Mayses far yidishe kinder I-1: dos meserl

a *mayse far yidishe kinder

geshribn in yor 1886

dos meserl

!לא תגנובֿ

zolst nit *ganvenen!
(fun di *aseyres-hadibres)

  *A[lef]
hert, yidishe kinder, ikh vel aykh dertseyln a *mayse mit a meserl;
nisht keyn oysgetrakhte *mayse, nor an *emese, vos hot zikh getrofn mit mir take aleyn.
tsu keyn zakh oyf der velt hob ikh azoy keyn *kheyshek gehat, vi tsu a meserl;
keyn zakh oyf der velt hob ikh azoy nit gegart tsu hobn, vi tsu hobn a meserl, an eygn meserl.
dos meserl zol zikh lign in keshene, un ven ikh vil, zol ikh dos mir aroysnemen, un vos ikh vil, zol dos mir shnaydn - un lozn mayne *khaveyrim visn!
ikh hob nor-vos ongehoybn geyn in *kheyder, tsu *yosl *dardeke, hob ikh shoyn gehat a meserl, dos heyst, *kimat, *kmoy vi a meserl.
ikh hob dos mir take aleyn gemakht.
ikh hob oysgerisn a gendzene feder fun a fledervish, fun eyn zayt opgehakt, fun der anderer zayt oysgeglet un hob mir forgeshtelt, *elehey s'iz a meserl un se shnaydt...
- vos iz dos far a feder, velkhe shvartse yor?
vos iz dos far arumtrogn zikh mit federn? - fregt mikh der tate, a kranker yid mit a gel oysgetriknt *ponim, un farhust zikh. - na dir gor federn.
shpilekhlekh - kkhe-he-he-he!
vos art dikh, az dos kind shpilt zikh? - entfert im di mame, a nideritshke yidene mit a zaydn tikhl oyfn kop. - abi oysesn zikh dos harts, mayne *sonim!
shpeter, az ikh hob shoyn gehaltn bay "*khumesh mit *khiber", hob ikh shoyn gehat *kimat an *emesdik meserl, oykh mayn eygene *mlokhe: ikh hob dertapt a shtikl shtol fun der mames "krineline" un hob dos ayngezetst zeyer kuntsik in a shtikl holts.
dos shtikl shtol hob ikh rekht ongesharft on a top un hob zikh derbay, geveyntlekh, tseshnitn ale finger.
- ze nor, ze, vi er hot zikh dos a bisl tseblutikt, der *kadish dayner! - shrayt der tate un nemt mikh on bay di finger azoy, az di beyndlekh knakn. - a sheyner *bokherkene, he-he-he!
- oy, a duner iz mir! - zogt di mame un nemt tsu bay mir dos meserl un varft dos arayn in oyvn arayn, kukt nisht oyf mayn geveyn. - atsind vet dos hobn an ek, vey iz mir nit!
ikh hob ober gikh bakumen an ander meserl, take oyf der rekhter *emes a meserl;
a hiltsern kletsl, a kaylekhiks, a baykhiks, pokhozhe oyf a fesl, mit a horbate klingl, velkhs hot zikh i geefnt, i farmakht, ir vilt visn, vu arum hob ikh dos bakumen?
ikh hob mir tsunoyfgeshlogn a kapital fun di onbaysns, un hob opgekoyft bay *shloymelen far zibn groshn *mezumen, un dray bin ikh im geblibn shuldik.
oy, hob ikh dos lib gehat!
oy, hob ikh dos lib gehat!
gekumen aroys funem *kheyder a *derhargeter, a hungeriker, a shleferiker, an oysgepatshter (ikh hob, farshteyt ir, nor-vos ongehoybn tsu lernen *gmore bay "Motye *malekh-hamoves" dem *gmore-melamed: "שור שנגח את הפּרה" - an oks vos hot geshtoysn a *beheyme, un vi bald an oks shtoyst a *beheyme kumt mir petsh...), iz dos ershte geven aroysnemen dos meserl fun unter der shvartser shafe (dort iz dos gelegn a gantsn tog, *makhmes in *kheyder hob ikh dos nit getort haltn, un in der heym hot *avade keyner nisht getort visn, az ikh hob a meserl), nokh dem hob ikh dos genumen oysgletn, ibershnaydn a shtikl papir, iberhakn a shtroy oyf der halb, un ersht nokh dem tseshnaydn mayn *kheylek broyt oyf kleynitshke, kleynitshke shtikelekh, onshtekhn oyfn shpits funem klingl un ersht nokh dem leygn in moyl arayn.
shpeter, farn shlof, hob ikh dos oysgereynikt, oysgeshayert, oysgeputst, genumen dos sharfshteyndl, vos ikh hob gefunen bay undz oyfn boydem, ongeshpign un genumen zikh shtilerheyt tsu der arbet - sharfn dos meserl, sharfn, sharfn...
der tate mit a yarmlke oyfn kop, zitst iber a *seyfer, lernt un hust, hust un lernt.
di mame iz in kikh, poret zikh bay der *khale.
ikh her nisht oyf dos meserl tsu sharfn, sharfn...
plutsim khapt zikh oyf der tate, vi funem shlof:
- ver pishtshet dortn?
ver arbet dos?
vos tust du, du shhe-he-geyts eyner?
er geyt tsu tsu mir un beygt zikh on iber mayn sharfshteyndl un khapt mikh farn oyer un farhust zikh.
- a-a-a? meserlekh!? he-he-he! - zogt der tate un nemt tsu bay mir dos meserl mitn sharfshteyndl. - aza yungatsh, krank, nemen a *seyfer in hant, k'he-he-he!
ikh heyb on tsu veynen oyf a *kol;
der tate farbesert mir mit etlekhe petsh, un di mame loyft arayn fun kikh mit farkatshete arbl, mit a gvald:
- sha, sha, vos iz dort azelkhs?
far vos shlogst du im?
got iz mit dir!
vos host du tsum kind?
vey iz mir nit!...
- meserlekh?... - shrayt der tate un farhust zikh. - a brekele kind!...
aza yungatsh!... k'he-he-he-he!...
krank nemen a *seyfer in hant?
a *bokherl fun akht yor!...
ikh vel dir gebn meserlekh, du puster *bokher eyner!...
in mitn drinen gor meserlekh, k'he-he-he!...
gvald, vos hot er gehat tsu mayn meserl?
vos hot dos bay im azoyns farzindikt?...
far vos iz er azoy in *kas?...
ikh gedenk mayn tatn *kimat shtendik krank, shtendik blas, gel, un *tomed in *kas, *tomed *broygez oyf der gantser velt.
far a mindst narishkayt vert er ongetsundn un vil mikh nor *doyres zayn.
a glik, vos di mame farhit mikh, zi leyzt mikh oys fun zayne hent.
un dos meserl mayns hot men farvorfn, farvorfn azoy vayt, az ikh hob dos akht tog *keseyder gezukht un gezukht un hob dos nisht gekont gefinen in ergets!
ikh hob erntst baveynt dos horbate meserl, dos gute meserl, un vi biter un fintster mir iz geven in *kheyder, az ikh hob zikh dermont, az ikh vel kumen aheym mit geshvolene bakn, mit royte untergerisene oyern fun "Motye *malekh-hamoveses" hent, derfar vos an oks hot geshtoysn a *beheyme, - tsu vemen vel ikh zikh kern un vendn?
elnt bin ikh geblibn on dem horbaten meserl, elnt vi a *yosem, un keyner, keyner hot nit gezen mayne trern, velkhe ikh hob shtilerheyt fargosn bay zikh, oyf mayn betl, bay nakht, kumendik funem *kheyder.
shtil hob ikh mikh oysgeveynt, oysgevisht di oygn, antshlofn gevorn, un oyf morgn fri vider in *kheyder arayn, vider "שור שנגח את הפּרה" - an oks vos hot geshtoysn a *beheyme, vider Motye *malekh-hamoveses klep, vider dem tatns *kas, dem tatns hust, dem tatns *kloles, - nito keyn fraye minut, keyn freylekhe mine, keyn shmeykhele, keyn eyntsik shmeykhele fun keynem, fun keynem - eyner aleyn, elnt, elnt oyf der gantser velt!...

  *B[eys]
fun yener tsayt on iz ibergegangen a yor, un *efsher onderhalbn.
ikh hob shoyn *kimat ongehoybn tsu fargesn dos horbate meserl.
es vayzt oys, az mir iz ober ongetseykhnt gevorn *min hashomayim, az mayne ale kindershe yorn zol ikh opkumen far meserlekh, iz geboyrn gevorn a nay meserl oyf mayn umglik, gor a shpogl-nay meserl, an antikl, a *kharifes, khlebn, a vazhne meserl, mit tsvey klinglekh, tayere shtolene klinglekh, sharfe vi *khalofim, mit a vays beynern kletsl, mit a meshenem "kastn", mit royte meshene shtiftiklekh - ikh zog aykh, an antikl, an *emesdiks, a "zavyalovs!"...
vi kumt tsu mir dos dozike tayere meserl, vos iz gor nit oyf mayn mist gevaksn gevorn?
dos iz a gantse *mayse, a troyerike, nor a sheyne *mayse;
hert, ikh bet aykh, mit kop.
vos far a *ponim hot bay mir gehat der "*geluekh", der yidisher daytsh, vos iz geshtanen bay undz stantsye, der podratshik her Herts Hertsnherts, az geredt hot er oyf yidish, gegangen iz er on a hitl, on a bord, on *peyes un, ikh bet iber ayer *koved, biz hekher halb untergeshnitn di kapote?
ikh freg aykh, vi azoy hob ikh zikh gekont aynhaltn un nit platsn far gelekhter, ven der doziker yidisher *goy, oder der *goyisher yid hot tsu mir geredt *davke oyf yidish, nor epes a modne yidish, mit a *sakh *Pasekhn.
- nu, liebster knabe, vas fir *sedre geht dieze vokhe?
- khi-khi-khi! - hob ikh mikh tselakht un bahaltn dos *ponim in hant.
- zage-zage, mayn liebster kindkhen, vas fir *sedre geht dieze vokhe?
- khi-khi-khi! *Bo-le-k!!... - hob ikh oysgeshosn mit a gelekhter un bin antlofn gevorn.
nor dos iz alts geven tsum onheyb, *beshas ikh hob im nokh gornit gekent;
ober nokh dem, az ikh hob mikh shoyn gut bakent mit dem dozikn daytsh her Herts Hertsnherts (er iz opgezesn bay undz in shtub a yor *keseyder), hob ikh im azoy lib gekrign, az es hot mikh shoyn mer nisht geart, vos er davnt nisht un est umgevashn.
*tkhiles hob ikh nisht farshtanen vi azoy lebt er?
vi azoy halt im got oyf der velt?
vi azoy vert er nit dervorgn baym esn?
vi azoy krikhn im nit oys di hor funem naketn kop?
funem *rebn "Motye *malekh-hamoves" hob ikh gehert, fun zayn moyl aleyn, az der doziker yidisher daytsh iz gor a *gilgl, dos heyst: a yid iz *megulgl gevorn in a daytsh, vos shpeter kon er nokh *megulgl vern in a volf, in a *beheyme, in a ferd, oder gor in a katshke... in a katshke?
kha-kha-kha! a sheyne *mayse! - azoy hob ikh mir getrakht un hob *beemes *rakhmones gehat oyfn daytsh.
eyn zakh hob ikh nit gekont farshteyn: far vos der tate, vos iz geven an erlekher yid, a *yire-shomayim, hot im *tomed opgetrotn dem oybnon, un oykh ale andere yidn, vos flegn araynkumen tsu undz in shtub arayn, flegn im shtark opgebn *koved:
- *sholem-aleykhem, *reb Herts Hertsnherts, *borekh-habo, *reb Herts Hertsnherts, zitst, *reb Herts Hertsnherts!
ikh hob *afile a mol a freg geton dem tatn, hot er mikh opgeshtupt un hot mir geentfert:
- avek, se nit dayn *eysek!
vos plontest du zikh do arum, velkhe shvartse yor?
krank bist du nemen a *seyfer in hant, he-he-he-he!
vider a *seyfer?
*reboyne shel oylem!...
ikh vil oykh zen, ikh vil oykh hern, vos er redt!
ikh gey arayn in zal arayn un *farganve zikh in a vinkele un her zikh tsu, vi me redt bay undz, vi der her Herts Hertsnherts lakht oyf a *kol, un roykhert grobe shvartse "tsigayern", vos shmekn *mekhaye nefoshes...
plutsim geyt tsu tsu mir der tate un lozt mir arop a patsh.
- bist shoyn vider do? du pustepasnik!
vos vet zayn fun dir der *takhles, du *goyets eyner?
gvald, vos vet zayn fun dir, he-he-he-he!...
der her Herts Hertsnherts, shtelt zikh ayn far mir: "ober lasen zi im! lasen zi im!"
nor es helft nit.
der tate traybt mikh aroys.
ikh nem "a *seyfer" in hant, nor es vilt zikh fort nit kukn in *seyfer arayn!
vos tut men?...
ikh gey fun eyn *kheyder in dem andern, biz ikh kum tsu dem shenstn fun ale *khadorim, dort, vu es shloft *tomed der her Herts Hertsnherts.
akh, vi sheyn, vi likhtik dort iz!
di lompn brenen un di shpiglen glantsn;
oyfn tish a groyser, a zilberner tinter mit sheyne penes;
mentshelekh mit ferdelekh, mit tsatskelekh, mit beyndlekh, mit shteyndlekh un...
a meserl.
akh, vos far a sheyn meserl!...
ven ikh, a shteyger, zol hobn aza meserl!
vi gliklekh volt ikh geven!
vos far *minim zakhn volt ikh mit dem oysgeshnitst!
anu, me darf dos pruvn - es iz epes sharf?... akh!
es khapt a hor!
es hakt iber a hor!
ay-ay-ay, a meserl!!...
eyn minut - dos meserl iz bay mir in hant.
ikh kuk zikh arum oyf ale zaytn un pruv zikh dos araynleygn oyf a minutkele tsu zikh in keshene...
es tsitert mir di hant...
es klapt mir dos harts azoy shtark, az ikh her, vi es makht: "tik-tik-tik!"...
ikh her, vi emetser geyt, emetser skripet mit di shtivl;
dos iz er, der her Herts Hertsnherts!
ay-ay, vos tut men?
dos meserl loz zayn bay mir, ikh vel es nokh dem tsurik aniderleygn.
dervayl darf men aroysgeyn, avekgeyn fun danen, antloyfn! antloyfn!
. . . . . . . . . . . . . . . . . . . . . . . . . . . . . . . . . .
ikh kon shoyn keyn vetshere nit esn.
di mame tapt mikh baym kop.
der tate varft oyf mir beyze oygn un shikt mikh op shlofn... shlofn?
ikh kon den tsumakhn di oygn?
ikh bin a toyter!...
vos tut men mitn meserl?
vi azoy leygt men dos anider tsurik?...

  *G[iml]
- kum nor aher, *takhshit mayner! - makht tsu mir oyf morgn der tate. - host du nit gezen ergets dos meserl?...
*tkhiles bin ikh geven zeyer dershrokn: es hot zikh mir oysgevizn, az er veyst, az zey veysn ale...
shier, shier hob ikh zikh nit aroysgekhapt: ha? dos meserl? ot iz dos...
es hot mikh epes vi a varg geton in haldz, un ikh hob mit tsiternish geentfert:
- vu - voser meserl?...
- vu - voser meserl! - krimt mikh iber der tate. - vu - voser meserl!
dos gildene meserl!
undzer *oyrekhs meserl!
du *bokherets, du sheygets eyner, kkhe-he-he!
- vos host du zikh tsugetshepet tsum kind? - misht zikh arayn di mame. - dos kind veyst nit fun keyn *poyser un fun keyn *kholem, un er dult im a spodik: meserl, meserl.
- meserl, meserl!
vos heyst er veyst nit? - zogt der tate mit *kas. - a gants frimorgn hert er, vi me shrayt "meserl, meserl! meserl, meserl!"
me kert iber di shtub nokh dem meserl, fregt er: vu - voser meserl?
gey shoyn, gey vash zikh, du puster *bokher eyner, du *goy-goyets, kkhe-he-he!
ikh dank dir, *reboyne shel oylem, vos zey hobn mir khotsh nit bazukht!
nor vos tut men vayter?
me badarf dos meserl bashtatn ergets oyf a gut ort...
vu bahalt men dos?
aha, oyfn boydem!
ikh khap dos aroys fun keshene un tu dos a shtup in shtivl arayn...
ikh es, un veys nit vos ikh es, ikh varg zikh...
- vos khapst du zikh azoy, velkhe shvartse yor? - fregt der tate.
ikh ayl mikh in *kheyder arayn. - entfer ikh im un fil, az ikh ver royt vi fayer...
- a *masmid gevorn, vos zogst du oyfn *tsadik? - vortshet er un kukt oyf mir beyz.
koym-koym derlebt opesn, opbentshn.
- nu, far vos geyst du shoyn nit in *kh-kheyder, *tsadik mayner? - fregt mikh der tate.
- vos traybst du im azoy? - zogt im di mame. - loz dos kind zitsn a minut!
ikh bin shoyn oyfn boydem... vayt, vayt in krokve ligt dos vayse meserl;
es ligt un shvaygt...
- vos kleterst du oyf boydems? - shrayt der tate. - du yungatsh eyner!
du *bar-mitsve-yung! du *bod-goy! kkhe-he-he!
- ikh zukh do epes... - entfer ikh im un fal shier nisht um far shrek.
- epes? vos heyst "epes"?
vos iz dos far a *min "epes"?
- a... *s-seyfer... a... a... an alte *g-gmore...
- ha? a *g-gmore? oyfn boydem?
a, du hitsel eyner!
krikh shoyn arop, krikh, vest shoyn leyzn!
du *bod-goy, du hintshleger, du *k-kol-boy-nik eyner, kkhe-he-he!
nor es art mikh shoyn nit azoy dem tatns *kas, vi se art mikh dos, vos ikh hob *moyre, tomer gefint men dos meserl.
a *kashe?
tomer grod haynt krikht men aroyf oyfn boydem gret oys'hengen, oder di lezhnis farshmirn?...
me darf dos fun dortn aropnemen un bashtatn oyf a beser ort!...
ikh gey arum in eyn tsiternish!
yeder kuk funem tatns oygn vayzt mir oys, az er veyst shoyn, az ot-ot tut er mikh a khap *mikoyekh der *oyrekhs meserl...
ikh hob shoyn an ort oyf dem, a tayer ort - vu?
in der erd, in a gribl bay der vant arayngeshtekt, un fun oybn rekht farshart mit shtroy, far a *simen...
gekumen funem *kheyder, khap ikh zikh bald aroys in hoyf arayn, ikh nem mir pavolinke aroys dos meserl un ikh hob keyn tsayt *afile rekht onshpiglen zikh in dem, her ikh shoyn dem tatns gepilder:
- vu bist du ergets dort?
far vos geyst du shoyn nit davnen, du *balegole-yung, du va-vaser-firer!
kkhe-he-he!
nor vifil der tate *roydeft mikh un yogt mikh, vifil der *rebe *harget mikh un shlogt mikh, iz dos blote kegn yenem fargenign, vos ikh hob, *beshas ikh kum funem *kheyder un ze mikh mit mayn tayern, mayn eyntsikn libn *khaver - mit mayn meserl!
dos fargenign iz ober - oy vey! - oysgemisht mit *yisurim, farbitert mit *more-shkhoyre, mit shrek, mit groyse, groyse *pkhodim!

  *D[aled]

zumer-lebn.
di zun zetst zikh, di luft vert etvos kiler, dos groz shmekt, di zhabes kvaken un shtiker khmares flien durkh, on regn, farbay der *levone, viln zi aynshlingen;
di vayse zilberne *levone bahalt zikh ale minut un bavayzt zikh vider, dakht zikh, zi shvebt un shvebt - un shteyt oyf eyn ort.
der tate zetst zikh tsu oyfn groz in a khalat, halb naket, mit a vaysn *tales-kotn, halt eyn hant in buzem un mit der anderer hant shart er bay der erd un kukt oyfn oysgeshterntn himl un hust.
dos *ponim akegn der *levone iz t[oy]t farzilbert.
er zitst punkt oyf dem ort, vu dos meserl ligt bagrobn, un er veyst gor nit, vos unter im tut zikh.
akh, ven er zol, a shteyger, visn!
vos volt er gezogt?
vos volt ikh gehat?
"aha, trakht ikh mir in hartsn, host mir farvorfn mayn horbate meserl, hob ikh itst a bisl a besers, a sheners!
du zitst oyf dem un du veyst gor nit.
oy, tate! tate!...
- vos glotsst du oyf mir di oygn, vi a ko-koter? - khapt mikh on der tate. - vos zitst du tsunoyfgeleygt di hent, vi a *shtot-balebos konst zikh shoyn gor keyn arbet nit opzukhn?
un "*Kris-shme" leyenen bist du *poter?
*farsarfet zolst du nit vern, yungatsh eyner!
a *mi-mise-meshune zol oyf dir nit kumen, kkhe-he-he!
az er zogt: *farsarfet zolst du nit vern, a *mise-meshune zol oyf dir nit kumen - dos iz a bavayz, az er iz nit azoy shtark in *kas;
*aderabe, dos iz a *simen az er iz oyfgeleygt in aza sheyner vunderlekher zumernakht, ven es tsit yedn bazunder un es traybt im aroys oyf der gas, oyf der luft, oyf der veykher, frisher oysgetseykhnter luft?
ale, ale zenen atsind in droysn.
der tate, di mame, di klenere kinder, vos zukhn kleyne shteyndlekh un shpiln in zamdelekh.
der her Herts Hertsnherts dreyt zikh oykh arum ibern hoyf on a hitl, reykhert a "tsigayer" un zingt a daytshes lidl, kukt oyf mir un lakht...
dos lakht er fun mir, *a ponim, vos der tate traybt mikh.
ikh lakh ober fun zey ale.
ot bald veln zey ale geyn shlofn, vel ikh mikh demolt aroyskhapn in hoyf aroys (ikh shlof in hoyz, fun fornt, oyf der erd, vorem in shtub iz di hits shreklekh groys), ikh vel mikh shoyn ontishen, onshpiglen in mayn meserl!...
der *oylem shloft, sha, shtil arum un arum.
pavolinke heyb ikh mikh oyf oyf ale fir, un shtil, vi a kats, *ganve ikh mikh aroys in hoyf aroys.
di nakht iz shtil, di luft iz frish, *mekhaye nefoshes.
pamelekh krikh ikh tsu tsu yenem ort, vu dos meserl ligt bagrobn.
pavolye grob ikh dos oys fun dortn un batrakht dos bay der *levone;
es glantst, es blishtshet, vi gingold, vi a brilyant.
ikh heyb oyf di oygn aroyf un derze - di *levone kukt glaykh arop tsu mir, oyf mayn meserl...
vos kukt zi zikh azoy ayn?
ikh drey mikh oys tsurik - zi kukt mir nokh.
ikh farshtel dos meserl mitn hemdl - zi kukt mir nokh.
zi veyst gevis, vos dos iz far a meserl un vu ikh hob dos genumen...
genumen?... ikh hob dos *geganvet!
dos ershte mol, fun zint dos meserl iz mayns, kumt mir dos dozike shreklekhe vort oyf di gedanken.
*geganvet? bin ikh dokh, heyst dos, a *ganev!
*poshet a *ganev?
in der *toyre shteyt geshribn, in di *aseyres-hadibres, mit groyse *oysyes:

! לא תגנובֿ

zolst nit *ganvenen!
un ikh hob *geganvet!
vos vet men mir derfar tun in *genem?
oy, vey: me vet mir ophakn di hant, di hant, vos zi hot *geganvet...
me vet mikh shmaysn mit ayzerne riter...
me vet mikh brotn un brenen oyf heyse skovredes...
eybik, eybik vel ikh glien...
me badarf opgebn dos meserl, me badarf aniderleygn tsurik dos meserl, me badarf nisht keyn *gneyvesh meserl!
morgn leyg ikh anider tsurik dos meserl.
azoy trakht ikh mir un nem dos meserl tsu zikh in buzem arayn - fil ikh, az se brit mikh, se brot mikh.
neyn, me badarf es tsurik bahaltn, bagrobn in der erd arayn biz morgn.
un di *levone fun oybn kukt oyf mir, vos kukt zi?
di *levone zet, zi iz an *eydes...
un ikh krikh tsu pavolinke tsurik in hoyz arayn oyf mayn geleger un leyg zikh shlofn un kon nit antshlofn vern.
ikh katshe zikh fun eyn zayt oyf der anderer un kon nit shlofn...
mitn tog glaykh shoyn bin ikh antshlofn gevorn, un es hot zikh mir *gekholemt a *levone, un es hobn zikh mir *gekholemt ayzerne riter, un es hobn zikh mir *gekholemt meserlekh...
gants fri hob ikh zikh oyfgekhapt, opgedavnt geshmak mit *kavone un opgekhapt dem onbaysn oyf eyn fus - un marsh in *kheyder arayn.
- vos khapt dos dikh azoy in *kheyder arayn? - shrayt oyf mir der tate. - vos yogt dos dikh azoy?
vest nit onvern di *toyre dayne shpeter oykh!
bentsh beser, vi es ker tsu zayn, un hiper nit keyn verter!
vest nokh tsayt hobn zayn oysgelozt, du hultay eyner, du *apikoyres, du *tre-trefnyak eyner, kkhe-he-he!

  *H[ey]
- vos epes azoy shpet?
tu nor a kuk aher! - halt mikh der *rebe fir un vayzt mir on mitn finger oyf mayn *khaver "Berl dem roytns", vos shteyt in a vinkele mit an aropgeloztn kop. - zest du, *vayser-khevrenik?
zolst du visn zayn, az fun hayntikn tog on un vayter iz shoyn zayn nomen nit "Berl dem roytns", vi er hot geheysn biz aher, neyn!
er heyst atsind a shenern nomen;
atsind heyst er: Berele der *ganev! - shrayt zhe kinder: Berele der *ga-a-a-nev!
Berele der *ga-a-a-nev!
di dozike verter tsit oys der *rebe mit a *nign, un ale *talmidim khapn im unter, vi di *meshorerim:
- Berele der *ga-a-a-nev! Berele der *ga-a-a-nev!
ikh blayb a farshteynerter, un a frost geyt mir iber oyfn layb.
ikh farshtey nit vos dos badayt...
- vos shvaygst du, du sheygets eyner?... - ruft zikh on der *rebe tsu mir mit an umgerikhtn patsh. - vos shvaygst du, du *goyets?
du herst dokh, az ale zingen.
helf zingen mit ale glaykh: "Berele der *ga-a-a-nev, Berele der *ga-a-a-nev!"
es tsitern mir hent un fis, es klapt mir a tson oyf a tson, nor ikh helf zingen: "Berele der *ga-a-a-nev!"
- hekher, sheygets eyner! - traybt mikh unter der *rebe. - shtarker!
shtarker!...
un ikh mitn gantsn khor zingen oyf alerley *koyles: "Berele der *ga-a-a-nev! Berele der *ga-a-a-nev!!"...
- sh-sh-sh-sh-sh-sh-a-a-a-a! - shrayt oys plutsim der *rebe un tut a patsh mit der hant ibern tish. - sha!
atsind veln mir zikh nemen tsum "*mishpet".
(mit a *nign); anu, Berele *ganev, kum nor aher, mayn kind, gikher zhe, gikher a bisele!
zog nor yingele, vi azoy ruft men dikh? (mit a *nign).
- Berele.
- vi azoy nokh? (mit a *nign)
- Berl... Berl... der ... *ganev!
- ot azoy, mayn lib kind, ot azoy bist du a voyl yingele. (mit a *nign):
atsind, Berele, gezunt zolst du mir zayn un shtark oyf ale *eyvrim (mit a *nign), nem zay *moykhl, Berele,  un tsi arop di *malbushimlekh.
ot azoy! nu-shoyn, un gikher shoyn!
ikh bet bay dir, nu-shoyn, un gikher shoyn - ot azoy, Bereshi, mayn tayerer!
Berl blaybt shteyn naket, vi di mame hot im gehat.
keyn tropn blut iz in im nito.
er rirt nit mit keyn *eyver.
di oygn arop.
a geshtorbener, a toyter!...
der *rebe ruft aroys eynem fun di gresere *talmidim, alts mit a *nign:
- anu, Hershele der groyser, gey nor aroys funem tish.
aher, tsu mir, geshvinder, ot azoy;
un dertseyl undz okorsht di *mayse fun onheyb bizn *sof, vi azoy undzer Berele iz gevorn a *ganev.
hert, *khevre, mit kop!
un "Hershl der groyser" heybt on tsu dertseyln a *mayse, vi azoy Berl hot zikh dershlogn tsu *reb *Meir-bal-nes-pushke, vos zayn mame varft ahin ale fraytog far likhtbentshn a kopike, un a mol tsvey;
vi azoy Berl hot zikh dobivet tsu der doziker *tsdoke-pushke, oyf velkher es hengt a shlesele;
vi azoy Berl hot mit a shtroyele mit smole aroysgeshlept fun dortn ale kopikes eyntsikvayz biz letst;
vi azoy di mame zayne, "zlate di heyzerike", hot zikh gekhapt, geefnt di dozike *tsdoke-pushke, dort iz gelegn a shtroy, ayngetunken in smole;
vi azoy zlate di heyzerike hot im "tsugeshtelt a benkele";
vi azoy Berl hot zikh bald nokh dem *rebns shmits *moyde geven, az a gants yor, a kaylekhik yor, hot er geshlept fun der *tsdoke-pushke di kopikes, vi azoy er hot zikh yedn zuntog gekoyft tsvey lekekhlekh mit a bokser!
vi azoy... un azoy vayter un vayter.
- atsind, kinder, *mishpet im!
ir veyst shoyn, vi azoy.
dos iz shoyn bay aykh nit dos ershte mol.
loz yeder zogn zayn *mishpet, vos kumt a *ganev, vos shlept kopikes fun a *tsdoke-pushke.
Hershl der kleyner, zog du tsum ershtn, vos kumt aza *ganev, vos shlept kopikes mit a shtroy fun a *tsdoke-pushke?
der *rebe beygt ayn dem kop oyf a zayt, er makht tsu di oygn un shtelt unter dem rekhtn oyer tsu Hershl dem kleynem.
Hershl der kleyner entfert hoykh, oyf a *kol:
- a *ganev, vos shlept kopikes fun a pushke, kumt... me zol im kateven biz blut zol geyn.
- *Moyshl, vos kumt a *ganev, vos shlept kopikes fun a *tsdoke-pushke?
- a *ganev, - zogt *Moyshl mit a veynendik *kol, - a *ganev, vos shlept kopikes fun a *tsdoke-pushke, kumt, me zol im aniderleygn, tsvey oyfn kop, tsvey oyf di fis, un tsvey zoln im shmaysn mit ayngezaltsene riter...
- Topele Tutaritu!
vos kumt a *ganev, vos shlept kopikes fun a *tsdoke-pushke?
Kopl Kukariku, a yingl, vos kon nit oysredn keyn *Kuf un keyn *Giml, visht oys dos nezl un zingt zayn *mishpet mit a kvitsh:
- a *danev, vos shlept topites fun a pushte, tumt im, az ale yindlekh zoln tsudeyn tsu im noent un zodn im dlaykh in *ponim dray mol oyf a *tol: *danev!
*danev! *danev!
in *kheyder vert a gelekhter.
der *rebe nemt zikh mitn grobn finger untern gorgl, vi a hun, un ruft mikh oyf mitn *nign, vos me ruft oyf a *khosn:
- *yaymoyd *ha-kho-s-n *sho-lem *barav *Nokhem *Maf-tir!
zog nor, du, *sholemne, mayn tayerinker, dayn *psak, vos kumt a *ganev, vos shlept kopikes fun a *tsdoke-pushke?
ikh vil entfern - folgt mikh nit di tsung.
ikh tsiter vi in a *kadokhes, es vargt mikh in haldz.
a kalter shveys bashlogt mikh fun oybn biz arop.
es fayft mir in di oyern.
ikh ze shoyn far zikh nit dem *rebn, nit dem naketn "Berl dem *ganev", nit keyn *khaveyrim;
ikh ze far zikh nor meserlekh, on a *shir meserlekh, vayse, ofene meserlekh, mit a *sakh klinglekh, un dort, bay der tir, hengt di *levone, zi shmeykhlt un kukt oyf mir, vi a mentsh...
es dreyt zikh mir der kop, der gantser *kheyder, mitn tish, mit di *sforim, mit ale *khaveyrim, mit der *levone, vos hengt oyf der tir, un mit ale meserlekh...
ikh fil, vi di fis vern mir untergehakt.
nokh a minut - fal ikh um.
nor ikh shtark zikh mit ale *koykhes un halt zikh ayn, ikh zol nit faln...
far nakht kum ikh aheym un fil, az dos *ponim brent mir, di beklekh flamen un in di oyern shumet mir.
ikh her, me redt tsu mir, nor vos - veys ikh nit.
epes zogt der tate, epes beyzert er zikh, vil mir gebn petsh;
di mame shtelt zikh ayn far mir, tselozt dem fartekh, vi a kvoke di fligl, *beshas zi bashitst ire hindlekh, me zol zey nit onrirn tsu shlekhtn...
ikh her gor nit, ikh vil gor nit hern.
ikh vil nor, s'zol shoyn vern gikher nakht, ikh zol konen makhn an ek mitn meserl...
vos tut men mit dem?
*moyde zayn zikh un opgebn dos?
vel ikh hobn Bereles *psak.
untervarfn dos?
tomer khapt men mikh...
farvarfn un an ek, abi *poter vern!
vuhin farvarft men dos, az me zol dos nit gefinen?
oyfn dakh? vet men hern a klap.
in gortn? vet men dos gefinen.
aha! ikh veys shoyn, ikh hob an *eytse: araynvarfn in vaser arayn!
a tayere *eytse. khlebn - in vaser arayn, in brunem, take ot do bay undz oyfn hoyf! - der doziker gedank gefelt mir azoy shtark, az ikh vil gor lang nisht klern.
ikh khap dos meserl un loyf glaykh tsum brunem, un es dakht zikh mir, az ikh halt in di hent nit keyn meserl, nor epes a *mieskayt, a *min *sherets, fun velkhn es vilt zikh mir vos gikher tsu bafrayen zikh, *poter vern.
nor se tut mir bang - aza tayer meserl.
a minut shtey ikh fartrakht, un es dakht zikh mir, az ikh halt in hant a lebedike zakh...
dos harts tut mir vey oyf dem: staytsh, staytsh, es kost mikh azoy fil mi, es iz a *tsar bale-khayim!...
ikh nem zikh on mit harts un loz dos mit a mol aroys fun di finger - "plyukh!"...
es tut a pleshtshe dos vaser, un mer hert men nisht...
nito keyn meserl!
ikh shtey nokh a minut baym brunem un her zikh tsu - me hert gor nisht.
danken got, *poter gevorn!
khotsh dos harts klemt mir, tut mir vey: "staytsh, aza meserl, aza meserl!"...
ikh gey tsurik tsu mayn geleger un ze, vi di *levone kukt mir nokh, un es dakht zikh mir, az zi hot gezen alts, vos ikh hob do geton, un ikh her vi a *kol fun vaytns: "ober du bist fort a *ganev!...
khapt im, klapt im, er iz a *ganev! a *ga-a-a-nev!!"
ikh *ganve zikh arayn tsurik in hoyz arayn un leyg zikh shlofn, un es *kholemt zikh mir, az ikh loyf, ikh shveb, ikh fli in der luftn mitn meserl, un di *levone kukt oyf mir un zogt: "khapt im! klapt im!
er iz a *ganev! a *ga-a-a-nev!!!"...

  *V[ov]
a langer, langer shlof!
a shverer, zeyer a shverer *kholem!
es brent in mir a fayer.
es zhumet mir in kop.
alts, vos ikh ze, iz royt, vi blut.
brenendike riter fun fayer kateven mayn layb.
un ikh katshe zikh in blut.
arum mir dreyen zikh shlangen un ekdishn;
zey haltn ofn zeyere mayler un viln mikh aynshlingen...
glaykh in oyer arayn her ikh a bloz: *tkie - thu! *shvorim - thu-tu! *true - thu-tu-tu-tu!
un eyner shteyt iber mir un shrayt oyf a *kol mit a *nign tsum takt: "shmayst im! shmayst im! shmayst im! er iz a *ga-a-a-a-nev!!!"
un aleyn shray ikh: "gvald, nemt tsu fun mir di *levone!
git ir op dos meserl!
vos hot ir tsu Berlen nebekh?
er iz nit shuldik - dos bin ikh a *ga-a-a-nev! a *ga-a-a-nev!"...
un vayter gedenk ikh nit.
. . . . . . . . . . . . . . . . . . . . . . . . . . . .
ikh efn oyf eyn oyg, un dos andere oyg...
vu bin ikh?
dakht zikh, oyf a bet?
vos tu ikh do?
ver zitst dos ot dort oyf a benkl, baym bet?
a! dos bist du, mame? mame!... zi hert mikh nit!...
mame! mame! maaamme!!!...
vos heyst dos?
mir dakht, az ikh shray oyf a *kol?... sha!
ikh her zikh tsu - zi veynt?
zi veynt shtilerheyt. oykh ze ikh dem tatn mit zayn gel krenklekh *ponim.
er zitst iber a *seyfer un zogt epes shtilerheyt un hust un ziftst un krekhtst...
es vayzt oys, az ikh bin shoyn geshtorbn...
geshtorbn?...
mit a mol fil ikh, vi es vert mir likhtik in di oygn, gring in kop, gring in ale *eyvrim.
es klingt mir in eyn oyer, inem andern oyer: dzinnn!!!
ikh g[i]b a nis: aptsshi!...
- tsu gezunt! tsu *arikhes-yomim! tsu lange yorn! a *simen-tov! *mazl-tov! geloybt bistu, got!
- *beemes genosn! geloybt der oybershter!
- mir hobn a groysn got!
er vet, *im yirtse hashem, zayn gezunt, got *borekh-hu uvorekh-shmoy!
- loz men rufn gikher aher Mintse di *shoykhetke: zi shprekht gut op an *ayn-hore.
- dem dokter volt men badarft rufn, dem dokter!
- dem dokter? tsu vos? narishkayt!
"er" iz a dokter!
der oybershter iz der bester dokter!
got *borekh-hu uvorekh-shmoy!
- tsegeyt zikh, *oylem, tsegeyt zikh a bisl!
es iz shreklekh heys! un gotes viln, tsegeyt zikh!
- ayo? ikh hob aykh gezogt, az me darf im oysgisn mit vaks, ha?
ver iz gerekht?
- geloybt iz got!
geloybt iz *hashem-yisborekh!... oy, got, got, got *borekh-hu uvorekh-shmoy!...
me dreyt zikh arum mir, me kukt oyf mir.
yeder geyt tsu un tut mikh a tap baym kop.
me shprekht mikh, me sheptshet mikh, me lekt mir dem shtern un me shpayet oys un me pilnevet mikh:
me gist mir in moyl arayn zudike yoykh un me shtupt mir mit lefelekh ayngemakhts - ale dreyen zikh arum mir, me hit mikh op, vi dos shvartsapl funem oyg, me hodevet mikh mit yaykhlekh un mit katshkelekh, vi a pitsele kind, un me lozt mikh nisht aleyn;
es zitst *tomed nebn mir di mame un dertseylt mir iber ale mol iber-a-nays di gantse geshikhte, vi azoy me hot mikh oyfgehoybn fun der erd *kimat a toytn;
vi azoy ikh bin gelegn tsvey vokhn *keseyder in a helish-fayer un hob nor gekvaket, vi a zhabe, un epes *keseyder geredt fun shmits un fun meserlekh...
me hot shoyn gerekhnt, az ikh bin shoyn *kholile geshtorbn...
un nokh dem, plutsim, hob ikh a nis gegebn zibn mol, *mamesh fun toyt lebedik gevorn...
- haynt zeen mir, vos far a got mir hobn, *borekh-hu uvorekh-shmoy! - lozt oys di mame mit trern oyf di oygn. - haynt zeen mir aroys, az me ruft tsu im, hert er oys undzere zindike *bakoshes un undzere shuldike trern...
a *sakh, a *sakh trern hobn mir fargosn, ikh un der tate, biz got hot *rakhmones gehat...
shier, shier nisht ongevorn, farzindikt a kind *kholile, mir zol zayn far dayne beyner, iber vemen? iber vos?
iber a yingl, a *ganev, epes a Berele, vos der *rebe hot farshmisn in *kheyder bizn blut arayn.
az du bist gekumen tsu geyn fun *kheyder, bist du shoyn geven a toyter, der mame zol zayn far dir!
dos iz a *retseyekh, dos iz a *gazlen, got zol im batsoln, *reboyne shel oylem!...
neyn, mayn kind, az got vet undz shenken dos lebn un du vest, *im yirtse hashem, oyfshteyn gezunterheyt, veln mir dikh shoyn opgebn tsu an andern *melamed, nit aza kat, aza *retseyekh, vi ot der "*malekh-hamoves", *yimakh-shmoy vezikhroy zol er vern!
di dozike *bsure iz bay mir shreklekh ongeleygt!
ikh khap arum di mame kushn:
- tayere, tayere mame!...
un der tate geyt tsu tsu mir pavolye, leygt aroyf zayn bleykhe kalte hant mir oyfn shtern un zogt tsu mir shoyn veykh, on a *shum *kas:
- ay, host du undz ibergeshrokn, du shkots eyner, kkhe-he-he-he!
oykh der yidisher daytsh, oder der daytsher yid, her Herts Hertsnherts, mit a "tsigayer" in di tseyn, beygt zikh on mit zayn gegolter morde iber mayn betl un tut mikh a glet ibern bekl un zogt oyf daytsh:
- gut, gut! gezunt, gezunt!...

* * *
in a por vokhn arum nokh mayn oyfshteyn fun bet ruft zikh on tsu mir der tate:
- nu, mayn zun, atsind gey in *kheyder arayn, un hob shoyn mer nit in zinen keyn meserlekh mit keyn narishkaytn...
shoyn tsayt zolst shoyn onheybn vern a shtikl mentsh;
*im yirtse hashem, iber dray yor verst du shoyn *bar-mitsve, tsu hundert un tsvantsik yor, kkhe-he-he!
mit azelkhe zise verter shikt mikh der tate aroys in *kheyder arayn tsum nayem *melamed, tsu *reb *khayim Koter.
dos ershte mol her ikh fun mayn beyzn tatn azelkhe gute veykhe verter, un ikh farges in eyn minut ale zayne *redifes, mit ale zayne *kloles, mit ale zayne petsh, glaykh vi s'iz gor nisht geven oyf der velt.
ikh zol mikh nit shemen, volt ikh im arumgekhapt kushn.
nor, khi-khi-khi - vi azoy kusht men a tatn?...
di mame git mir mit in *kheyder arayn a gantsn epl mit tsvey groshn, un oykh der daytsh shenkt mir a por kopikes mit a knip in bekl, redt oyf zayn shprakh:
- hipsher knabe! gut, gut!...
ikh nem di *gmore "*Beytse" unter der hant, ikh tu kushn di *mzuze un gey in *kheyder arayn, vi a nay-geborener, mit a reyn harts, a gring harts, mit a loytern, klorn kop, mit naye *makhshoves, mit frishe, erlekhe, frume gedanken.
di zun kukt arop un grist tsu mir mit ire vareme shtraln.
dos vintele *farganvet zikh tsu mir unter a *peye, di feygelekh pishtshen: "tif-tif-tif-tif!"...
es heybt mikh, es trogt mikh in der luftn, es vilt zikh mir loyfn, shpringen, tantsn - akh, vi gut, vi zis dos iz, az me lebt un men iz an erlekher, men iz nit keyn *ganev, nit keyn ligner!
ikh kvetsh tsu di *gmore tsum hartsn shtark-shtark, un loyf in *kheyder arayn geshmak-geshmak, un ikh shver bay der *gmore, az ikh vel keyn mol, keyn mol nit zatshepen keyn fremds, keyn mol, keyn mol nit *ganvenen, keyn mol, keyn mol nit leykenen, *tomed zayn an erlekher, an erlekher, an erlekher...

--> oyfn fidl