kindershe hentlekh

griner akvaryum 3: Kindershe hentlekh


- - An eyntsike, farfroyrene shoyb in a keler. Oyf dem yodlevald fun shoyb - der opdruk fun tsvey kindershe hentlekh vi baym dukhnen. Der vald antplekt durkh di hentlekh dem droysn un in keler falt arayn di zun vi a *mes in *keyver.
Di vent zenen batsoygn mit horikn shney un glimtsern vi in a zaltsgrub.
Oyf dr'erd, in a vinkl, - tsevorfene shmates fun a geleger un tsvishn zey, vi goldene tseyn, vinken aroys bahaltene shtroyen.
Oyf di shmates - a diker, fartrifter *Korbn-Minkhe *bidfus hoalmone vehoakhim Rom... Derbay, in a top zamd - a fargliverte, vaksene likht, glaykh a foygl volt zikh pikn dos harts mit a toytn shnobl.
Un in mitn keler, tsvishn dem opdruk fun di kindershe hentlekh oyf der shoyb un dem *Korbn-Minkhe oyf di shmates fun geleger - a kop a brondzener fun a ferd, mit a zilbernem flek vi a kinzhal oyfn shtern, un kalte, fareybikte oygn fun shvartsn marmor.
Un es reydn di kindershe hentlekh fun shoyb:
Liber kop, zay moykhl. Fun lebedikn haldz nit mir hobn dikh opgehakt. ven di letste, letste zenen zikh tsefaln in ash - dikh in a yatke gefunen, un pavolye, unter a langn, fremdn mantl, dershlept in keler. Mit dir - gevolt zetikn a *zkeyne. Elnt vi du atsind oyf der erd iz gelegn di *zkeyne do in vinkl. tsukopns - a brenendike likht. Nor plutsem - hint. Hint. Hint. Zey bafaln di *zkeyne, dayn farfroyrn fleysh. Bafaln dem yingele tsu velkhn mir gehern... Oy, vi mir hobn gevolt im helfn... tsu der shoyb zikh getsoygn, tsum farshneytn vald, un vu zenen mir, vu zenen mir?...
ven di kindershe hentlekh fun shoyb dertseyln - shmeltsn zikh di ayzike tsapns funem brondzenem kop. Glantsik, otemdik vert zayn hoyt. Zayn linker oyer falt arunter vi a lok. Un in di oygn fun shvartsn marmor bavayzn zikh trern.

[4]  Di *Ievte
tsurik griner akvaryum