dos kestele fun pimsnholts

griner akvaryum 13:  Dos kestele fun pimsnholts

Er gedenkt shoyn aleyn nit ver s'hot im fartroyt di geheymenish.
Kon zayn a *kholem.
A *kholem-karlik, oyf kvekzilberne fislekh, hot zikh arayngeganvet in zayn *neshome, durkh a fentsterl aza, vos er hot fargesn ineveynik tsushlisn un im dertseylt dem *sod.
s'kon oykh zayn, azoy meynt er, az der zokn, vos hot zikh oysbahaltn in an *oyhel oyfn *bes-oylem un gevart bizkl zayn lange purpurne bord, vi a tsvayg rabines, vet araynvaksn in der erd un im tsuvortslen tsu di toyte - hot es im dertseylt mit zayne shtamlendike lipn.
Un *efsher - er kon nit shvern az nit - hot dem *sod im oysgeklogt oyf *mame-loshn a kukavke.
Er gedenkt nit ver, nor emets hot im in yener tsayt arayngeshushket, az dortn-un-dortn, oyf totershe gas in a brunem, iz bahaltn a kestele fun pimsnholts, vos iz ful mit di tayerste dimentn - eyntsike in der velt. Der fayerdiker ek fun *milkhome hot zikh nokh getsoygn durkh der toyter shtot, vi a rizike, prehistorishe bashefenish.
Di shvartse pletser fun opgebrente moyern hobn balagert leymike volkns, glaykh di volkns voltn aropgenidert optsuboyen di shtot...

In eyner a nakht hot der mentsh, ongeton in papirene *bgodim, vos er hot gehat far zikh oyfgeneyt fun *sheymes fun heylike *sforim, zikh gelozn fun *bes-oylem tsu totershe gas oyftsuzukhn dem brunem.
vayl khotsh er iz geven elnt vi a finger, hot di *mayse mitn kestele fun pimsnholts dervaremt zayn gebeyn.
Lang zukhn dem brunem hot er nit badarft. Di *levone hot mit blitsikn shiml arumgelekt zayne ventlekh un derbay iz gelegn der brunemshtang, vi a *tlie vos knit farn gehangenem.
Un der mentsh hot arayngekukt ineveynik un gornisht nit gezen, vayl zayn *ponim iz baflekt gevorn fun shpinvebs baym beygn zikh ibern moyl fun brunem.
Hot er tserisn oyfn *ponim di blinde shpinvebnets un arayngevorfn in brunem a shteyn oystsumestn, vedlik der tsayt fun zayn faln, di tifenish.
Der shteyn hot im geentfert.
Un demolt hot er fun buzem oysgeplontert a shtrik, zi farknipt arum a hok, un vi a koymen-kerer in a koymen zikh aruntergelozn in brunem.
Leblekh iz geven dos vaser vi dos harts fun an okorsht geshtorbenem.
Un ersht demolt ven di *levone, vi a perlne turkltoyb, hot aroysgefliglt mit a zifts fun brunem, hot der mentsh oysgefunen untern vaser dos kestele fun pimsnholts, in buzem es bahaltn, un zayne beyner hobn gezungen baym aroyftsien zikh oybn.
Der morgn-shtern iz gehangen iber der gegnt vi a tropn blut.
Un der mentsh iz gelofn iber tliendike holoveshkes, biz vanen er iz derlofn tsum altn *bes-oylem.
Ersht dortn, mit a klapndik harts, un mit oygn vi vilde monblumen, hot er in beyde hent arayngenumen dem *oytser un es gehaltn antkegn.
Un er hot derzen a - sharbn.
A sharbn vi alter parmet, mit shtoynendike tsvey lekher un mit a klugn, lebedikn shmeykhl, hot im ongekukt in der *mapoyles un - nit oysgeredt keyn vort...
- sharbn, vi iz dayn nomen?
Un az di tseyn di farbisene funem sharbn hobn oyf dem nit geentfert, hot der mentsh mer nit oysgehaltn un im a shlayder geton on dr'erd vi *Moyshe di *lukhes.
Nor bald iz im gekumen oyfn *rayen, az der sharbn iz enlekh tsu zayn tatn.
Hot er badekt mit kushn dem lebedikn shmeykhl un zayne fayerdike trern hobn zikh ibergegosn in dem sharbns lekher.
Baym kushn im hot er derfilt a heymishkayt. A varemer *nign hot zikh tseshpilt in zayne odern.
Ober plutsem hot im a vister *koyekh a zets geton ahinter:
- Neyn, s'iz nit der tate, yener hot azoy nit oysgezen. Un er hot nokh a mol in beyde hent arayngenumen dem sharbn un vi a hunt a tseshlogener derlangt a voye:
- vi - iz - dayn - no - men?!
Un demolt hot der mentsh derhert zayn eygenem nomen...
Un er hot derfilt, az der kop, vos er trogt shoyn azoy fil yorn oyf di akslen, iz nit zayner.

Hot er oyf zayn kop aroyfgeton dem sharbn, un tsuhaltndik im azoy mit beyde hent, in di papirene *bgodim, vos er hot gehat far zikh oyfgeneyt fun *sheymes fun heylike *sforim - hot er zikh avekgelozn iber der toyter shtot tsu bagegenen di *geule... [B: *geule.]

[14]  Bomke
 tsurik griner akvaryum