iber a hitl

a *mayse *lekoved *Peysekh, dertseylt fun a *Kasrilevker yidn, vos handlt mit obryezkes, un roykhert dine papireslekh, un iberdertseylt take mit zayn *loshn.

geshribn in yor 1913

- alts heyst bay aykh tsetrogn?
ot iz bay undz in *Kasrilevke, heyst es, faran, ir horkht tsi neyn, a yid a tsetrogener, *Sholem-Shakhne heyst er, nor rufn ruft men im "*Sholem-Shakhne drey zikh", take iber zayn tsetrognkayt, - iz dos a tsetrogene *brie, iz dos a tsetrogener *malekh, zol zikh der oybershter *shoymer umerakhem zayn!
vey-vey, vos me dertseylt zikh on bay undz vegn dem *Sholem-Shakhnen *mayses mit anekdotn - pek, zog ikh aykh, gantse pek!
an *aveyre, vos ir khapt zikh, s'iz *erev-Peysekh.
vayter volt ikh aykh, pani *Sholem-Aleykhem, gegebn shtof, ir horkht tsi neyn, volt ir gehat dernokh tsu shraybn un tsu shraybn.
eyn *mayse, oyb ir vilt, kon ikh aykh dertseyln, vos mit dem *Sholem-Shakhne hot zikh farlofn *erev-Peysekh;
s'iz a *mayse mit a hitl, un nisht keyn oysgetrakhte *mayse, nor an *emese, a rayele *mayse, khotsh zen zet zi oys vi an anekdot.
azoy hot ongehoybn a *Kasrilevker yid a *soykher, vos handlt mit "obryezkes" (shtiklekh papir), glet zikh dos berdl arunter, in haldz arayn, un roykhert dine papireslekh, a papiresl nokh a papiresl.
ikh muz *moyde zayn ober, az di rayele *mayse, vos der doziker *Kasrilevker yid hot mir dertseylt, khapt take dem opblik fun an anekdot, un ikh hob mikh deriber lang geshlogn mit der *deye, tsi ikh zol zi aykh ibergebn, tsi neyn?
nor tsurik hob ikh mikh batrakht:
a *Kasrilevker yid a *soykher, vos handlt mit obryezkes, iz nit *shayekh tsu literatur un ker zikh *klal nisht on mit keyn *sforim, *lokheyn, az er zogt s'iz rayel, iz er bagloybt;
un ikh gib aykh iber di dozike *mayse mit zayn *loshn *gufe, nisht tsugeleygt mayns a vort *afile.

* * *
- aleyn iz er, ot der *Sholem-Shakhne heyst es, vos ikh dertseyl aykh, az me ruft im bay undz in *Kasrilevke "*Sholem-Shakhne drey zikh", a yid a mekler, ir horkht tsi neyn, vos dreyt zikh arum *pritsim, meklert zey imenyes!
imenyes! molt aykh, es redt zikh gor azoy imenyes.
keyn *sakh imenyes hot men epes nisht gehorkht, az *Sholem-Shakhne zol aroysmeklern.
vos iz *shayekh?
gornisht.
a yid raybt zikh arum *pritsim, vos hobn imenyes, redt er ale mol fun "folvarkes", fun "levades", "budinkes", "tshornozyom", "dreshmashinen", "remonentn", "velder", "gehilts", un nokh azelkhe zakhn, vos hobn a *shaykhes tsu imenyes.
hot zikh got arumgekukt oyf undzer *Sholem-Shakhnen, ir horkht tsi neyn, - dos ershte mol zint er iz a mekler fun imenyes, s'iz im opgerotn, er hot oysgemeklert a imenye!
dos heyst, oysmeklern, molt aykh, hobn oysgemeklert andere;
vorem az s'iz gekumen tsum teyln zikh mitn *rakha"sh, lozt zikh oys *mistome, az der gantser dreyer iz do geven nit *Sholem-Shakhne drey zikh, nor Drabkin, a yid a mekler fun imenyes fun Minsker gubernye, a groyser, a *moyrediker dreyer, er mit zayne brider, oykh meklers fun imenyes un oykh dreyers.
iz dokh gevorn, ir horkht tsi neyn, a *vaytsaku: "staytsh, a yid dreyt un dreyt, koym oysgedreyt, kumt men tsu geyn un me makht im far oys dreyer!"
*hakitser, *Sholem-Shakhne, ir horkht tsi neyn, shvaygt nit.
un es hot zikh ongehoybn a tuml, a lodenish, a *din-toyre, zikh farlozt oyf mentshn, - koym oysgeglaykht un ayngeteylt zikh - *borekh shepotrani!
bakumen di etlekhe groshns, hot undzer *Sholem-Shakhne, ir horkht tsi neyn, avekgeshikt aheym dem vayb di greste helft *mistome - zi zol zikh a bisl arumtsoln di parkhes, a bisl aroystraybn dem *kabtsn, arumneyen oyf *yom-tev di kinder, araynfirn dem *peysekh, un aleyn iz men dokh epes oykh a shtikl mentsh, vilt zikh epes koyfn far zikh un brengen oyf *yom-tev a *matone dem vayb, di kinder, vi der shteyger fun der velt.
dervayl di tsayt shteyt nit, a tog un a tog, ot-ot, okorsht vi me zet nit, iz *Peysekh, flit *Sholem-Shakhne avek, ir horkht tsi neyn, oyfn telegraf un klap avek aheym a depesh: "yedau bezpremenno pasku domoy. -
er fort, heyst es, un vet gor on a *shum *terets zayn oyf *yom-tev aheym.
nor s'iz gring tsu zogn "yedau", un nokh "bezpremenno" dertsu, az se "yedet" zikh.
pruvt okorsht, zayt *moykhl, gebn a for-aroys oyf a tsikavest tsu undz, keyn *Kasrilevke heyst es, mit der nayer ban, vos me hot undz a *toyve geton un tsugefirt, vet ir filn a *tam gan-eydn!
ir vet shoyn farzogn kinds-kinder!
vorem biz ir kumt keyn zlodyevke, veyst ir nokh, az ir fort, un az ir kumt keyn zlodyevke, hot ir a "peresadke", dos heyst, ir darft zikh iberzetsn oyf der nayer ban, vos me hot undz a *toyve geton un tsugefirt keyn *Kasrilevke, badarft ir *koydem blaybn shteyn oyf etlekhe *sho loyt der "rospisanye", oyb me farshpetikt nit, un ven?
akurat nokh halbe nakht, ven s'iz gut mlose oyfn hartsn un es vilt zikh gut shlofn, un s'iz nishto *afile vu dem kop tsutsushparn - nisht umzist zogn undzere *Kasrilevker *khakhomim un fartaytshn, vi ayer *Tevye taytsht: טובֿ שם משמן טובֿ - svami dobre, a bez vas lutshe". der *pshat iz: az on der ban iz geven a *sakh beser, vi mit der ban.
*bekitser, gekumen mitn tshemodandl keyn zlodyevke, hot undzer *Sholem-Shakhne, ir horkht tsi neyn, vos iz shoyn frier tsvey nekht nisht geshlofn, zikh tsugegreyt laydn *khibet-hakeyver, dos heyst, opvartn a nakht - vos zol me tun? - un genumen zukhn an ort oyf tsutsuzetsn zikh. ver? vos? - nishto!
ongeroykhert, ongeshpign, fintster, *khoyshekh.
eyn shtikl ort hot er koym gefunen oyf a bank dem kop ontsushparn, ober take mer nisht vi dem kop ontsushparn, vorem *kimat di gantse bank hot farnumen epes a *porets a "knepl", vos hot zikh tseleygt gants breytlekh un poft.
ver dos knepl iz, fun vanen un vuhin er fort - dos veyst er nit, *Sholem-Shakhne heyst es.
nor zen zet er, az dos badarf zayn a groys knepl.
ober gor a groys knepl!
nokhn hitl hot er aroysgezen.
a "voyene" hitl mit a roytn okoleshok un mit a kokarde.
"*efsher iz dos a "voyener", un *efsher a "politsaysker" - ver kon es visn?
gevis iz er gekumen tsu forn mit a glok, opgegesn un ongezhlyoket, zikh tseleygt vi baym tatn in vayngortn un poft!
"tsu zayn a *goy un nokh a knepl dertsu iz, *a ponim, take gor nisht shlekht?" - azoy trakht er zikh, *Sholem-Shakhne heyst es, un shlogt zikh mit der *deye:
tsi zol er zikh zetsn ot do, nebn dozikn knepl, tsi zol er zikh beser haltn fun der vaytn?
a *kashe oyf a *mayse, hayntike tsaytn - *mi yodeye, vos far a knepl, vos far an *odn befokdekho dos iz?
gut, ven s'iz nor a pristav.
vos vet ober zayn, az dos iz a ispravnik?
oder a zemski natshalnik?
oder gor a hekherer *porits?
oder *efsher iz dos gor Purishkevitsh, *yemakh shmoy vezikhroy melehazikhroy?...
loz er shoyn ibergeyn oyf andere hent! - un es vert im azh kalt, *Sholem-Shakhnen heyst es, fun aza gedank...
nor tsurik ober tut er zikh a kler, ir horkht tsi neyn: ver mir knepl?
vos mir Purishkevitsh?
tsolt er den nit far zayn bilet glaykh mit Purishkevitshn?
tsi iz dos take a *yoysher, az dos gantse bisl *oylem-haze zol araynfaln tsu eynem, un dem andern gornit?...
yener poft azoy geshmak, far vos zol er zikh nisht tsushparn khotsh oyf a vayle?
men iz dokh nisht mer vi a mentsh, tsvey nekht nit geshlofn!
nemt er, *Sholem-Shakhne heyst es, un zetst zikh avek oyf eyn ek bank un shpart on dem kop, nisht oyf tsu shlofn, *kholile, nor glat azoy, khapn a driml.
dermont er zikh ober, az er fort oyf *Peysekh aheym, un morgn iz shoyn *erev-Peysekh, *tomer, *kholile, vert er take antshlofn un farshpetikn dem poyezd?!...
iz men dokh ober a yid, ir horkht tsi neyn, falt er oyf an *eytse, *Sholem-Shakhne heyst es, un zukht oys dem storazh fun stantsye, a bakanter *goy, yareme heyst er, un makht op mit im aza gesheft:
*heyoys azoy vi er, *Sholem-Shakhne heyst es, vet zikh tsushparn a bisl ot do oyf an ek bank, vu der *odn ligt, un *heyoys azoy vi er, *Sholem-Shakhne heyst es, shoyn di drite nakht, az er hot keyn oyg nit tsugemakht, hot er *moyre, er zol, *kholile vekhas, nisht farshpetikt dem poyezd, *al keyn zol er, yareme heyst es, *leman hashem, *tomer shloft er, im oyfvekn, *Sholem-Shakhnen heyst es, vorem morgn oyf der nakht hobn mir *yom-tev, *Peysekh - "Paska", git er im tsu farshteyn oyf *goyesh un rukt im arayn in *yad arayn, un zogt tsu im nokh a mol: "Paska, yareme, tshi ti ponimayesh, *goyesher kop, nasha paska!" - nemt der *goy tsu *mistome, ir horkht tsi neyn, di *matbeye, leygt arayn in keshene un zogt im tsu, az er meg zayn ruik, vi bald nor s'vet zayn a povyestke oyfn poyezd, azoy vekt er im oyf.
un er nemt, *Sholem-Shakhne heyst es, un zetst zikh tsu, frier mit a zayt, dernokh in gantsn;
dos tshemodandl, me zol es nit *aveklakkhenen, mostet er ayn nebn zikh, un aleyn mostet er zikh oykh ayn, vos vayter alts beser un hekher, makht tsu a halb oyg, mit der *deye, geveyntlekh, er zol nor khapn a driml, nisht mer.
dernokh boygt er unter eyn fus, nokh a fus, - un iz ot azoy pavolinke antshlofn gevorn, ober vi azoy, meynt ir, antshlofn gevorn?
rayel! vi got hot gebotn: dem kop farvorfn, dos hitl hot zikh aropgerukt fun kop oyf der erd, un mayn *Sholem-Shakhne, ir horkht tsi neyn, khropet oyf vos di velt shteyt - a lebediker mentsh, tsvey nekht nit geshlofn, vos far a vunder?
antshlofn gevorn, - azoy dertseylt er aleyn, *Sholem-Shakhne heyst es, - *kholemt zikh im a modner *kholem, a gants farplontenish: az er fort, ir horkht tsi neyn, aheym take oyf *Peysekh, nor vos den?
nisht mit der ban, mit a *goyesher fur fort er, mit a bakantn *orl, Ivan zlodi ruft men dem *orl;
di ferdlekh shlepn zikh, koym-koym vos zey plonten di fis.
*Sholem-Shakhne iz in eyne *tsores, toret dem *orl fun hintn in pleytse: "shob tubi khvarobe, Ivanu serdtse, vi du shlepst zikh!
host fargesn, Ivan zlodi, az ot-ot hobn mir *Peysekh, Paska nasha yevreyska?"
eyn mol un tsvey mol un dray mol.
der *orl, farshteyt zikh, hot geshvign-geshvign, dernokh az er tut nit a shmays di ferdlekh, ober geshmak, ir horkht tsi neyn, un di ferdlekh tuen a trog dem vogn, vi di *rukhes, barg-arop, barg-aroyf, fi-fa-fau!
*Sholem-Shakhne hot azh dos hitl farloyrn;
nokh a minut - un er vert tseshotn.
"Ivanu serdtse, derzhi koni!" - halt di ferd, heyst es, - shrayt *Sholem-Shakhne tsum *orl un khapt zikh mit beyde hent baym kop un klogt zikh, az er hot farloyrn dos hitl.
vi kon er araynforn in shtot on a hitl?
nor shray haynt, shray morgn, - der *orl traybt di ferdlekh, un di ferdlekh trogn.
nor plutsem - tprrru! - men iz shteyn geblibn, un *davke in mitn feld, ir horkht tsi neyn, iz men shteyn geblibn.
vos iz geshen?
gornit.
shtey oyf - zogt tsu im der *orl - shtey oyf, shoyn tsayt".
vos tsayt? ver tsayt?
farshteyt nisht *Sholem-Shakhne.
khapt er zikh oyf, raybt zikh di oygn un vil zikh lozn geyn, filt er ober, az er iz on a hitl.
di *mashmoes, az der *kholem iz nit keyn *kholem;
vi-zhe kumt er aher?
es hot ober lang nisht gedoyert, *Sholem-Shakhne, ir horkht tsi neyn, iz gekumen tsu zikh, derkent dem *orl, az s'iz gornit Ivan zlodi, s'iz gor yareme der storazh!
dermont er zikh, az er iz in zlodyevke oyf der stantsye, un az er fort oyf *Peysekh aheym, un az er darf nokh loyfn tsu der kase nokh a bilet, nor vos den?
nishto keyn hitl.
dos tshemodandl iz do, un dos hitl nit!
vu kon zayn dos hitl?
er shart arum zikh mit di hent, shart un shart un tapt on a hitl, nit zayn hitl - ver? vos? - dem *odn befokdekhos hitl mitn roytn okoleshok un mit der kokarde, ir horkht tsi neyn, un pashol glaykh tsu der kase, nokh a bilet heyst es.
un bay der kase iz an engshaft, kop oyf kop!
hot er *moyre, *Sholem-Shakhne heyst es, *tomer, *kholile, koyft men oys ale biletn, shtupt er zikh mitn tshemodandl tsvishn *oylem.
derzen a roytn okoleshok mit a kokarde, tret men im op dem veg.
"vam kauda, vashe blagorodye?" - fregt bay im der kasir.
*khidesht zikh *Sholem-Shakhne: vos far a blagorodye in mitn derinen?
un a bisl fardrist es im:
*lemay zol a *goy lakhn fun a yidn?
zogt er im, *Sholem-Shakhne tsum kasir, heyst es, az keyn *Kasrilevke.
fregt im iber der kasir nokh a mol un kukt im glaykh oyfn okoleshok un oyf der kokarde:
"voser klas, vashe blagorodye?"
fardrist es im nokh mer, geveyntlekh, un es vilt zikh im opbodn dem kasir, ober take rayel, vi es geher tsu zayn, a *goy zol nit hobn keyn *teve optsulakhn fun a yidn.
nor tsurik iz er zikh *meyashev:
"a yid iz in *goles, ir horkht tsi neyn, et, loz mayns ibergeyn!"
un er heyst zikh gebn a bilet drite klas.
*khidesht zikh der kasir un fregt im iber nokh a mol, velkhe klas?
vert shoyn *mistome *Sholem-Shakhne rekht in *kas un zogt im *berokhl bitkho haktane: drite!
iz zikh *meyashev der kasir: drite, iz drite...
*hakitser, bakumen dem bilet, khapt er, *Sholem-Shakhne heyst es, dos tshemodandl un lozt zikh hendum-pendum in der same khushtshe, yidn un, *lehavdl, *goyim, zukht dem vagon drite klas.
der *oylem, derzen an okoleshok mit a kokarde, tsegeyt zikh *mistome mit *derekh-erets, makht dem *odn a veg.
*Sholem-Shakhne vundert zikh *afile, nor er geyt vayter un bagegnt fun vagon aroys a konduktor mit a lantern: "zdyes treti klas?" - fregt im *Sholem-Shakhne un shtelt shoyn avek a fus, shtupt dem tshemodan oyf tsu frier.
"zdyes, vashe blahorodye!" - entfert im der konduktor un lozt im nit geyn vayter. - "s'iz ongepakt, zogt er im, vashe blahorodye, ful vi an oyg, a nodl nisht durkhtsuvarfn!"
un er nemt avek bay *Sholem-Shakhnen dos tshemodandl, ir horkht tsi neyn, un zogt tsu im:
"kumt mit mir, vashe blahorodye, vel ikh aykh gebn an ort".
"vos far a shlak? - trakht er zikh, *Sholem-Shakhne, heyst es. - vashe blahorodye un vashe blahorodye!"
un zayn kop ligt im gor in tshemodandl, er hot *moyre, az fun dem "vashe blahorodye" zol er dervayl nisht blaybn, ir horkht tsi neyn, on a tshemodandl;
un er loyft nokh nokhn konduktor mitn lantern, un der konduktor mitn lantern firt im arayn in vagon tsveyte klas, nor der vagon tsveyte klas iz oykh ful gepakt, kop oyf kop, a nodl nisht durkhtsuvarfn.
"geyen mir vayter, vashe blahorodye!" - makht tsu im der konduktor, khapt dem tshemodandl vider a mol un lozt zikh geyn vayter, un *Sholem-Shakhne nokh im.
"vuhin firt er mikh?" - trakht zikh *Sholem-Shakhne un brekht zikh dem kop oyfn vashe blahorodye un lozt nit arop keyn oyg *beys mayse funem tshemodandl, - dos iz bay im bilkher.
un ot zenen zey shoyn in vagon ershte klas!
do shtelt avek der konduktor dos tshemodandl, nemt zikh podkozerok, tut zikh a neyg tsu *Sholem-Shakhnen, *Sholem-Shakhne tsu im, un er, *Sholem-Shakhne, heyst es, blaybt aleyn.
geblibn eyner aleyn iber a gantsn vagon, hoybt on *Sholem-Shakhne arumtsukukn zikh, ir horkht tsi neyn, vu er iz in der velt;
er farshteyt nit, far vos epes plutsem aza *koved: vagon ershte klas...
podkozerok...
vashe blahorodye!...
nit shoyn-zhe iz dos derfar, vos er hot durkhgeshlogn aza gesheft, gemakht a imemne?...
volt er dem *koved gehat fun eygene, fun yidn heyst es, volt nokh geven tsu farshteyn.
ober *goyim! der kasir!
der konduktor!
tsi iz dos nisht in gantsn a *kholem?...
un *Sholem-Shakhne, ir horkht tsi neyn, tut zikh a rayb dem shtern, khapt a kuk farbaygeyendik oyf zikh in shpigl - s'iz im *porkhe nishmose gevorn!
er hot derzen, ir horkht tsi neyn, dem *odn befokdekho!
er hot im derkent!
"vos s'hot zikh mir *gekholemt di nakht un yene nakht un a gants yor, zol oysgeyn tsu yaremes kop un tsu zayne hent un fis!
an *orl kon!
me zogt im on tsvantsik mol, un me batsolt im, er zol oyfvekn tsum poyezd mikh, *Sholem-Shakhnen, geyt er, a kholeyre im in *ponim, un vekt oyf dem *odn befokdekho, un *Sholem-Shakhnen lozt er lign oyf der bank!
a klog iz tsu dayn kop, *Sholem-Shakhne, vest shoyn, dakht zikh, *Peysekh haltn in zlodyevke hayntiks yor, nit in der heym!"...
un nisht lang getrakht, khapt er, *Sholem-Shakhne heyst es, dos tshemodandl, ir horkht tsi neyn, un - pauts fun vagon aroys tsurik oyfn vokzal, glaykh tsu der bank, vu *Sholem-Shakhne ligt, oyfvekn *Sholem-Shakhnen, vorem okersht vi me zet nit, kon der lokomotiv, *kholile, gebn a fayf un onfayfn *Sholem-Shakhnen in *Peysekh arayn!
un *kakh have: vi nor *Sholem-Shakhne iz aroysgeshprungen mitn tshemodandl fun vagon aroys, azoy hot zikh gelozt hern, ir horkht tsi neyn, a fayf un nokh a fayf un *holekh Moyshe-Mordkhe - a gutn tog mit der kapote!
- - - - - - - - - -
- vos vayter iz geven, vilt ir visn? - azoy hot der *Kasrilevker yid, vos handlt mit obryezkes, oysgelozt zayn *siper hamayse mit a shmeykhele un farroykhert a frish papiresl, din vi a shtroy. -
vos vayter iz geven, dos iz shoyn nit vazhne.
der *iker iz, vos undzer "*Sholem-Shakhne drey zikh" hot iber zayn tsetrognkayt gehat a vistn *Peysekh, oysgerisn gevorn beyde *sdorim ergets bay a yidn in zlodyevke.
nor der *Peysekh, vi der *Peysekh - der *nokh-Peysekh iz geven a *sakh erger:
ershtns, hot er, *Sholem-Shakhne heyst es, a vayb, ir horkht tsi neyn, - vi zol ikh aykh zi meldn?
ir hot a vayb, ikh hob a vayb, mir ale hobn vayber un veysn dem *tam, vos heyst a vayb...
ikh kon aykh nor zogn:
a rayele yidene *Sholem-Shakhnes vayb!
zi hot zikh a nem gegebn tsu im gants rayel.
zi hot tsu im nisht gehat keyn *taynes nit derfar, vos er iz nit gekumen oyf *yom-tev aheym, un nisht farn roytn okoleshok mit der kokarde - neyn!
dos alts iz zi im dervayl *moykhl;
derfar vet zi zikh shoyn mit im shpeter rekhenen; - a *tayne tsu im hot zi gehat nor far der depesh.
un nit azoy far der depesh, ir horkht tsi neyn, vi farn vort "bezpremenno".
velkhe gute yor hot im getrogn, er zol raykh makhn kazna: "bezpremenno yedau pasku domoy"?
un *bikhlal vi kon a lebediker mentsh zogn "bezpremenno"?...
es hot im nisht geholfn keyn *shum farentfern zikh mit keyn *shum gebn tsu farshteyn.
zi hot im bagrobn vifl s'iz in im arayn, un iz geven nit in gantsn umgerekht:
yene hot azoy aroysgekukt!
nor... gornisht.
deroyf iz zi a vayb, zi zol bagrobn a man.
s'iz ober altsding blote kegn dem, vos er, *Sholem-Shakhne heyst es, hot gehat fun der shtot, fun *Kasrilevke heyst es, vorem eyder *Sholem-Shakhne iz nokh gekumen dem tsveytn tog *khol-hamoyed aheym, hot shoyn di gantse shtot, ir horkht tsi neyn, gevust fun der *mayse mit yaremen un mitn *odn befokdekho un mitn roytn okoleshok un mit der kokarde un mitn konduktors vashe blahorodye - altsding! khotsh er aleyn, *Sholem-Shakhne heyst es, hot geleyknt shteyn un beyn, *getaynet, az dos hobn *leytsim oysgetrakht, *Kasrilevker *leytsim;
zey hobn nit vos tsu ton, es geyt zey op kopveytik, *a ponim?
farshpetikt hot er iber dem, zogt er, vos er iz opgeforn in a zayt onkukn a imenye mit a vald.
nor ver mir imenye?
vos mir vald?
a nekhtiker tog!
bay di zaytn hot men zikh gehaltn!
mit di finger hot men oyf im getayt!
andere hobn im gefregt: "vi hot ir zikh gefilt, *reb *Sholem-Shakhne, inem hitl mitn roytn okoleshok un mit der kokarde?"
andere hobn gevolt visn, tsi s'iz take azoy gut tsu forn ershte klas, vi di velt zogt?...
*kinder-kundeysim - di zenen im nokhgelofn a gantse khalyastre fun hintn, ir horkht tsi neyn, un geshrign: vashe blahorodye! vashe visoke blahorodye!!
vashe visoke-visoke blahorodye!!!"
ir shpilt zikh mit *Kasrilevke?