Mayses far yidishe kinder I-3: der zeyger

der zeyger hot oysgeshlogn draytsn...
meynt nisht, az ikh shpas.
ikh dertseyl aykh gants erntst a *mayse, vas hot zikh farlofn in *Kasrilevke, bay undz in shtub take, un vos ikh aleyn bin derbay gevezn.
mir hobn gehat a zeyger.
a vantzeyger, an altn-altn *yerushe-zeyger fun dem zeyden nokh, vos der zeyde hot im gehat funem elter-zeyden, etlekhe *doyres *keseyder, nokh fun far Khmelnitskis tsaytn.
an *aveyre, khlebn, vos a zeyger iz nit keyn lebedike zakh, a shtume tsung un kon nisht redn:
er volt dos gehat tsu dertseyln un tsu dertseyln!... in shtot hot undzer zeyger gehat a *shem farn ershtn zeyger, "*reb *Nokhems zeyger".
mentshn flegn kumen onshteln oyf im zeyere zeygers, vorem zayn gang iz geven der *emeser, rikhtiker gang.
ir kont farshteyn, az *afile *reb Leybish *khakren, a yid a *filosof, vos iz geven klor in "*shkies-khokhme" fun der zun aleyn un iz geven klor in dem *luekh oyf oysveynik, - hot er aleyn gezogt (ikh hob dos gehert fun zayn moyl), az undzer zeyger iz... *afile kegn zayn zeygerl a groyse shmate, nisht vert keyn shmek-tabeke, nor vedlik s'iz faran zeygers, iz undzer zeyger a zeyger...
un az *reb Leybish *khakren aleyn hot gezogt, hot men gemegt shteln oyf zayne red, vorem *reb Leybish hot zikh nit gefoylt ale mitvokh far nakht, *beyn minkhe lemayrev, aroyfkletern fun oybn oyf der vaybersher shul, oder oyfn shpitsbarg, vos nebn altn *bes-medresh, un gut nokhkukn, khapn di minut, ven di zun zetst zikh.
in eyn hant hot er gehaltn zayn zeygerl, in der anderer hant - dem *luekh, un *beshas di zun hot zikh aropgelozt oyf yener zayt *Kasrilevke, hot *reb Leybish gemakht tsu zikh aleyn: "gekhapt!"
oftlekh flegt er kumen tsu undz oysglaykhn zikh mit di zeygers.
arayngekumen tsu undz on a gutn ovnt, hot er nor a kuk geton oyf undzer vantzeyger, oyf zayn zeygerl un oyfn *luekh, nokh dem vider a mol oyf undzer vantzeyger, oyf zayn zeygerl un oyfn *luekh, etlekhe mol - un nishto mikh.
nor eyn mol hot zikh getrofn, az *reb Leybish iz arayngekumen tsu undz oysglaykhn di zeygers mitn *luekh, hot er gemakht a gvald:
- *No-khem! gikher! vu bist du?
der tate, nisht toyt nisht lebedik, kumt tsu loyfn.
- ha, vos iz geshen, *reb Leybish?
- *rotseyekh, du fregst nokh ? - makht tsu im *reb Leybish un trogt im unter zayn zeygerl glaykh unter der noz un tut im a vayz oyf undzer vantzeyger un shrayt oys mit aza *kol, vi a mentsh, vos me hot im ongetrotn same oyfn krankn finger:
- *No-khem! vos shvaygst-du?
staytsh, er loyft dokh oyf onderhalbn minut, oyf on-derhalbn minut!
varf im aroys!!!
(dos letste vort kvetsht er shtark, vi funem *shma-yisroel dem "*ekhod").
dem taten fardrist di *mayse.
vos heyst, me heyst im aroysvarfn dem zeyger?!
- fun vanen - zogt er - iz gedrungen, *reb Leybish, az mayn zeyger loyft oyf onderhalbn minut?
tomer voltn mir gelernt dem eygenem *pshat farkert, az ayer zeygerl geyt ayngehaltn oyf onderhalbn minut?
a *kashe oyf a *mayse?
*reb Leybish tut a kuk oyfn taten mit azelkhe oygn, vi oyf a mentshn, vos hot nor vos gezogt, az es kon gemolt zayn dray tog *rosh-khoydesh, oder az s'iz meglekh, az *shive-oser-beTamez zol faln um *erev-Peysekh, oder *kedoyme azelkhe *meshune-vilde gedanken, vos az me zol nor veln zikh tsulozn tsum hartsn, kon men dem shla[k] bakumen!...
*reb Leybish entfert nisht dos andere vort.
er tut a tifn zifts, dreyt zikh oys on a zay-gezunt, tut a zets mit der tir un - nishto mikh!
nor es makht nisht oys;
*reb Leybishn ken di gantse shtot, az er iz zikh aza yid, vos im gefelt nisht keyn zakh oyf der velt.
oyfn bestn *khazn vet er aykh zogn, az er iz a katshan, a shayt-holts, oyfn kligstn mentshn - az er iz a *beheyme *betsures ferd, oyfn shenstn *shidekh, aza s'iz krum, vi a kotshere, un oyfn glaykhstn *moshl, az es klept zikh, vi an arbes tsum vant.
ot aza yid iz zikh geven *reb Leybish *khakren.
nor ikh ker mikh um tsurik tsu undzer zeyger.
dos iz shoyn geven, zog ikh aykh, eyn mol a zeyger!
zayn klingen hot men gehert in der driter shtub: bom!... bom!... bom!...
oyf zayn klingen hot *kimat a halbe shtot gelebt:
opgerekht *khtsos, oyfgeshtanen tsu *slikhes, fraytog tsu der *khale, *erev-shabes gebentsht likht, *shabeys-tsu-nakhts ongetsundn fayer, gezaltsn fleysh *ukhdoyme nokh azelkhe zakhn, vos zenen *shayekh tsu yidishkayt.
haklal, undzer zeyger iz geven a shtot-zeyger.
er hot nebekh gedint zeyer, zeyer getray, er hot zikh keyn mol nisht gepruvt shteln *afile oyf a *mes-les.
er hot oyf zayn lebn nisht farzukht dem *tam, vos heyst a zeyger-makher.
der tate iz aleyn geven iber im der mayster.
(er hot gehat a "*yedie inem *seykhl hazeygermakheray").
ale *erev-Peysekh hot er im pavolinke aropgenumen fun der vant, durkhgereynikt di gederem mit a fledervish, aroysgenumen fun inveynik a pak shpinvebs mit *gemeymeste flign, vos shpinen hobn ahintsu farnart, farplontet un opgerisn di keplekh, mit toyte tarakanes un nestlekh, vos hobn aleyn farblondzhet ahin un gehat dortn a *mise-meshune...
oysgereynikt un oysgeputst, hot er im oyfgehangen tsurik oyf der vant, un er hot geshaynt.
dos heyst, zey hobn beyde geshaynt:
der zeyger hot geshaynt durkh dem, vos me hot im oysgetsvogn un oysgeputst, un der tate hot geshaynt, vos der zeyger shaynt.
*vayehi hayoym, hot zikh getrofn a *mayse.
dos iz geven eyn mol in a sheynem, nisht keyn khmarnem tog, mir zenen ale gezesn baym tish un gegesn onbaysn.
itlekhs mol, ven der zeyger hot geshlogn, hob ikh lib gehat tsu tseyln, un *davke oyf a *kol:
- eyns... tsvey... dray... zibn... elf... tsvelf... draytsn... oy, draytsn!!
- draytsn? - ruft zikh on der tate un tselakht zikh. - bist a sheyner *bal-kheshbn, keyn *ayn-hore nit!
host a mol gehert zeyger draytsn?
- draytsn, - zog ikh - vi ikh bin a yid, az draytsn!
- draytsn petsh vest du fun mir khapn! - makht der tate tsu mir mit *kas. - zolst dos andere mol nisht *iberkhazern aza narishkayt.
goy, a zeyger kon nisht shlogn keyn draytsn!
- veyst vos ikh vel dir dertseyln, *Nokhem? - misht zikh arayn di mame in mitn. - ikh hob *moyre, az dos kind iz gerekht.
mir dakht, az ikh hob oykh ibergetseylt draytsn!
- shoyn! ot host du dir di andere teg *yom-tev! - makht der tate, un es vayzt oys, az er aleyn falt oykh arayn in a shtikl *sofek.
nokhn esn geyt er tsu tsum zeyger, shtelt zikh oyf a benkl, tut a porke inveynik epes a redl, un der zeyger hoybt on tsu klingen.
mir ale zalbedrit tseyln, shoklen tsu *beshas *mayse mitn kop nokh yedn klung:
"eyns... tsvey... dray... zibn... nayen... tsvelf... draytsn"...
- draytsn?! - zogt der tate un kukt oyf undz beyde mit azelkhe oygn, vi bay a mentshn, vos zol derhern plutsem, az di vant hot bakumen *loshn un redt verter.
er tut nokh a mol a porke dos redl, un der zeyger klingt vider a mol draytsn!
der tate krikht arop funem benkl mit a zifts, blas vi di vant, un blaybt shteyn in mitn shtub, kukt oyf der stele, kayet di bord un redt tsu zikh aleyn:
- geshlogn draytsn...
vos heyst dos?...
vos zol dos badaytn?...
er zol zayn kalye, volt er zikh geshtelt...
ele vos den?
muz ikh lernen dem *pshat un zogn: a shprizinkele?...
- darfst du *khkiren "a shprizinkele?" - zogt im di mame. - amer, nemt men arop dem zeyger un me makht im tsu-rekht.
bist dokh epes a mayster!
- sha, *efsher bist du oykh gerekht? - entfert ir der tate un nemt arop dem zeyger un poret zikh mit im.
er shvitst, horevet op a gantsn tog un hengt im oyf tsurik oyf zayn ort - dankn got, der zeyger geyt vi es ker tsu zayn.
un az es kumt arum halbe nakht, shteyen mir shoyn ale arum im un tseyln op tsvelf.
der tate kvelt.
- ha? klingt shoyn nit keyn draytsn?
az ikh zog a "shprizinkele" - veys ikh vos ikh zog!
- ikh zog shoyn lang, az du bist a berye. - makht tsu im di mame. - ikh farshtey nor nit eyn zakh: *lemay khripet er?
er flegt, dakht mir, keyn mol nisht khripen, vi er khripet.
- es vayzt zikh dir oys! - zogt der tate un hert zikh tsu, vi der zeyger khripet *beshas es kumt tsum klingen.
vi an alter man, eyder er badarf zikh oys'hustn, makht er "khil-khilk-khil-trrrr"...
un ersht nokh dem: "bom!... bom!... bom!... un *afile der "bom" aleyn iz shoyn oykh gor nisht der "bom", vos frier;
der frierdiker "bom" iz geven a freylekher "bom", a lebediker, un itst hot zikh *arayngeganvet in im epes a *min umetikayt, a troyerikayt, vi in der shtime fun an altn, oysgedintn *khazn *yom-kiper tsu *nile...
vos vayter vert dos khripen greser un dos klingen shtiler un umetiker, un der tate vert *more-shkhoyrediker;
me zet, az es krenkt im, er hot derfun shtile *yisurim, es ekt zikh im dos *khayes, un er kon dertsu gor nisht helfn.
es dakht zikh, az ot-ot vet zikh der zeyger gor in gantsn anidershteln.
der umru hoybt on tsu makhn epes *miese *tnues, shitere geng.
er hoydet zikh in a zayt, fartshepet zikh ale mol, vi an alter man, vos se shlept zikh im nokh a fus.
me zet, az der zeyger farkatshet zikh anidershteln oyf *tomed, oyf eybik!
a glik, vos der tate kukt zikh arum betsaytns un farshteyt, az der zeyger iz do nebekh got di *neshome shuldik;
shuldik iz di vog - vintsik vog!
un er tshepet tsu tsu der vog dos oybershte funem shtoysl (a *mase fun a por funt).
der zeyger geyt avek vi a *mizmer, un der tate vert freylekh, a nayer mentsh!
nisht lang gedoyert dos ober: der zeyger hoybt vider on unterfoyln zikh, der umru hoybt vider on tsu makhn *meshugene *havayes: a hoyde in eyn zayt pavolye, in der anderer zayt gikh, mit a krel - "kkhi".
es krelt bay der *neshome, es shlogt tsum hartsn!
a gots *rakhmones tsu zen, vi der zeyger *goysest.
un der tate, oyf im kukndik, tsankt, geyt oys far *yisurim, vert oys mentsh.
vi a guter dokter a *mumkhe, vos iz zikh *mafkir funem *khoyle vegn, vendt ayn ale *koykhes, trakht tsu vu s'iz faran a mitl oyf der velt, *kdey tsu rateven dem krankn, nisht lozn im shtarbn, azoy hot zikh der tate genumen rateven dem altn zeyger mit ale meglekhkaytn.
- vintsik vog, vintsik *khayes! - zogt der tate un hengt on oyf der vog ale mol nokh un nokh *mase: frier an ayzerne skovrede, nokh dem a kuperne kvort, shpeter a presl an ayzerns, a zekele zamd, a por tsigl, - der zeyger tsit derfun ale mol frish *khayes un geyt, mit *tsores take, mit angstn, nor er geyt.
biz es hot zikh getrofn eyn mol bay nakht a groyser umglik.
dos iz geven im vinter, fraytik-tsu-nakhts.
mir hobn opgegesn di *shabesdike vetshere, di geshmake gefeferte fish mit khreyn, di heyse yoykh mit lokshn, dem floymen-tsimes, un opgebentsht, vi es geher tsu zayn.
di *shabesdike bentshlikht hobn nokh getsankt.
di dinst hot derlangt funem oyvn frishe, vareme, gut oysgetriknte semetshkes, un es kumt arayn di mume Yente, a *shvartskheynevdik vaybl on tseyn, vos der man hot zi avekgevorfn un avekgelozt zikh keyn Amerike shoyn etlekhe yor.
- gut *shabes! - zogt di mume Yente. - ikh hob gevust, az s'iz bay aykh do frishe semetshkes;
der *khisorn, vos s'iz nishto mit vos tsu knakn, nisht mer zol mayn *shlim-mazl lebn, vifil ikh hob tseyn in moyl...
vi gefelt dir, *Malke, di hayntike fish, vos s'hot zikh opgeton bay zey?
ikh freg im, *Menashe dem filyer, vos aza *yakres oyf aykh?
shpringt unter *sore-Perl di *negides: "git mir gikher, git mir, vegt mir op ot dos hekhtl!"
"vos aza hits oyf aykh, zog ikh, got iz mit aykh, der taykh brent nit, un *Menashe vet tsurik di fish nit firn;
bay di *negidim, zog ikh, iz, *a ponim, gelt volvl un *seykhl tayer?...
geyt zi dokh *mistome un efnt oyf mir a moyl:
kabtsonim, zogt zi, hobn do nisht vos tsu tun...
an oreman, zogt zi, tor zikh nisht glustn"...
vos zogst du oyf aza hultayke?
lang iz zi geshtanen meydlvayz mit ir mame in mark baym tishl un farkoyft steyngelekh?...
punkt azoy vi Pesl-Peysi-Avroms nemt zikh iber mit ir tokhter, vos zi hot *khasene gehat far a *gvir fun strishtsh, zi genumen vi zi shteyt un geyt...
yidishe glikn - me zogt, zi vert farshvartst, keyn *ayn-hore, oyf ire yor un teg, kon nisht hoyzn mit di kinder...
vos-zhe, s'iz gut tsu zayn a shtifmame?
me zol gor bahit vern!
ot nemt *Khavelen - dakht zikh, vos hot men tsu ir?
zolt ir zen, vos zi hot fun shtifkinder!
tog vi nakht hert men *koyles, me shtelt zikh faygn, pitsh-patsh, dray shleyers a groshn...
di likht hoybn on oysgeyn.
der shotn oyf di vent kletert, drapet zikh hekher un hekher.
di semetshkes trishtshen, der *oylem *shmuest, dertseylt *mayses, glat azoy in der velt arayn, eyne tsu der anderer geher zikh nit on.
nor mer fun ale redt di mume Yente.
- sha! - ruft zikh on di mume Yente. - *lemay ot hot zikh nit lang getrofn nokh a shenere *mayse?
nit vayt fun Yampele, a verst dray, zenen *gazlonim bafaln a yidishe kretshme, oysgekoylet a gantse shtub mit mentshn, a pitsele kind in vigele oykh gekoylet, ibergelozt nor eyn dinstmeydl, vos iz geshlofn in kekh oyfn oyvn;
zi hot derhert, me shrayt, iz zi aropgeshprungen, dos dinstmeydl, funem oyvn, zi tut a kuk durkh der shparine fun der tir, zet zi, dos dinstmeydl, es ligt oyf der erd der *balebos mit der *baleboste gekoylete, un blut a gantser taykh.
iz zi zikh *meyashev, dos dinstmeydl, un shpringt aroys durkh a fentster, un loyft avek glaykh in shtot arayn mit a gvald:
"yidishe kinder, ratevet, gvald, gvald, gvald!!!"...
plutsem, azoy vi di mume Yente gvaldevet do, hern mir: trrrakh - tarrarrakh - bom - dzin - dzin - bom!...
fartift in der *mayse, hobn mir nor gemeynt, az *gazlonim zenen ongefaln oyf undzer shtub un hobn oysgeshosn fun tsen harmatn, oder s'iz ayngefaln der dakh, oder s'iz erd-tsiternish, oder azoy epes an umglik iz geshen.
mir hobn zikh nisht gekont rirn fun di erter.
a minut hobn mir gekukt eyns oyf dos andere on verter, un ale mit a mol hobn mir ongehoybn tsu shrayen: gvald! gvald! gvald! -
fun groys impet khapt mikh di mame arum, kvetsht mikh tsu tsum hartsn un shrayt:
- mayn kind, mir zol zayn far dir, vey iz mir!
- ha? vos? vos iz im? vos iz geshen? - shrayt der tate.
- gor nit, gor nisht! sha! sha! - shrayt di mume Yente un makht mit di hent, un dos dinstmeydl loyft arayn fun kikh a toyte.
- ver shrayt do? vos iz? es brent? vu brent? vu?
- ver brent? vos brent? brenen zolst du oyfn fayer, du moyd eyne, farbrent un *farsarfet zolst du vern! - shrayt di mume Yente oyfn dinstmeydl. - ot iz zi oykh do, tomer iz karg!
na dir gor se brent!
in der erd arayn, tsu aldi shvartse yor!
host du gehert an antik!
vos shrayt ir, velkhe gute yor?
vos gvaldevet ir?
tfu oyf mayne *sonims kep!
me hot zikh dos a bisl ibergeshrokn, tomer veyst ir vos?
far a klap!
nito ver s'zol lakhn!
got iz mit aykh, dos iz der zeyger, der zeyger aropgefaln, haynt veyst
ir shoyn?
me hot ongehangen oyfn zeyger fun *kol mayminim shehu, dray pud *mase, iz er aropgefaln.
vos iz dos *khidesh?
lehavdl, a mentsh volt oykh nit beser geven!
host du gehert a bisl!...
ersht demolt kumen mir tsu zikh.
oyfgeshtanen eyntsikvayz funem tish, geyen mir tsu tsum zeyger un batrakhtn im, vi er ligt nebekh mitn *ponim arop, a *derhargeter, a tsebrokhener, a tseshotener, a skalitsheter oyf eybik!
- oys zeyger! - makht der tate, toyt vi di vant, aropgelozt dem kop, vi *bshas me geyt tsu tsu a *mes, tsu a *bar-minan.
er brekht di hent, un trern shteyen im in di oygn.
ikh kuk oyfn taten, es glust zikh mir veynen.
- sha, ze nor, vos darf men zikh azoy opesn dos harts? - zogt di mame. - *mistome azoy bashert, ongetseykhnt *min hashomayim, az haynt, in der doziker minut, badarf zayn der *sof zayner, vi *lehavdl a mentsh, got zol nit shtrofn far di reyd!
a *kapore, nit im *shabes dermanendik, far mir, far dir, far undzere kinder, far ale undzere libe un getraye, un far *kol-Yisroel, *omen sele...

a gantse nakht nokh dem hobn zikh mir geplontet zeygers.
es hot zikh mir forgeshtelt: undzer alter zeyger ligt oyf der erd, ongeton in vayse *takhrikhim.
es hot zikh mir forgeshtelt, az der zeyger lebt, nor oyfn ort funem umru varft zikh hin un tsurik a lange tsung, a tsung fun a mentshn, un der zeyger klingt nit, nor er krekhtst, un itlekher krekhts nemt bay mir tsu a shtik gezund...
un oyfn tsiferblat, dort vu ikh bin gevoynt tsu zen *tomed dem 12, derze ikh mit a mol a tsifer 13, take draytsn - ir megt mir gloybn oyf *nemones!...

--> Rabtshik