioleter *sreyfe hot er ayngefroyrn a dershrokenem beryoze-vald, vos hot arumgegartlt an ozere. farfrirn di ozere hot er dervayle nit gevolt. er hot bloyz arumgeshmidt ire bregn mit shimerirndikn zilber.
tsvishn geplatste shpiglen fun beryozes hobn *farmishpete mentshn geboyt zayne festungen.
a mirmlner hoyker iz di erd. hek un lomen zetsn in im un se brekhn zikh finger vi tseplekh ayz. un falt a gefangener, iz oder s'bafaln im hungerike, oder - mitn tsveytn 'oder' iz nit azoy *poshet: oys'hakn in der erd *kvorim zenen di mentshnkinder nit *bekoyekh. fun itlekhn zets inem vidershpenik mirmlnem hoyker, shpringen aroys velfishe oygn, elehey der toyzntoygiker volt gelegn ayngekortshet unter di hek un lomen.
vos tuen yemolt di mentshnkinder? zey tsezegn bay di randn fun der ozere shtiker ayz, ineveynik hakt men oys a geleger, me leygt dortn arayn dem toytn un iber im - vider a shtik ayz, di eybikayt zol zayn farshlosn. un me lozt opshvimen dem krishtolenem sarkofag iber di vasern fun der ozere.
di sarkofagn shvimen un di zun, di farfroyrene zun, kon zey nit funandershmeltsn. di farfroyrene zun iz aleyn a brenendiker mentsh in ayz. ire beynike shtraln shnaydn adurkh di krishtolene *kvorim, un lebedike derkenen fun der vaytn zeyere fraynd.
s'treft, az di toyte bagegenen zikh. tsvey sarkofagn, fun a man un a froy, shtoysn zikh tsuzamen un zey tseshmeltsn dem ayz mitn *koyekh fun di lipn.
un bay nakht, in shayn fun an eyntsikn shtern, dem laykhtturem far di shvimendike sarkofagn, molt der kinstler mit a shvartsn koyl ibern shney. er molt un filt vi zayn harts shvimt im arayn in di finger. er molt in gliikn ekstaz di zeung iber der ozere...

1953

tsurik:  di *nevue fun shvartsaplen