tsvishn tsvey koymens

griner akvaryum 6:  Tsvishn tsvey koymens

Vi der *zikorn fun *malekh-hadoyme shvimt hastik di *levone tsu di ruinen fun a shvartser gas un blaybt hengen tsvishn tsvey koymens.
Lange, zidndike shotns kvaln aroys fun ire odern, vi shvarts blut fun a *derharget ferd, un tseshmeltsn unter zikh, bizn bruk, di shneyen.
A mentsh antplekt zikh fun a koymen, vi a vilde katshke fun a tunkeln vaser:
- Sheyn-de-le! Funem koymen, oyf der ander zayt gas, krikht aroys a tsveyter:
- Tsal-ke!
- Sheyndele, mir muzn lebn.
- Ye, Tsalke. vi lang lign mir oder shteyen mir in di koymens?
- Nit lang, *sakhakl di drite *levone. Iz dir kalt, Sheyndele?
- Kalt? Az di *levone balaykht zet oys oyf mir di sazhe vi a zilberfuks. Far kelt hob ikh nit keyn *moyre. Me zol nor untn, in moyer, nit aynheytsn. Mir dakht, funken tsien zikh fun koymen...
- Keyner voynt nit in der shvartser gas. Un di funken zenen shtern. *Mazldike shtern.
- Neyn, Tsalke, shtern zenen kalt un di funken - heys, nodldik. Heys vi kushn, ye, nor a *sakh geferlekher.
- Sheyndele, vemen hostu in zinen, lomir zayn ofnhartsik. Kh'hob aleyn gezen...
- Az men kusht zikh zet men nit, vi azoy hostu gezen?
- Lebn grub... eyder mir zenen antlofn, eyder mir hobn zikh bahaltn in di koymens, hostu tsu emetsn geshmeykhlt, azoy geshmeykhlt, ver iz er?
- Ay, Tsalke, zayn eyferzikhtik in a koymen... Gut, kh'vel dir zogn, s'iz geven - -

An opklang fun gekovete shtivl hakt iber dem zats. In beyde koymens, eyner antkegn andern, iber der shvartser gas, farshvindn di *penimer.

[7]  Der poyer vos hot gezen got
tsurik griner akvaryum