Mayses far yidishe kinder I-11: blumen

blumen

 tsen kleyne *mayselekh
geshribn in yor 1888

inhalt
 *A[lef] funem barg *sinay
 *B[eys] *koysl-mayrovi
 *G[iml] *Avreml
 *D[aled] der *oytser
 *H[ey] an *azes!
 *V[ov] ayngeteylt zikh
 *Z[ayen] tsvey *neshomelekh
 *kH[es] ikh shem zikh
 *T[es] ek velt
 *Y[ud] *malekh-hamoves

 *A[lef]
[funem *barg-sinay
bay undz in *Kasrilevke, fun yener zayt *bes-medresh, shteyt a barg, a hoykher barg, hoykh biz der khmare, bizn himl.
azoy hot es mir oysgevizn in yener tsayt, ven mir hobn gelernt in *kheyder, un gerufn hobn mir im "*barg-sinay".
in a sheynem zumer-tog gants fri, zaynen mir, *khevre, tsen *kheyder-yinglekh, nokh yunge kinder, gegangen, mit di heylike *sforim unter di orems un mit di onbaysns in di hent in *kheyder arayn.
di zun hot nor-vos ongehoybn aroystsugeyn "fun ir [f]uterfas" un hot tsugegosn ire milde gildene shtraln oyf dem shpits barg.
un der barg iz geven badekt mit toy, mit rose, un di rose hot geblishtshet, vi dimentn;
vi perl zaynen gehangen di tropn.
reyn, *mekhaye reyn, iz geven di luft, azoy reyn, vi ir kont zikh nisht forshteln.
iberrasht, *farkisheft zaynen mir geven mitn dozikn getlekhn oyszikht funem dozikn getlekhn frimorgn.
- veyst ir vos, *khevre? - hot zikh eyner fun undz ongerufn. - veyst ir vos, *khevre?
lomir gor aroyfgeyn oyfn barg *sinay!
- veyst ir gor vos, kinder? - hot zikh ongerufn nokh eyner. - lomir take aroyfkrikhn oyfn barg *sinay.
mir zaynen oyf im nokh keyn mol nit gevezn!
un mir hobn zikh ale genumen drapen aroyf oyfn barg *sinay;
oyf ale fir, oyf di hent mit di fis, zaynen mir ale mit *kheyshek gekrokhn oyfn barg *sinay.
un az mir zaynen gekumen oyfn shpits-barg un hobn a kuk geton arop, arop oyf der erd, zaynen mir fartsitert gevorn.
azoy hoykh zaynen mir gevezn fun der erd, azoy kleyn hot undz oysgezen di erd.
- vu zaynen mir, kinder, vu zaynen mir?
- vu zaynen mir, zogstu? unter der khmare.
- unter der khmare, zogstu? hekher fun der khmare!
- hekher, hekher, - untern himl!
- ir zet dem *bes-medresh, kinder? dem *bes-medresh zet ir?
- yo, koym-koym, vi a kleyn shtibele di groys.
- vi a shtibele, zogstu? vi a tishl di groys. vi a benkele.
- vi a benkele, zogstu? vi di *gmore di groys, vi mayn *sider.
- vi dayn *siderl, zogstu? vi an ey, vi a velshn nisl.
- vi a nisl, zogstu? vi a fasolye, vi an arbesl.
- vi an arbesl? vi a mondl, vi a milb, vi a... a... a...
un s'iz bay undz ale geblibn der *heskem.
mir zoln zikh oystsien oybn, oyfn barg, mit di *penimer aroyf.
ikh hob zikh shtark ayngekukt inem bloyen himl, un mayne oygn hobn dem himl tsu zikh tsugetsoygn, alts neenter un neenter, azoy lang, biz ikh hob im tsu zikh tsugetsoygn noent, gants noent.
azoy noent, az ikh hob di hant oysgetsoygn un hob mit mayne finger zikh tsugerirt tsum himl, tsum kaltn himl, zikh tsugerirt, ongenumen, ongetapt, gehaltn, gehaltn, gehaltn...
nit nor di oygn aleyn zaynen geven in himl;
mayn *neshome, mayn harts, mayn *guf, mayn gantser "ikh" - ikh bin in gantsn, in gantsn geven dort, oybn in himl.
ikh bin geven in himl un hob gezen *malokhim.
mit di vayse breyte fliglen zaynen di *malokhim geshvumen untern breytn bloyen himl;
zey hobn zikh gevigt un gevigt, geshvebt un geshvebt - un geshtanen oyf eyn ort.
fun zeyer vign zikh un fun zeyer shvebn zaynen gegangen zise zeltene *koyles;
se hot gezungen un gezungen, azoy shtil gezungen, azoy sheyn gezungen, azoy zis gezungen, vi di *koyhanim mit di *leviim, vi der "orgl" in *beys-hamikdesh, bay yidn fartsaytns, vi se shteyt bay undz in heylike *sforim geshribn.
un a gring, kil vintele iz farbay mir durkhgelofn, un hot mikh etvos, koym-koym, ongerirt in shtern.
un a tayerer *reyekh funem *gan-eydn, iz farbay mir durkhgegangen, un mayne oygn hobn zikh tsugemakht, tsugemakht...
- in *kheyder arayn, *shkotsim, *akhberoyshim, hultayes!
in *kheyder arayn, *yemakh-shmoynikes!
hart, shibenikes, ikh vel aykh shoyn tsushteln, leydakes, a benkele tsum *rebn!
in *kheyder arayn, pustepasnikes, *kol-boynikes, in *kheyder arayn!
dos iz geven der *shames fun *bes-medresh, *reb *yekusiel der *shames, a beyzer yid mit a tsepletster noz un mit a shtendikn lulke-tsibek in di tseyn.
un mir zaynen mit a mol aropgefaln funem himl oyf der erd.

 *B[eys]
*koysl-mayrovi
(di ibergeblibene vant funem *beys-hamikdesh)
- dertseylt zhe mir, ikh bet aykh, akurat.
hot ir heyst dos aleyn gezen mit ayere eygene oygn di "*koysl-mayrovi"?
azoy, heyst dos?
hot ir zi gut gezen?
dertseylt zhe mir, vi azoy, un vos, un ven?...
azoy hot mayn *rebe zikh ongerufn tsu a yidn, vos iz nor vos gekumen tsurik fun *erets-yisroel, fun *yerusholayim.
- zogt-zhe mir, ikh bet aykh, molt mir oys akurat, vi azoy un vu, un vos, un ven?
der *yerusholayim-yid hot im oysgemoln akurat, vi azoy, un vu, un vos, un ven, un mayn *rebe hot geshlungen di verter, ongekvelt, gevorn breyter vi lenger, vi a mentsh, vos nemt op a grus fun a noentn mentshn in a vayter *medine.
der *rebe hot zikh azoy shtark ayngekukt inem *yerusholayim-yid, az er hot gornit bamerkt, vi mir, *khevre, hobn zikh eyntsikvayz aroysgerukt funem tish, un hobn zikh aroysgeganvet in droysn aroys, un hobn gekhapt a glitsh oyfn ayz.
az mir zaynen gekumen tsurik in *kheyder arayn, hobn mir nokh getrofn zey zitsn.
- *koysl-mayrovi! - hot der *rebe gezogt tsum *yerusholayim-yid. - *koysl-mayrovi!
ot dos iz undz farblibn fun undzer gantsn *beys-hamikdesh, fun undzer gantser *melukhe! *koysl-mayrovi! *koysl-mayrovi!...
un der *rebe hot zikh tseveynt.

 *G[iml]
*Avreml
az ikh hob zikh mit zey bagegnt, zaynen zey beyde tsuzamen alt geven *kimat tsvey hundert yor.
- *Avreml! mir hobn a gast.
- ver iz?
un dos porfolk fun tsvey hundert yor hobn mikh oyfgenumen mit freyd, mit fargenign.
un ikh hob baym porfolk fun tsvey hundert yor farbrakht di tsayt mit freyd, mit fargenign.
beyde niderike, vayse, vi gefalener shney, on tseyn, ayngeboygene, nor freylekhe, tsikhtike, lebedike, vayzn oys vi bruder un shvester, nit vi man un vayb.
- ikh gedenk nokh ayer zeydn, ayer elter-zeydn;
geven a voyler yid, gor a voyler, nit azoy vi hayntike yidn - neyn, ober take gor neyn!
mir hobn zikh bakent mit im, *a ponim, - vu hobn mir zikh bakent mit ayer elter-zeydn?...
er shamket mit di lipn un dertseylt mir ale *mayses fun amolike yorn, un dermont er zikh on yene yorn, vert er vi munterer, frisher, yinger.
- her nor, serdtse! - zogt der altitshker. - gedenkst nit,
*neshome-mayne, vi azoy hot geheysn der *porits, vos zayn elter-elter-zeyde hot im gehaltn di arende? ha, serdtse?
- pan Przheshrzhanski, - zogt zi - *Avreml, Przheshrzhanski hot er geheysn.
- yo, bist gerekht, serdtse, bist gerekht: pan Przheshrzhanski hot er geheysn.
un zey fayfn oys modne dem dozikn nomen mit der tsung.
- dos hot badarft zayn, serdtse, nit zeyer lang, ayo? vi meynstu, serdtse?
- nisht lang, *Avremele, nisht lang;
a yor... a yor zekhtsik oder zibetsik;
nisht mer, nisht mer vi a yor zibetsik, - entfert im di altitshke.
un der alter yungermantshik dertseylt mir alerley *mayses, anekdotn, biz shpet-shpet in der nakht arayn.
- kum shoyn, *Avremenyu, kum shoyn shlofn!
un di altitshke nemt dem altn un firt im op far a hant shlofn, vi me firt op a kleyn kind, un in etlekhe minut arum kumt zi arayn tsu mir shoyn aleyn, a bisl oysgeton, mit a vaysn ongekrokhmeltn shleyer oyfn kop un mit etlekhe shpilkes in moyl.
zi zetst zikh tsu tsu mir a bisl *shmuesn un mir *shmuesn vider a hipshe vayle, un mir konen zikh gor zat nit onredn;
dos heyst, nit ikh red - zi redt, di altitshke redt, un ikh her zi oys.
- ir kont zikh gornit forshteln - zogt zi tsu mir, ongeshpart oyf di oysgetriknte elnboygns - ir kont zikh gornit forshteln, vi shvakh mayn *Avreml heybt on tsu vern di letste tsayt.
an iberike halbe *sho loz er zitsn bay der nakht, vert er mid un muz geyn shlofn.
nor *lemay zol ikh zindikn?
a dank got derfar.
keyn *sakh *Avremlen, vi mayn *Avreml, iz nito.
ikh hob nokh fun im keyn eyntsik mol, *kholile, keyn *umkoved nisht gehat.
keyn krum vort nit gehorkht, fun der ershter *sho nokh der *khupe biz hayntikn tog tsu hundert un tsvantsik yor.
*lemay zol ikh zogn?
ikh hob tsu im gornit.
ikh hob tsu im gornit, un mir lebn zikh *borekh hashem, tsu fridn, vi got hot gebotn, un tsum oybershtn keyn *taynes hobn mir oykh nit.
er firt undz oys fun *kame yorn, un mir darfn *kholile, tsu laytn nit onkumen, un keyn fremds hobn mir nokh keyn mol nit farnumen, geloybt iz got *borekh-hu...
- nu, un ayere kinder?
- mayne kinder?... ekh-ekh-ekh!
got *borekh-hu hot mikh geshtroft, oysgeshtorbn ale kinder...
eyniklekh hobn mir, geloybt der oybershter, ur-eyniklekh un ur-ur-eyniklekh, keyn *ayn-hore nit...
nor keyn kinder nishto; ale oysgeshtorbn.
di altitshke hot zikh fartrakht.
in a minut arum ruft zi zikh on tsu mir:
- vos zogt ir epes oyf im?
- oyf vemen?
- oyf mayn *Avremlen.
ikh hob nisht gekont farshteyn, vos zi meynt dermit, hob ikh nor a shmeykhl geton un hob ibergetrogn undzer *shmues oyf an ander *inyen.
mir hobn nokh lang - lang farbrakht.
mir hobn geredt vegn alerley zakhn un vegn farsheydene laytn;
nor mer un ofter fun ale hot zikh gedreyt bay ir oyf der tsung *Avreml, ir *Avreml.
*Avreml iz geven a bayshpil oyf yedn oyfn, a farglaykhn tsu yedn mentshn. *Avreml! *Avreml! *Avreml!
es hot zikh mir oysgedakht, az se zitst akegn mir a vaybl, a yung vaybl, nit keyn alte yidene fun *korev tsu hundert yor.
ikh volt a *baln zayn visn, vu iz atsind dos dozike porl?...

 *D[aled]
der *oytser
oyf yener zayt barg, hintern altn *bes-medresh, gefint zikh an *oytser.
azoy hot men *geshmuest bay undz in shtetl.
nor kumen tsum *oytser iz nit azoy gring.
az ale yidn in shtetl veln lebn *besholem, un veln zikh nemen ale im zukhn, demolt vet men im gefinen.
azoy hot men *geshmuest bay undz in shtetl.
un az ale yidn veln lebn tsu fridn, es vet nit zayn keyn *kine bay yidn, keyn *sine, keyn krig, keyn *loshn-hore, keyn *rekhiles, un me vet zikh nemen ale, vet men opzukhn dem *oytser, un az nit - vet er arayn tif-tif in der erd arayn...
azoy hot men *geshmuest bay undz in shtetl, un me hot ongehoybn zikh tsu shparn un ibershparn, tsu ampern zikh un tsu vertlen zikh, tsu zidlen un tsu krign zikh, vos vayter alts mer, alts shtarker, un alts ibern *oytser.
der hot gezogt: er darf zayn do, der hot gezogt: dortn, - un men hot nit oyfgehert zikh tsu shparn un ibershparn, tsu ampern zikh un tsu vertlen zikh, tsu zidlen un tsu krign zikh, vos vayter alts merer, alts shtarker, un alts ibern *oytser - un der *oytser - un der *oytser... hot gezunken alts tifer un tifer in der erd arayn.

 *H[ey]
an *azes!
oyf der erd iz er gezesn, oyf der erd, bay der tir fun der shul, er iz gezesn un hot gerekhnt di groshns, getseylt di *prutes - di *prutes, vos er hot durkhn tog gemakht, tsunoyfgeklibn.
tsvey mol in vokh, montik un donershtik, geyt er iber di  hayzer.
*prutes nemt der oremer oreman bay di raykhe oremelayt. di tsvey teg zaynen zayne.
vi likhtik shaynt di zun, vi varem zaynen ire shtraln!
eyn hant halt er in buzem, un in der anderer halt er di groshns, di *prutes.
er varft zey un klingt mit zey:
er tseylt zey un rekhnt zey.
plutsem...
ver fort dos in der doziker karete, zeks ferd geshpant?
a! dos iz der graf funem shtetl.
di ferd trogn di karete, un der shtoyb geyt nokh, vi tsvey volkns, bay di zaytn.
der shtoyb hot im a bisl farshotn di oygn mitn moyl un hot im oyf tsvey minut farshtelt di shayn fun der likhtiker zun.
- a bisl a *hoze!
an *azes fun a graf! - hot er a murke geton zikh in bord arayn, un hot zikh vider genumen tsu der arbet, rekhenen di groshns, tseyln di *prutes...

 *V[ov]
ayngeteylt zikh
haynt iz gevorn a mode: "*khevres", "*khadorim", "shkoles", "sanatorye".
a mol hobn mir derfun gornisht ongehoybn tsu visn.
geshtorbn an oreman un ibergelozt a tuts kinder *yesoymim - khotsh nem varf zey arayn in vaser arayn!
molt aykh, es redt zikh nor azoy;
es hot zikh nokh nisht gemakht, me zol nemen lebedike *nefashes un varfn zey in taykh arayn!
es redt zikh nor azoy...
azoy vi haynt gedenk ikh.
*Kasril der vaserfirer iz geshtorbn, un bald nokh im iz geshtorbn zayn vayb *Kasrilikhe, un s'iz geblibn fun zey a hipsh bisl kinder, on a tatn, on a mamen, on a vinkl, on a shtikl broyt - a gvald, a gvald, *khoyshekh iz gevorn in shtot, *khoyshekh tsvishn di oreme layt.
*rotskhim! *gazlonim! koylers!
vos shvaygt men?
vi lozt men dos azoy fil *nefashes oysgeyn fun hunger?
far vos tut men epes nit?
vu zaynen di *negidim undzere? di *gvirim?
di *negidim, di *gvirim zaynen geven farnumen mit zeyere gesheftn, un di oremelayt hobn nit oyfgehert tsu pildern un tsu lyaremen, azoy lang, biz s'iz gekumen oyf der nakht, hot men gemakht baym *rov an *asife, un s'iz geblibn, me zol zikh mit di kinder aynteyln.
ot do iz ersht gevorn der rekhter gepilder:
*balonim oyf aza groyse *mitsve zaynen geven a *sakh, un kinder - *sakh-hakl zibn.

 *Z[ayen]
- shoyn fartik bay dir dort altsding?
nem ot di tsvey un trog zey arop ahin, oyf der erd, un kum bald tsurik.
azoy hot got *borekh-hu gezogt tsum *malakh, onvayzndik im oyf tsvey zindike *neshomelekh.
un der *malakh hot genumen di tsvey zindike *neshomelekh unter di fligl un hot zikh aropgelozt mit zey oyf der erd.
un di nakht hot farshpreyt ire shvartse fligl oyf der erd, un s'iz geven fintster.
un a kalter vint, a shtarker vint, hot gedreyt un geblozn durkh di fentster, durkh der tir, durkh di vent fun a kleyn ayngehoykert shtibl.
inem kleyn ayngehoykert shtibl, oyf shtroy gebet, ligt oyf der erd an oysgetriknt vaybl.
dos vaybl ligt un katshet zikh.
zi katshet zikh - zi geyt tsu kind.
un a kalter vint, a shtarker vint hot gedreyt un geblozn un hot nit gekent durkhblozn di gemoyerte vent mit di hoykhe tirn un fentster fun a sheyn raykh hoyz.
inem sheynem raykhn hoyz, veykh gebet, gut gebet, mit atles un mit zayd, ligt a gezunte, a sheyne froy.
di gezunte sheyne froy ligt un katshet zikh.
zi katshet zikh - zi geyt tsu kind.
un der *malakh hot in der gikh aher arayngelozt di tsvey *neshomelekh.
- geyt, kinderlekh, - hot er tsu zey gezogt - geyt, briderlekh, kumt op a bisl oyf der velt!
un s'iz in der doziker nakht geborn gevorn tsvey yinglekh:
eyns oyf der erd, oyf shtroy, - oyf hunger, oyf *dakhkes,  oyf *tsores - a pikerl, an eserl, an iberiks oyf der velt;
un dos andere - oyf atles un oyf zayd, oyf freyd, oyf guts, oyf glik, oyf laketkes, oyf zabavkes, tsu genisn fun der velt.
- *hayitokhn? - hot der *malakh gefregt baym *riboyne-shel-oylem. - iz take rekht azoy?
dem gor un dem gornit?
dem shtroy, un dem atles?
dem laketkes, un dem *dakhkes?
- kuk arop un shvayg! - hot im geentfert der har fun der gantser velt.
es iz ibergelofn tsvantsik yor.
un di nakht hot farshpreyt ire shvartse fligl oyf der erd un s'iz gevezn fintster.
un a shtarker vint, a kalter vint hot gedreyt un geblozn durkh di fentster, durkh der tir, durkh di vent fun a kleyn ayngehoykert shtibl hert zikh a *kol, a veynendik *kol:
- *riboyne-shel-oylem! liber got! nem on mayn gebet, her tsu mayn geveyn;
shik mir dem toyt, nem mikh tsu fun der velt - ikh kon zikh shoyn mer do nit mutshen!
- neyn, leb nokh, leb nokh, mutshe zikh, - leb lang, leb lang, mayn kind!...
un a shtarker vint, a kalter vint hot gedreyt un geblozn un hot nit gekont durkhblozn di gemoyerte vent mit di hoykhe tirn un fentster fun a sheyn raykh hoyz.
funem sheynem raykhn hoyz hert zikh a *kol, a veynendik *kol:
*riboyne-shel-oylem!
liber got, nem on mayn gebet, her tsu mayn geveyn;
nem tsu dem *malakh-hamoves fun mir.
ikh vil lebn... an *aveyre aza guts.
ikh vil fun der velt azoy yung nisht geyn!
- neyn, shtarb, neyn, shtarb, gezegn zikh, - genug gehulyet, mayn kind!...
un a shtarker vint, a kalter vint hot gedreyt un geblozn di nakht, un di zindike *neshome inem gliklekhn hoyz, fun dem *gvir dem gezuntn, iz nit vilndik tsurik oyfn himl aroyf.
un a shtarker vint, a kalter vint hot nokh lang do geblozn un gedreyt, un di zindike *neshome inem gefalenem shtibele hot zikh nit vilndik baym *kabtsn baym krankn gehaltn nokh lang, nokh lang gehaltn!

 *KH[es]
ikh shem zikh
ikh hob gehat a *khaver.
mir hobn gelernt in eyn *kheyder.
in eynem gelebt, in eynem geton narishkaytn in eynem geteylt freydn un leydn.
di blinde, vos me ruft zi Fortune, di *hatslokhe, hot zikh tsugeshmeykhlt tsu mayn *khaver, un se hot im baglikt, un s'iz im avekgegangen beser un beser, un iz gevaksn hekher un hekher.
un ikh bin geblibn fun untn...
lang, gants lang hobn mir zikh nit gezen, nit bagegnt.
mir zaynen gegangen oyf farsheydene vegn, mir hobn gevoynt in farsheydene shtet.
eyn mol bin ikh gekumen in der shtot, vu mayn *khaver hot gevoynt, un bin gegangen farbay mayn *khavers oysgetseykhnt hoyz un hob zikh opgeshtelt:
"yo arayngeyn, tsi nit arayngeyn?"
un ikh bin arayngegangen.
shtelt aykh for - er hot mikh derkent!...
- vos-zhe makhstu, bruder? vi geyt es?
a hipshe vayle zaynen mir geshtanen fun fornt;
ineveynik tsu zikh hot er mikh nit arayngerufn.
er hot farshtanen, az se vundert mikh, hot er tsu mir gezogt, batrakht mayn *halboshe:
- zay mir *moykhl, guter bruder, hob keyn faribl, ikh bet dikh, zay mir *moykhl, ikh kon nit, ikh shem zikh!...
- du shemst zikh, du shemst zikh mit mir?
- akh, neyn, *kholile, nit dos meyn ikh, nit dos hob ikh gezogt, ikh shem zikh mit... mit mayn groysartik hoyz... far dir, far mayn altn *khaver, far... far...
zog mir, vu voynstu? vu shteystu?
ikh vel kumen, ikh vel zayn bay dir, ikh vel zayn bay dir!
er hot gevorfn an oyg oyf mayne oysgedreyte tserisene shtivl un iz gevorn royt far *bushe...
ikh hob im farshtanen un hob im *moykhl geven mitn gantsn hartsn, mitn gantsn hartsn!

 *T[es]
ek-velt
dort, oyf yener zayt *bes-oylem, hinter der shtot, geyt zikh tsunoyf der himl mit der erd.
dort oyf yener zayt *bes-oylem, hinter der shtot, iz ek-velt.
azoy hobn mir ale in *kheyder *opgepasknt un hobn opgeredt tsvishn zikh - tsunoyfzamlen zikh *shabes bay tog, ven der *oylem, ven ale yidn, ven di gantse shtot shlofn mitn zisn *shabesdikn shlof, un zikh lozn geyn bizn ek-velt.
*shabes bay tog, ven der *oylem, ven ale yidn, ven di gantse shtot zaynen geshlofn mitn zisn *shabesdikn shlof, hobn mir zikh tsunoyfgezamlt un hobn zikh gelozt geyn un geyn bizn ek-velt.
un mir zaynen gegangen - tsi a *sho, tsi tsvey, tsi dray - veys ikh nit;
nor mir zaynen, *borekh-hashem, mit gots hilf, gekumen *besholem biz der mil, biz der vintmil.
do, bay der vintmil, hobn mir zikh gezetst ruen.
zikh tsugezetst, tsugeleygt.
tsugeleygt zikh, oysgetsoygn zikh oyfn grinem groz, oyfn shmekndikn groz, un gekhapt a dreml.
yeder fun undz iz farnumen mit zayn zakh, mit zayne gedanken. mit zayn fargenign.
s'iz shtil.
keyner zogt nit keyn vort;
keyner vil, me zol im ibershlogn.
keyner vil yenem ibershlogn.
- vu-zhe iz ek-velt? - hot zikh ongerufn eyner fun undz.
- ot dos iz dokh ek-velt, narele! - hot im der anderer geentfert.
un s'iz bay undz ale geblibn der *heskem, az do, hinter der vintmil, iz ek-velt;
az vayter fun der mil iz shoyn di *hore-khoyshekh, di fintstere berg, vos zaynen badekt mit a shvarts groz, un dort oyf di berg, gefinen zikh nokh *ad-hayem kleyne yidelekh mit lange berd biz di shpits-finger fun di fis, - di kleyne yidelekh, vos got hot zey aher fartribn far zeyere tsinger, far zeyere lange tsinger, derfar vos zey hobn *geharget eyner dem andern mit di tsinger;
un oyf yener zayt berg iz shoyn der fargliverter *yam, vos der shturemvint fartraybt ahin ale okrentn mit ale shifn un vos keyner kumt shoyn fun dort nit tsurik...
- in *bes-medrekh arayn! *vayse-khevrenikes! in *bes-medresh arayn! laytishe *bokherimlekh!
dakht zikh, shener tsu zitsn in *bes-medresh *shabes bay tog un lernen "*peyrek", eyder valgern zikh, glaykh mit ale *shkotsimlekh, hinter der mil.
in *bes-medresh arayn, *goyim, *ameratsim. in *bes-medresh arayn!
dos iz geven "*Motye Roytebak" a sheyner yid, a *yedeye-seyfer, a *balebos mit an eygener shtub un mit a "shtot" in *mizrekh-vant, di drite shtot funem *oren-koydesh...

 *Y[ud]
*malakh-hamoves
ikh hob gehert in *kheyder.
mayn *rebe hot mir dertseylt.
mayn *rebe *reb *Meir, *zikhroyne-livrokhe...
shreklekhe *mayses hot er zikh ondertseylt funem mentshns *sof, funem *malakh-hamoves mit di toyznter oygn fun kop biz fis, funem *malakh-hamoves mit di ayzerne riter, vos kumt in *keyver arayn mit a dopros:
- *roshe! *ma shmekho? *roshe! vi azoy ruft men dikh? *osakto batoyre? vos hostu gelernt?
un nokh fil shreklekhe, *beemes *moyredike *mayses.
un es iz ibergegangen a frost ibern layb, un di hor hobn zikh geshtelt kapoyr.
nor shreklekher fun alts iz bay mir geven der *malakh-hamoves, der *malakh-hamoves mit di toyznter oygn fun kop biz fis.
un ikh bin zikher, az ven ikh volt denstmol zikh bagegnt mitn dozikn parshoyn, volt ikh gevis geshtorbn far *pakhed aleyn.
akh, vi es baytn zikh di tsaytn!
atsind, ven ikh ze zikh mit "im" *kimat yedn tog, ver ikh gor nit *nispoel.
ikh fil "im" nebn zikh;
ikh her "zayn" otemen ot do, nebn zikh;
ikh veys, ikh her, az "er" geyt mir nokh fun hintn fis-trit - un gornit!
- nu, gikher, gikher! - zogt "er" mir. - makh a *tsavoe un kum...
- morgn, *im-yirtse-hashem, morgn! - entfer ikh "im" un leyg dos op fun tog oyf tog.
un azoy vi ir zet, narn mir eyner dem andern.
er zogt mir: "*tsavoe!" ikh im: "morgn... morgn... morgn..."