Mayses far yidishe kinder I-4: Rabtshik

(a yidisher hunt)

*A[lef]

Rabtshik iz geven a hunt a vayser mit flekn, nisht keyn groyser, a mitlmesiker, a shtiler, nisht keyn onkhaper.
er hot faynt gehat, vi andere, onfaln oyf yenem fun hintn, opraysn a pole oder a bis tun in der litke.
er iz geven tsufridn abi yener zol im nit tshepen.
aderabe, im hot dekutshet yeder, ver es hot gehat got in hartsn.
gebn Rabtshikn a zets mit a shtekn fun hintn, oder derlangen im mitn abtsas in zayt arayn, oder varfn im a shteyndl in kop arayn, oder oysgisn oyf im a pomenitse - dos iz geven bay yedn a shpilekhl, *kimat a *mitsve.
un Rabtshik, az er hot bakumen a klap, hot er zikh nit anidergeshtelt, vi andere hint, *oystaynen zikh, oys'havken zikh, bavayzn di tseyn;
neyn, Rabtshik flegt zikh bay itlekhn klap aynboygn *kimat biz der erd mit a kvitsh:
ay - ay! un antloyfn mit an aropgeloztn veydl, zikh bahaltn in a vinkele, fartifn zikh in gedankn un khapn flign.

*B[eys]

ver iz geven Rabtshik?
fun vanen hot er zikh genumen?
dos iz shver tsu visn.
es kon zayn, az er iz farblibn in hoyf nokh funem altn *porits.
meglekh, az er iz farblonzet gevorn, farloyrn zayn *balebos un tsugeshtanen tsum nayem *balebos un farblibn oyf *tomed.
es makht zikh a mol, ir shpatsirt oyf der gas, loyft aykh nokh a pribludne hintl fis-trit.
"vos iz dos far a pritshepe?" - trakht ir zikh un hoybt oyf di hant oyfn hintl: "pshol von!"
dos hintl blaybt shteyn, boygt zikh oys, vi a mentsh, *beshas me vil im gebn a patsh, un loyft aykh nokh vayter.
ir boygt zikh on tsu der erd, ir tut a makh mit der hant, *kloymersht varft ir dem a shteyndl.
es helft nisht.
ir blaybt shteyn un kukt oyfn hintl;
dos hintl blaybt shteyn un kukt oyf aykh;
ir kukt zikh eyns dos andere in di oygn arayn on verter.
ir tut a shpay un lozt zikh geyn - dos hintl loyft aykh nokh.
ir geyt aroys fun di *keylim, ir khapt a shtekn un tselozt zikh oyf dem mit *kas.
falt dos hintl oyf an *eytse: tsit zikh oys oyf der erd mit di fislekh aroyf, tsitert un kukt aykh glaykh in di oygn arayn, vi eyner redt:
"na! vilst mikh shlogn?" - shlog!"...
ot fun dem *min hint iz geven undzer Rabtshik.

*G[iml]

Rabtshik iz geven a hunt nit keyn nasher.
in shtub hot gemegt lign gold, hot er zikh nit tsugerirt.
Rabtshik hot gevust, az dos vos untern tish geher tsu im, un vayter iz nit zayn *eysek.
in der yugnt, zogt men, iz er *afile yo geven a shtikl *khevre-man.
er hot eyn mol gepruvt umgern, *a ponim, avekshlepn funem zaltsbretl a fisl fun a gandz.
hot derzen Brayne di kekhin, a yidene mit shvartse vontses, un hot gemakht a geshrey: Ayzik! Ayzik!
iz gekumen tsu loyfn Ayzik, same in der minut, vos Rabtshik hot gevolt durkhloyfn mitn gendzenem fisl;
hot im Ayzik tsugekvetsht mit der tir azoy, az halb Rabtshik iz geblibn fun eyn zayt tir, un di andere halb fun yener zayt, un me hot zikh mit im gut opgerekhnt: fun eyn zayt hot im geshlogn Ayzik ibern kop mit a shtekn, un fun der anderer zayt - Brayne mit a shayt holts un hot nit oyfgehert tsu shrayen *beshas *mayse: "Ayzik! Ayzik!"
fun demolt on iz im farblibn a *zeykher: az men iz tsugegangen tsu im un a zog geton glaykh in *ponim arayn "Ayzik!" - flegt er antloyfn vu der shvartser fefer vakst.

*D[aled]

mer fun ale iz im dergangen di yorn Paraske;
di Paraske, vos hot undz gevashn gret, geshmirt di shtub un gemolkn di *beheyme.
vos hot zi gehat tsu Rabtshikn - iz shver tsu farshteyn;
er flegt ir *tomed zayn groys in di oygn, un ven zi flegt im derzen, flegt zi vern ongetsundn: "shob tubi khvoroba, sobaka nevirna!"...
un vi *oyf-tsu-lehokhes, flegt Rabtshik lib hobn *davke plonten zikh ir far di fis.
bay der arbet flegt zikh Paraske in im *noykem zayn, vi mir in *Homenen:
hot zi gevashn gret, flegt zi im opgisn mit a kalt shefl vaser;
Rabtshik hot faynt gehat aza bod, flegt er zikh nokh dem darfn lang optreyslen.
hot zi geshmirt di shtub, flegt zi im farflyasken dos *ponim mit vayse lem, er zol zikh nokh dem balekn a *sho *keseyder.
hot zi gemolkn di *beheyme, flegt zi im *mekhabed zayn mit a shayt holts iber di fis.
Rabtshik hot zikh oysgelernt shpringen;
az s'iz gefloygn a shayt holts, flegt er kuntsik ibershpringen iber dem, vi a *mazik.
eyn mol hot er fun aza *kibed gekhapt a *miesn *psak;
Paraske hot im gevorfn a shayt holts un getrofn in dem federshtn fus, hot Rabtshik zikh tseshrign nit mit zayn *kol, nor mit a modnem kvitsh: ay-ay-ay-ay-ay-ay!
men iz zikh tsunoyfgelofn funem gantsn hoyf.
Rabtshik hot derzen mentshn, hot er zikh ongehoybn pesten, bavizn itlekhn dos ibergebrokhene fisl, vi eyner redt: "nat, zet, vos zi hot mir geton, Paraske!"...
Rabtshik hot gemeynt, az men vet zikh *mistome onnemen zayn krivde, un Parasken vet men gevis kepn far aza *mayse.
tsum *sof iz gor tsvishn *oylem gevorn a gelekhter;
Brayne mit di vontses iz aroysgefloygn fun kikh mit a polonik un hot zikh a shmir geton iber der noz fun untn aroyf mitn naketn elnboygn:
"ibergebrokhn dem *shlim-mazl a fus? zeyer rekht!"...
oykh di *kundeysim, di *vayse-khevrenikes, zenen zikh tsunoyfgelofn un hobn genumen shrayen oyf Rabtshikn un fayfn.
iz ongekumen Paraske un hot im tsurekht gemakht dos *mazl:
zi hot im opgegosn mit a krigl zudik vaser.
hot Rabtshik oyfgehoybn a gvald mit a kvitsheray: ay-ay-ay!
ay-ay-ay!...
beshas *mayse geshprungen un gedreyt zikh, gebisn zikh aleyn dem veydl un nit oyfgehert tsu gvaldeven mit azelkhe *koyles, az tsvishn di *vayse-khevrenikes iz dos gelekhter gevorn nokh greser.
me hot derzen Rabtshikn tantsn oyf dray fis, hot men *oysgebatlt ale beyze *khaloymes oyf zayn kop un geshenkt im a por gute shtekns.
Rabtshik hot zikh gelozt loyfn mit a kvitsh, gekulyet zikh un gekatshet iber der erd, un *vayse-khevrenikes zenen im nokhgelofn mit shteklekh un mit shteyndlekh, gehuket, gefayft un getyuket un fartyuket im vayt-vayt fun der shtot aroys, azh oyf yener zayt miln.

*H[ey]

Rabtshik iz gelofn mit der *deye, az tsurik in shtot arayn zol er shoyn nisht kumen keyn mol, vayl er vet lebn!
un gelofn iz er in der velt arayn, vu di oygn veln trogn.
gelofn - gelofn un gekumen tsu loyfn inem ershtn dorf arayn, hot er zikh bagegnt mit di dorfishe hint.
di dorfishe hint hobn im arumgeshmekt fun ale zaytn.
- *borekh habo, a hunt!
fun vanen kumt men un vos iz dos bay dir a tsatske oyfn rukn?
epes vi oysgesmalet a shtik fel same in mitn?
- ekh! fregt shoyn nisht! - makht tsu zey Rabtshik mit a troyeriker mine. - a *sakh tsu dertseyln, nishto vos tsu hern.
iz nit meglekh bay aykh ibertsunekhtikn a nakht?
- okh, mitn grestn *koved! - zogn di dorfishe hint. - der "in-droysn" iz genug groys un der "untern-himl" iz nokh greser.
- vi azoy iz do bay aykh mit der *akhile? - fregt Rabtshik. - mit vos shtilt ir dem hunger, az der mogn mont *mezoynes?
- et! nisht tsu farzindikn! - makhn di dorfishe hint. - pomenitses iz faran umedum, un tsum fleysh hot got bashafn beyner;
a *dayge, lozn zey esn fleysh, di *balebatim, veln mir hobn beyner.
abi, vi zogt ir, farshtupn di kishke.
- nu, un di *balebatim vi azoy zenen epes bay aykh? - fregt vayter Rabtshik un tut a drey mitn veydl, vi eyner, vos vil oysfregn, oysforshn.
- di *balebatim zenen *balebatim, - makhn di dorfishe hint un farshlogn di red.
- nu, un Paraske? - makht Rabtshik.
- voser Paraske? - fregn di dorfishe hint.
- ot di Paraske, - zogt Rabtshik - vos vasht gret, shmirt di shtub un melkt di *beheyme.
ir kent nit Parasken?
di dorfishe hint shteyen, kukn on Rabtshikn vi a *khoser-deyenik:
"vos parasket er undz?"
zey shmekn im nokh a mol arum fun ale zaytn un tsegeyen zikh eyntsikvayz, itlekher oyf zayn mist.

*V[ov]

"ot gliklekhe hint!" - trakht zikh Rabtshik un tsit zikh oys oyf gots erd, unter gots himl, un vil khapn a driml;
nor es shloft zikh nit.
ershtns, di opgebrite fel;
es shmartst im un es bayst im *sakones-nefoshes!
un di flign dekutshen im zeyer shtark, s'iz fun zey nisht optsutraybn zikh!
tsveytns, burtshet im in boykh;
er volt a *baln geven epes kayen, iz nishto vos;
me muz tsuvartn biz in der fri.
un dritns, lozn im nit shlofn di *makhshoves fun dem, vos er hot zikh ongehert tsvishn di dorfishe hint;
nishto bay zey keyn Ayziks, vos kvetshn tsu mit a tir un shlogn nokh dem mit a shayt holts;
nito bay zey keyn Paraskes, vos gisn op mit zudik vaser;
nito bay zey keyn *vayse-khevrenikes, vos varfn shtekns, fayfn un tyuken un fartyuken.
gliklekhe hint oyf der velt!
un ikh hob gemeynt, az nor dort iz a velt!
a vorem ligt in khreyn un meynt - s'iz keyn zisers nishto"...
Rabtshik vert antshlofn, un es *kholemt zikh im a pomenitse, a groyse, a fule, mit shtiklekh broyt, kishkelekh, odern fun fleysh, retshene kashe, oysgemisht mit hirzh un mit fasolye un beyner, beyner - a gantser *oytser!
beyner fun knekhlekh, beyner fun rip, beyner mit markh, un beyndlekh fun fish, un keplekh fun hering gantse, nokh nit keyn oysgesmotskete.
Rabtshik veyst nit, fun vos zol er onhoybn frier.
- *brukhim hayoshvim! - makhn tsu im di dorfishe hint un kukn fun der vaytns, vi er greyt zikh tsu der *sude.
- kumt esn! - zogt Rabtshik glat azoy fun *yoytser vegn.
- es gezunt! - zogn di dorfishe hint gants frayndlekh.
plutsim derhert er a *kol glaykh in oyer arayn: "Ayzik!"
Rabtshik khapt zikh oyf - s'iz gor a *kholem!...
in der fri hot zikh Rabtshik gelozt iber di hoyfn, gezukht a pomenitse, a shtikl sekher, a beyndl.
nor vu er kumt - zenen farnumen ale erter.
- kon men bay aykh nisht iberbaysn? - fregt Rabtshik.
- do? neyn! *efsher inem andern hoyf...
Rabtshik loyft fun eyn hoyf inem andern hoyf...
umedum dos eygene lidl.
iz er zikh *meyashev: vos vet er vartn oyf *derekh-erets?
amer, vet er tsugeyn un vet a khap tun vos es vet zikh lozn.
nor baym ershtn "khap" hot er gekhapt fun di dorfishe hint a *miesn *psak: frier hot men oyf im ongehoybn kukn beyz, hurshten un bavayzn tseyn, un nokh dem zenen etlekhe mit a mol ongefaln oyf im, gerisn un gebisn, im gemakht a *tel funem veydl, *aroysgemeshaleyekht mit *koved biz oyf yener zayt rogatke.

*Z[ayen]

aropgelozt dem veydl, hot zikh Rabtshik avekgelozt inem andern dorf.
gekumen tsu loyfn inem andern dorf - vider di eygene *mayse: *tkhiles gute red, a sheyner gast, *makhe-teyse.
un nokh dem, az es kumt tsu der pomenitse, hoybt men on oyf im kukn beyz, hurtshen, bavayzn tseyn, raysn un baysn - un von oyf ale fir zaytn!
Rabtshikn iz *nimes gevorn dos *na-venad zayn, dos arumvandern fun eyn ort inem andern, un er hot zikh *meyashev geven azoy: mentshn zenen shlekht;
hint zenen oykh nit beser;
er vet zikh beser aveklozn in vald arayn tsvishn *khayes.
un Rabtshik hot zikh avekgelozt in vald arayn.
arumgedreyt zikh, eyn hunt aleyn in vald, a tog un tsvey un dray, hot er ongehoybn filn, az der boykh vert im vos vayter alts mer tsunoyfgetsoygn un di kishkes ayngeshrumpn, *mamesh es geyt im oys dos *khayes fun hunger un fun dorsht, khotsh nem un tsi zikh oys in mitn vald un *peyger avek!
un, vi *oyf-tsu-lehokhes, glust zikh im nokh lebn un lebn.
un Rabtshik nemt dem veydl unter zikh, tsit oys di federshte lapes, shtelt aroys di tsung un leygt zikh avek unter a boym un klert a hintishe *makhshove: "vu nemt men a shtikl broyt?
vu krigt men a pitsl fleish? a beyndl khotsh? vaser a kap?"
un fun groyse *tsores vert er a *khakren, a filosof.
er hoybt on *khkiren: far vos iz er, hunt, mer geshtroft fun ale *khayes veoyfes un fun ale bashefenishn oyf der velt?
lemay ot flit a foygele glaykh in nest arayn...
ot loyft a yashtsherke aheym in ir nore arayn...
ot poyzhet a vereml, a zhukl, a mereshke, - ale hobn zikh zeyer heym, ale gefinen zikh zeyer baderfenish;
nor ikh, hunt, hav-hav-hav!"...
- ver havket dos do in vald? - ruft zikh on a volf, loyfndik farbay, aroysgeshtelt di tsung far hunger.
Rabtshik hot keyn mol nit gezen keyn volf.
er meynt, az dos iz a hunt, shteyt er oyf pavolye, nisht gekhapt, tsit zikh oys, geyt tsu tsum volf.
- ver bizt du? - makht tsu im der volf mit *gadles. - vi azoy ruft men dikh?
fun vanen kumst du on?
un vos tust du do?
Rabtshik iz zikh *mamesh *mekhaye, vos er hot dertapt a gutn bruder;
khotsh faran far vemen di *tsores oystsugisn.
un er dertseylt im oys zayn gants biter harts.
- ikh vel dir zogn dem *emes, - lozt oys Rabtshik dos troyerike tsetl zayns - ikh volt mikh *mekhaye geven, ven ikh bagegn mikh do mit a leyb, mit a ber, oder khotsh mit a volf.
- vos-zhe volt geven? - makht der volf mit a paskudne shmeykhl.
- gor nit, - makht Rabtshik - *mimo-nefshekh, iz mir bashert der toyt, lom ikh beser fartsukt vern fun a volf, eyder *peygern fun hunger tsvishn eygene, tsvishn hint...
- nu! - makht tsu im der volf, blozt zikh on un tut a knak mit di tseyn. - zolst du visn, az ikh bin volf!
un ikh hob *kheyshek dikh tseraysn oyf etlekhe shtiklekh un makhn fun dir an onbaysn, *makhmes ikh bin zeyer hungerik, ikh hob shoyn akht tog in mayn moyl nit gehat!
derhert azelkhe *diburim, hot zikh undzer Rabtshik azoy dershrokn, az es hot oyf im ongehoybn tsitern di opgekrokhene fel.
- *adoyni kenig! tayerer *reb Velvl! - makht tsu im Rabtshik mit a *rakhmones-ponim un mit a veynendik *kol. - loz dir got tsushikn besere onbaysns.
vos vest du fun mir hobn, mshteyns gezogt?
fel un beyner?
folg mikh, loz mikh op, hob *rakhmones oyf mayn hintish lebn!...
un derbay hot Rabtshik aropgelozt dem veydl, oysgeboygn dem rukn, gepoyzet oyfn boykh un gemakht azelkhe *miese *tnues, az dem volf iz nit gut gevorn oyf tsu *khaleshn.
- nem tsunoyf dem paskudnem veydl daynem - ruft zikh on tsu im der volf - un antloyf tsu aldi shvartse yor, du *keylev shebaklovim, ikh zol dayn *treyfenem *partsef nit onkukn!...
nisht toyt nisht lebedik hot zikh Rabtshik gelozt loyfn, nit gefilt di erd unter zikh, *moyre gehat zikh arumkukn *afile.
er hot gemakht fis, avek-avek fun vald, tsurik - in shtot arayn!

*KH[es]

gekumen tsurik in shtot arayn, hot Rabtshik oysgefelt dem hoyf, vu er iz oyfgevaksn, khotsh dos harts hot im getsoygn *davke ahin, in yenem hoyf, vu me hot im *geharget-geshlogn, in yenem hoyf, vu me hot im ibergebrokhn a fus un opgebrit dem rukn...
hot er zikh gelozt loyfn in mark arayn, ahin tsu di yatkes, tsvishn di *katsovishe hint, tsvishn eygene heyst dos.
- skotsl kumt!
fun vanen iz a hunt? - makhn tsu im di *katsovishe hint mit a genets un greytn zikh shoyn oyf nakhtleger.
- take a higer. - makht Rabtshik. - ir hot mikh nit derkent?
ikh bin dokh Rabtshik!
- Rabtshik? Rabtshik?... a kentlekher nomen! - makhn di *katsovishe hint un konen zikh *kloymersht nit dermonen ver dos iz.
- vos iz dos bay dir far a tseykhn oyfn rukn? - fregt im Tsautsik, a kleyn hintl, un shpringt im glaykh in *ponim arayn mit groys *azes.
- *mistome a *simen, me zol im nit farbaytn, oder azoy fun sheynkayt vegn, vos farshteyt ir nit? - ruft zikh on mit a *letsones Raudek, a royter hunt mit a mokhnater fel.
- sa *moshl! - entfert im sirko, a groyer hunt, an alter *bokher mit eyn oygl un mit an opgeshnitenem oyer. - oyf tseykhns fregt mikh;
ikh vel aykh zogn, vos dos iz.
dos iz a tseykhn fun *milkhomes mit andere hint, mit gantse titshkes...
- ale redn! - ruft zikh on Zhuk, a shvartser hunt on a veydl. - amer, lozt Rabtshikn redn, vet er aleyn dertseyln.
un Rabtshik tsit zikh oys oyf der erd un hoybt on tsu dertseyln di gantse geshikhte zayne, lozt nisht durkh keyn brekl.
ale lign un hern zikh tsu, nor Raudek, der royter, vos hot lib *letsones, shlogt im iber ale minut mit a vertl.
- Raudek, du vest nisht antshtumt vern? - makht Zhuk der shvartser, vos on dem veydl, un tsit oys a langn genets. - dertseyl, dertseyl, Rabtshik!
mir hobn lib, az me dertseylt undz *mayses nokhn esn...
un Rabtshik hert nit oyf tsu dertseyln zayn troyerike geshikhte mit an umetiker shtime, nor keyner hert im nisht.
Tsautsik redt shtilerheyt mit sirkon, Raudek zogt vertlekh, un Zhuk khropet, vi tsen soldatn, khapt zikh oyf ale mol un genetst un zogt:
- dertseyl, dertseyl, Rabtshik!
mir hobn lib, az me dertseylt undz *mayses nokhn esn...

*T[es]

gants fri iz shoyn Rabtshik geven oyf di fis.
er iz geshtanen fun der vaytn, batrakht di *katsovim mit di hekers, vi zey hakn fleysh.
ot hengt a gantser preydik (*foder-kheylek) mitn haldz arop un dos blut rint...
dort ligt a zodek (*hinter-kheylek), a *mone yofe, fet, mit shmalts bavaksn...
Rabtshik kukt un shlingt di shleym. di hekers hakn dos fleysh oyf shtiklekh, tuen a vorf ale mol a shtikl hoyt, a shtikl *kheylek, oder a beyndl far di hint.
un di hint shpringen tsu un khapn unter.
Rabtshik batrakht, vi di hint klign zikh, shpringen unter akurat dort, vu me badarf, lozn nisht durkh keyn beyndl, un itlekher hunt, *beshas er bakumt zayn *kheylek, tret er op oyf a zayt, tseleygt zikh mit groyskayt un pravet di *sude, kukt zikh arum ale vayle oyf di iberike hint, vi eyner redt:
- ir zet a beyn?
dos iz mayner a beyn, un ikh es im...
di iberike hint makhn zikh vi zey zeen nit, un inveynik bay zikh trakhtn zey zikh:
- vargn zolst du zikh!
oyskrenken zolst du dos!
a gants frimorgn frest er un frest, un mir badarfn kukn vi er est, esn zoln im verem!...
un nokh eyn hunt trogt a shtik fel un zukht an ort oyf tsu iberbaysn, az keyner zol im nit zen:
er hot *moyre far a gut oyg...
un nokh a hunt shteyt akegn a beyzn *katsev, vos shmitst zikh un shrayt un shelt zikh mit di iberike *katsovim.
der hunt dreyt mitn veydl un ruft zikh on tsu di iberike hint mit a *khnifele:
- ir zet ot dem *katsev?
ayo, zey vayzn oys, dakht zikh, gor a beyzer?
lom ikh hobn aza yor, vos far a tayerer mentsh zey zenen!
eyn diment in der velt!
a gildener kharakter!
zey hobn *beemes *rakhmones oyf a hunt;
zey zenen a "hintnfraynd"... ot bald vet ir zen, vi es flit a beyn mit a shtik fleysh - hop!
un er tut a shprung in der luftn un a klap mit di tseyn, *kdey yene zoln meynen, az er hot do gekhapt a grobs...
- beyde zakhn: - ruft zikh on a hunt *min hatsad - i a *khnufenik a *shakren, i a barimer, der *ruekh zol im nemen!...
un nokh a hunt shteyt baym kletsl, vos me hakt deroyf fleysh, un *beshas der heker kert zikh op oyf a vayle, shpringt der hunt aroyf oyfn kletsl un lekt mit der tsung.
vert a havkeray tsvishn etlekhe hint:
zey *masern im farn heker un khapn di erd, az der hunt der *ganev hot genasht a shtik fleysh, aza shtik gold zoln zey hobn!
zey zoln azoy zen far zikh aldos guts, vi zey hobn aleyn gezen mit zeyere oygn!
oyb nit, zoln zey aynnemen a *mise meshune oyfn ort, zey zoln zikh dervargn mitn ershtn beyndl, zey zoln nit farmogn di herner mit di kopites fun di gekoylete shof!...
- fe *khaloshes!
se shlogt tsu der gal! - ruft zikh on an alter hunt fun der zayt, vos volt aleyn a *baln geven epes a lek tun.
un Rabtshik batrakht zikh: vos vet zayn der *takhles, vos er vet do shteyn un kukn ?
ale hint shpringen un khapn, vet er oykh tun dos, vos ale hint tuen...
un eyder er kukt zikh arum, halt men im shoyn baym gorgl un me rayst im, etlekhe hint mit a mol, un me bayst im same in yenem ort, vu es tut vey...
Rabtshik lozt arop dem veydl, farkloybt zikh in a vinkl, tsit oys di morde un hoybt on voyen.
- vos veynst du? - makht tsu im Zhuk un balekt zikh nokhn onbaysn.
- vi azoy zol ikh nit veynen? - zogt Rabtshik. - ikh bin der umgliklekhster fun ale hint oyf der velt!
ikh hob gemeynt, az do, tsvishn eygene, vel ikh khotsh epes khapn.
gloyb mir, ikh volt nisht gekrokhn;
nor ikh bin toyt-hungerik, es geyt mir oys dos *khayes!
- ikh gloyb dir. - makht tsu im Zhuk mit a zifts. - ikh farshtey vos heyst hunger.
ikh gey arayn in dayn troyeriker lage.
nor ikh kon dir gor nisht helfn.
do iz shoyn azoy ayngefirt, az yeder *katsev hot zikh zayn hunt, un yeder hunt hot zikh zayn *katsev...
- un take rekht azoy? - zogt Rabtshik. - vu iz *yoysher?
vu iz hintlekhkayt?
staytsh, a hunt zol tsvishn hint farfaln vern?!
a hungeriker tsvishn zate zol oysgeyn fun hunger?!
- ikh kon dir helfn nor mit a zifts. - zogt Zhuk, genetst gants geshmak un khapt a driml nokhn onbaysn.
- az s'iz yo azoy, - makht Rabtshik un nemt zikh on mit harts - vel ikh geyn glaykh tsu di *katsovim;
efsher vel ikh mir oykh oys'havken a *katsev...
- gezunterheyt! - zogt Zhuk, - abi du zolst nit geyn tsu mayn *katsev, vorem az du vest geyn tsu mayn *katsev, vel ikh dikh makhn on a veydl, azoy vi ikh, du zest, tsi neyn?

*Y[ud]

un Rabtshik iz avek glaykh tsu di *katsovim, durkhgelozt, oysgefelt ale hint un hot zikh ongehoybn tsushmeykhlen tsu di hekers, shpringen in *ponim arayn un dreyen mitn veydl.
nor tsum *shlim-mazl shlept zikh.
eyner a heker, a gezunter yung mit breyte pleytses, hot oyf katoves, *a ponim, im a vorf geton a hak - a glik, vos Rabtshik kon shpringen, anit, volt er tsehakt gevorn oyf tsveyen.
- du tantsst dokh gants *nishkoshedik! - makht tsu im Raudek mit a *letsones. - a *sakh shener fun undzer Tsautsikn.
Tsautsik! kum aher, vestu zen, vi me tantst!...
Tsautsik kumt tsu loyfn un shpringt Rabtshikn glaykh in *ponim arayn.
Rabtshik kon dos shoyn mer nit ibertrogn.
er khapt on Tsautsikn mit di tseyn, leygt im anider un bayst im in baykhl arayn.
er lozt oys tsu im zayn gants biter harts, un khapt di fis oyf di pleytses un makht a *vayivrekh.
er farkloybt zikh eyner aleyn in feld, tsit zikh oys in mitn trakt, bahalt far dosade un far *bizoyen di morde tsvishn di lapes un vil nisht onkukn di likhtike shayn.
es art im *afile nit, vos di flign hobn im bafaln un baysn im;
lozn zey baysn, lozn zey raysn, say vi say in der erd mitn kop!...
- ek velt! - trakht zikh Rabtshik. - a hunt zol nisht konen tsvishn hint, tsvishn eygene, iberlebn a tog *afile, - meg zikh shoyn iberkern di gantse velt!...
. . . . . . . . . . . . . . . . . . . . .

--> *Mesushelekh