*Mayses fun hintern oyvn 4: Taybele un Hurmiza

  1

in der shtot Lashnik, nisht vayt fun Lublin, hot gevoynt a porfolk.
er hot geheysn *Khayim Nosn, zi - Taybele.
di por hobn nisht gehat keyn kinder.
tsvor, *Khayim Nosn iz nisht geven keyn *oker un Taybele keyn umtrakhterin.
Taybele hot geboyrn ir man a yingl un tsvey meydlekh, ober ale dray zenen geshtorbn kleynerheyt, eyns fun koklhust, eyns fun sharlakh un eyns fun difterit.
dernokh hot zikh Taybeles trakht farshlosn un s'hobn nisht geholfn keyn *brokhes, shprukhn, kraytekh[ts]er.
fun *tsar iz *Khayim Nosn gevorn a *poresh.
er hot zikh opgesheydt fun vayb, oyfgehert esn fleysh un iz mer nisht geshlofn mitn vayb in *shlof-kheyder, nor in *beys-medresh oyf der bank.
Taybele hot gehat *geyarshnt fun tate-mame a shnit-krom un zi iz dort gezesn a gantsn tog mit an eyl rekhts, a sher links un a *taytsh-khumesh fun fornt.
der *Khayim Nosn iz geven a hoykher, a darer, mit shvartse oygn un a shpitsik berdl vi a klin - *beteve an ayngeshlosener in zikh, mit a *shem fun a mruk *afile ven alts iz gegangen *keshure.
Taybele iz geven a kleyne, a hele, mit bloye oygn un a kaylekhik *ponim.
vi voyl got hot zi geshtroft, flegt zikh nokh alts bavayzn oyf ire lipn a shmeykhl un in di bakn hobn zikh avekgeshtelt *kheyn-gribelekh.
zi hot mer nisht gehat far vemen tsu kokhn, fun destvegn hot zi yedn tog ongetsundn fayer in oyvn, oder unter dem drayfus, oyfgezotn far zikh a grits, a yaykhl, oder a borsht.
zi hot oykh geshtrikt a zok, a laybl, oder gor oysgeneyt oyf kanve.
s'iz nisht geven ir gevoynhayt tsu griblen zikh un tsu bitern on a grenets.
in eynem a tog hot *Khayim Nosn arayngeleygt in a zak dem *talis-un-tfiln, a bisl vesh, a labn broyt un iz avek fun hoyz.
di *shkheynim hobn im gefregt vu er geyt un er hot geentfert: vu di oygn veln mikh trogn.
m'iz gekumen onzogn Taybelen di *bsure, az der man iz fun ir avek, ober s'iz shoyn geven tsu shpet im nokhtsuyogn, er iz gehat ariber dem taykh mit der prom.
m'hot zikh shpeter dervust, az er hot gedungen a fur keyn Lublin.
Taybele hot aroysgeshikt a *sheliekh im zukhn, ober nisht der man un nisht der *sheliekh hobn zikh umgekert.
Taybele iz tsu dray un draysik yor geblibn an *agune.
nokh a tsayt zukhn hot Taybele banumen az zi hot mer nisht oyf vos tsu hofn.
got hot ir gehat tsugenumen say di kinder, say dem man.
zi hot mer keyn mol nisht getort *khasene hobn.
fun itst on hot Taybele gemuzt lebn aleyn.
zi hot gehat ir hoyz, ir krom, ir virtshaft.
di shtotlayt hobn zi graylekh badoyert vayl Taybele iz geven a shtile, a guthartsike, an erlekhe in handl.
ale hobn *getaynet dos eygene: far vos kumt ir aza shtrof?
ober gots vegn zenen farhoyln.
di Taybele hot gehat etlekhe vayblekh in ir elter vos zi hot zikh mit zey *gekhavert nokh fun di meydlshe tsaytn.
bay tog iz yede *baleboste farnumen mit ire tep, ober in ovnt flegn a mol Taybeles *khavertes kumen tsu ir farbrengen.
in zumer zenen ale gezesn in droysn oyf der bank, m'hot *geshmuest un zikh dertseylt *mayses.
eyn mol in a zumer-ovnt on a *levone, ven in shtot iz geven fintster vi in *Mitsrayim, iz Taybele gezesn mit ire gezelins un Taybele hot zey dertseylt a *mayse fun a *mayse-bikhl vos zi hot gekoyft bay a pakntreger: a geshikhte fun a yidisher tokhter vos a *shed hot zikh tsu ir bahoftn un gelebt mit ir vi a man mit a vayb.
Taybele hot ibergegebn dem traf mit ale *protim.
di vayblekh zenen gevorn azoy dershrokn az zey hobn zikh ongenumen bay di hent, zikh tsugedrikt eyne tsu der anderer, oysgeshpign, gelakht mit a gelekhter vos kumt fun *pakhed.
eyne hot a freg geton:
- far vos hot zi im nisht fartribn mit a *kameye?
- nisht yeder *shed shrekt zikh far a *kameye - hot Taybele geentfert.
- far vos iz zi nisht geforn tsu keyn *bal-shem?
- er hot zi gevornt, az oyb zi vet antplekn dem *sod, vet er zi dervergn.

- ikh'l shoyn forkht hobn aheym tsu geyn - hot an andere gezogt.
- ikh'l dikh tsufirn - hot di drite zi getreyst.

grod iz farbaygegangen *Elkhonen, a belfer vos hot zikh geshnitn oyf a *badkhn un vos iz shoyn finf yor gezesn an *almen.
*Elkhonen hot gehat a nomen far a gringn parshoyn, a *lets, an ibergedreyt shlesl.
er iz gegangen mit shtile trit vayl s'hobn zikh im gehat oysgetribn di zoyln fun di shikh un er hot getretn oyf di borvese fis.
ven er hot gehert Taybelen dertseyln di *mayse, hot er zikh opgeshtelt, geloysht.
dos *khashkhes iz geven azoy gedikht un di vayblekh hobn zikh azoy arayngeton in dem gehalishn farloyfenish, az zey hobn nisht geleygt keyn akht.
der *Elkhonen iz geven an oysgelasener, a *bal-tayve, ful mit hinterlistike un *khamer-eyzlshe kuntsn.
s'iz im glaykh ayngefaln a voylerisher plan.
nokh dem vi di vayblekh zenen avek, iz *Elkhonen shtilerheyt arayn tsu Taybelen in hoyf.
er hot zikh dort farshtekt hinter a boym un geloyert.
ven er hot gezen durkhn fentster fun shlofshtub vi Taybele leygt zikh in bet un farlesht dos likht, hot er zikh mit shtile trit *arayngeganvet in ir *dire.
Taybele hot nisht farkeytlt di tir, vayl s'hot in dem *mokem nisht getrofn keyn *gneyve.
in der fodershter shtub hot er oysgeton dem rok, dem laybserdak, di pludern, geblibn muter-naket.
dernokh hot er oyf di shpitsn finger zikh dernentert tsu Taylbeles geleger.
Taybele hot shoyn gehaltn baym aynshlofn.
mit a mol hot zi derblikt in der fintster an optseykhn fun a geshtalt.
aza angst hot zi ongenumen az zi hot nisht gekont shrayen.
- ver iz dos? - hot zi gefregt a dertsiterte un *Elkhonen hot genumen redn mit a banumener shtim:
- Taybele, shray nisht, oyb du vest oyfhoybn dayn *kol, vel ikh dikh glaykh umbrengen.
ikh bin Hurmiza, der *shed vos hot tsu zogn iber fintsternish, regn, hogl, dunern un vilde *khayes.
ikh bin der eygener *mekhabl vos hot antshpoyzt yene yungfroy, vos fun ir hostu haynt geshprokhn un *makhmes du host ibergegebn di zakh mit fil *tam, hob ikh fun opgrunt ongenoygt an oyer tsu dayne reyd un gekrogn lust tsu dayn layb.
pruv mir nisht vidershpenikn, vayl yene vos zogn zikh op tsu ton mayn viln, shlep ikh avek hinter di *hore-khoyshekh, tsum barg *seir, in a vistenish vu mentshn geyen nisht, fi tret nisht, di erd iz ayzn, der himl iz kuper, un ikh valger zey dort in derner un in fayer, tsvishn shlangen, ekdishn un pipernoters biz yeder beyn vert tseribn oyf shtoyb un zey vern farloyrn oyf eybik in *shoyel-takhtie.
farkert, oyb du vest ton mayn farlang, vet dir keyn hor nisht vern gekrimt un ikh vel dir shikn *hatslokhe vu du vest dikh kern un vendn...
ven Taybele hot gehert di dozike verter, iz zi geblibn lign vi in ummakht.
dos harts in der brust hot geton a tsapl un zikh opgeshtelt.
zi hot gemeynt az s'iz gekumen ir *sof.
nokh a vayl hot zi zikh geshtarkt un gemurmlt:
-vos vilstu fun mir? ikh bin an *eyshes-ish.
- dayn man iz toyt.
ikh bin aleyn nokhgefloygn nokh zayn *levaye - hot der belfer gebrumt fun boykh aroys. - tsvar, ikh kon nisht kumen tsum *rov *eydes zogn un dikh oyfbindn, vayl undzere layt zeen nisht bagloybt.
ikh tor oykh nisht ibertretn di shvel fun *bezdn-shtub vayl ikh hob opshay far der *seyfer-toyre.
ober ikh tu nisht laygn.
dayn man iz geshtorbn in an untergang un di verem hobn shoyn fartsert zayn noz.
*afile ven er volt gelebt, megstu zikh oykh porn mit mir, vayl oyf undz zenen nisht *khal di *dinim fun *Shulkhn-Orekh...
Hurmiza der belfer hot aroysgebrakht nokh andere reyd, say zise, say shrekedike.
er hot ongerufn di nemen fun *malokhim, *sheydim, mares, vampirn.
er hot geshvoyrn az *Ashmeday, der kenig fun di *sheydim, iz zayn shtif-feter un az *Lilis, di kenigin fun di nisht-gute, tantst far im, Hurmizan, oyf eyn fus, un tut im gefelikaytn.
*Shibte, di *shedikhe vos *ganvet kinder bay kimpetorins, bakt far im monkikhlekh in oyvn fun *gehenem un bashmeltst zey mit dem fets fun *kishef-makhers un shvartse hint.
er hot geredt azoy lang un mit azoyne virtsike *mesholim un glaykhvertlekh, az Taybele hot gemuzt shmeykhlen in ir badrengenish.
Hurmiza hot tsugegebn az er hot zi, Taybele, lib shoyn a lange tsayt.
er hot ir dermont di kleyder un shubes, vos zi hot getrogn hayyor un farayorn;
er hot getrofn di *makhshoves vos zi hot getrakht baym knetn teyg, shteln tsholnt, in bod, in optrit.
er hot ir gegebn a vortseykhn az anumlt iz zi oyfgeshtanen mit a bloyen tseykhn oyf der brust.
zi hot gemeynt az dos iz a toytnknup.
in der vor iz es geven a kush, fun zayne, Hurmizas leftsn.
nokh a vayl iz der *shed aroyf tsu Taybelen oyfn geleger un er hot geton vos er hot bagert.
er hot ir tsu visn geton, az fun haynt on un vayter vet er zi bazukhn tsvey mol in der vokh, mitvokh un *shabeys-tsu-nakhts vos demolt hobn yene layt *shlite.
derbay hot er zi gevornt az oyb zi vet emetsn oyfdekn vos s'iz ir tsu hant gekumen oder gebn di mindste ontsuherenish, vet er in ir nemen *nekome: ir aroysraysn di hor fun sharbn, oysshtekhn di oygn, oysbaysn dem nopl.
er vet zi oykh farvarfn in vistenishn vu dos broyt iz koyt, dos vaser - blut un m'hert dort tog un nakht di vey-geshreyen fun *tsalmoves.
er hot bafoyln Taybelen zi zol shvern baym gebeyn fun ir muter az zi vet hitn dem *sod biz tsum letstn tog.
Taybele hot banumen az s'iz nishto far ir keyn antrinung.
zi hot im ongenumen baym dikh, geshvoyrn un geton alts vos der umgehayer hot gebotn.
eyder Hurmiza iz avek hot er zi lang gekusht un vi voyl s'iz a *shed, nisht a mansbil, hot Taybele im tsurikgekusht un banetst zayn bord mit ire trern, *makhmes loyt far a *mazik, iz er zikh bagangen mit ir gut...
ven Hurmiza iz avek, hot Taybele genumen shlukhtsn un zi hot azoy arayngeheshet in kishn biz zunshprots.
fun demolt on iz Hurmiza gekumen tsu ir yedn mitvokh un *shabeys-tsu-nakhts.
Taybele hot gezorgt zi zol nisht vern trogedik fun dem nisht-gutn un geboyrn a farzeenish mit a veydl un herner, a tsverkl, oder a monkalb, ober Hurmiza hot ir farzikhert az er vet zi shoynen fun farshemung.
Taybele hot im gefregt tsi zi darf geyn in *mikve un zikh reynikn nokh di umreyne teg, ober Hurmiza hot geentfert dos di *dinim fun *nide zenen nisht far yene vos baheftn zikh mit der *sitre-akhre.
s'iz do a vertl, az bashiremt zol men vern tsu vos alts m'kon zikh nisht tsugevoynen, un azoy iz geshen mit Taybelen.
in onhoyb hot zi zikh geshrokn der banakhtiker zol ir nisht onton keyn shodn, makhn krank, kretsik, koltndik oder zi derfirn zi zol biln vi a hunt tsi gor trinken *hashtone un vern tsu shand.
ober Hurmiza hot zi nisht geshmisn, nisht geknaypt, oyf ir nisht geshpign.
farkert, er hot zi getsertlt, ir ayngeroymt libereyd, geflokhtn iber ir gramen.
teyl mol hot er opgeton azoyne shtiklekh un geplaplt lapitutishe reyd az zi hot gemuzt lakhn.
er hot zi getsoygn baym lepl fun oyer, zikh ayngebisn mit libshaft in ir aksl un tsu morgns hot zi gefunen shramen fun zayne tseyn.
er hot zi tsugeredt zi zol lozn vaksn di hor unter der kopke un er hot ir farflokhtn tseplekh.
er hot zi oysgelernt *sgules un shprukhn, ir oykh dertseylt fun zayne nakhtbrider, di *rukhes, vos er flit mit zey iber *khurves, felder mit hintshvomen, iber di zaltsenishn fun *sdom un di gegliverte vasern fun *yam-hakoresh. [?]
er hot nisht geleyknt az er hot nokh andere vayber, ober zey zenen ale *shedikhes.
a mentshn-tokhter bazitst er eyne.
ven Taybele hot im gefregt oys nayger vi di vayber zayne heysn, hot er zey ongerufn bay di nemen: *Nayme, *Makhles, *Af, *Khulde, *Zlukhe, *Nafke, *Kheyme.
tsuzamen zibn vayber.
er hot gezogt az *Nayme iz shvarts vi pekh un ale mol ful mit grimtsorn.
ven zi krigt zikh mit im, shpayt zi mit gift un fun di nozlekher zetst a flam un a roykh.
*Makhles hot a *ponim fun a pyavke un ven zi rirt on emetsn mit der tsung, vert yener brandik.
*Af hot lib zikh tsu tsirn in zilber, shmaragdn, dimentn.
di tsep ire zenen fun gingold.
oyf di fis trogt zi brasletn mit gleklekh.
ven zi tantst, klingt iber ale *midboryes.
*Khulde hot dos geshtalt fun a kats.
zi redt nisht, nor myauket.
di oygn ire zenen grin vi agres.
ven zi port zikh est zi derbay di leber fun a ber.
*zlukhe iz a *soyne fun *kale-meydlekh.
zi nemt oykh tsu bay *khasanim di makht.
ven a *kale geyt aroys aleyn bay nakht in der tsayt fun di *sheva brokhes, tantst ir *zlukhe akegn un di *kale vert derfun shtum, oder krigt a farkhapenish.

*Nafke iz oysgelasn, shlendert zikh arum mit ale *sheydim.
er, Hurmiza, halt iz derfar vayl zi kon balaken *miese un *khutspedike reyd vos tuen im voylgefeln.

*kheyme darf zayn loyt ir nomen a beyzvilike, vi *Nayme darf zayn a milde, ober s'iz farkert: *kheyme iz a *shedikhe on a gal.
zi tut *tsdoke, farknet dos teyg in hayzer vu di *baleboste iz shlaf, un brengt broyt in shtubn vu s'fayft der *dales.

azoy hot Hurmiza opgemolt zayne vayber, vi er farbrengt mit zey, shpilt mit zey, makht mit zey kozhelkes iber di dekher, tut op alerley shal[e]moyzn.
geveyn[t]lekh iz a vaybsparshoyn eyferzikhtik oyb a man hot andere vayber, ober vi kon a mentshn-tokhter zayn eyferdik oyf a tayvl?
farkert, Hurmizas *mayses zenen gefeln Taybelen un zi hot im alts mer oysgefregt un geforsht.
a mol hot er ir antplekt *soydes vos keyn *shum mentshnkind kon nisht visn -
vegn got, di *malokhim, di *srofim, di eybershte palatsn, di zibn himlen;
oykh vi m'shtroft di *reshoim un *marshasn in feser pekh, bekns [81] koyln, oyf shtekhbetlekh, in kupes shney un vi di *malakhe-khabole fitsken zeyere layber mit fayerdike riter.
Hurmiza hot gezogt az di greste shtrof in *gehenem iz kitslen.
s'iz dort faran a *lets un zayn nomen iz Lekish.
ven Lekish kitslt di farshayte *nekeyves in di pyates un unter di orems, hilkht op dos yomer-gelekhter biz dem indzl Madagaskar.
azoy hot Hurmiza farvaylt Taybelen in di nekht un s'iz bald dergangen dertsu az zi hot ongehoybn benken nokh im.
di zumernekht zenen ir forgekumen tsu kurts vayl vi nor der hon hot gekreyt, iz Hurmiza avek.
*afile di vinternekht hobn ir oysgevizn nisht lang genug.
der *emes iz, az zi hot shoyn lib gehat Hurmizan un vi voyl zi hot gevust az m'tor tsu keyn *shed nisht glustn, hot zi gegart nokh im bay tog un bay nakht.

  2

vi voyl *Elkhonen der belfer iz shoyn yorn geven an *almen, hobn di *shadkhonim im nokh alts geredt *shidukhim.
*makhmes a belfer iz a knaper fardiner un dertsu hot er gehat a nomen fun a *kal, hot men im *geshadkhnt moydn fun gemeyne hayzer, *almones, *grushes.
ober *Elkhonen hot *opgepatert di *shadkhonim mit alerley oysreydn.
eyne iz tsu *mies, di tsveyte hot a *hefker-moyl, di drite iz a shmoder.
di *shadkhonim hobn zikh gevundert: fun ven on iz dos a belfer vos fardint dray peyem a vokh aza iberkloyber?
nu, un vi lang kon a mansbil zitsn aleyn?
ober m'kon keynem nisht shlepn tsu der *khupe.
*Elkhonen hot zikh arumgedreyt ibern shtetl a langer, a darer, an opgerisener, mit a royter tseshoyberter bord, in [82] a tsekhrastet hemd, mit a shpitsikn gorgl vos iz gelofn ahin un tsurik.
er hot gevart, der *badkhn *r' zekele zol shtarbn un er zol farnemen zayn ort.
ober *r' zekele hot zikh nisht geaylt.
oyf di *khasenes hot er nokh alts geshotn mit gramen vi in di yunge yorn.
*Elkhonen hot gepruvt vern a *dardeke-melamed far zikh, ober keyner hot im nisht fartroyt zayn kind.
in der fri un in ovnt hot er gefirt di *talmidim in *kheyder arayn un fun *kheyder.
bay tog iz er gezesn bay *r' Itshele *melamed oyfn hoyf, leydik-geyerish geshnitst taytlen, oysgeshoyrn fun papir reyzelekh vos m'nutst bloyz eyn mol in yor: oyf *Shvues, geknetn fun leym alerley mentshelekh.
nisht vayt fun Taybeles gevelb hot zikh gefunen a brunem mit kvalvaser un *Elkhonen flegt a *sakh mol in tog kumen dort onshepn an emer vaser, oder aleyn ton a trunk vaser un fargisn di royte bord.
er hot derbay gevorfn a blik tsu Taybelen.
Taybele hot im badoyert.
vos dreyt zikh arum a mansbil eyner aleyn?
*Elkhonen hot yedes mol tsu zikh a zog geton: vey, Taybele, ven du veyst dem *emes!...
*Elkhonen hot gevoynt in a boydem-shtibl bay an alter yidene, a toybe, a halb-blinde.
di *zkeyne flegt im oft forhaltn far vos er geyt nisht davenen in *bes-medresh glaykh mit ale yidn, ober *Elkhonen hot zikh gefirt andersh fun andere.
vi nor er hot opgefirt dos kleynvarg aheym, hot er opgekhapt *minkhe-mayrev.
gegangen shlofn glaykh mit di hiner.
fun mol tsu mol hot zikh der alter oysgedukht az zi hert vi der belfer shteyt oyf in mitn der nakht, geyt ergets.
di *zkeyne hot im gefregt vu er shlaykht arum in di nekht, nor *Elkhonen hot geentfert az s'dukht zikh ir.
di vayber vos zitsn oyf di benk, shtrikn zokn un motlen, hobn farshpreyt a *shmue, az *Elkhonen vert shpet bay nakht a vilkolak.
andere hobn aroysgedrungen az er hot tsu ton mit a nisht-guts.
far vos den andersh [83] zol a mansbil zitsn azoy fil yorn on a vayb?
di *negidim hobn im mer nisht onfartroyt di kinder.
er iz gevorn a belfer bay di gemeyne layt, hot zeltn gegesn a lefl gekekhts, iz opgekumen mit trukns.
*Elkhonen iz gevorn alts darer, ober di fis zenen im geblibn gring.
er iz nisht gegangen in gas, nor gehipert mit di lange fis vi oyf shtoltsn.
s'hot, *a ponim, gebrent in im der dursht vayl er hot gehaltn in eyn kumen tsum brunem.
teyl mol hot er glat azoy geholfn a ferdhendler oder a poyer ontrinken a ferd.
eyn mol ven Taybele hot gezen fun der vaytns vi di kapote zayne iz ful mit gvaldrisn un tsoytn, hot zi im arayngerufn in krom.
er hot geton oyf ir a dershrokenem kuk mit di groyse flaterndike oygn.
gevorn vays vi kreyd.
- kh'ze di kapote iz aykh tserisn - hot Taybele gezogt. - oyb ir vilt, vel ikh aykh opshnaydn a por eyln *skhoyre.
ir't mir oystsoln a grivnik a vokh.
- neyn.
- far vos neyn? - hot Taybele gefregt a dershtoynte. - ikh'l aykh tsum *rov nisht rufn.
ven ir't hobn, vet ir tsoln.
- neyn.
un er iz gikh aroys fun krom.
er hot *moyre gehat zi zol nisht derkenen zayn *kol.
zumer iz dos geyn halb bay nakht tsu der Taybele im nokh alts ongekumen gring.
*Elkhonen iz gekrokhn durkh hinter-veglekh ayngehilt dos nakete layb in a khalat.
vinter iz dos oyston un onton zikh bay Taybelen in fodershtub gevorn alts lestiker.
am ergstn vert der veg ven s'falt on a frisher shney.
*Elkhonen hot gezorgt, Taybele oder emets fun di *shkheynim zol [84] nisht faln oyf di shpurn.
er hot bakumen a hust, a katar.
s'hot getrofn az er iz gekumen tsu Taybelen in bet arayn, gepoykt mit di tseyn, lang zikh nisht gekont dervaremen.
oys *pakhed zi zol zikh nisht khapn oyf zayn nareray, hot er oysgetrakht farentferungen un oysreydn.
in *emesn hot Taybele nisht geforsht un nisht gevolt forshn.
Taybele hot shoyn lang gehat ayngezen, az a *shed hot ale *mides un shvakhkaytn fun a mentsh.
er hot geshvitst, genist, geshlukertst, gegenetst.
teyl mol hot geshmekt fun im mit knobl un teyl mol mit tsibele.
dos layb zayns iz ir forgekumen vi dos layb fun ir man: mit a gorgl un a nopl, beynik un horik.
a mol iz Hurmiza arayn in a loyne tsu traybn shpas, an ander mol hot zikh fun im aroysgerisn a zifts.
di fis zayne zenen nisht geven keyn gendzene, nor mentshlekhe, mit negl un vinter-bayln.
eyn mol hot im Taybele gefrget dem batayt derfun un Hurmiza hot ir oysgetaytsht:
- ven eyner fun undz baheft zikh mit an erdisher *nekeyve, nemt er on dos geshtalt un a *ben-odem.
ven nisht, volt yene oysgegangen fun *eyme.

yo, Taybele hot zikh tsu im tsugevoynt un im lib bakumen.
zi hot in gantsn oyfgehert zikh forkhtn far im un zayne *shmad-shtik.
di *mayses zayne hobn zikh keyn mol nisht oysgeshept, ober oft hot Taybele gefunen in zayne reyd vidershprukhn oder a lign.
er hot, *a ponim, vi ale andere ligners, gehat a kurtsn *zikorn.
er hot mit a tsayt tsurik gezogt Taybelen az *sheydim lebn eybik, ober in eyner a nakht hot er zi a freg geton:

- vos vestu ton az ikh'l krapirn?
- *sheydim shtarbn dokh nisht!
- m'nemt zey arop in *shoyel-takhtie... [85]

eyn mol nokh *sukes iz gevorn an untergang in shtot.
foyle vintn hobn geblozn fun taykh, fun vald, fun di zumpn.
nisht bloyz kinder, nor oykh a *sakh dervaksene zenen gelegn in *kadokhes.
s'hot geregnt un gehoglt.
di farfleytsung hot gehat durkhgerisn di dambe fun der vasermil.
der shturemvint hot opgebrokhn a fligl fun der vintmil.
mitvokh bay nakht ven Hurmiza iz gekumen tsu Taybelen oyfn geleger, hot zi gemerkt az zayn layb iz oysterlish heys, ober di zoyln zenen im kalt vi ayz.
er hot getsitert un gekrekhtst.
er hot gepruvt Taybelen arumnemen, ober di finger zayne hobn gefrostikt.
er hot zikh geflayst zi oyftsumuntern mit reyd vegn di *shedikhes, vi zey farfirn yunge *bokherim, makhn zikh lustik mit fremde *sheydim, plyusken zikh in *mikve, farflekhtn koltanes bay di manen in di berd, ober er iz geblibn shlaberik un zi nisht gekont bamanen.
er hot ir nokh keyn mol nisht oysgevizn in aza klogedikn *matsev.
Taybele hot farklemt in der brust.
zi hot a freg geton:
- *efsher dir ayngebn malines mit milkh?
un Hurmiza hot geentfert:
- azoyne *refues zenen nisht far undzere layt.
- vos tut ir ven ir vert shlaf?
- mir kratsn un ratsn...
er hot dos mol veynik geredt.
ven er hot Taybelen gekusht, hot zikh dertrogn fun zayn gebis a fardumpener *reyekh.
geveyn[t]lekh hot er farbrakht mit ir biz der hon hot gekreyet, ober dos mol hot er zikh geaylt zi tsu farlozn.
Taybele iz gelegn a farshvigene un zikh tsu gehert vi er poret zikh in der fodershtub.
er hot ir gehat geshvoyrn az er flit aroys durkhn fentster *afile ven s'iz farmakht un farklept, ober zi hot farnumen a skrip fun der tir. [86]
Taybele hot voyl banumen az m'tor nisht *mispalel zayn far *sheydim;
farkert, m'darf zey shiltn un oysmekn zeyer gedekhenish;
ober Taybele hot fun destvegn gebetn got far Hurmizan.
zi hot in ir angst a zog geton:
- s'zenen do azoy fil *sheydim, zol zayn mit eyn *shed mer...
dem *shabeys-tsu-nakhts dernokh hot Taybele umzist gevart oyf Hurmizan biz far tog, ober er iz nisht gekumen.
zi hot im gerufn in ir gedank un gemurmlt di shprukhn vos er hot zi oysgelernt, ober fun der fodershtub hot zikh getrogn a shtumkayt.
Taybele iz gelegn a geplefte.
Hurmiza hot zikh gehat barimt far ir az er hot geshpilt far *Tuvl-Kayen un *khonekhn, gezesn bay *Noyekhn oyfn dakh fun der *teyve, gelekt zalts fun *Lots vaybs noz, getsupt *Akhashveyreshn bay der bord.
er hot ir a mol gehat foroysgezogt az in hundert yor arum vet zi vern *megulgl in a printsesin un er, Hurmiza, vet zi fangen tsuzamen mit zayne knekht *khosim un *tekhosim un zi avektrogn in dem palats fun *Bishmes s'vayb fun *Eysev.
ober itst hot er, vayzt oys, zikh gevalgert ergets shlaf, an umbaholfener *shed, a kaylekhdiker *yosem - on a tatn, on a mamen, on a getray vayb vos zol oyf im akht ton.
Taybele hot zikh dermont az er hot dos letste mol geotemt vi a zeg un ven er hot oysgeshneytst di noz, hot im gefayft an oyer.
fun zuntik biz mitvokh iz Taybele arumgegangen vi in a *kholem.
mitvokh hot zi zikh koym dervart der zeyger zol shlogn tsvelf, ober di nakht iz ariber un Hurmiza hot zikh nisht bavizn.
Taybele hot umgekert dos *ponim tsu der vant.
der morgndiker tog hot zikh ongehoybn tunkeler vi far nakht.
a shneyiker shtoyb iz gefaln fun himl.
di roykhes hobn zikh nisht gekont oyfhoybn fun di koymens, gefaln iber di dekher vi koytike gevender.
kroen hobn gekraket.
hint hobn [87] gebilt.
nokh der farvoglter nakht hot Taybele nisht gehat keyn *koyekh tsu geyn efenen dos gevelb.
zi hot zikh fun destvegn gefedert un iz aroys in droysn.
s'iz ir akegngekumen a *mite.
fir *noysim hobn zi getrogn.
fun der farveyeter dek hobn aroysgeshtartst di bloye fis fun *bar-menen.
der *shames aleyn hot bagleyt dem *mes.
Taybele hot gefregt ver dos iz un der *shames hot geentfert:
*Elkhonen der belfer.
an oysterlisher gedank iz ayngefaln Taybelen: tsu bagleytn *Elkhonenen dem *loy yutslekh, vos hot gelebt aleyn un iz geshtorbn aleyn.
ver vet haynt kumen in gevelb?
un vos toyg ir dos leyzekhts?
Taybele hot gehat alts ongevoyrn.
zol zi am vintsikstn ton a *khesed shel emes.
zi hot bagleyt dem toytn dem langn veg tsum *bes-oylem.
dort hot zi opgevart biz der bagreber hot opgeshart di kupe shney, oysgegrobn a *keyver in der farfrorener erd.
m'hot *Elkhonen dem belfer ayngehilt in a *tales, a hoyb, im aroyfgeleygt sherblekh oyf di oygn, im arayngeshtekt tsvishn di finger a ritl vos dermit vet er, ven *Meshiekh vet kumen, grobn a veg durkh heyln keyn *erets-yisroel.
dernokh hot men dos *keyver tsugedekt un der bagreber hot gezogt *kadish.
a geveyn hot ongenumen Taybelen.
der doziker *Elkhonen hot gelebt aleyn glaykh vi zi.
er hot glaykh vi zi, Taybele, nisht ibergelozt keyn *yoyresh.
yo, *Elkhonen der belfer hot shoyn gehat opgetantst dem letstn tants.
fun Hurmizas reyd hot Taybele gevust, az der *nifter kumt nisht glaykh in *gan-eydn.
yede zind bashaft a *shed un di *sheydim zenen dem mentshns kinder nokh der *ptire.
zey kumen monen zeyer *kheylek.
zey rufn dem *mes tate un koylern im in ale viste velder biz er kumt op dos zaynike un iz greyt tsu der layterung in *gehenem... [88]

fun demolt on hot Taybele gelebt aleyn - a toplte *agune: nokh a *poresh un nokh a *shed.
di elter iz itst oyf ir gikh aroyf.
s'iz gornisht geblibn fun a mol *akhuts a *sod vos nisht m'kon im dertseyln un nisht emets vet im gloybn.
faran azoyne *soydes vos dos harts kon dem moyl nisht antplekn.
m'nemt zey mit in *keyver.
di verbes murmlen derfun, di kroen kraken deriber, di *matseyves *shmuesn derfun shvaygndikerheyt, in a *loshn fun shteyn.
di *meysim veln a mol oyfshteyn, ober di *soydes zeyere veln blaybn mit got un zayn *mishpet biz tsum *sof fun ale *doyres.