dos ringele

griner akvaryum 8: Dos ringele

... A bintl sopendike shotns - hobn mir getsoygn bay nakht iber di halb farfroyrene zumpn, vos zeyer diner, opnarerisher *levone-ayz hot yeder vayle, do-dortn, zikh geshpoltn mitn gehoyl fun a volf unter di mide, tseshnitene fis.
Di vasern - alt un shtark, mit *kolerley kraytekhtser un vortslen, farzunkene feygl un *khayes-lunatiker, vos di *levone hot farmanyet fun di vareme heyln un zey farplontert in di zumpnetsn - hobn geshlogn mit a sharfer zoyerkayt, vi a *min vishnyak, vos emets hot "geshtelt ayntsushtarkn" mit toyznter yorn tsurik.

Dos bintl hot zikh farnumen alts tifer in di zumpn. Un khotsh eyner hot vintsik batrakht dem andern, hobn alemens farlangen zikh farknipt in a *soydesdiker shvartsapl-shprakh, un mir ale, *farshikerte fun midkayt, hobn zikh aroyfgevalyet oyf a mokhik bergele un zenen farzunken in leymikn dreml.
Bloyz di otems - ringen in a vaser - egbern zikh shtil in hilkhikn klingendikn *kholel un filn im on mit shvebndike krayzn.
Keyner bafelt nit me zol oyfshteyn. Di lipn, vi opgehakte finger, konen zikh nit bavegn...
Di layber neplen aroys di faykhte varemkayt, un di kleyder, mit ayzike, nodldike bershtelekh, klepn zikh tsum layb.
Neyn, kh'vel nit aynshlofn. Eyner muz vekhteven, vi oybn di *levone. Oykh zi iz farmatert fun blondzhen inem himlzump. Oykh dortn, in himlzump, iz faran a mokhik bergele, vi der nakhtleg funem zumpkinig. Nor di *levone iz kliger, lozt nit onton zikh a *kishef...
Mayne fis farshvimen in a ziser farfroyrnkayt. Ikh kon zey nit rirn.
Mitn tsudrikn s'layb tsum oyfgepoyshtn bergele, vos halt in zayn shvomikayt dos ayzike vaser, heybt zikh dos vaser oyf pavolye fun der tifenish un farshmidt mayn sharbn in a dinem glozikn furem.
Nor demolt dershpirn di shpits finger fun mayne fis a tsertlekhe *gan-eydndike varemkayt. Un punkt antkegn, in der luftn, shmeykhlen tsu mir zilber-grine oygn, adurkhgeshtrayft mitn blyask fun der *levone.
- Keyn volf iz dos nit - iz durkhgelofn a *makhshove. A volf iz a *soyne fun yetveder shmeykhl...
Un take bald hot zikh antplekt, az di shmeykhlendike zilber-grine oygn zenen dos eygntum fun a *meydl-ponim un az di meydl aleyn varemt es mayne ayzike fis mit der zaydener zunikayt fun ir layb.
zi hot es aropgetsoygn mayne shvere, tseflikte shtivl un farlokt mayne fis in ir varemer nest arayn.
- Du-du, sheptshet di meydl, un ir otem tulyet zikh tsu maynem, un ir *ponim - vi bloer mirml volt zikh bavegn: shoyn iber dray yor vi kh'hob aroysgeshikt mayne blikn, vanderndike trern, dikh tsu gefinen. ven di erd hot zikh iber mir farshlosn - bin ikh oyfgegangen vi a boym, un ven a baytsh hot mikh faryogt in shayter-hoyfn - hob ikh s'fayer farshlungen in-zikh un es untertenikt.
Mit vemens koyekh? - Mit daynem. Demolt in gortn, ven mir hobn zikh tsesheydt, hostu a ringele, dayn mames a goldn ringele mit a finkldikn rubin, a *matone mir gegebn. Zay zikh *moyde: host dos ringele *farkisheft, un mayn libshaft hot nit oyfgehert tsu glien vi zayn rubin. Dos iz mayn guter *malekh, in im hobn zikh opgeshlogn ale toytn un, vi flaterlekh arum fayer, [P: vi milbn unter likht.] zikh tseshmoltsn.

Zi hot aropgetsoygn dos ringele, tsuderlangt nenter, kh'zol es derkenen, un oysgekritst mit im in der luftn, vi in kore fun a boym, zise verter. Ersht demolt hob ikh derfilt di virklekhkayt, vos farshtelt zikh oft in *khaloymes.

S'hot zikh derhert a shteperay fun a koyln-varfer, vos hot oyfgehoybn fun zump a vortsl vi a noz fun a helfand.
Dos bintl shotns hot zikh a heyb geton fun mokh un tsurik zikh gelozn alts vayter in di zumpn.
tsvishn di dare, hoyle beymer, di "sukhostoien", hot zikh gereykhert der tog vi geler shvebl.
A butshan mit lange, royte fis, iz geshtanen in shimerdikn zump mitn shnobl ayngeshmidt in ayz.
Hinter undz falt men. Di fodershte oygn zeen es nit, ober di hintershte in patilnitse - yo.
Mit a mol shtelt zikh op di meydl:
- Ikh muz loyfn tsurik, tsum bergl, kh'hob farloyrn s'ringele.
Un eyder ikh bavayz zi optsuhaltn, iz shoyn ir hant farfloygn fun mayner, vi a vayse toyb.
kh'bin geblibn aleyn.
Aleyn vi der butshan, vos zayn shnobl iz farshmidt in ayz.
Ver fun di *khaveyrim s'iz gefaln, un ver s'iz antrunen in der vildernish.
Ikh shray: Ahu! Nyukhe vi a volf nokh ir otem, loyf a borveser ahin un tsurik, un bats! - farzunken bizn haldz in a vasergrub.
Der tog hot zikh farloshn vi a shvebele. Dos farbrente "heltsl" in a dinem roytlekhn tsanken hot nokh baloykhtn a vayle dem horizont.
Dernokh hot zikh aropgelozn di nakht vi an ekdish.
Oyf morgn, in duler blondzhenish, hob ikh endlekh dertapt dos bergl. Nor fun meydl iz dort farblibn nokh vintsiker vi fun a *kholem.
Kh'hob zikh koym bafrayt fun vasernets un dershlept zikh tsu a veldl, - a bavoyntn fun loyter beryozes.
*Farshikert fun *yiesh un gloybn hob ikh oysgerisn fun dr'erd a shteyn un genumen zetsn mit im in an oysgehoylter beryoze, der eltster in vald. Eyn zets mitn shteyn, nokh a zets, nokh a zets, biz di klep, *erev-dunerdike, dumpe, hobn zikh tseshplitert in ekhos.
Der shteyn hot zikh tsekrishlt tsuzamen mit mayne letste *makhshoves.
Un demolt hot zikh antplekt a geshtalt - zikh antplekt tsvishn di hoykhe tseshundene beryozes, vi a beryoze farvandlt in a mentshn.
tsu ersht hobn zikh bashafn shvartsaplen - zaltsiker burshtin, okersht fun *yam aroys.
A vayle shpeter - a tseplosheter kop in a kroyn fun derner.
Arum haldz a shlang.
Arum layb di kleyder - tseflikt, tsedriblt in zikh hoydendike tsoytn. tsvishn zey - dos antbloyzte layb, in mon-royte plyames.
- Hey, ver bistu, di *kale fun zumpkinig?
Di shlang arum haldz hot geshoklt mitn kepele oyf neyn.
Di geshtalt hot zikh dernentert.
Un plutsem - fun ir linker hant finklt a ringele, dos ringele mitn tropn blut fun rubin.

... Fun demolt on, ven in *kholem, vu klangen geyen arum vi mentshn, antplekt zikh mir a lid, an oysgebenkt lid vos kh'hob lib, nor baym oyfvakhn vert dos lid *nelm, vi di tayere meydl in yene zumpn, - nem ikh zetsn mit a shteyn fun verter zikh in hartsn arayn, zetsn azoy lang, biz der shteyn tsekrishlt zikh, biz ikh fal mitn letstn otem oyf dr'erd. In aza minut, treft es, kumt tsu mir in der virklekhkayt dos farshvundene lid, naket un tseblutikt, nor mit a goldn ringele fun libshaft - un es shmeykhlt durkh trern.

[9]  Tsum ondenk fun a peltsl
tsurik griner akvaryum