tsum ondenk fun a peltsl

griner akvaryum 9:  Tsum ondenk fun a peltsl

Baym vern a peltsl bistu farblibn a shefele.
Ven mayn mame hot dikh oysgekoyft bay a Kirgiz a hundert-yerikn far a torbele zalts un mikh derfreyt mit der *matone tsum zibetn geboyrn-tog - iz azoy vi der mames otem volt arayn in mayne beyndlekh, vi ikh volt ongeton a lebedike zun...
Krumoygik un tseshnitn fun kinzhaln hobn marshirt in shneyen di teg.
In dir hob ikh bashafn mayn ersht lid - a shneymentsh.
A gayst bin ikh geven in dayne fligl. Fun zikh aleyn farshvundn. Zibn shtralike toybn hobn mikh gebrakht aheym.
Host mikh bagleyt iber tsaytn, lender, mitn *nign fun der kindhayt - a varem fidele.
Host gezen vi der *tsofn-shtern hot mikh geton a rats...
ven kh'bin gevorn far dir tsu groys, hostu mir opgegebn dayne hent - di tsvey arbl, tsu farlengern di frayndshaft.
Dir, mayn peltsl, hob ikh fartroyt mayne *levonedike papirlekh, mit blinde tsehopkete *shures, vi der tants fun a *shiker in shney...
Un shpeter, ven mayn toybnshlak iz avek mit di volkns, ver nokh, oyser dir un a tshate vundn, hobn mikh bagleyt!..
ven mayn *ponim hot zikh farbitn in a farkvetshtn finger, hostu nit derlozn dem fyoletn ayz tsu farglivern mayn shmeykhl.
Un eyn mol bay nakht, in a vald, iber shlangen balzamirte in ayz, hot a froy bakumen veyen...
Un in dir, in dayn varemer nest, iz arayn dos bloe kindele, - blo vi du.
Un a tsveytn mol, - a naketer, bloyz mit dir oyf di akslen, hob ikh geritn tsu der morgndiker zun iber a shlakhtfeld.
Der shney - a loyterer baynakhtiker himl. Mayn ferd - a himen ibern shney. Funem shnit in zayn oderdikn haldz faln goldene fishelekh. Mayne ripn zenen batsoygn mit zayne. Hoyt iz iberik. Bistu oykh gevorn iberik, tsi hostu derfilt mayn ranglenish un, vi a blik vos iz ongebloyt fun klugshaft, zikh aropgelozn in shney?
"Dibom" hot zikh geshtelt dos ferd. Zayn rayter hot derzen
- a blo shefele blonket in der eybikayt:
- Me-me... ma-me...

Un a volf, in shney a geshlifener, a blanker, firfisiker meser, shnaydt di gegnt.

[10]  Der toyt fun an oks
tsurik griner akvaryum