hintern goldenem shleyer

griner akvaryum 11:  Hintern goldenem shleyer

Di zun, in grine flekn, a hengendiker zump, hot zet oys, bashlosn keyn mol nit untergeyn.
Farfroyrn in mitn gang zenen di trit fun blishtshendikn friling. Zayn otem in valds tifenish - a naser shpigl.
Baym rand fun vald - tsvey geyer.
Yoakhim, der shmid fun zosle, - foroys. Arum peltsl a shtrik, oyf zayn pleytse di shtekh fun a geler late, vos do in vald iz zi farshvundn. Un oyfn aksl trogt er a hak. Di hak - a blanker skelet fun a volf, mitn kop dem platshikn ahinter. A volf aza, vos hot aleyn zikh tserisn...
Der tsveyter geyer bin ikh. A zeg, a batseynerter pantser, bashitst mayne ripn, Yoakhim hot dos azoy mikh oysgelernt ontsuton di zeg. "s'iz hantiker un men lakht fun koyln."

Glaykh yeger baym oysshmekn a *khaye, loyern mir beyde oyf undzer *korbn, der *korbn badarf zayn a boym. Aza boym, vos me ruft "sukhostoi", vos zayn kore tsefalt vi glider fun a *metsoyre, di shtolene vortslen hobn zikh farvandelt in odern ash, un dos nakete tseshpoltene layb iz hel-blo vi brenendiker spirt -
Mir loyern oyf a trukenem boym, zayn holts zol flakern mit der ershter shvebele.
Der farblondzheter oks in vald, mit vemes blut s'hot Yoakhim geloshn zayn hak - frirt shoyn eynike *mes-les bay undzer erdshtibl un nito keyn laytish holts far a *batamtn moltsayt.
Der toyter oks ligt in shney, oyf a zayt, un zayn karshike fel iz halb opgeshundn, fun haldz bizn dikn boykh - nit vayter. S'kumt oys: er ligt in a vays bet unter a zaydener koldre...
- Hey!
- Vos iz geshen, Yoakhim?
- Sha. Antkegn a "sukhostoi"...
- Dayn fantazye! -
Neyn, bruderke, aza boym derkent men bay nakht. Arum im, zest, - a goldener shleyer.
Mir kumen tsu nenter un Yoakhim hot getrofn: a diker, alter, knokhik-tsefoylter demb, on layb un on lebn.
- Er vet klekn optsubrotn a stade oksn, trukn vi pekh, - zetst Yoakhim di hak in boym arayn.
Ikh batrakht dem *korbn nokh a mol un di zeg flit arunter fun guf mit tsvey shtolene fligl.
- Yoakhim, der boym iz ayngehilt in roykh, es trern mir di oygn.
- A tuman iz bay im roykh! vesnetsayt vandern di tumanen vi mentshn, un zeyere mide fis ruen op oyf di beymer. Di zeg, lomir fidlen!
Un di zeg bayst ayn di tseyner inem demb un der shney untn vert bazipt mit purpurnem zegmel.
- Yoakhim, a tuman zol zayn biter? A harts - nu, ye, ober nit keyn tuman... Yoakhim visht mitn arbl di oygn un di zeg blaybt shteyn in boym vi a shif tsvishn kries.
Mir tretn op etlekhe shpanen fun demb un vashn oys mit shney di farbiterte oygn.
- Yoakhim, vos zogstu atsind? vesnetsayt vandern di tumanen vi mentshn...
Der shmid fun zosle halt zikh baym zaynikn:
- Bitere tumanen. Lomir zegn vayter!
Mir zegn, zegn un do, nit tsu gleybn, fun toytn boym - a lebediker *nign.

Un a yid antplekt zikh, unter hengendiker kore, in a *tales, un er shmeykhlt mit der zelber galiker grinkayt vi di zun vos vil nit untergeyn:
- In ot dem boym lebn mir shoyn a tsvantsik *khadoshim. Ye, mayne yidn, mayn vayb un ikh. Untn, in a fuksnheyl bakt zi bulbes un ikh, oybn zog *thilim. A dank dir, gotenyu, vos ikh bin nit ayngeshlofn, a *nes, a *nes. volt ikh nit gezogt *thilim volt ikh dokh ayngeshlofn un di zeg ayere volt mikh demolt tseshnitn.

[12]  A *levaye in regn
tsurik griner akvaryum