Bomke

griner akvaryum 14:  Bomke

Az Bomke, nokh a yor fintsternish, hot in der bafrayter shtot zikh aroysgehoybn fun di kanaln, hot er dermont on a birger fun Pompey, vos di lave hot im bagosn mit tseshmoltsene dimentn.
zayne dine, durkhzeevdike fis, lebedike teyln fun a toyter shpin, zenen shteyn geblibn in a shmol gesl - a shvartser *orn.
Di zun iz im bafaln vi a heysherik.
Moyern fun beyde zaytn gesl - shpiltsayg fun der kindhayt.
Roz un roz in a velt fun rozkayt.
s'hot im ver a tsi geton baym aksl. A drey dem kop - a mayzele.
- Akh, dos bistu, farbenkt zikh nokh Bomken? vayzt oys, nit faran keyner, vos zol dir zingen in kanal a *zemerl? Nu, mir veln blaybn gute fraynd oykh do. Ze nor vi roz di moyern! Fun vanen aza rozkayt?...
Un Bomke tsertlt zi, di groinke, oyf zayn aksl. Dermont zikh, az a mol flegt er azoy haluben zayn Blimelen.
Baym klang Blimele farshvindt di rozkayt. Di moyern - nit keyn shpiltsayg nor leymene skeletn. Iber zey shvebt a volkndl - a *malekh mit farsazhete fligl.
- Bomke - tsupt im dos mayzele - un vos vayter?
zayn *zikorn - a shteg tsvishn zangen. Di zangen shnaydt men, un mitn oysshnaydn - nito der shteg.
- Bomke, bist a mayzele vi ikh, nit far dayntvegn di bafrayte shtot. vu iz di *nekome?
Der *malekh mit di farsazhete fligl trogt avek dos gesl - dem shvartsn *orn.
Antkegn, vi di korete fun a taykh an oysgetrikntn, mitn zamdikn zilber fun toyte fish, antplekt zikh far im a *megushemdik breyte gas on a lebedik hoyz bay di kantn, un iber ir marshirn di naye soldatn mit an orkester, vos derlangt aza meshene muzik, vi dunern voltn tantsn oyf a *khasene.
ven der orkester in eynem mit di soldatn vert *nelm, blaybn nokh zayne klangen - shtoybzayln fun tsehaktn shteynkoyl.
Borvese yinglekh, mit kurtse, farreykherte bikslekh in hant, firn tsvishn di zayln a gebundenem parshoyn.
- ver iz der *bar-mazl? - shtelt Bomke op a derbayikn.
- A foygl mit keshenes. Der frierdiker *talyen fun shtot. Me firt im hengen.
- Azoy, der *talyen, mayn *talyen?
Un Bomke nemt yogn ibern bruk un yogt on dem "foygl mit keshenes".
Nor eyner vos firt dem gebundenem, a yingl in a barashkener papakhe, mit a *ponim in grine zumer-shprinklekh, vi di zun volt im baloykhtn durkh a nets, shtelt on zayn biksl antkegn Bomken.
- Birger, vuhin?
- Zen dem *talyen.
- Do - nit. In Bernardiner gortn... [B: gortn.]
Der *zikorn, a moler, misht in Bomken zayne farbn. Er misht zey oyf der palitre vi *neshomes. Un mit a langn blits tunkt er in zey un molt, molt:

... A martsove [O: mertsove.] nakht. Baym poyer in der khalupe, vu er mit Blimelen bahaltn zikh, shlogt aroys a pozhar. Kets yomern in *meshugener ziskayt. Mitn kind in buzem vi a kengur, shpringt Bomke funem boydem in a bergl shney. Zeyere kvekzilberne shotns viln onyogn a tsveyte velt. Di tsveyte velt iz oyfn ander breg taykh. Nor hayntike nakht iz *balebos der tayvl. Der ayzdek funem heymishn taykh - platst. Platst fun gelekhter. vi oksn baym dershmekn blut reven zayne kries; un iber zey - Bomke un Blimele. Di trit gemostn un gevoygn vi *oytsres. A kriele tseveynt zikh mit a kindish geveyn. Nor tayvl tsu danken! - ariber, ariber!

zeyer shotn oyfn breg - ver hot opgeton a *kishef mit zeyer shotn? A shotn mit pyavkene oygn, a shotn mit a lempl!
... Arum a karshnboym vi a lyustre - tsvey *tlies. Der, vos me firt im itst a gebundenem, hengt tsu ersht Blimelen. vi a friling-blimele tsaplt zi in der *yontevdiker blokayt. [B: bloykayt.] Un iber ir - shvalbn. tsvitsherdike shvalbn.
ven er hengt Bomken - rayst zikh op di shtrik, un a golmeser falt aroys fun zayn keshene.
- vi azoy hostu bahaltn dem golmeser? - fregt der *talyen.
- s'iz mayn geheymenish.
- Banutsn konstu im?
- ye...
- Blaybst lebn. Ikh badarf a goler.
Un ot zeyft er im di morde, dem *talyen, un firt mitn golmeser. ven es kumt tsum gonerdikn haldz, tut zayn hant a tsiter.
- Dir glust zikh ibershnaydn, ha?
- Ikh leykn nit.
- Iz vos? *Moyre, host *moyre?
- Neyn, aza *nekome iz keyn *nekome nit, s'iz a tsu kleyne.
Un vayter, vayter golt er dem *talyen, biz eyn mol, ven yener hulyet oyf a bal, gerot Bomken tsu antrinen in "Geheymshtot".

  *
In Bernardiner gortn, tsvishn akatsyes, kvenklt zikh Bomke. Bay a klyon, mit a shtrik oyf di tsvaygn - der *farmishpeter *talyen.
- Bomke - fregt im dos mayzele - vos hostu demolt gemeynt: "Aza *nekome iz keyn *nekome nit, s'iz a tsu kleyne"?
- kh'hob gemeynt... ikh hob demolt gemeynt...
tsum tayvl! Er kon nit entfern.
Nor bald - a modner aynfal, a gedank vi a falndiker shtern: Er vet tsuloyfn tsum yingl in der barashkener papakhe, dertseyln im zayn *shaykhes mitn *talyen, un zol er im atsind derloybn, mitn zelbikn golmeser, nokh a mol dem *talyen arumgoln. Un lomir hern itster dem zigerishn *kol:
- Dir glust zikh ibershnaydn, ha?

Nor ven Bomke hot ibergelebt di *nekome in gedank, hot zikh tselakht dos mayzele.
Un bald iz er avek fun Bernardiner gortn, avek tsum hoyz vu Blimele iz geboyrn, un eyn shtarkn kush geton zayn tsefalenem roytn leym.

[15]  Honik fun a vilder bin
tsurik griner akvaryum