mayses far yidishe kinder I-10: *tsar-bale-khayim

 *tsar-bale-khayim
 gedanken fun a narish yingl
 geshribn in yor 1903

 *tsar-bale-khayim
 (gedanken fun a narish yingl)

 *A[lef]
- zolst zayn a voyl yingele, voltst du undz geholfn onraybn khreyn, biz mir veln fartik vern mit di fish *lekoved dem heylikn *yom-tev.
azoy makht tsu mir di mame *erev-shvues nokh halbn tog, un in eynem mit der kekhin shobt zi di fish tsu der milkhiker *sude, nokh lebedike, nokh tsapldike fish, vos az me hot zey arayngeleygt in a shisl, a groyse leymene gegleyzte shisl mit vaser, hobn zey zikh nokh gevorfn.
mer fun ale hot zikh gevorfn a kleyn koresl nebekh mit a groys baykhele, mit a kaylekhik maylkhl un mit royte oygelekh.
dos dozike koresl hot shtark *kheyshek gehat, *a ponim, tsurik in taykh arayn, hot zikh es gevorfn, geshprungven fun shisl aroys, geefnt dos maylkhl, gepatsht mitn ekl un geshpritst mir dos vaser glaykh in *ponim arayn:
"yingele, rateve mikh!... rateve mikh!"...
ikh vish oys dos *ponim un nem zikh tsu der arbet, raybn khreyn oyf *yom-tev, un trakht mir: "orem koresl vos du bist!
ikh kon dir gornisht tun...
ot vet men dikh nemen tsu der arbet: me vet dikh opshobn, vet men dir oyftrenen dos baykhele, oystreybern di kishkelekh.
nokhdem vet men dikh tseshnaydn oyf shtiklekh, araynleygn in tepl arayn, bazaltsn un bafefern, avekshteln oyfn fayer un kokhn un preglen, un brotn un brotn un brotn"...
- a *rakhmones, zog ikh tsu der mame, a *tsar *bale-khayim.
- oyf vemen a *tsar bale-khayim?
- oyf di fishelekh.
- ver hot dos dir gezogt?
- der *rebe.
- der *rebe?
zi kukt zikh iber mit der kekhin, vos helft ir shobn di fish, un beyde tselakhn zikh.
- du bist a nar, un dayn *rebe iz nokh a greserer, ha-ha...
rayb dem khreyn, rayb!
az ikh bin a nar - dos veys ikh.
dos zogt mir di mame ale mol.
un der tate oykh.
un di brider oykh.
un di shvester oykh.
nor az der *rebe iz nokh a greserer nar, vi ikh - dos iz bay mir a nayes.

 *B[eys]
ikh hob a *khaver Pinyele, a *shoykhets a yingl.
bin ikh gekumen a mol tsu im tsu gast un hob derzen, vi a kleyn meydl hot gebrakht tsu zey tsu trogn a groysn galagansken hon, gepentet di fis mit shtriklekh.
mayn *khavers foter, der *shoykhet, iz geshlofn, un dos meydl iz gezesn bay der tir un gevart.
der hon, a yungatsh mit beyner, hot zikh gerisn nebekh funem meydls hent, gedriget mit di gezunte fis ir in boykh arayn, derlangt a pik ir in hant arayn, aroysgelozt ale mol a "ko-ko-ko" funem haldz - geprotestirt, vi vayt meglekh.
dos meydl iz ober oykh nisht geven keyn promakh.
hot zi dem hons kepl arayngeleygt tsu zikh untern orem, gegebn im ale mol a shturkh mitn eln-boygn un a zog derbay:
- zits in gehakte vundn.
un er hot zi gefolgt un gezesn in gehakte vundn.
nokh dem, az der *shoykhet iz oyfgeshtanen, hot er gevashn di hent un aroysgenumen dem *khalef.
er hot mit a vunk geheysn zikh derlangen dem hon.
ikh hob derzen, az oyfn *bokher iz gekumen a naye hoyt.
es hot zikh im, *a ponim, oysgevizn, az dos bindt men im op di gepentete fis un me lozt im op fray, tsu zayne hiner, tsu der prose un tsu der korete mit vaser.
tsum *sof hot im der *shoykhet a nem geton tsu zikh tsvishn di fis, mit eyn hant farrisn im dos kepl, mit der anderer oysgeflikt im etlekhe federlekh, im a *toyve geton un gemakht a *brokhe, un khik - mitn *khalef ibern haldz, opgetsapt a bisl blut in ash arayn, un a shlayder fun zikh.
ikh hob gemeynt, er vet tseshotn vern.
- Pinye! dayn tate iz a *goy! - zog ikh tsu mayn *khaver.
- mit vos iz er a *goy?
- nishto bay im keyn "*tsar-bale-khayim".
- ikh hob gor nisht gevust, az du bist aza *khokhem. - zogt tsu mir mayn *khaver un trogt mir unter a gants sheyne fayg glaykh unter der noz.

 *G[iml]
undzer kekhin iz a blinde oyf eyn oyg.
me ruft zi "Frume mitn eygl".
a moyd on a harts.
eyn mol hot zi opgeshmisn di kats mit kropeve derfar, vos s'hot zikh ir oysgevizn, az di kats hot avekgeshlept a leberl funem zaltsbretl.
tsum *sof, az zi hot ibergetseylt nokh a mol di *oyfes mit di leberlekh, hot zikh oysgelozt, az zi hot gehat a *toes.
zi hot gerekhnt, az me hot gekoylet zibn *oyfes, hot badarft zayn nokh ir *kheshbn zibn leberlekh, un s'iz gor geven zeks *oyfes.
un vi bald az zeks *oyfes, darf dokh mer nisht zayn az zeks leberlekh, - gots *nisim!...
umzist *khoyshed geven a kats.
kert ir meynen, az Frume hot zikh genumen tsum hartsn, gegangen *mistome iberbetn di kats?
veys ikh vos - fargesn!
i zi hot fargesn, i di kats hot fargesn.
in a por *sho arum iz di kats gezesn gants statetshne oyfn pripetshik un balekt zikh, glaykh vi s'iz gornisht geven.
nisht umzist zogt men: a katsener *moyekh.
ikh hob ober nisht fargesn. neyn.
ikh hob nisht fargesn.
ikh zog tsu undzer kekhin: "umzist geshmisn a kats.
umzist genumen oyf zikh an *aveyre - "tsar-bale-khayim".
got vet dikh shtrofn".
- vest nisht avekgeyn?
ot geb ikh dir mit der hantshirke ibern *ponim!
azoy zogt Frume mitn eygl un git tsu:
*reboyne shel oylem!
fun vanen nemen zikh azelkhe narishe kinder oyf der velt?...

 *D[aled]
dos iz geven iber a hunt, vos me hot im opgekokht mit zudik vaser. take zi, di eygene "Frume mitn eygl".
akh, hot im vey geton, dem hunt!
frier hot er gekvitshet, geshrign, gebilt mit *sakones-nefoshes, ayngeleygt di velt.
dos gantse shtetl iz zikh tsunoyfgelofn oyf zayn beyz vunder un gelakht, un gelakht.
di ale iberike hint vos in shtetl hobn zikh opgerufn, itlekher fun zayn mist, un itlekher oyf zayn shteyger, glaykh vi me fregt bay zey a *deye...
nokh dem, az der opgekokhter hot zikh gut oysgekvitshet, hot er ongehoybn voyen, unterhavken, lekn di farvundete fel un veynen shtilerheyt.
es hot mikh ongenumen baym hartsn.
ikh gey tsu tsu im, ikh vil im shenken a glet:
- na, sirko!
der hunt hot derzen, az ikh heyb oyf di hant, hot er zikh oyfgekhapt, vi nokh a mol an opgebriter, tsunoyfgenumen dem ek un iz avek - avek.
- stoy, sirko! - pruv ikh mikh im aynshtiln mit veykhe red. - vos antloyfst du, narele?
ikh vil dikh den tshepen?...
a hunt blaybt a hunt.
a shtume tsung.
er veyst nisht fun keyn "*tsar bale-khayim".
derzet der tate, az ikh pore zikh mitn hunt, git er mir a rekhte portsye:
- in *kheyder arayn, du hintshleger!...
bin ikh shoyn gor der hintshleger.

 *H[ey]
un dos iz geven iber tsvey feygelekh.
tsvey *poshete, kleyne feygelekh, vos tsvey *shkotsimlekh, eyner a greserer, der anderer a klenerer, hobn *derharget.
di tsvey feygelekh, az zey zenen aropgefaln oyf der erd, hobn zey nokh gelebt, gezesn tselozt di federlekh, getsitert nebekh un geflatert mit ale *eyvrim.
- rir zikh, du mops! - hot dos groyse sheygetsl a zog geton tsum klenern sheygetsl, un zey hobn genumen di untergeshlogene feygelekh in di hent arayn un hobn zey geshlogn mit di keplekh in boym arayn, vi mir, a shteyger, shlogn di *hoshaynes in shtender arayn, biz di feygelekh zenen oysgegangen.
- vos tut ir dos! - hob ikh mikh nisht gekont aynhaltn un hob mikh ayngeshtelt tsutsuloyfn tsu di *shkotsimlekh.
- khiba shtsho? vos iz den? - hobn zey mir geentfert gants ruik. - tsezh vorobtsi! - s'iz dokh nisht mer, heyst dos, vi feygelekh, iz vos?
oyf a feygele iz den nisht keyn *rakhmones, keyn "*tsar bale-khayim?"
beyde *shkotsim hobn zikh epes modne ibergekukt.
un glaykh vi zey hobn zikh oyfgeredt nokh fun frier, hobn zey mikh genumen tsu der arbet...
az ikh bin gekumen aheym, hot mayn kapotkele oysgezogt di gantse *mayse.
hot mir der tate *mekayem psak geven loyt mayn fardinst.
- opgerisener nar! - shrayt oyf mir der tate.
*meyle "opgerisener nar" bin ikh im *moykhl.
far vos kumt mir ober petsh?!...

 *V[ov]
far vos kumt mir petsh?
zogt den nisht der *rebe aleyn, az ale bashefenishn zenen baym oybershtn tayer?
*afile a flig oyf der vant tor men nisht zatshepen, zogt er, iber "*tsar bale-khayim".
*afile a shpin, vos iz shoyn a *mazik, tor oykh a mentsh nisht *hargenen.
un er zogt dos mit a *tam:
"ven s'zol im kumen, zogt er, *mise, volt im got aleyn *hargenen"...
fregt zikh a *kashe: gut.
vi bald azoy, haynt *lemay koylet men oksn, kelblekh, shof un *oyfes ale tog?
un nisht nor *beheymes, *khayes un *oyfes - mentshn *hargenen zikh den nisht eyns dos andere?
ot *beshas "pogrom" hot men den nisht gevorfn kleyne kinder, *oyfelekh funem boydem arop?...
hot men den nisht *geharget undzer *shokhns a meydele - Perele hot zi geheysn - un nokh vi azoy *geharget!!...
akh, vi ikh hob lib gehat dos kind!
un vi dos kind hot mikh lib gehat!
"feter bebebe" flegt zi mikh rufn - ikh heys velvele - un raysn mikh bay der noz mit ire kleyne dine zise fingerlekh...
tsulib ir, tsulib Perelen, rufn shoyn mikh ale "feter bebebe".
- ot geyt der "feter bebebe", vet er dikh nemen oyf di hent.

 *Z[ayen]
Perele iz geven a krank kind.
dos heyst, azoy iz zi geven *nishkoshe, nor geyn hot zi nisht gekont.
nisht geyn, nisht shteyn.
nor zitsn.
flegt men zi darfn trogn oyf di hent in droysn aroys.
zetsn in zamd arayn, oyf der zun.
zi hot lib gehat di zun.
*sakones lib gehat.
fleg ikh zikh arumtrogn mit ir, flegt zi mikh arumnemen dem haldz mit ire dine zise fingerlekh, zikh tsutulyen tsu mir mitn gantsn-gantsn laybele, aroyfleygn oyf mir dos kleyne kepele: "lib dem feter bebebe".
undzer *shkheyne Krene zogt, az zi kon nokh *ad hayem nisht fargesn ot dem "feter bebebe", un tut zi a kuk oyf mir, azoy muz zi, zogt zi, dermonen zikh on ir Perelen...
beyzert zikh oyf ir mayn mame, *lemay zi veynt.
me tor nisht veynen, zogt di mame.
me tor nisht zindikn.
me darf fargesn... fargesn...
azoy zogt ir di mame un farshlogt ir "hake-bake".
un mikh traybt di mame durkh: "ikh zol mikh nisht dreyen far di oygn, vet men zikh nisht dermanen on dem, vos me darf nisht"...
kha-kha! vi iz dos meglekh, me zol zikh nisht dermanen?
un derman ikh zikh inem dozikn kind, azoy shteln zikh mir trern in di oygn aleyn fun zikh, fun zikh...
- zet nor, er veynt shoyn vider, der *khokhem! - ruft zikh on Frume mitn eygl tsu der mamen.
un di mame tut oyf mir a gikhn kuk un tselakht zikh:
fargangen dir der khreyn in di oygn arayn?
a *make der mame!
s'a harber khreyn dos iz!
fargesn im onzogn tsumakhn di oygn, a *tsore iz mir!...
na dir mayn fartekh...
vish oys di oygn, narish yingl, un di noz in eyn vegs vish op... di noz! di noz!...