8: di farshleyerte dame

derfar iz gut tsu zayn a *gvir (undzer alte *tayne!) un derfar iz a *khies bay di aristokratn, vos *tomer treft zikh epes bay zey, iz opgevisht di lipn un *pasekh-shin - sha!
ven aza *mayse, vos hot zikh getrofn in "Palestine", bay di Roytshilds mit di Brotskis, treft zikh, di *sho zol gornisht zayn, bay a prostn yidn in "*erets-yisroel", volt zikh ibergekert di gantse velt!
un do bay di aristokratn, - gornisht!
az di farshleyerte dame iz arayngekumen tsu di Roytshilds a minut far der *khupe, iz take gevorn a sumatokhe, a *bahole;
es hot ober lang nisht genumen, me hot di farshleyerte dame arayngefirt in a bazunder *kheyder, take dem *khosns foter un muter, di oyfgekumene Brotskis hobn es geton, un me hot zi a freg gegebn: "vos vil zi?" ver zi iz un vos zi iz - dos hot men zi nisht gefregt.
me hot zikh shoyn aleyn geshtoysn, az dos iz *mistome dem yungn Brotskis a gelibte fun far der *khasene (dos vert ongerufn oyf zeyer *loshn "flirt").
ver flirtevet nisht hayntike tsaytn bay di aristokratn?
deriber hot men zi nor gefregt vos zi vil.
un az di farshleyerte dame hot gezogt, vos zi vil, iz men keyn brekl nisht *nispoel gevezn.
me hot zikh nor avekgeshtelt dingen mit ir, vorem di foderungen, vos di farshleyerte dame hot avekgeshtelt, zaynen geven shoyn a bisl tsu fil.
di farshleyerte dame hot gefodert eyns fun di tsvey: odere s'zol zayn oys *shidekh mit di Roytshilds un oys *khupe, un der *khosn Brotski zol *khasene hobn beser mit ir, mit der farshleyerter dame, oder az nisht, zol er zi bavorenen mit a sheyner pensye, vi es past far aza aristokrat, vi undzer Brotski, un *akhuts dem zol er *moykhl zayn avekleygn a gevisn kapital oykh oyfn kinds nomen...
ver iz geven dos kind un fun vanen hot zikh genumen aher a kind? - dos hot men zi oykh nisht gefregt.
bay di aristokratn iz dos nit keyn novine, az a *khosn far der *khasene zol hobn a gelibte, un di gelibte zol hobn fun im a kind, oder tsvey.
undzdere oyfgekumene aristokratn, di *Kasrilevker Brotskis hobn gedankt got, vos zi hot nor eyn kind.
vorem mit vos volt geven beser, s'zol zayn tsvey oder dray kinder?
un a bisl hot men gehat faribl oyfn zun:
*lemay hot er nisht dertseylt frier dem tatn oder der mamen, az er hot shoyn a *kadish?
itst iz ober nisht di tsayt oyf tsu zayn *broygez.
di *khupe shteyt.
alts iz greyt un fartik, un der *oylem kon nokh onheybn zikh tsekrikhn un tsegeyn aheym, un di aristokratishe *khasene kon zikh nokh *kholile endikn mit a skandal, - un aristokratn hobn faynt skandaln!
hot men zikh genumen dingen mit der farshleyerter dame.
a rendl arop, a rendl aroyf - men iz durkhgekumen: me hot ir batsolt take do oyfn ort mit *mezumonim *mamesh, un me hot ir aroysgegebn a papir, un der alter Brotski hot geleygt di *khsime mit zayn *emesn nomen "kupets perve gildnye Isak Aronovitsh Dembo", az dos kind badarf zikh gefinen bay der muter biz s'vet alt vern akhtsn yor, un deroyf bakumt di muter azoy fil un azoy fil ale yor;
un az dos kind vert alt akhtsn yor, bakumt es fun dem kupetsheski sin Aron Isakovitsh Dembo, fun *khosn heyst es, azoy fil un azoy fil, - un dos altsding darf zayn *besod-soydes, un beyde *tsdodim zaynen tsufridn, eyns tsu dos andere torn nisht hobn keyn *shum *taynes un pretenzyes - והכּל שׂריד וקײם.
un dermit iz di farshleyerte dame avek ahin, fun vanen zi iz gekumen, un di tseremonye fun der aristokratisher *khupe iz oysgefirt gevorn oyfn shenstn *oyfn: der kazyoner *rov hot gehaltn zeyer a sheyne *droshe, geveynlekh oyf rusish, zikh opgeshtelt oyf der umshuldikayt un oyf der reyner libe fun dem porl, vos geyen boyen zeyer hoyz, azoy vi got hot gebotn un azoy vi in *posek shteyt; "הבן יקיר לי אפֿרים".

baym *posek hobn di aristokratn aropgelozt zeyere nezer, un di aristokratkes hobn tsugetrogn di vayse tikhlekh tsu di trukene oygn, tsu bavayzn, az khotsh zey veysn nisht di taytsh funem *posek, nor dem *pshat fun di verter farshteyen zey glaykh mit di aristokratn... un dernokh hobn *khosn-kale tsekusht zikh mit di *mekhutonim un mit ale gest, un *teykef nokh der tseremonye, *afile nisht farbisn, nor oysgetrunken tsu glezlekh shampanyer-vayn, hot zikh dos porl oyfgezetst in a sheynem oytomobil un iz opgeforn tsu der ban oyf der hokhtsayt-rayze, vi der *minhogom iz bay di aristokratn fun der gantser velt, un oykh bay undzere *Kasrilevker aristokratn, vos tantsn nokh der gantser velt.

--> epilog tsu der farshleyerter dame