geheymshtot

Geheymshtot
poeme
Tel-Aviv 1948

forlid

du morgnkind, farvebt in tsayt un roym,
in opshayn fun *mizbeyekh-likht baforbn -
voltst nit balebt di shtern mit dayn troym,
ven undzer *dor volt nit geven der *korbn
far al dayn lebediker freyd, in teg
farhoylene vi nit-dergreykhte shtraln.
oys mentshnoygn minyet zikh a shteg
aroyf-aroyf durkh zunike kristaln,
un zet mit aplen, zeiker fun toyt,
dayn yeder tuung ayngekritst in doyer,
*geule-vunder vos dayn viln boyt
fun veltnvey un regn-boygns troyer.
nor oyfn zelbn shteg on *moyre shprayz
arop-arop, in nekhtns tife shlundn.
antplekerish tsevikl ikh, bavayz
geshtaltn hayntike, vos nit farshvundn
in der gedekhenish fun tsayt. mayn kind,
es teylt undz op a *shetekh vos fareynikt.
ikh leb oykh dentsmol ven du zogst atsind,
vayl keyner hot mayn lebn nit farkleynikt.
ikh leb! mir iz bashert geven tsu zayn
a groyzik-shtiler lokerdiker *eydes
fun payn, vos muz farvandlen zikh in shayn.
farnemstu durkh a volkn ven ikh reyd es?
du morgnkind! kum nenter un ikh vel
fun verterfarbn moln dir a vinkl
farnoglt in der vor. un zol s'gemel
in dayne *khushim gebn a tsefinkl,
antplekn di *neshome, vi a kval
antplekt dem uralt rizlendik durkh heyln.
o, verter, shotns fun mayn blut un gal,
ikh klamer zikh on aykh un pruv dertseyln:

a folk zalbe tsent

gedenkstu di harbstzun, vos hot ire shpinen
geshikt tsu farvebn di hayzer mit *sreyfes?
gedenkstu di mentshn in yenem baginen,
tseshoybert vi nit keyn derkoylete *oyfes?
in tigl fun yidfargang hot zikh geshmoltsn
a zilberner laykhter, a koymen, a rine,
tseshpliterte shoybn, farsazhete holtsn,
der shulhoyf, di boyne, der tsorn, di *sine,
di biks oyfn turem, dos kind inem vigl,
un ale geshtaltn dertrunken in shpigl.

dem tigls a shmeltsung - mayn *guf iz gelegn
farshotn, biz nakht iz gekumen tsukopns.
tsi vayl iber mir hot getseyndlt a regn,
farshlosn di blitsn in glozike tropns?
tsi vayl s'hot a *kholem bafoyln mayn *rie
adurkhshnaydn shikhtn, bazinen di vorkayt?
es hobn di glider geefnt a vie
tsu zen in di leydn a blendike klorkayt.
mit gloz in tshuprine vi gliverem kalte
hob ikh zikh geshart durkh di geskes di alte.

tsveyfisike *klole, ver hot dikh gebetn
zikh listik farshteln in getlekhn shpliter?
in mitn dem fregn - a shpanen, a tretn,
vi trukener bleter-geshorkh in geviter.
a froy shtelt zikh op, hot dervisht mikh in klem do
un lebediks tulyet di froy oyfn orem.
zi shtrekt mir dem tsveytn: ikh bin nit keyn fremde,
vi du azoy raykh un vi du azoy orem.
farmogstu keyn andern, besern veg nit -
aher, kum arayn in geheymshtot un freg nit.

vos ken ikh farlirn? in brand a tsenetster,
pavolye gehipert in leymikn shvaygn.
vos ken den farlirn a letster, a letster
oyf geslekh tseshtelte vi gliike shtaygn?
di luft hot geblitst nokh farshtokhn mit funken,
tsedriblt fun koyln, fun paynen a zate.
di froy, shoyn a *zkeyne, foroys hot gehunken,
farhoybn fun bruk a farzhaverte grate
un mer iz di zunshayn oyf undz nit gefaln,
mir zenen arop in dem *thom fun kanaln.

tsi hostu gekent den a mol zikh farklern
az do, vu es khlyupet dos brudike vaser,
der eyntsiker undz *mokem-miklet zol vern?
du voltst yenem helzeer onrufn shpaser.
atsind, mit der narisher hoyt oyf di lendn,
ikh shvim in geshtank, durkh a klepikn fintster
in moyzlokh-gevelbn. tsu vemen zikh vendn?
avu iz an opru, a shtern a mindster?
baym shteyn-blaybn khvalyet dos vaser ariber
un khikhet oyf mayzishn *loshn: mayn liber.

*zikorn gedenkt nit vi lang kh'bin geshvumen
durkh *kolerley rern i breyter, i shmeler,
a *sho tsi a yor? nor mir zenen gekumen
tsu epes an opgesheydt ort vi a keler.
geven iz es dortn an alter kanal, vu
es keytlt zikh mer nit keyn vaser shoyn yorn.
s'batoybn gor shtimen di dempike *shalve
un volkngro nemen geshtaltn zikh klorn
vi shotns ahinter a nepl farborgn.
un zi, mayn gebrengerin, grist zey: gutmorgn!

shvartsapl-geshtaltn bashnapn, bashmekn
dos layb mayns vi *khayes an okersht-geboyrns
un finger - bavegungen groe, zey shtrekn,
vayl itlekher nishtert in mir zayn farloyrns.
- es lebn nokh yidn? - kumt din a geviml:
nit shoyn zhe geblibn bloyz tsen? (un dort oybn,
gezen durkh a grate, oyf pitsele himl,
es hobn arumgeluft zunike toybn).
- fun tsen - hot an otem gegrayzlt zikh bloylekh -
vet vern a folk, oyf *lehakhes dem *moylekh.

dos pasikl toglikht, vos falt durkh a grate,
antrint vi a *ganev in *thom fun di rern.
bay eynem a shotn bamerk ikh a late,
baym tsveytn - di *tfiln tseblit oyfn shtern.
dervayl in der tunklenish git oykh a blyaskl
a kinder-geveyn unter kleyder un tikher
un hinter dem *nign, dem trerikn *bas-kl -
a kind! - nor *beys-mayse iz keyner nit zikher.
fartaytsht mayn gebrengerin: kh'hob fun a brunem
derhert a getsapl, dem *nefesh gefunen.

dos kind hot gekhlipet. avek iz der ekho
gefinen a *tikn in andere veltn.
- *ma toyvu - hot emets gebrumt - *oyhelekho.
vi voyl es iz, *yankev, in dayne getseltn!
un s'hot zikh nit keyner derloybt in di *reges
tsu *mishpetn, vos mitn kind vet geshen do.
a hant iz geshvumen fun kosmishe breges,
farvandlt di mentshn in loyter legende.
azoy hot di vor unter dr'erd mikh bagegnt,
ven kh'hob mit gekoyleter shtot zikh gezegnt.

di kanaln

mir zenen geven zalbe tsent untererdik,
nor itlekher shotn - *gekholemt bazunder.
di fintsternish hot mikh a shnit geton shverdik
mit kupernem uralt, mit fintstern vunder.
un bislekhvayz hob ikh in itlekhn shotn
dershmekt zikh aleyn - yenem *kheylek, vos felt mir.
farzukht zayn *makhshove, in im zikh farknotn,
hot nit azoy sumne geyomert mayn velt mir,
un hob ikh gebenkt nokhn Siryus un Vega -
iz hot zey mayn benkshaft gebrakht in a *rege.

un vi der shvartsapl, vos hot *behadroge
tsum *khoyshekh zikh tsugevoynt, flink im farvandlt
in likht, vos bafentstert di shvartse berloge,
vu opshayn fun toyznter vaserlekh vandlt -
azoy hot an ander *min *koyekh, umendik,
mit ekl-geshtank zikh geranglt, gevorgn,
tsum *sof mit gevald im farbitn oyf shtendik
oyf *reyekh fun heyshnit in frishn frimorgn,
oyf *reyekh fun fraytiktsunakhtsn, fun zeml,
vos itlekher hot nokh geshpirt in zayn dreml.

di rern, kanaln, zey zenen farsheydn,
geglikhn tsu umvegn, shlyakhn un shteglekh,
mir veln derfun mit a *seyder nokh reydn.
geveyntlekh iz niderik s'vaser, az meglekh
"shpatsirn". bloyz regntsayt heybt zikh es hekher
mit fayfenish vi *makhsheyfe-gezangen,
un gist zikh ariber durkh zaytike lekher
in "shturem-kanal", in dem gorgldik-langn,
tselyaremt fun unter der hoyptgas der breytster.
galop vi a stade mit bufloksn fleytst er

un shtotsik er dunert arop in a tsveytn,
vos yogt in Vilie arayn. un *akhuts im
farsheydene optsvaygn-rern bagleytn
fun unter di shmelere geslekh, vos plutsem,
baym regngang brengen zey oykh a tsushtayer.
derbay fleytst arayn fun di zaytike heyfn
an eybiker shmuts vi *gehenemdik fayer,
derlangt mit a hamer a zets in di shleyfn.
bay nakht geyt a klenerer shtrom, koym tsu hern,
vi orglen tserisene burblen di rern.

atsind, az du zest shoyn an *erekh di kanve
balebt mit kanaln, - iz lomir pamelekh
zikh gebn in kretshme tsu undz a *farganve,
bavayzn dir itlekhn vinkele vel ikh.
aza iz der untererd-vogl: durkh Troker,
ariber Zavalne, dernokh Pohulyanke,
un links - tsu der Vingri, avu s'iz der *moker
fun vanen es tsien zikh kvelkhelekh blanke,
bakent mitn nomen "di vingrishe kvaln".
fun higlen derbayike troplen zey, faln.

in rer vu di vingrishe kvaln farzamlen
zikh ale tsuzamen un tsien zikh shpeter,
fartsvaygt unter dr'erd, mit a strunikn shtamlen, -
ot dortn in rer fun a dray fertl meter
baym kreytsveg - iz oysgehakt vi a *levone
a lokh in tshugunenem balkn. durkh danen
araynkrikhn kenstu on mindster *sakone
in erdenem oysgrob un oysgeglaykht shpanen.
dos iz undzer eygn geboyte maline,
mir "freyen" zikh do unter fligl fun *shkhine.

ver zenen dos ober di "mir", vos bavoynen
di vaser-palatsn, iz vilstu dokh visn?
kh'vel moln basheydlekh di ale parshoynen.
dertseyln dem *emes mit reynem gevisn:
*tasha"g, *khoydesh *elel, *k[of]"g[iml]. nito mer
in Vilne keyn yidn. di letste transportn
avek, nit tsu kumen, in harbstikn yomer.
iz *Gdalye der lerer geshprungen fun dortn,
a vinkl gezukht un aher tsu genidert.
genidert - un mitn geshtank zikh farbridert.

oyf morgn - gefunen do eynem a Folye
banand mit zayn mamen, der pakhterke *Ester,
farflokhtn *beshutfes mit beydn zayn dolye.
di mame, genit in di fintstere nester,
flegt krikhn fun zumpiker nakht oyf der fray dort
un zamlen in *khurves, in leydike shtiblekh
tsetrotene bulbe vos *hefker tseshlaydert
un shmutsike arbes. vi ginerish liblekh
zi flegt es dernokh ire mitmentshn teyln!
s'vet oyskumen fil vegn ir tsu dertseyln.

dervayl hot zikh oykhet gevizn Arone,
a *polet fun Hamburg, vos redt nit keyn yidish,
batrakht undzer *loshn far grester *sakone,
un tsertlt in vate zayn *goyrl *yekhidish.
un eyn mol - dos vaser git rashik a vikl
(a *simen az oybn in shtot iz a regn),
vi oyf a tseshvindltn *min mototsikl
fun khvalyes, dertrogt a parshoyn zikh antkegn.
a shprung funem zotl a hitsiker zogt er:
- ir kent mikh nit, yidn? bin Lipman der dokter!

dernokh hot men oykh in a vinkl a shtiln,
vu bloyz fun *levone-mayz trogt zikh a plyesken,
gefunen a mentshn geviklt in *tfiln
mit oysdruk aza *min, vos mer-nit a *mes ken.
di koltns farzotn mit kalkh. anshtot *bgodim -
in parmet dos layb. s'iz der *poresh *reb *Nosn.
*mistam hot a *malekh gevizn dem *sod im,
vu ergets in dr'erd zenen yidn farshlosn.
di *oysyes fun parmet - zey trogt er in droysn,
khotsh keyner dertrakht zikh nit vos er iz oysn.

dervayl hot oykh *Ester, vos geyt oyf "geyegn",
gebrakht fun der heykh vi a shtralkhl fun *goyrl
a meydl, geyogt oyf di *hefkere vegn.
ir nomen iz *Dvoyrl. di zelbike *Dvoyrl
hot shpeter-tsu unter a grate gefunen
a blindn. dernokh iz gekumen oykh eyne
a trogike froy, vos fun *keyver antrunen
mit shney-vayse hor. mir'n rufn zi Kreyne
un vayter mit ir zikh bakenen fil nenter.
un ikh bin der tsenter gevezn, der tsenter.

di shtot iz farzunken. di velt - farkapoyert.
geblibn a tsendlik fargrobene tipn,
vu bloyz a farshimlter *Ashmeday loyert.
nor hofenung hot zikh bavegt far di lipn
vi nit keyn gezeene royz... un *keseyder
gemanyet, gelokt mitn *sod fun kolirn,
geefnt a morgn in morgn. nor eyder
me hot zi gepruvt mit di finger barirn -
nito mer di royz, ergets finklt dervaytert,
ahintern toyt, vi a shtern, un - laytert.

dos hoyz oyf der Vingri

dos hoyz oyf der Vingri iz Folyes idee,
dem hartn tshugun hot zayn kop durkhgebrokhn.
*beteve a shvayger. dokh hot er di *deye
oyf alemens tuung. vayl itlekher *shokhn
fartroyt zikh dem Folyen, vos makht nit keyn *khilek
fun dem bizl yenem. nor merer vi ale
on oyfher er arbet, bagaystert un vilik.
iz male vos er iz a yingerer - male!
a folk zalbe tsent! un es kenen milyonen
zayn shtoyb, un keyn *koyekh nit hobn tsu monen...

a folk zalbe tsent! un mit aynzen un *koved
hot Folye a funktsye farteylt yeder eynem,
tsu oysfiln pinktlekh biz kumen di *sho vet
fun oysleyz far ale kanalene *shkheynim.
- du *Gdalye, der lerer, vest shraybn di khronik
*lezeykher di kumike *doyres, tog-teglekh.
du Lipman, a dokter, me zogt fun langonik,
du vest undz fun *makhles farhitn vi meglekh.
zayn vakh es zol yeder zikh bodn un kamen,
zayn vakh, az dos trinkvaser zol nit *farsamen.

un du, vos du klaybst zikh tsu vern a mame -
hot Folye *bishtike gemurmlt tsu Kreynen,
vest hodeven take dos kind vos mayn mame
gebrakht hot anustn. du vest zikh geveynen,
vet shpeter zayn gringer. der dokter vet graylekh
dir helfn. haynt-morgn bakumstu a vigl,
a primus, a lempele eyl un a laylekh,
un milkh vel ikh brengen a fulinkn krigl.
gezogt iz gezogt. nor dem kind in zayn veytik
di tsertlekhe hant fun a mamen iz neytik.

un ir - hot er vayter geredt - pani *korev,
geredt tsu dem blindn vos zogt nit zayn nomen -
vet zayn baym arayngang a vekhter, zayn *orev
es zoln nit onkumen umgerikht shtromen
un shpiln a *khasene. nakht vet ir shlofn,
farkert vi mir ale, un zayn vet ir oyfik
bay tog, vet farhitn dos hoyz, lomir hofn,
un haltn in hant fun kanal-nets dem *doyfek.
vi nor a fardekhtiker shorkh vet a gey ton -
a tsi farn hengdrot vos ikh'l fargreytn.

dem *polet Arone, geshult in finantsn,
hot Folye bashtimt er zol vern der mayster
in oyfklaybn gelt, es bahaltn in gantsn
bay zikh, in a groysn *melukheshn tayster.
*akhuts dem, gekreynt iz er oykh farn hiter
fun shpayzkamer. broyt vet men mien zikh shafn,
un zol er farteyln mit hant mit geniter,
der hunger zol keynem fun undz nit farshklafn.
tsu ersht hot der *polet *gesofekt a vayle,
nor ayngeshtimt nokh dem on fregekhts, on *shayle.

- un ir - hot zikh Folye gevendt tsu *reb *Nosn,
bashtimt vos ir vilt. nor der *poresh der grayzer
nokh alts inem blekhenem parmet farshlosn,
hot umgezen-shtil zikh derrukt vi a vayzer:
- *raboysay, derloybt mir tsu zayn ayer shuster,
ikh vil khotsh mit epes bahilfik zayn, dinen.
un oysgehert hot men di reyd vi a muster
fun mentshlekher trayshaft, vos nit tsu gefinen.
zey hobn eyntsaytik derfreyt un dershrokn.
me hot mit an opshay gekukt oyf dem *zokn.

- un du vest undz vashn di kleyder, di bluzes, -
hot Folye arayngeploysht *Dvoyrlen in oyer, -
oyb shver, vel ikh tsuhelfn gern, me muz es.
un du, *khaver dikhter, bazun undzer troyer
mit lider. a folk zalbe tsent iz *mistome
a folk. s'vet mayn mame bazorgn mit esn
un ikh - mitn varemen broyt fun *nekome,
der *korbn zol keyn mol di hak nit fargesn.
azoy hot er, Folye, mit *seykhl, baklertkayt,
farteylt yeder eynem zayn *kheylek bashertkayt.

vi tsvaygn durkh nakhtikn regn bakarshnt,
mit heymishkayt hot zikh tseblit di maline.
der haynt hot baym nekhtn dem viln *geyarshnt.
es iz do arayn a *tanakhishe *shkhine.
un *efsher gekumen di gildene pave,
tseshpreyt ire veykhe shmaragdene fligl?
un *efsher hot *Peretses kuntsmakher zhvave
*farkisheft dos hoyz mit a lomp, mit a vigl?
nor vigl iz vigl, dos flemele - brenik
un velt iz dem blotikn mentsh untertenik.

der letster epl

dos kind hot getsankt. vedlik Lipmans teorye
badarf men frish blut im arayngebn aylik.
nor *Ester zi halt nit fun yenems doktorye
khotsh opgebn s'harts farn kind volt zi graylik.
es hot zikh *farakshnt di ruike *Ester,
az oyb me vet dodert a tsigele brengen
vet s'kind fun der tsigener milkh vern fester.
vet s'*nefeshl mer in der luftn nit hengen.
dem zelbn fartog iz di froy shoyn gekrokhn
fun grate aroys tsu Mateyken dem *shokhn.

fardreyt arum kop a geblumte fatsheyle
hot *Ester on *moyre di gasn gemostn.
vi hoznfleysh royt, ven es shmekt mit *neveyle -
di sharlakhe zun oyf a dakh a farrostn.
farbaygeyer hobn getsoygn farumert:
- vu khapt men a yidl? vu khapt men a groshn?
es hobn di beymer shoyn mer nit gezumert -
in eygenem toyen-gefrir zikh geloshn.
un iber a gas - a plakat in geshimer:
"di shtat izt befrayt fon den yuden fir imer".

durkh subotsh, oyf Ruzele, hintern bergl,
derkent zi ir hayzke mit shindlen bagrozte.
s'tsekreyt zikh a hon mit a harbstikn gergl:
mit lib dir dayn heymishe erd, baleboste.
a zunroyz mit bleter vi gelinke flemlekh
farneygt zikh durkh planken-shtakhetn *farovlt.
dernebn [G: derlebn] - farshrumpn di yidishe kremlekh
mit krepike bleter bashit, vi a kro volt
aroysgepikt zeyere *tfiles, *nigunim.
derbay - a *matseyve: der hiltserner brunem.

ahintern brunem, bafedemt mit nepl,
iz kentik der Belmont. antkegn, baym planken -
an eplboym glotst mit an eyntsikn epl,
vu blitsn baynakhtike goldik nokh tsanken.
tsi hot zikh der epl *farakshnt mit *hoze
un vil nit arop in di hent fun farshvekher?
es tsertlt ir blik zayne beklekh di roze
oyf tsvaygl farrisn fun alemen hekher.
nor tut zi genenen tsum epl, iz falt er
aleyn ir in hant vi a kush a tseshtralter.

banand mitn epl - zi hipert shoyn gikher
tsum *shokhn Mateykes gehoykerter khate.
a klap - un di tir git a fidl nit zikher,
s'bavayzt zikh a poyerl kneytshik, horbate.
dos poyerl *tseylemt zikh iber: Estusha!
un *Ester derlangt im dem epl on verter.
dos meynt: s'hot der boym nokh farhit di *yerushe.
Mateyke farshteyt nit, er gaft a farklerter.
nor bald vert men heymish un *Ester nemt reydn.
di alte gutfrayndshaft bagartlt shoyn beydn.

in khate iz tunkl, a kapele heler
fun ire blo-shtolene zhumike flign.
der tish vert bavoksn mit blines oyf teler,
un *Ester dertseylt vos di tsayt hot farshvign.
gehert az oykh Folye er lebt, - hot der poyer
tseshmeykhlt zikh azh, vi er volt mit zayn shmeykhl
gevolt fun der khate fartraybn dem troyer,
un *teykef batrakht mit a grodikn *seykhl:
kumt beyde aher. oyb dayn zun iz aza nor
vi frier, badarf im der vald, partizaner...

- zay visn, di velt nokh gehert tsum gerekhtn
(un *Ester derfilt: zi iz nit azoy *shofl),
Adamek, mayn zun, iz gekumen do nekhtn
fun Pushtshe, er dremlt farshit mit kartofl.
s'gedoyert nit lang un der blonder Adamek
iz oykhet baym tish. der pistoyl in kholyave,
dos *ponim farvoksn, bavaldikt un flamik,
un *mayses dertseylt er, *meshune-tshikave.
dertseylt vi zey hobn tseshlogn kobilnik
un vegn a shlakht oyf an altn mohilnik.

- ikh vil nit bahaltn di vor, mayne libe,
zogt *Ester, on Folyen iz shver tsu bashlisn.
atsind iz mayn kumen aher mit a *sibe:
in undzer kanal iz faran, zolt ir visn,
a kind. es iz krank un tsepaynikt far hunger.
volt gut geven brengen a tsigele dortn.
es gapet der alter, es dumet der yunger:
gehert shoyn gedanken fun alerley sortn -
azoyns ober nit. nor di pakhterke *Ester
fartaytsht ir gedank ibertsaygiker, fester.

far nakht hot a froy in geblumter fatsheyle
getribn a tsig mit a fulinkn ayter.
derbay oykh getrogn a blekhene *keyle,
di tsigene ziskayt tsu melkn. vos vayter
dos tsigele hopslt, alts mer vert es *koshe:
ikh hob aza veg biz atsind nit batrotn.
tsi firt er in lonke tsi *efsher tsum *roshe?
an entfer deroyf ken men fregn baym shotn.
a shotn iz - *emes. farshtandik zayn reydn.
er shrekt zikh far eyns: farn darfn zikh sheydn.

*kidesh-levone

di tsayt iz tserisn. vi Hamlet zi fregt zikh
ir "zayn-tsi-nit-zayn" in farzhaverte rern.
der tog heyst do nakht. biz di ovntshayn ekt zikh
farbotn iz reydn. - es ken nokh derhern
der shpirdaytsh vos lokert mit zibn shpan hekher,
iz ligt'n farknoylt un me grizhet a *kholem
biz vanen di nakhtikayt moyzt in di lekher -
un dentsmol iz tog. heybt men oyf zikh *besholem,
me vasht zikh in kvelkhl un m'iz zikh *misasek
bay boyen a lebn vi neytik, vi pasik.

nor Folye iz vakh durkh di gore *mes-lesn.
in odern fleytsn im shpliters *khalofim.
er ken dos gevezene mer nit fargesn,
zikh opgeton hot fun di oygn der shlof im:
tsi meg er zikh do farkanaleven vayter?
dervartn bafrayung - vos hot far a zinen?
es yogt der gedank vi in shlakhtfeld a rayter:
farloyrn dem veg, - iz an oysveg gefinen!
un bilder nokh bilder, vos okersht farshvundn,
zey gibn a blyask bizn beyn ongetsundn.

di kamfn in geto... er iz zikh *misvade:
keyn eyntsike *rege nit op funem postn.
fartaydikt dem gayst in dem *gufs barikade,
mit *sine akegn dem faynd zikh farmostn.
zayn tate derbay hot gerufn dem *goyel
un *shoyfer geblozn i *tkie i *shvorim.
gehoybn tsum himl di hent: *shma yisroel!
un nokh dem gefaln dem zun oyfn orem.
nor vayter fun "*shma" hot zayn blik zikh gerisn,
geblibn a tshvok bay dem zun in gevisn.

un shpeter? gevolt mit di letste *khaveyrim
antloyfn in vald. nor vi lozt men a mamen?
un rund arum geto iz ful mit *merdeyrim.
keyn koyln - nito. zenen beyde tsuzamen
in letste sekundn antrunen aher do,
in *malkhes fun mayz un brilyantener blote.
tsi hot er farshvekht fun a kemfer di verde,
badarf er zikh shlogn in brust oyf *kharote?
neyn-neyn, s'iz nit meglekh s'gebroyz tsu bahaltn:
tseredt er zikh prost farn hayfl geshtaltn:

- o, brider! in fintsternish hert mayne reyd oys.
ikh ken mer nit vartn oyf gute bafrayer,
kh'vil kemfn in velder... khotsh s'harts iz mayn *eydes
vi noent ir zent mir gevorn, vi tayer.
es eklt mikh yeder baveg mit mayn orem
fun *rege ven kh'hob zikh gesheydt mit di vofn.
es knaypn mikh finger gevaksn oys *kvorim:
- koyf-oys undzer umkum, derfil undzer hofn!
iz vi ken ikh andersh an entfer zey gebn?
nit mir - es gehert tsu di toyte mayn lebn.

nor do hakt im iber der *poresh *reb *Nosn,
gehilt in *yeries anshtot in gevender,
vos *tomed iz er vi a brunem farshlosn
un lebt mit *yerushe fun tsaytn un lender:
- kumt oys vedlik dir, yungerman, az dos *hargen
iz *khoshever eyder tsu helfn a yidn?
fun dayntvegn kenen mir ale zikh vargn,
abi du aleyn zolst avekgeyn tsufridn?
tsu ersht makh zikh klerer dayn eygenem *rayen -
dernokh kenstu yeder minut zikh bafrayen.

- vos heyst? nemt in Folyen dos ingeveyd brumen -
a zind iz tsu nemen *nekome? un s'entfert
*reb *Nosn: du host mayne reyd nit banumen;
mir zenen dem *Ashmeday ibergeentfert.
faran do a trogike froy un a blinder,
di froy darf *bekorev geboyrn, banem es.
nokh otemt a kind in der blote atsinder,
nokh tliet a folk zalbe tsent mit zayn *emes.
un du vilst antloyfn, di *eyde tseshpaltn,
tsi vet dikh dayn eygener gayst nit farhaltn?

nor oybe, mayn zun, dayn gedank iz an ander -
nakhsol darf ikh bindn mit shtrik zayne fligl?
gebentsht zolstu zayn mit der biks inem vander,
zi zol dikh bashitsn vi *Khoynen zayn *igl.
dernokh hot der *poresh bagosn di negl,
gerufn di mener un iz mit *kavone
avek tsu a grate durkh zaytikn shtegl,
*kedey dort *mekhadesh tsu zayn di *levone.
- oy *sholem aleykhem, *aleykhem hasholem.
dos tsigele hot zikh gevekt oysn *kholem...

s'iz Folye geblibn *farkhidesht: antkegn
es hopken gor yidn: oy, *sholem aleykhem!
ver hot mikh *farkisheft? - gelust zikh im fregn.
ver zenen di layt? nor es git a dergreykh im
a murml-geshvayg vi a shnaydiker fodem
un rayst zikh funander bay ershter barirung.
s'iz *Dvoyrl. zi shtikt ire zunike *pkhodim.
in tunklenish glimtsert ir tsorn vi tsirung.
mit lipn farshlosene tsoymt zi di verter.
un Folye, er tseynert aroys a bashverter:

- vos redstu nit, *Dvoyrl, du bist oyf mir *broygez?
durkh velkhn kanal iz dayn shmeykhl farfloygn?
fartrayb fun di lipn dem volkn, vos toyg es!
nor *Dvoyrl iz *davke in troyer farzoygn.
un bloyz a *levone-shtral falt vi a vende,
farshpringt oyf tsurik mit a trer oyfn angl,
in tropn fareybikt iz shoyn di legende.
farshpiglt, farziglt dem lebns gerangl.
nor *Dvoyrl derlangt zikh a ris, nemt farshvindn
durkh ofener klyape in *kholel dem blindn.

tsetumlt iz Folye. zayn shtolts iz baleydikt.
a yog - un gekhapt zi, genumen gefangen.
nor vi fun a fremdn ir layb zi farteydikt
un iber di shtromen tseloyfn zikh klangen:
- tsum viderzen, Folye, nor vi lozt'n iber
a mamen? farshteystu vos meynt es: a ma-men!
a vasershtrom patsht zey di fis, yogt ariber.
fargosene tsit men zikh nenter tsuzamen.
es entfert di shtumkayt mit zilberne ringen,
mit moyzn-geplyesk un gefayfltn shpringen.

un Folyen bashlogt a farlibte farshemtkayt,
az poperik shtelt zikh der entfer in gorgl.
tsum eygenem otem derfilt er a fremdkayt.
er shvaygt. nor der vasershtrom shpilt vi an orgl
far beydn. in zelbn moment zey derhern
der pakhterkes *kol: vu bahalt ir zikh, kinder?
un beyde zey entfern glaykh durkh di rern:
- ot do! aylt di mame shoyn demolt geshvinder:
- a krigenish gor? lozt gemakh, a gelekhter.
di tsayt vet shoyn *paskenen ver der gerekhter.

... un het bay der grate me halt nokh in tantsn
bay frishn *levone-vebs ful mit *hanoe.
biz vanen der *moyled tsefalt zikh in gantsn
in likhtzayln okersht geboyrene, bloe.
un zilberne *kruvimlekh flatern, toykhn
in vaser, dertrinken zikh, shimern vider.
zey shmeltsn funander mit vareme hoykhn
di fintsternish, tuen balaykhtn di glider.
dos tsigele bloyz, vos di tsayt im egal iz,
kratst vayter dos berdl in gole *hisgales.

di *kvure

bay nakht oyf Zaretsher *bes-almen. es regnt,
un feygelekh faln fun *khoreve nester.
mit blitsike strunes batsoygn di gegnt.
es brenen in regn *matseyves. un *Ester -
tsevishn di *kvorim. zi rayst mit di negl
di beynike erd un farshtelt mit der pleytse
dem shlaks. ir gekleyd, vi in shturem a zegl.
nito farn kvalikn vaser keyn *eytse.
vos tifer zi grobt, vert dos *keyverl fuler.
dos *ponim fun toyt iz der regn der duler.

bafestikt dem *keyver arum un arumik
mit leym - nemt zi oysshepn aylik dos vaser.
un viklt aroys in geheym fun a klumek
a kind. in der nakht in der blitsiker, naser,
nemt laykhtn a *mesl, di greys vi an orem.
zi iz es *metaher in regn. es kumen
aher tsu baklogn a *minyen mit *kvorim,
bavaksn mit bretlekh vi hiltserne blumen.
der regn vert shtiler, atsind iz dos kindl
farhilt in *takhrikhim - a vaysinker vindl.

zi brengt es mit libshaft in *keyver: shlof ruik!
(azoy vi a kind s'ershte mol in a *kheyder).
a blits vayzt a yidishn *os vu-nit-vuik,
er iz dem *bes-almens antpleker, basheyder.
un *efsher vet kumen *Gavriel hamalekh
un varfn a rendl? er varft nit. farshotn.
a *shikerer blits vayzt ir on dem *mehalekh
tsurik tsum kanal, in bavolkntn shotn.
a bintele groz flikt zi op untervegns
un brumt a gezegns, un brumt a gezegns.

fun vanen kumt *Dvoyrl?

fun vanen kumt *Dvoyrl? ikh hob zi es zeltn
gefregt. veys der shtern aleyn fun zayn likhtung?
un veys den der *paytn fun vosere veltn
es tsoybert tsu im in geheymshtot zayn dikhtung?
zi kumt umgerikht vi di freyd, vi di umfreyd.
a *Dvoyrl aza muz antplekn zikh eybik
mit zunikn shmeykhl vi hele triumf-reyd,
*kedey dos gefil zol zikh oyfhaltn gleybik.
on *Dvoyrlen - geyt epes farloyrn an *iker,
es veynt di bashafung tserisn oyf shtiker.

ir *ponim - vi durkhzeik-rozlekher farfor
antkegn a fleml. s'bavakhn zi shtoltse
farhoybene tsep. un di oygn - alts sharfer,
vi on der *levone-shayn shlayfn zey volt zi.
un shtraln geboygn in ovntik vaser
dermonen dir glaykh ire hent, ven zey gibn
mit tsarter bavegung a laykhtn *farmaser,
az iber dem umkum es kinigt dos libn.
di hent flegn kormen klavishn mit klangen,
der ekho fun zey iz nokh alts nit fargangen.

gebrakht in kanal hot ir *Ester. gefunen
ahinter der shtot, in gekleyd fun a none.
dos meydl iz take fun kloyster antrunen
ven s'hot zikh dernentert ahin di *sakone.
un do, in geheymshtot, mit hunger bapleytlt,
iz *Dvoyrl farvandlt in hungers farbayter.
a blik nokh a blik vert arum ir gekeytlt,
fartunklt a *rege un keytlt zikh vayter.
s'hot *Ester bamerkt di farhoylene yeger
un *Dvoyrlen genumen tsu zikh oyf geleger.

es helft nit. s'vil itlekher lign khotsh nenter
tsu *Dvoyrlen. ir *kholem zol varemen. *Gdalye,
vos firt do a *pinkes - er lugt a tsebrenter
in fintsternish. varfn zikh greyt in batalye.
vayl zint er hot *khayish dershmekt az in *Dvoyrlen
a tsorn zikh kleyet tsu Folyen, hot khitre
genumen baym lerer a zikherkayt yoyrlen.
im art nit, vos *Dvoyrl, geshpant vi a tsitre,
trakht andersh. deriber hot oft zikh getrofn
az unter ir nare avek iz er shlofn.

di simfonye fun mayz

ven s'nakhtikt di shtot, ruen oykh di kanaln.
es tsien zikh shtremlekh - farvoglte shepsn.
der "shturem-kanal" mit zayn lyaremen, shaln,
iz ayngeshtilt. fintstere, faykhte gevebsn
batapn di luft. vi a shnirl fun diment
a kvelkhele tsit zikh *belakhesh in mitn.
di nakht iz mit opglants fun kvelkhl *basiment.
dos pruvt in der blote zayn *tsure farhitn,
*kedey nit araynfaln *stam in Vilie...
nor shver! s'iz di zumpike nakht a *menie.

in "shturem-kanal" fun a meter mit zekhtsik
shpatsirt undzer *Dvoyrl *kimat nit geboygn.
es vandert a vintl farzhavert un krekhtsik
un bald - in a tsveyter maline farfloygn.
un ot fleytst arayn fun a zaytnrer leblekh
der shtrom fun a vane mit *reyekh fun zeyfn.
un *Dvoyrl zi shvebt iber brunemlekh, treplekh,
un veys akurat vu zi iz, velkhe heyfn
s'gefinen zikh oybn, glaykh dortn gegangen,
un horkht vi di shtilkayt nemt oysknaypn klangen.

tsu ersht kumen shtikelekh gloz un barirn
zikh eyns onem andern. blekhlekh un tshvekes
farshtarkn dos ployshekhts in vasers gehirn.
farklezmerte shotns bavoynen di shtrekes.
un vi oyf klavishn es trogt zikh dos meydl,
fargesn vuhin un tsu vemen zi vandlt.
farborgene tener, geshlifn un eydl,
zey hobn di rer in a gortn farvandlt.
tsaf-tsaf, tsaf-atsaf, es batreln, derfreyen
in gortn, *levonedik-tsart, soloveyen.

zi tseylt ire trit, nit tsu vern farloyrn,
un plyushket mit zey in di vasern borves.
fun gornisht es vert a simfonye geboyrn.
tsi hobn di tener fartsoybert zi nor-vos?
un *Dvoyrl dermont zikh: a tsimer, a pyane;
der shotn fun fentster shlogt op oyf klavishn;
di finger vos zenen aleyn zikh *mekane
un fangen di klangen arum un tsevishn.
es vern di *khushim geshlifn, gereynikt
un *Dvoyrl - tsurik mit ir pyane fareynikt.

tsaf-tsaf, tsaf-atsaf. di melodishkayt - hekher.
anshtot soloveyen - gor mayz in di tshates
tseshturemte yogn fun zaytike lekher
un shpringen zikh voylerish unter di grates.
nor *Dvoyrlen bahershn alts mer di tsaftsafn.
di feyglmayz monen, *farshikern, klanglen.
vil *Dvoyrl a verk fun di tener bashafn!
zi filt nit di shtromen vos ringlen zi, ranglen.
fartseykhnt zi gikh in der fintster di notn,
zey zoln *kholile keyn klang nit farrotn.

fun vanen zol filn dos meydl, az oybn
itst *mablt a regn un rizlt do hastik?
zi shraybt, komponirt mit a freydikn gloybn,
bahersht fun der zeltener fayner fantastik.
shoyn greykht biz di kni dos tsekokhte geveser
mit fleytsike fidlen, vos shpiln on keynem.
es trilern fleytn, es boyern beser:
bazunder - in eynem, bazunder - in eynem.
es platst a geveyn! un es broyzn akordn,
vi eyner volt veln - dem tsveytn dermordn.

di notn - in moyl, inem shtrom biz di lendn,
zi shvimt elehey tsvishn shteyner a shifl.
farshvundn der gortn, di onheybn, endn.
dos meydl gedenkt nit di gasn un vifl
ariber. zi festikt zikh ayn in di rundn,
der shtrom zol nit mitshlepn zi in Vilie,
un nishtert ir heym... nor di heym iz farshvundn
azoy vi in friling a zunike krie.
zi shvimt azoy lang biz dos vaser nemt faln
un blaybt ergets lign in zamd fun kanaln.

nokhn *mabl

geduldiker leyener, zukh nit arumet
dem dikhters perzon in der vilder poeme.
*akhuts im vet oykh do genug zayn der umet
un laydn derfun vet nit laydn di teme.
nor oyb du vilst *davke dershnapn dem dikhter,
dergeyn zayn batsiung tsu zikh un tsu yenem -
grob tifer zikh ayn in di shotns un likhter
fun zayne *khaveyrim, dort vestu derzen im
nokh beser vi ikh. un atsind vel ikh firn
dikh vayter in undzer geheymshtot shpatsirn:

ven *Dvoyrl hot ful mit *hislayves geshafn
di moyzn-simfonye in klangikn fintster,
un gornit gefilt vi es kumt in gelafn
dos vaser, - iz oykh nit gevezn keyn mindster
foroysfil bay undz. s'hot farnumen zikh itlekh
vi *tomed: baym fakh, bay fargreytn dos esn,
un ver bay a *shmues geshmak un gemitlekh,
azoy vi me volt di *sakone fargesn.
nor ven s'hot der blinder, vos shteyt oyf zayn postn,
gegebn a tsi farn drot dem farrostn -

- alarem! - hot s'vaser mit roysh un harmider
geyogt vi fun dambes geplatste, farshvonken
dem *kholel. un mir hobn ale zikh vider
gelozn in shtromikn kinigraykh blonken
un zukhn a *miklet a tsveytn, *kedey tsu
nit vern fartrunken in voynung. s'hot Folye
getrogn dem blindn bay zikh oyf der pleytse
un *Ester - di tsig, vos iz ful melankholye,
un Lipman - di trogike froy, un *reb *Nosn -
dem opshayn fun *sfires in zeung farshlosn.

ersht demolt, ven zun iz arayn in di salyes
durkh dekhelekh-grates un shtralik tsebreklt
ir gantskayt in ringen baruikte khvalyes, -
hot undzer Tabor zikh a vayle farheklt
oyf epes a vispe, vi oyfn *Aroret
di *teyve. getriknt in leblekhe shtraln
di ayzkalte *bgodim. nor s'harts hot getoret
fun vegn der *Dvoyrl, vos iz undz farfaln.
dervayl hot *reb *Nosn genumen oykh grimen:
farloyrn di *toyre in mitn dem shvimen.

es hobn tsvey mener zikh dentsmol gefedert,
avek tsu gefinen farblondzhete veltn.
nito mer keyn *mabl in khvalyes geredert.
a shtrom tut farshpringen di vegn shoyn zeltn.
der naketer *poresh ken alts nit banemen
ver hot im *gegazlt di *toyre - zayn kleydung?
un Folyes gevisn - in paynlekhe klemen:
- nit shoyn zhe mit *Dvoyrlen di letste tsesheydung?
nor ot vos mir zenen dergangen do shpeter:
nokh langn farvogl, geblondzh un gekleter,

derzen hot der *poresh baym taykh a derfreyter
zayn *toyre, farkhapt in shtakhetn, tserisn,
mit *oysyes tsegrizhet fun mayz. un der tsveyter
mit blitsiker baytsh fun der libshaft geshmisn -
hot *Dvoyrlen dershmekt ergets het oyf Antokol
mit kalte fargliverte orems vi shteyner.
un hot er geton farn kop zi a shokl -
bavayzt zikh a bletl papir in di tseyner.
nokh gut vos a Lipman iz do, zol bavust zayn:
er hot es di kleyne gebrakht tsum bavustzayn.

tsian-kali

in palats vu Napoleon iz gezesn
dort hershevet groyzik di hak fun gestapo.
a haknkreyts flatert: der herb fun *mes-lesn,
un s'drikt der paley vi a *khayishe lape.
es yukhtset fun dortn a shlangish gelekhter
fun hoykhvoylgeboyrene hern un damen,
un s'tseylt oyf zayn rekhn-mashinke der shekhter
di vareme, kepike tsoln tsuzamen.
in palats iz freylekh. es hulyen *lezeykher
fun Vilne on yidn - di shvartse dergreykher.

nor untern palats - dertseylt undz der blinder
vi er iz geshlogn gevorn mit blindkayt.
(mir hobn a funk-naye *dire atsinder
aleyn zikh geboyt in a modner geshvindkayt,
tsevishn dem palats un kreytsung fun rern,
vu s'iz azoy kuntsik a tirl farborgn.
dervayl iz do fintster. nor Folye ken shvern,
az er vet in keler elektre bazorgn.
a drot pruvt er tsien aher tsu fun kabl
un likhtik zol zayn unter nest fun *mekhabl!)

der blinder dertseylt: *beys a *shkhite in geto
hot er zikh bay nakht in a keler farmoyert
mit vayb un mit kind. nor di faynd - nit gezete,
zey hobn gerisn di vent un geboyert
dem gruntfest. me hert dem galop fun di loyfer.
me zet durkh a shpeltl tsehuzhete flamen.
- zey veln farbrenen! di *moyre on oyfher.
bashlist men: shoyn beser aleyn zikh *farsamen,
azoy vi er trogt in a knop tsian-kali,
iz vet er farteyln *khelokim far ale.

es dringen alts nenter di trit fun fartsuker.
es krikht vi a shlang dos farsholtene *loshn.
zayn tekhterl Reyzele hot vi a tsuker
genumen dem *sam, zikh di ershte geloshn.
baym vayb hot di *gsise gedoyert shoyn lenger,
nor oykh oys gevoynshaft hot zi inem shtarbn
dos krekhtsn dershtikt. in baheltenish enger -
geblibn bloyz er mitn eygenem sharbn.
nor demolt... o, vundiker, beyzer *zikorn!
zayn teyl tsian-kali - nito, nit gevorn.

tsi hot er zikh ergets umishne farkayklt,
tsi s'vayb hot *betoes farshlungen in gantsn?
ver ken es banemen! der *moyekh tsepayklt.
zol kumen der *soyne mit fayer farglantsn!
es lign tsu fis di fargliverte *gufn
un er, zeyer *opsamer, lebt! zol shoyn gikher
tseshpringen der keler! nor s'helft nit zayn rufn.
es hot zikh aribergetrogn der vikher
un - - - shtil. es iz kentik a *zkhie di shlakhtung.
un er iz geblibn. dem toyts a fartrakhtung.

un er iz geblibn. nor s'hobn di oygn
zikh opgezogt ontsuzen *penimer, oyser
di tsveyen *farsamte. di zun iz farfloygn.
geblibn a shotn a flukhiker, groyser.
nor eyder es hot nokh der blinder geendikt -
ersht plutsem a flam, vi di zun volt gefaln,
hot shtralikerheyt di *mesibe farblendikt.
es hobn a *rege di shprudlike shtraln
nokh merer fartunklt di nakhtikayt. ober
s'hot glaykh zikh tseshimert in gold un tsinober.

un keyner farshteyt nit... in shrek durkhgeakert
di aplen, vi *shkie-bafalene shoybn.
di shrek hot aleyn zikh getsundn un flakert.
nor Folye tselakht zikh. dos hot er fun oybn
getsoygn elektrishn shtrom far der voynung.
farshemt vern blikn. fargafte me zet zikh.
es tsaplt a hemd in gelateter shtoynung,
un *Dvoyrl zukht Folyen, dos kleydl farglet zikh.
bloyz eyner halt vayter in reydn - der blinder.
s'dervegt zikh nit keyner im shtern atsinder.

der *poresh oyfn shulhoyf

fun danen, fun *Yerusholayim *shel mate -
es hot zikh *reb *Nosn a nakht far *yom-kiper
aroysgeglitsht durkh a geefnter grate
un eyner aleyn, in gekrikh un gehiper,
avek oyfn shulhoyf tsu zogn di *slikhes
vi far der *milkhome. derzen hot er demolt
tsegrubt un tseberglt zayn getlekhn *yikhes, -
a *kholem farvandlt in leym, vu es flemlt
der nakhtiker toy, un der beyniker *zokn -
gezalbt hot in dem zayne ashike lokn.

der shulhoyf - a harts vu es zhavert a meser -
hot koym nokh getsaplt bahangen mit shtern.
farhakt iz di shtilkayt oyf zilberne shleser,
me ken do *afile ir shvaygn nit hern.
- vu zenen di yidn, di davner, di lerner,
der *nign arum di gebayen farflokhtn?
er tapt zikh aleyn mit di finger fun derner,
tsi m'hot im tsuzamen mit zey nit geshokhtn.
antkegn ligt oykh in a *mite fun tsigl
*Raziel hamalekh, a toyter, on fligl.

s'derlangt im der veytik a shlep vi a korshun
un trogt farn haldz, iber hoykers in shiml.
er shvebt oyfn shulhoyf di shtumkayt tsu forshn:
- vu zenen di yidn, - o, foter in himl?
a *nes, vayz a *nes inem tog fun *mishpotim,
es zoln dir khotshbi di toyte getroyen!
un shvebikerheyt, mit tseshaytertn otem,
er fliglt arayn in der kloyz funem *goen.
bloyz vent. oykh der balkn tseflikt un tseboygn,
er kukt durkh di lekher. tsi gleybn di oygn?

di shtern dos zenen keyn shtern nit, ze nor:
dos zenen di yidn! kuk nenter a bisl:
mit dem oyf eyn bank bist geshlofn, un yener -
trogt emers in himl oyf zayn koromisl.
ot zenen di holts'heker, shnayder un shmidn, -
un ot a *mekubl baym *khelevnem shtender.
di shtern dos zenen fun shulhoyf di yidn,
zey tuen vos frier, on mindstn geender:
me bletert di *sha"sn, me handlt, me arbet,
der *rebe zogt *thilim, dem eybikn har bet.

un vi nor es flien di hent tsu der *mare -
fartunklen di shtern - di *shkheynim, di brider.
dos halt zikh in reytsn a *kundes a khmare
un lozt im in shulhoyf an eyntsikn vider.
- vilst brengen mikh tsu a *nisoyen? dayn *shlite
tseshmelts ikh vi blay mitn flam fun mayn gloybn! -
tut zhipen der *poresh mit aplen tseglite
tsun *sotn, - du vest mir di zeung nit roybn.
un megstu mit feldzn farshteln di *eyde -
zi lebt, vi mir lebn dervayle nokh beyde.

fun bergl tsu bergl farhoyln er tsit zikh
vi iber an opgrunt a shpin oyf a fodem.
di shtern zey trogt er in hartsn shoyn mit zikh,
zey laykhtn azh unter di parmetne *bgodim.
es vigt in der luft zikh di bloe galerye
mit nit keyn fargangene  [G: fargangener] fidl un tsimbl.
zi shpilt farn *poresh atsind ir misterye
oyf *khorever yidisher gas, vi a simbol.
nor untn - di kloyzn, di shtiblekh zey lign
vi klangen tsehakte fun yenem-o *nign.

- tsi bistu gefaln *beemes, *kloyz-yoshn?
a *shoyb-mogn-dovidl iz dayn *matseyve.
*heykholim ir mayne, ver hot aykh farloshn
mit *poshetn davner, mit *Koyhen un *Leyve?
fun hundert - geblibn di shtotshul. er nidert
arop in der tif. iz tsufridn vos gants iz
a mirmlne zayl in der pustkayt farglidert -
di hant fun bashefer halt unter dem *tamtses.
farvarft arum zayl zayne orems vi reyfn
un horkht tsu dem griln-gezeg fun di shleyfn.

azoy arum zayl tut er *tfile. es laykhtn
di shtern shoyn vider durkh shmoln gegiter.
un glaykh vi an *omeyn, fun balkn dem faykhtn
oyf dr'erd falt a tropn, a tsveyter, a driter.
un endikt er - tunklt arayn durkh di shpaltn
a likht fun antlofenem *dor. iz derzet er
tsevalgerte *sforim, - un tut zey bahaltn
in torbe, zey veln im nutsn oyf shpeter,
gefint oykh *taleysim, tsefloygene *sheymes,
un alts in der torbe, tsu brengen aheym es.

in polish fun shtotshul, vu s'hengt nokh a *kune,
a greyte, di zindike velt tsu farshmidn, -
derhert er a shorkh. un *fardekhtik-meshune
es blintslen di vayslen baym shtralikn yidn.
nor bald gibn heymishe verter a tsapl:
- gut morgn, *reb yid, a gut morgn aykh, *shokhn!
iz *efsher aykh shver, vel ikh helfn a kapl
dertrogn di torbe mit yidishe yokhn?
*reb *Nosn bashmekt mit di nozlekh dem *dabren -
s'iz Folye - un fregt mit a *kol mit a shlabren:

- dertseyl, hobn alts do gezen dayne blikn?
un Folye: - ikh hob in di *khoreve heymen
gezukht durkh di nakhtike *shoen a *tikn
un endlekh gefunen fun unter di leymen.
- vos hostu gefunen? un ot iz der entfer:
a bombe, vos hot nit bavizn tsu platsn.
ikh darf zi vi lebn in undzere vent fir,
in undzere vaser-geboyte palatsn.
un ven m'hot tsurik in geheymshtot genidert -
hot *seyfer mit bombe geheym zikh farbridert.

vi gliiker heysherik

farnumen smolensk! di gepantserte rusn
faryogn dem *soyne tsurik un tsuriker.
dos brengt undz Mateyke azetike grusn,
tsuzamen mit broyt in tseshnitene shtiker,
un varft es arayn durkh a grate fun oybn -
un *Ester tsi Folye khapt-oyf in der nider.
*khuts esnvarg brengt undz Mateyke oykh gloybn,
az mir'n derhern gor andere lider.
nokh yeder zayn kumen derfilt men zikh frayer:
der *soyne in vaser, der *soyne in fayer.

ariber shoyn etlekhe vokhn - er kumt nit.
ahingeyn - oyf itlekhn shpan a zhandarem.
un grod oyf *lehakhes der hunger farshtumt nit.
vi gliiker heysherik, on a derbarem,
farshpreyt iber zangen - bafalt er di beyner
un grobt zikh arayn mit geflik un gegrizhet.
fartraybn, - dos iz nit *bekoyekh im keyner.
farteydikn s'layb - vi farteydikt men, vi zhe?
me kliglt zikh lang. nor es ken di *asife
nit leshn dem hunger mit meynungen tife.

a tsulog iz oykh vos der *poresh un *Ester,
*farakshnte, esn nokh alts nit keyn *tarfes.
do helft keyn gebot nit, keyn shpot, keyn gelester.
zey tsaplen vi strunes geplatste oyf harfes.
nor oyser zey beydn iz oykhet tsetumlt
Arone, vos hit, oyb faranen, di shpayzn.
ven s'hobn di zhavers fun hunger, anumlt,
tsefresn di *penimer, groe vi ayzn, -
hot yener nokh ergets gefunen a letste
farvalgerte tsibele, hipsh a tsenetste.

m'iz ober geblibn *nishtoymem *beshas er
hot yedern ayngeteylt pinktlekh dem *kheylek
un zikh - nit gelozn. - far dir? - hot a blaser
im Lipman gefregt, vilst nit andersh nor beylik?
Arone hot ober geplaplt: es kon im
*kholile der *tsibele-reyekh farrotn,
az er iz a yid, mit semitishn *ponim,
ven oyskumen vet tsu antloyfn vi krotn
*beshas an oblave. s'iz nit azoy narish:
der *tsibele-reyekh iz epes nit arish.

gezen az me hungert un nit oyf tsuflaysn,
iz Lipman dergangen tsu plener azoyne:
durkh eyner a rer halt *keseyder in shmaysn
dos vareme blut fun der shtotisher boyne, -
un blut iz dokh lebn! er hot in an emer
es ongeshept, oyfgekokht un oyf dos nay es
gekokht un gereynikt bagleyt mit a *zemer,
biz opgekhapt hot zikh pamelekh dos *khayes.
farshmakht hot es Kreyne getrunken di ershte,
dernokh - di arumike hunger-bahershte.

oykh yener vos firt do a *pinkes, kh'meyn *Gdalye,
hot tsugetrakht epes. bamerkt hot der lerer,
az mayz ven zey shvimen antkegn a khvalye
un fangen dos fresekhts fun vaser alts merer, -
fartrogn es nokh dem in trukenem vinkl
tsu zikh in kanure. nit mer, ven zey hipn
farlirn zey oft mol a brekl, a shprinkl,
vos zenen *batamt far di mentshlekhe lipn.
di shpayz flegt men shlingen bashlogn mit shveysn.
der "moyznveg" hot di *akhile geheysn.

der mord

geven iz er, *Gdalye, in mitele yorn -
a groer butshan mit farsmalyete fligl.
nor vayl in di *shkhites hot er nit farlorn
keyn mamen, keyn shvester, keyn kind fun a vigl,
vayl zint er gedenkt zikh gedenkt er nit keynem,
bloyz beydemer-shpinen un bikher oyf bikher -
deriber hot er bay di *ovele *shkheynim
gegoltn far dem vos iz honerdik-zikher.
me hot nit fargunen, gekrimt zikh in tsorn
vos er hot keyn eyntsikn fraynt nit farlorn.

nor zint m'iz dergangen: er iz der *bal-khronik,
un itlekhns trot vert durkh *Gdalyen gevoygn -
hot *oylem zayn gal shoyn farbitn oyf honik,
fun demolt - tsum lerer zikh andersh batsoygn.
vayl *tomer fareybikt er shlekhtskayt? un *tomer
vet shpeter di mentshhayt a mish ton di bletlekh
un ver s'zol an *eydes zayn iz shoyn nito mer,
vet, heyst es, farrikhtn di meynung zayn shpetlekh?
derum iz men heflekh gevorn tsu *Gdalyen,
er zol inem *pinkes nit shpiln keyn *talyen.

ven s'brent in di beyner der hunger vi koyln -
vi ken men zikh vayter mit "moyznveg" nern?
iz *Gdalyes *hamtsoe - dos tsigele koylen.
un az di kanal-mentshn viln nit hern -
hot *Gdalye a beyzer gehoybn di foystn.
es hot im der opzog *meshune baleydikt:
- shoyn tsayt fun *rakhmones-gefiln zikh oyston!
s'hot eyner bloyz, Lipman, dem lerer farteydikt,
geredt tsu di akht mit a bitern shmeykhl:
- geshvolene geter, vu iz ayer *seykhl?

der *iker hot *Ester a velt ayngerisn
me zol nit. oykh Kreyne hot hipshlekh gelyaremt:
- nit nemen dos tsigele oyfn gevisn!
me hot zikh oyf *Gdalyes gereyd nit derbaremt.
oykh *erev *yom-kiper falt durkh zayn idee,
me zol mitn fleysh fun der tsig zikh farfastn.
s'hot Lipman *afile gebitn di *deye,
fun vegn zayn Kreynen vi ken es im pastn?
gezen az der *oylem iz kegn, [G: gegn] hot *Gdalye
bashlosn derfirn tsum zig zayn batalye.

- gut *yom-tev aykh, *meysim, *leshone haboe
*beyerusholayim *shel mayle in fridn!
azoy hot bagrist tsu *kol-nidre ot do-o
der lerer di nay ongekumene yidn.
dos zenen gevezn di zelbike *pleytim -
es tantsn zey oykhet di mayz oyfn kishn.
itst blonket a yid nokh a yid un s'bagleyt im
der *yom-tev-gerukh fun amolike tishn.
mit likht in di buzemer vandert men, tsit men,
tsu undz oyf *kol-nidre, in gleybike ritmen.

in mitn der *tfile, ven s'*toyvlt zikh fayer
in shtekhike trern vi gloziker shpliter -
geshen iz dos umglik, a mord umgehayer:
a royte geshtalt in tseblitstn geviter
a shprung hot geton mit a "me" umgerikhtn
tsevishn di bleykhe farkilte davner.
mit purpur baflekt dem *poroykhes, di likhtn,
un vos in der *mayse geven iz tshikavner, -
es hobn di yunge un alte maranen
keyn hor nit farshtanen. di vor nit farshtanen.

a *svore, der *poresh hot nit oyf gelekhter
gemeynt s'iz der *goyel, hot ober anshtot im
derzen vi a tsig, nit derkoylet fun shekhter,
blaybt lign baym *omed un khorkhlt on otem.
un *Gdalye, er glivert mit blitsikn meser
baym shmoln arayngang - a zayl fun a templ.
s'hot ergets a tsiter gegebn der *keser - -
a khmarikayt hot zikh farklibn in lempl.
dos tsigele *goysest in blut, un tsukopns
a yortsaytlikht kapet arunter di tropns.

un eyder vos-ven mit a shprung a geshvindn -
iz *Gdalye bay *Dvoyrlen antkegn *ner-tomed
un kniendik bet er: fargib mayne zindn!
- far dayntvegn hob ikh gekoylet, vayl *tomed
mikh paynikt dayn bleykhkayt, dayn sheynkayt. zay *moykhl,
gevelt dir farlindern, shtiln dem hunger.
fargib mayn *retsikhe, dem paynlekhn shtroykhl.
un hot zikh tseveynt vi a *bokher a yunger.
dos folk iz farglivert gevorn, geshvign,
biz vanen m'hot vayter getsoygn dem *nign.

bafliglter pulver

bay tog, ven es *kholemt geveyntlekh der *oylem
biz beyn oysgehungert in tsayts katakombe, -
iz Folye farnumen mit shafn a *goylem
nor nit fun keyn leym, - fun gefunener bombe.
fun unter di grine farshimlte kleyder
in torbele, - halt er in mestn, in shitn,
fun dortn dem shtol-groen pulver *keseyder,
*kedey fun der esiker nets im farhitn.
er pitslt funander di bombe gevornt.
un s'iz vi der pulver zayn *ponim fartsornt.

der korpus - faran. a tshugunene rine,
di greys vi a foyst. er barekhnt atsinder
tsi pinktlekh vet gebn a drik di spruzhine
der shtolener shlognodl same in tsinder.
nito keyn getsayg. mit a *poshetn shteyndl
tsezegt er oyf tsveyen a shtekele ayzn -
farshpitst es fun untn, makht oybn a kreyndl, -
fun dem vet an ondriker vern. un s'krayzn
*makhshoves vi lebike funken fun ash oyf.
azoy nemt bashvern der yunger *mekhashef:

- du filevdik ayzn, gebundener *khoymer,
dem gang fun mayn viln itst muzstu farnemen.
du pulver mit fligl, fartroy zikh dayn *shoymer,
vayl vemen den andersh fartroyen zikh, vemen?
gebundene kraft, zikh aleyn umbavuste,
derher in dayn shtoybn-geveb mayn bashverung.
ikh bloz in dir otem un oyflebn muzstu,
zolst in-zikh derfiln di glust fun tseshterung,
ikh bloz in dir otem, du zolst zikh bavegn,
derfiln mayn mentshlekh gebot un nit fregn.

ikh varem dikh, ayzn, vi kh'volt do gehaltn
a kind a farfroyrns on otem, on tsapl,
nor gleyb: s'iz nokh ergets dos lebn bahaltn.
ikh shmelts mit di lipn di hent, dem shvartsapl,
dos opgeshtelt-ayzike blut zol zikh vekn.
zay visn, ikh bin dayn geboyrer, batsvinger,
mayn hofenung muz in dayn flam zikh antplekn.
un zoln derfiln in freyd mayne finger
dayn odern-klap. mitn *koyekh fun *sine,
ver lebedik, lebedik, heylike mine!

azoy hot der mayster geknotn, geshlifn
zayn *goylem. on oyfher geshtaltikt, gefuremt,
biz vanen er hot in di pulvershe tifn
a kerndl blits fun zayn viln farshturemt.
er filt: mit zayn eygener hoyt vert batsoygn
dos ayzn vos viklt zikh oys funem *kholem.
s'derlangt bald an efn di pulvershe oygn
un entfert mit sharfn metalenem *kol im:
- bin greyt! un er zukht inem *kholel di trafn,
di verter fun *goylem vos er hot bashafn.

derbaremdiker shney

*vayhi - in a *khoydesh nokh yenem *kol-nidre
iz *Gdalye farshvundn. di tsig iz *mistome
*megulgl gevorn in groyliker hidre
un yogt zikh *keseyder nokh *Gdalyes *neshome.
s'dergeyt fun kanal zayn gelekhter... der tuml
nemt dreyen-fardreyen di tsayt vi a vyuge.
dos dozike umglik farfelt nokh tsum ruml,
me zol in geheymshtot oykh vern *meshuge!
bashlist men tsuzamen im khapn un brengen.
er vet undzer palats keyn *sakh nit farengen.

ven *oylem hot ober gelozt zikh nokh *Gdalyes
farmoyztn gelekhter, gekrokhn firfisik
durkh glimtserdik halb-shoyn-farfroyrene khvalyes,
vos nodlen zikh ayn in di finger vi prisik,
*bikhdey in kanal dem gerirtn tsu fangen -
iz untern heylikn ort Ostrobrama,
antkegn gots muter, der lerer gehangen
a naketer, vi s'hot gehat im zayn mame.
un s'*peniml zayns mit di hor in gekroyzl -
a dorfisher shneyen-bashotener yoyzl.

un ven me hot ibergeshnitn dos shtrikl -
iz *Gdalye geblibn farayzt un farbeyglt
vi frier, azoy vi bagosn mit nikl,
nor fun zayn *havaye der toyt hot geeyglt.
arum im - vi federn fun a vorone
di bleter fun *pinkes dem veg nemen shpreytn
un oybn in himl di tsarte madone
tut *Gdalyen bashitn mit shneyike kveytn
durkh shpaltn fun grate. - un m'hot im on verter
getrogn aheym, tsu zayn ru der bagerter.

o, ver ken fargesn di shtume *levaye!
di kupkes bagleyter mit likht in di zhmutn,
vos hobn fun *hekdeshlekh alte un naye
gekrokhn, getsoygn tsum ort tsu dem gutn
oyf glezer-gas nayn! s'hot ahin a geheymtir
gefirt fun kanal in a keler. un dortn
avu s'iz der bodn a trukn-geleymter,
gegreyt iz der *keyver vu *Gdalye vet ortn.
un yunge, un alte, un shvakhe un shtarke -
mit finger mit kalte me ridlt di *karke.

*mekaber geven hot der *poresh. *beys-mayse
gekvenklt zikh shtark: s'iz an ander *min shtarbn,
ven emetser tut zikh aleyn on a *mayse.
nor shpeter gebitn dem *mishpet dem harbn:
ven mentsh iz gerirt iz der tsorn *bekhinem.
dervayl hot a yid fun a not in Pazukhe
aroysgeshlept *Erets-yisroel-zamd grinem
un *Gdalyen bashit, er zol hobn *menukhe.
dernokh, vi der *koved hames tut gebotn -
hot itlekher shotn - geshotn, farshotn.

un ven s'iz gefaln der *El mole rakhmim -
hot emets farflantst inem *keyver a bretl,
vos glivert biz haynt vi a khmuriker vakhman:
"*p[ey]. n[un]. *Gdalye Zalkind. geboyrn in Zhetl.
geshtorbn in yor... ven geven iz dos lebn
an opkum, der toyt - a genod funem himl.
zayn ondenk in gliklekhe teg zol zikh vebn,
un ver es vet kumen - zol brengen a bliml".
mayn fraynd, oyb du vest do farvoglen a frayer -
loz iber a bliml, es kost dokh nit tayer.

tsurik fun *levaye

tsurik fun *levaye tsefroyrn, tsetumlt,
hot *oylem dershpirt epes gaz... dos hot kentik
a gazrer geplatst fun di keltn anumlt!
un Folye hot take dertapt eygnhentik
di rer. oyfn moyl mit a tukh mit a naser -
mit leymiks farlyapet di shreklekhe shpaltn.
s'hot Lipman im shpeter gemintert mit vaser,
vayl Folye er hot zikh koym-koym shoyn gehaltn.
hot ober getsoygn durkh tseynershe kritsn:
- der gaz vet nokh *efsher a mol undz bashitsn.

dervayl hot der giftiker otem, umzeik,
tsezegt di geheymshtot, di shteynerne, dike.
gevizn di shotns oyf vos er iz feik,
farzoyert dos kvalike vaser *bishtike.
un eyder di droysnluft hot im farshlungen
iz er oyf di fligl fun tayvls gelekhter
pamelekh, pamelekh in *Dvoyrlen gedrungen.
es hot nit geholfn der dokter, der vekhter...
nor lomir dem gaz nit bazingen in strofn,
azoy fil nokh do tsu dertseyln, tsu hofn!

Kopl der shmider

geshtorbn iz *Gdalye. nor mir zenen vider
a folk zalbe tsent. vayl *beshas der *levaye
an *oyrekh hot ongeshpant: Kopl der shmider,
gefunen bay undz a *mishpokhe getraye.
s'hot Folye mit im zikh bazunders gebridert,
gevizn di mine, dertseylt zayne plener.
un Kopl mit kop di strategye tseglidert,
er vayzt zikh aroys far a fakhman, a kener.
oykh *Dvoyrl hot faynt zikh tsu haltn bayvegik
un *eytset in *hilkhes moderne strategik.

er kumt fun di Narotsher velder... antrunen
fun shtetlsher [G: shtetlshn] geto mit brand oyf di kleyder,
nor biternish oykh in di velder gefunen.
di raysike late hot nokhgeshvebt, leyder!
es hobn im andersh bagegnt di taykhn,
farfremdt hot geshorshet di nonte beryoze,
tsum payerl mindstn er ken zikh nit glaykhn.
di verbe hot epes gebitn ir poze.
*afile di zhabes, di zhabes, - nit zayne,
nor hob tsu di Narotsher zumpn a *tayne...

antoysht, mit tseshmoltsenem blay in *makhshove,
hot Kopl der shmider tsurik zikh gelozn
gefinen a yid, nokhn klog fun der sove.
gekumen in Vilne, vos *yosemt in grozn.
a polyak hot Koplen dertseylt oyfn oyer,
az toyznter ayere "zhion v'kanalakh". @f+lebn in di kanaln (poylish).@f-
iz Kopl arop tsu derforshn genoyer,
gevoglt in *khoyshekh a langn *mehalekh,
biz vanen gefunen di *yidn-melukhe,
un, m'shteyns gezogt, oykhet di *yidn-menukhe.

farbitn a got

on *koyekh tsu geyn, vi tserisene zeglen,
farzunkn iz eyner in opgrunt fun tsveytn.
iz Lipmans an aynfal geven, me zol preglen
di tsigene fel un a varemes greytn.
un take der dokter aleyn hot mit *kheyshek
tseshnitn di fel, zi geveykt un geshundn.
der *optam gevezn iz hametne-fleyshik,
a zibn *mes-les fun der tsung nit farshvundn.
es hot zikh geshvoyrn a *khoshever eser,
az birger oyf yener velt shpayzn zikh beser.

mit undzer Aronen hot dentsmol getrofn
an oysglitsh a biterer, shand far di mener!
es hot fun zayn arbl baym leygn zikh shlofn
a kaykl geton zikh a goldener tsener.
farshemt hot dos gold oyf der erd zikh gereytlt,
gevorfn a girikn opshayn a rozn.
Arone - vi gornisht, di lipn farkeytlt -
geshvind nokhn kaykele gold zikh gelozn.
gekhapt im vi s'khapt zayn gefalns der yeger
un vider farkrokhn in stoyg fun geleger.

nor aynshlofn - mer nit gehat shoyn di *zkhie.
me hot im baringlt mit verter vi dlotn,
dem *kholem aroysgehakt hinter zayn vie
un *teykef dem Hamburger *polet gebotn
basheydn, vi ken zikh a mentsh dos farginen
zayn gold tsu farkniplen, ven yeder in frayvil
gegebn hot im zayn farmegn, s'zol dinen
tsu aynkoyfn esnvarg. vi zhe, tsum tayvl,
bahalt men a goldshtik azoy fil *mes-lesn
ven baytn me ken di *matbeye oyf esn?

nor do hot Arone zikh vazhne gemekhtikt,
farhoybn dem kop oratorish un flaysik
aroysgeleygt *loshn, zayn tuekhts barekhtikt:
- s'iz shuldik an anderer... s'yor dray un draysik,
di ershte farsholtene shteyner in shoybn,
dernokh - der geshlayderter shpiz in mayn rase,
di shandike late, di klep, dos baroybn.
kh'hob demolt fun gorn farmeg in der kase
bavizn bloyz nemen a tsendlikl tsener,
zey zoln tseshmeltsn di fayndlekhe plener.

di daytshke - mayn froy, a dershrokene entl -
antlofn, *beshas der shturmist hot getribn
fun eygn gesheft. mitn kind farn hentl,
a dank dem gefinkl fun gold, zikh derklibn
keyn Estraykh. fun dortn antlofn keyn Poyln -
baym grenets hot vider a vayl mir geholfn
dos shtikl metal. nit dervaremt di zoyln,
tsurik hot baym haldz mikh gefangen a volf - un
gebisn dem gorgl. der goldener tsoyber
hot oysgeleyzt ober-amol mikh fun royber.

un ven in Ponar m'hot bafoyln zikh oyston,
avekgebn *erev dershos yeder shprinkl,
bagleyt durkh a hogl nagaykes un foystn -
dermont kh'hob zikh demolt dem goldenem finkl
un etlekhe goldshtik farshlungen vi piln.
un ven kh'hob zikh oyfgekhapt unter *harugim -
gezukht in mayn mist un gefunen. der viln
tsu lebn - er lebt! nor der toyt - nit genug im, -
oyfsnay mikh gefangen, getribn tsum shayter.
a blend mit a goldshtik - zikh oysgekoyft vayter.

geblibn baym letstn. to zogt, kameradn,
vi ken ikh mayn eyntsikn shitser farhandlen?
tsi hob ikh bahaltn dos gold far a *nadn?
ikh hob dokh nit keynem! ken andersh nit handlen.
der Hamburger *polet hot oyfgehert reydn.
tsvey trern vi trivaks farziglen dos moyl im.
un hoykerdik-shver iz geven tsu basheydn
zayn reynvashn-zikh dem arumikn *oylem.
bloyz eyner, der *poresh, farzhmuret an eygl:
- dem got fun *yisroel farkoyft far an *eygl!

tsumorgns far tog iz der Hamburger *polet
antlofn in shtot. nit gezogt keyn "a gutn".
tsi hot men im tsu fil farshemt un farzolyet?
tsi hot er an umglik dershmekt, - zayn *mekhutn?
vayl zint es hot Folye genumen zikh poren
mit pulver - hot er im gevaykht vi a *sherets.
un *efsher iz altsding a lignersher tsorn,
der fal mitn gold - bay dem *polet a *terets
oyf kenen antloyfn? *kedey nit badarfn
dem *talyen di letste *matbeye tsu varfn?

"di naye Eyrope"

dos togike opgold in nakhtike shneyen -
vi frostike funken farziglt in gegnt.
baym breg fun a yodlevald geyen zey, geyen
tsum ershtn mol beyde. di *rakhves bagegnt
mit ofene orems. un vi an orkester
zey shlingen di frishkayt. biz vanen zey vern
di *rakhves aleyn! in a kelt a farprester -
vi koyln in oyvele - varemen shtern.
es hot nokh keyn shney nit derfreyt azoy gvaldik
vi *Dvoyrlen un Folyen vos loyern valdik.

zey shemen zikh ontsuzen eyner dem tsveytn,
bloyz finger in finger zikh flekhtn. di mine -
bay Folyen in buzem. er vet zi bald greytn.
di libshaft fun eyn zayt, fun tsveyter - di *sine,
bamerkt er nit *Dvoyrls a blik, vos zi hot im
aroysgeglit zaytik. in blendiker *krire
es voglt foroys, vi di benkshaft, ir otem,
un treft zikh, baheft zikh mit zaynem. oyf ire
tseefnte lipn a shneyele-shneykhl
zet oys vi a diment in ring fun ir shmeykhl.

di shtern - gefangen in shneyikn shpigl.
di luft - a geshlifener zilberner *khalef,
tseshnaydt horizontn. un ot bay a higl,
durkh tsvaygn-geflekht, [Y: tsvaygl-geflekht] git antkegn a shtral-oyf
a rels a gezilberter. itster zey shlitlen
arop in a niderung, hiln zikh beyde,
me zol nit bamerkn, in shneyene kitlen
(s'dermont - vi um *Peysekh in vaysn der zeyde),
un shtil. az di shtilkayt vos vebt di legende
zol gornit bamerkn, zol gornit derzen do.

er shmeltst mitn moyl dem farfroyrenem bodn
vos untern klepikn rels. in a vayle -
shoyn lokert di mine in gribl farlodn,
bashotn mit shney. es iz itster di *shayle,
tsi s'nentert a ban. zey derkletern demolt
tsurik tsu dem higl, tsum valdikn bortn.
in *simen fun zeyere shotntrit flemlt
di shtilkayt. keyn tsvaygele krekhtst nit. un dortn -
fargesn di mayz, di kanaln, *inuyim, -
dervart men, s'zol vern der oyfrays *mekuyem.

es tsit zikh a shnirl fun beydns gedanken
ahin tsu der mine. dos shnirl git iber
a *tfile, a mentshlekhn viln. es blanken
fun vaytn di relsn. a *sho geyt ariber,
un - gornit. nor bald nemt zikh trogn a sope.
dos shnirl git iber a funk tsu der mine,
der funk vert a flam, un "di naye Eyrope" -
tseshpringt vi a top in getsunterter *sine.
a boym shit arunter zayn tsirung oyf beydn,
un lipn oyf lipn farbaytn dos reydn.

in nomen fun vald

tsurikvegs durkh shneyikn, valdikn shvaygn,
gezetikt mit *sine, farhungert mit libshaft
ven Folye hot *Dvoyrlen gekusht unter tsvaygn
un zi - im getsertlt in liber farkniptshaft, -
hot ongeyogt fun der *levone a rayter:
- vuhin in der nakht? un a shprung funem zotl
foroys mitn shpayer: fun vanen, ver zayt ir?
fun voser brigade? nit gebn keyn trot! - -
nor ven s'hot der fremder geredt azoy flamik,
hot Folye derkent im: der blonder Adamek.

dernokh in Zemlyanke, baym fosfornem branfn -
tseeyglen zikh giftik di teg vos fargangen.
Adamek dertseylt vegn bitere kamfn
un az m'hot zayn tatn gekhapt un gehangen
far durkhshtupn broyt durkh a grate. - - - a dude
tseshpilt zikh in vinkl, farverbet un trerik.
un Folye er entfert in mitn der *sude:
- derfar hot men haynt zey batsolt vi geherik.
di *sreyfe gezen? dos hot *Dvoyrl, zay visn,
dem faynds eshalon in der luftn tserisn!

- ikh vel raportirn in shtab, ikh vel meldn.
farfilt er di glezer, Adamek. me vet aykh
gedenken, dermonen vi *emese heldn.
farblaybt in Zemlyanke, *khaveyrim, ikh bet aykh.
nor *Dvoyrl im entfert: - mir kenen nit lozn
di nontste. zey vartn oyf undzer tsurikker.
atsind - nit *gekholemt, in veg zikh gelozn,
vayl shpeter a vayl ken men vern *tsu-shiker.
mit broyt un kartofl hot Folye un *Dvoyrl
gelozt zikh in veg, vi gebundn tsum *goyrl.

- in nomen fun vald - iz farshprungen zey beydn
Adamek - ot hot ir an ordn: dem shpayer.
der valdmentsh bagleyt zey. un farn tsesheydn
bashtimt men a trefung. durkh zilbernem fayer
marshirn georemt di tsvey diversantn.
di *pantser-levone geyt nokh zey fartayet.
fargleybt in der zoyberer valdikayt shpant'n
tsu brengen in dr'erd di tseshternte frayhayt.
un hinter zey beydn es glien nokh, blasn
fun ban dem farbrentn di pomsene pasn.

*mazl-tov

ven ibern taykh flien dorshtik di shvalbn,
barirn zayn flakh mit di baykhelekh vayse, -
ver *safket, az ergets in volknshe falbn
dernentert zikh umgezen shturem *beys-mayse?
mir hobn dokh ale gerikht zikh *mes-lesik
az Kreyne, di trogike froy, vet geboyrn.
far vos iz tsegangen vi perl in esik
di *kloymershte ru, un mir hobn farloyrn
di glaykhvog, ven zi hot genumen tsevign
di eybike zayln fun velt mit ir *nign?

a zeltene krankayt bay Kreynen: *keseyder
ir dakht, s'iz a glozike erd. un der *soyne, -
fun vaytn *afile, er zet vos in *kheyder.
nit *davke di erd. oykh fun glozn azoyne
ir *kholem. nito keyn bahalt far di bilder
vos tsaplen in turme, geshmidte baym nekhtn.
zey raysn di keytn in brumenish vilder
un lebn in ir mit a lebn an ekhtn.
fun gloz ire verter, fun gloz di *neshome,
un emetser zet di gedanken *mistome...

flegt emets zi fregn: der man irer - lebt er?
iz shtendik gevezn a *tshuve dem freger
a biterer shmeykhl, fun gal a gevebter.
atsindert, oyf ir eshafot fun geleger,
di hor vi an ek fun a pave tselozn,
dertseylt zi far alemen: neyn, kh'hob im keyn mol
nit ongezen. dortn, tseleygt oyf di grozn,
baym roysh fun a vaysn tsefrilingtn beyml,
hob ikh mit *farmishpete yidn a kupe
gevart, az der toyt zol undz shpreytn zayn *khupe.

far tog. fun di felder kumt *reyekh fun heyshnit.
me shlept fun der kupe tsum klepikn grobn.
ikh vart oyf mayn umlebn, fil shoyn mayn fleysh nit,
a meser a temper di gegnt nemt shobn!
nor demolt, farshprungen iz mir vi a *khaye
a libshaft-bager un gemont zayn derfilung.
a libshaft nokh shtarker fun umkum, a naye.
gemont in mayn letstkayt a kilung, a shtilung.
un ikh hob on zinen gemont un gerufn,
a man a gelibtn tsevishn di *gufn.

un *erev dem zunoyfgang, ven oyf di zemder
gefaln iz toy, - hob ikh yenem gefunen.
- trink-oys mayne lipn, du likhtiker fremder,
un shep mikh aroys, vi me shept fun a brunem
aroys di *levone. kh'vil oyser der late
oykh mitnemen *tayneg in toytn *zikorn
un kumen in *keyver a zate, a zate,
a zate mit libshaft oyb nit mit keyn yorn.
di luft hot *gegoysest. nor unter di koyln
es hot mir a *koyekh tsu libn bafoyln.

un er, vos geblibn farhoyln zayn nomen, -
er hot mikh gekusht mit a groyziker tsartkayt,
in layb mir farshmoltsn a getlekhn zomen,
azoy vi ikh hob es gemont in dervartkayt
mit oygn farmakhte in freydikn fiber.
keyn vort nit geredt un zayn blik nit bagegnt.
dernokh hobn hint undz geshlept in di griber
un s'hot zayn tseshosener *guf mikh baregnt.
nor kentik der toyt in der shtolener *shkhite
hot mer oyf mayn *guf nit gehat shoyn keyn *shlite.

s'hot Lipman fardint di gehoybene *mitsve
fun opnemen s'kind. un ven Kreyne hot broyzik
dertseylt ir geshikhte, getsaplt in hits-vey,
hot Lipman getrogn mit freyd oyf a shtroyzak
a lebn... der *oylem in shtumen baringl
hot onteyl genumen in glik, inem laydn.
- oy *mazl-tov, yidn, a yingl, a yingl,
un take geboyrn in hemdl fun zaydn!
un *oylem im bentsht vi a likht bay *havdole:
- dos kind zol derlebn dem *soynes *mapole!

der lataynisher nomen

di vesherin *Dvoyrl shoyn zorgt es zol shtendik
dem dokters khalatl, farvoglt aher do,
zayn reyn vi a shtern. vos reyn? *mamesh blendik!
es fodert azoy di doktorishe verde.
er hot dem khalat, vi a frumen zayn *tales,
gekhapt ven di shtub hot gefokhet in flamen,
un do baym geshvim, in di shoymike khvalyes, -
getrogn in moyl mitn meser tsuzamen.
iz take dos blanke khalatl im heylik
un er mitn *beged - *kimat umtseteylik.

farshtelt mit a shpanishn ventl, in reynem
geprestn khalat, vi a mol in shpitoltsayt -
bavayzt er zikh gantsene teg nit far *shkheynim,
oykh demolt ven greyt iz der tikh mitn moltsayt.
s'iz Lipman farton in zayn laboratorye.
*mes-les nokh *mes-les mit *akshones un libe
antviklt er dortn a naye teorye
fun yidishe anti-toksinen, - di *sibe
*halmay undzer *guf iz gepantserter, greyter
akegn farsheydene krenk vi a tsveyter.

nokh Lipmans teorye kumt oys, az mir hobn
in *meshekh fun toyznter yor *na-venade
oyf boydem, in keler, geshafn mikrobn
akegn *mageyfes, un yene *avade -
bapantsern s'folk. es iz gor nit keyn mistik.
er shraybt do a bikhl un pruvt es bagrindn
oyf *smakh fun batrakhtung un kalter statistik
in geto, tsevishn di *makhnes gezindn.
der flektif, *lemoshl, hot gor keyn *mamshole
*kimat nit gehat in di geslekh di shmole.

farton iz oykh Lipman in zukhn a *trufe
akegn geshvilekhts vos hot undz bashlogn,
makht eksperimentn oyf eygn layb *gufe,
farglaykht in *zikorn mit hunderter plogn
un git oyf latayn es a nomen, a shteyger:
Nephritis Canalica. ober a nomen
iz vintsik. un vi er dervist zikh dem zeyger
bay nakht, vedlik moyzn-gefayf in di shtromen -
dervist er zikh oykh fun der krankayt di *sibe:
der Be-vitamin iz undz neytik akhibe!

un Lipman geyt vayter: azoy vi es kvalt do
a shtrom fun a bir-brayeray, - vet er toygn
dem Be-vitamin tsu bashafn. un bald-o -
er lozt zikh avek vu es trogn di oygn
gefinen dem opshoym. un oyf Pohulyanke
(me ruft do di gasn vi oybn) gefint er,
greyt tsu vi geherik, un s'vern di kranke
bay yeder mol trinken - gezinter, gezinter.
der dokter iz vert az me zol im bakreynen!
zayn oysgefins hot im derhoybn bay Kreynen.

di shlakht in kanal

es vet shoyn farblaybn a *sod nit tsu leyzn
fun vanen der faynd hot dervust zikh di erter
avu undzer heym iz. di dozike bleyzn
es veln nit kenen farfiln keyn verter.
ken zayn, s'hot a *shaykhes mit hengen Mateyken,
Arones antloyfn. ken zayn, es hot oybn
dergreykht a geroysh. vayl dos mindste geshrey ken
di gore geheymshtot farrotn, [Y: farratn] baroybn.
un meglekh iz oykh: durkh a grate, a shpare,
hot oybn derkletert a mentshishe pare.

fun moyz'himlen veykhe geyt-oyf der baginen
in glitshike, frostik-baremte kanaln.
mir zenen - fun shturem fartribene binen -
oyf undzere harte gelegers gefaln.
un vi s'hot a *letsl ahintern apl
geefnt dem forhang fun royzikn *kholem -
derlangt der alarem-glok hilkhik a tsapl
vi rostik tseshprungen volt ergets zayn shtol im.
tsepalmest di shtilkayt, dem klepikn dreml
un fangt in a shtolenem krayz dos gezeml.

un eyder vos-ven, hot zikh daytlekh dertrogn
a tsoken fun shpirhint, gevirtst un geviklt
mit daytshe bafeln, un hinter di rogn
a shos in milyonike ekhos tseshtiklt.
un far a prozhektors baveglekhe blendn
es yogn soldatn in maske un helem
ahin, vu di giftike shpirhint zikh vendn.
zey shotenen, krikhn foroys, vern nelem
un vayzn zikh vider. in undzere mayler -
farayzikt dos *loshn baym hern di kayler.

- tsu glezer-gas nayn! durkhn same gedreytn
un shmoln kanal! - git aroys a komande
di mitvoyner Folye. un eyner dem tsveytn
helft mit. zenen ale, der *iker, faran do?
s'yogt Lipman, farpantsert dos kind in zayn pole.
der blinder un Kreyne farnemen zikh nokh im.
un durkh di shtakhetn farzhaverte, shmole, -
di zun grint arayn in tseglimtserte *shtokhim.
dos likht *farmeshuget di mayz mit di loyfer
un shpirhint farvoyen dem *kholel on oyfher.

s'iz Folye geblibn tsu shitsn - der letster,
baym optsvayg fun breytn kanal mitn shmoln.
er ligt inem vaser-gefrir a farnetster,
gegreyt mitn shpayer dem faynd tsu batsoln,
ven yener vet pruvn aher zikh farkerven.
derbay iz oykh *Dvoyrl un Kopl der shmider.
un Folye mit kalte farshtolikte nervn
er entfert mit koyln a tsveytn mol, vider,
*beshas di geshtaltn in mentshlekhn oyszen
fun zaytike vinklen derkrikhn, derpoyzen.

a vayle iz shtil, nor di shtilkayt tsegrablt
a shpirhunt, vos kentik baloynt mit a koyl iz.
un bald fun antkegikn oysbeyg es *mablt
mit fayer tsurik. un *farkhayete *koyles
dertrogn zikh nenter. - antloyf un geshvinder -
zogt Folye tsu *Dvoyrlen, - farzaml dem *oylem,
gib akhtung es zol nit farblondzhen der blinder,
un ale - oyf glezer-gas, oyfn *bes-oylem!
zi hot nit gevolt. nor zayn blik hot bafoyln,
ersht demolt antrunen baym opglants fun koyln.

atsind, ven geblibn eyn *kol, hot zikh Folye
dermont on der gazrer. mit Koplen tsuzamen -
dershart zikh ahin tsu on otem, pavolye.
un eyder der faynd hot bavizn fartsamen
dem veg - shoyn geefnt dem gaz *bekhipozn!
fun shpalt hot genumen zikh tsien a nepl
in krayzelekh groe, dernokh zikh gelozn
in vayter geheymshtot, a trep nokh a trepl.
di luft hot gezoyert. un beyde *khaveyrim -
zey hobn dervaytert zikh fun di *merdeyrim.

- a shvebele! blitsik hot Folye getsundn
a shtikl papir, es gelozn in *simen
fun yogikn shtrom. ven s'papir iz farshvundn,
tsu ofener gazrer genumen dershvimen, -
hot plutsem a heyb zikh geton vi a khvalye
a flam. un *beys-mayse iz Folye antlofn
mit Koplen ahin tsu dem *keyver fun *Gdalye, -
oyf glezer-gas nayn, vu der veg iz nokh ofn.
dort hot zikh mit gloybn der *oylem farmoyert
un hinter der vant oyfn *soyne geloyert.

oyf glezer-gas nayn

oyf glezer-gas nayn, oyfn kleynem *bes-oylem
hot *Ester gefunen ir *mokem menukhe.
(oyf zelbikn ort iz farankert der *oylem
fun zint der *mehume, gelaf, zaverukhe).
bakumen a shtoyb fun granat inem sharbn,
iz *Ester gefaln: baveynt mir nit, *meyle.
zi hot nokh bavizn a funk farn shtarbn
tsu opgebn *Dvoyrlen ir alte fatsheyle.
atsinder iz *Ester a bergl nit merer,
a hoykerl erd lebn *Gdalye dem lerer.

vi umheymlekh-lib s'iz tsu voynen mit toyte!
banemst nit dem *khilek fun dir bizl yene
vos lebn zikh unter di berglekh di royte.
s'fargint zey nit ober di tsayt, di hiene,
un grizhet biz vanen es blaybn skeletn!
un shtendik es dakht, ven du est bay di *kvorim,
az oykhet di toyte, farhungerte betn
a krishele broyt un zey shtrekn an orem.
nor vifl akrayetsn zolst zey nit gebn -
vet mer zey nit zetikn keyn mol dos lebn.

a loyb tsu der shpin, vos hot graylekh a shtile
geshpunen in leymikn keler ir tsaygns,
ir oysgebenkt-groe gepaynikte *tfile
azoy vi oys fedem fun undzere shvaygns.
di ershte hot *Dvoyrl bamerkt zi. in shtoynung
bavizn far alemen: zet inem vinkl!
un epes hot glaykh zikh gebitn in voynung.
di shpin, oyf ir veykhn fartroylekhn *shpin-kol
hot shmeykhldik ayngeroymt zunike klangen
vos hobn aroysgelebt naye farlangen.

an enlekh gefil hot gehat feter *Noyekh
ven toyb iz mit grininkn bletl derfloygn.
di shpin hot funandergeshpunen a *koyekh,
az mir hobn girik ir vunder gezoygn.
un Lipman hot filosofirt do anustn:
es kletert azoy vi di shpin oyf a fodem
der mentsh, in a *kholel a fremd-umbavustn.
un blind in zayn visikayt zukht der *ben-odem
dos fedeml. nor er derzet nit dem kontur
un frest zayne kinder farshpunen in plonter.

bashitst fun der shpin, fun ir groer *mamshole, -
dos lebn geyt vayter. nor *davke nit gringer.
in etlekhe teg nokh der vister *bahole
hot oybn farmoyert mit shteyn der batsvinger
a teyl fun di grates, un *khoyshekh *Mitsrayim
farfilt di geheymshtot. nor mir zenen vider
a folk zalbe tsent vi geven \[iz] *ad hayem,
es zenen in eybiks farvandlt di glider.
a folk zalbe tsent vos me ken nit tseteyln.
du fregst vi azoy? kh'vel dir zogn, dertseyln:

mir hobn in keler gefunen bahaltn
a froy mit ir tsen-yerik yingl, - Tamare
un yulik. un oyfn *bes-almen dem kaltn
iz heymish gevorn, vi s'volt durkh a shpare
der friling arayn. oykh dos yingele Kreynes,
vos *Odem zayn nomen, - zikh eltert in freydn
un klert nit fun umglik vos hoyert *bishkheynes.
o, ver ken di retenish helfn basheydn?
vi shtelt zikh dem shturem antkegn a zangl?
oyf vemes bafel iz der gorer gerangl?

di blote-geshtalt

a fayne geshikhte! ven Folye mit Koplen
avek zenen ibern shlakhtfeld dem groysn,
*kedey nit tsu blaybn farflantst mit di noplen,
gefinen an oysveg, a tir tsu dem droysn, -
gefunen zey hobn a mentshn in blote,
a blote-geshtalt, vos nit meglekh derkenen
keyn *khilek tsevishn zayn hoyt un kapote.
nor ven mitn *oyrekh in eynem zey zenen
derkrokhn aheym un zey hobn dort koym im
dervashn, - iz yeder geblibn *nishtoymem:

a haknkreyts hot zikh antplekt oyf zayn klyape!
un er hot zikh *moyde geven *beysn forshn
az - az... m'hot arayngenart im in gestapo,
dort arbet er kegn zayn viln a yor shoyn.
me ruft im - Pitsukas, fun shtam - a litviner,
farblondzhet do nebekh in fremde kanaln.
dernokh iz der zelber - a yashtsher a griner,
oyf dr'erd far di etlekhe yidn gefaln:
- a vayb mit dray kinder, dos yingste a pitsl...
derbay hot oyf got zikh farrufn der hitsl.

ot iz dayn *nekome, der mentsh der geshendter,
du zest? hot tsu Folyen gevunken der *poresh -
im tsugefirt tsu dem gefangenem nenter.
di *mayse, gut-bruder, iz gor nit historish...
nor Folyen - im hobn a glants geton trern,
tseshmeltst di *nekome, di glustungen ire,
tsegosn vi kvekzilber zayne bagern.
mit paynlekhn ekl tsu gor der *yetsire, -
fardeklt di oygn in mider aleynkayt
nit ontsuzen mer do di mentshishe kleynkayt.

dos hoykhe gerikht iz avek zikh barotn.
bashtimen dem *psak vedlik eygenem kodeks,
baym frishinkn bergl, vu s'lebt nokh der shotn
fun *Estern. *emes, me hot keyn genodiks
oykh dortn nit oysgezukht. ober di *shoftim
zey hobn gehaltn far umverdik *hargen
mit eygene hent. - saydn nemt un bashtroft im -
zogt Lipman, - der *shed zol aleyn zikh dervargn!
- azoy oder andersh, nor zol er farshvindn!
hot *mamesh geshlogn a *dibek fun blindn.

azoy hot gegoltn der *mishpet: fartraybn
Pitsukasn krik in gedreydlte shmole
het-vayte kanaln, un zol er dort blaybn
geyogt fun zayn eygener fintsterer *klole.
un zol der bashefer, vos hot in zayn *tselem
gefuremt dem mentshn - bashtimen vos vayter:
tsi mayz in kanal zoln grizhen di fel im,
tsi zol er antrinen a galik-farshpayter.
azoy iz geshen. un zol *pasken a dikhter
tsi orntlekh hobn gehandlt di rikhter?

gehernerter *Moyshe

Tamare, du heldishe mame, vi hostu
geratevet yulikn, ver iz der shitser?
- oyf subotsh, ahinter di tsoymen farroste,
dort hot men - ikh vel es dertseyln *bekitser -
di kindershe hoytn vi sholekhts fun epl
gesheylt fun di tsartinke *penimlekh, vorem
es toyg far kosmetik. bay nakht, in a nepl,
farshlefert kh'hob yulikn mit khloroform,
genumen in zak, un es iz mir gerotn
zikh durkhglitshn unter elektrishe drotn.

- vi *moyredik-poshet dayn reydn, Tamare!
dertseylst mit a shtim, a yenveltike, shtile,
in likht hostu ibergeshmoltsn a khmare,
ikh leyen dayn *ponim - dem haynts a *megile.
nor zog mir, Tamare, iz yulik *bekoyekh
vi du tsu farvandlen in libshaft di *sine?
nor zog mir, Tamare, farmogt er nokh *koyekh
tsu zinken azoy in der tsenter maline?
tsu trinken di biternish? fregt er nit keyn mol
avu iz a foygl, a shtern, a beyml?

- s'iz yulik bahavnt un hot nit keyn *tayne...
ot zestu: fun *keyvershn leym funem faykhtn
bashaft er in vinkl di vundervor zayne -
a *Moyshe-geshtalt far di *doyres tsu laykhtn.
der shtraliker kop vi geknotn oys fayer, -
in tunklkayt hernert bafelerish, makhtik.
s'vet biz der bafrayung shoyn zayn der bafrayer.
zayn blik, - iber feldzn a zunoyfgang, prakhtik,
vet yedn kanalmentsh di benkshaft antplekn.
un leym, zogt der kinstler, fun *kvorim vet klekn.

Petro der tsigayner

atsinder baken zikh, du leyener mayner,
mit nokh a parshoyn: mitn shlayfer fun mesers
oyf glezer-gas draytsn: Petro der tsigayner,
vos yorn shoyn lange er veys nit keyn besers
vi tsien zikh iber di hayfn un klingen
in glekl fun varshtat. a *simen, me kon im
aroystrogn shlayfn fartempikte klingen.
un shlayfndik - beygt er zayn beynern *ponim
alts nenter tsum shteyn, az es zoln di funken
arayngeyn in hoyt im un blaybn farzunken.

di funken zey hobn zikh take farshpizlt
in brondzikn oyg, inem karbikn shtern;
nit klepiks in odern zayne im rizlt,
nor shtolene funken a shtrom, volt ikh shvern!
un vi a kindzhal mit brilyantn bashlogn -
di prakht fun zayn *sheyvet fun *ponim nokh blendikt.
shoyn lang zikh gezegnt mit ferd un mit vogn,
s'ken dakhtn: er hot mit zayn opshtam geendikt.
nokh fuftsn yor katorge hot er farlorn
zayn vald un zayn velt, iz a shlayfer gevorn.

nor ven s'iz gekumen der daytsh, hobn gor di
farshvundene mesers gesharft in zayn lebn -
fun layb im aroysgetantst kegn der horde
un mer shoyn zayn umru keyn ru nit gegebn.
avek iz Petro in di velder fun gegnt
banand mit a kind vos antrunen fun *shkhites.
un ven er hot boydn tsigayner bagegnt, -
gegebn dos kind a tsigaynerte: hit es!
dos kind iz fun toyznter mames geblibn,
mit libshaft fun toyznter zolstu es libn.

un shpeter hot vider Petro in di velder
gebrakht a geyogtn gepayniktn yingl,
farbroynt im dos *ponim, geviklt in trelder
un ongeton im oyfn oyer a ringl,
me zol im derkenen. azoy hot *keseyder
zikh *ibergekhazert. biz eyn mol gekumen
in vald mit a meydele unter di kleyder -
gefunen er hot shoyn nit keynem, bloyz blumen
batoyt mit geveyn. un tserisene boydn
vu shnirlekh mit rabine-kreln zikh hoyden.

oyf glezer-gas draytsn baym altn tsigayner
faran iz a keler. in keler - a brunem.
un kukstu in kvalikn brunem arayn nor -
derherstu nit mer vi dem vasers *nigunim.
nor etlekhe shpan fun der vaserhoyt nemt zikh
a dekl aroys un atsind kenstu krikhn
durkh shmoln tunel, biz di rikhtung farnemt zikh
oyf links, dortn heybstu a shteyn un in gikhn
bist du shoyn oyf glezer-gas nayn, vu es voynen
fun der-o poeme di ale parshoynen.

*ma nishtane

tsu ersht hot a bulbe, farvalgert in keler,
aroysgeshtralt vaysinke shprotsn. a *simen -
der friling shoyn pravet in shtot zayne beler.
es hobn derzunikt zikh muntere shtimen
arum dem *bes-almen. dos lyaremt a khopte
tsezungene shtromen fun shtotishe gasn
durkh regn-kanaln mit shneyen farshtopte.
zey royshn, tseshindn dem umet in pasn
un shpreytn shvartserdike *reykhes tseblite -
an ondenk fun vayter, amoliker Lite.

fun shneyen tsegangene, erdn vos yern,
farmoyerte kvaln, frishgrozike regns,
vos plyesken durkh grates, tsegoldikte rern,
fun vinters tsegangene fraye farmegns, -
es hobn di shtromen gezungen an ode
tsum friling, arumgekhapt vi mit an orem
dem keler un s'hot zikh a linye a grode
getsoygn fun friling aher tsu di *kvorim,
derveykht un dervaremt fargliverte horbn
un oyfgevekt yene vos zenen geshtorbn.

der *poresh, farton in gehoybener pratse,
hot zorgevdik-ernst *gekashert di *keylim,
geredlt, gebakn vi s'darf tsu zayn *matse.
*bayom-tevt di kneytshn fun hayfl *aveylim.
der roykh hot getsoygn zikh vayt, durkhn koymen
fun glezer-gas draytsn, vu s'voynt der tsigayner.
un do, inem *heykhl dem breytn, geroymen,
gevorn iz varemer, zoyberer, fayner.
der *poresh hot ober in kumer *getaynet:
- s'iz noent der *Peysekh, mir hobn keyn vayn nit!

hot Folye zikh plutsem dermont: zayn getrayer
gefalener tate, er hot far a yorn
baym *seyder in geto bahaltn oyf hayyor
a flash *yayn-tsimukim! bagleyt fun *zikorn, -
atsind hot getsoygn der zun durkhn brunem
tsu yatkever gesl un dort unter grine
tsefalene vent di *yerushe gefunen.
baym onzen dem vayn hot getentslt in *shkhine
der *poresh: a halbe flash vayn darf men vider
bahaltn oyf iber a yor, in der nider.

baym *seyder. der *poresh gelent on a kishn.
tsvey vaksene likht. a fartrifte *hagode.
s'iz *emes, me zet nit keyn hiner, keyn fishn,
faran ober *morer, azoy iz di mode.
di shpin varft a tsiferblat-shotn a rundn
dem *poresh antkegn un fregt: *ma nishtane?
es knipn zikh alte tserisene bundn.
der itstiker knekht iz dem zeydn *mekane.
- *avodim hayinu... ver zenen mir, kinder,
nokh etlekhe toyznter yorn atsinder?

mit zangener hant heybt der *poresh a bekher
fun tunkeln zilber mit randn fun gingold.
bakritslt mit hirshn vos raysn zikh hekher,
di ventlekh mit *psukim vi toyen baringlt.
es hot im geratevet *Ester, *lezeykher
di yidishe *doyres tseasht un farlendikt.
itst geyt er fun lipn tsu lipn a bleykher,
*mistome zayn *shlikhes nokh alts nit geendikt.
- tsu eyntsike zupn! der vayn iz *mekhaye.
a zup - un es kvaln shoyn vaynkhvalyes naye.

der *poresh - iz nit tsu derkenen, a tsveyter.
zayn *ponim - a blitsik-baloykhtene mape.
pamelekh, in kitl dem likhtikn, [G: blendikn] geyt er,
pralt oyf mitn aksl di shteynerne klyape
vos firt in geheymshtot durkh bayvegn shmole
un brumt: *shfoykh khameskho! fargis mit dayn tsorn
*Amolekn, zol im *farsarfen dayn *klole,
vi er hot farshayterhoyft undzere yorn.
a rob zol zikh *miesn kraken zayn nomen.
un ale im entfern eynshtimik: *omen.

farzhaverte biksn

farzhaverte biksn, gepuklt in plyames,
altmodishe, krume skeletn fun ayzn, -
ver hot aykh bahaltn in di *d[aled]' ames
ir zolt in geheriker tsayt zikh bavayzn?
tsi hobn getrogn aykh shtoltse soldatn
un rum iz der nomen far ayer gezhaver?
tsi zent ir gehangen oyf akslen fun katn,
tsi hot ir geshosn in eygenem *khaver?
o, biksn in dr'erd, vos mir hobn gefunen
baym grobn in kupernem keler a brunem!

un *efsher gepulvert in aykh hot a hofn
in marsh fun di tsaytn, az gleybike finger
dergrobn zikh veln a mol tsu di vofn,
zey nokh a mol ontsiln kegn batsvinger
un endikn zigerish yene *meride
vu zingendik zenen gefaln di shlakhtlayt?
derglekert in mir zeyer shtolenem vide,
dem *sod fun geshikhte antplekt far di nakhtlayt!
o, biksn in dr'erd, vos mir hobn gefunen
baym grobn in kupernem keler a brunem.

farblendenish

un vos iz mit *Odemlen, undzer mizinik,
fartribn aher funem altn *gan-eydn?
s'iz nit tsu farzindikn. lebt vi a kinig
un gor-gor in gikhn vet nemen shoyn reydn.
a kvekzilber-fleyt iz dervayle zayn shtiml,
un vifl du zolst nit di klangelekh zukhn -
antrinen zey in a bazundern himl.
a shmeykhl farhoyln in zaydene pukhn
bavintlt zayn *ponim. es iz di geheymshtot
zayn *emese, nit keyn farleyknte heymshtot.

gevis, in *kanaln-milkhome, oykh shpeter
in vogl durkh keltn, durkh fintstern hunger,
geven iz undz take a *shayle, tsi vet er
bazign di faynd undzer hersher der yunger.
nor veys den a fidl ir *nign, koym hobn
ir tifkayt nit oyfgekusht finger vi regns?
vos mer s'hot der umglik zikh krotish dergrobn,
hot *Odem dos lebn bahersht untervegns
vi im volt gerufn di zun, vos gefangen
oyf yener zayt velt ken aher nit derlangen.

oyf glezer-gas nayn, in der yidisher festung,
tsevishn der gas un kanal, in der nider, -
hot *Odem gefunen a vareme nestung
un s'vign im ale un kushn di glider,
vi yederer volt im geboyrn. der *iker
iz Lipman tseshoybert. nor zol men nit meynen
s'iz *poshet. vayl yener fun lang iz vi *shiker,
es hot im farvirblt zayn kantshaft mit Kreynen.
er kormet dos kind un der hoypt iz er gliklekh,
ven Kreyne getroyt im tsu vashn di viklekh.

un Kreyne? vi oysterlish hot zikh es Kreyne
gebitn! ir hoyt, a tsekarbte in leydn,
atsind iz gevorn a shemevdik-reyne,
baveltikt biz gor fun amolike freydn;
azoy vi zi volt durkh a *kishef gevunen
ir yugnt. di hor zenen bloyz ir a *zeykher,
az do hot di toytshrek ir grokayt farshpunen.
az do hot der toytgot geflakert a bleykher.
nor *davke der sharfer kontrast hot mokh merer
gereytst un gemanyet ir voyln farerer.

s'iz Kreyne in im oykh farlibt, vi *beshate
bay nakht bay di ofn-tsemaylerte griber
ven zi hot in benkshaft tsu shtarbn a zate,
gerufn a fremdn: "mayn eyntsiker, liber!"
s'hot Kreynen gedakht, inem glozikn fiber,
az Lipman iz der, vemen zi hot gerufn
in *shkhite-baginen: "mayn eyntsiker, liber!"
es hobn zikh ibergebitn di *gufn!
un shtendik ven Lipman tsu ir tut genenen -
vert zi durkhn dokter farbundn mit yenem.

un Lipman - er ken nit dergruntn dem *emes.
er gleybt: er iz yener. es tsvingt im ir gloybn.
er gleybt oyfn shmeykhl, er gleybt oyfn *remez.
vayl *davke azoy vert zayn libshaft derhoybn.
tsi ken er zikh oyf di gedanken farlozn,
gedenken di nakht lebn opgrunt, di date?
gevis... er hot Kreynen gelibt in di grozn.
s'iz Lipman - dem yingeles gliklekher tate.
*bifrat nokh, di enlekhkayt git a *farmaser:
der dokter un *Odem - vi tsvey tropns vaser.

un Lipman dermont zikh. der gayst fun dermordtn
lebt vayter in im, vi a kust vos me hot im
aribergeflantst in an andern gortn,
un binen di zelbike zeygn zayn otem.
es haltn im Kreynes tsvey oygn in tsvangen.
*afile zayn *kholem antplekt im di vor nit.
oykh dortn durkh zelbikn *kishef gefangen -
in tsveytn farvandlt. aleyn iz er gornit,
a shotn fun zikh. nor in plazme fun shotn
a tsveyter *zikorn atsind iz farknotn!

un iber zey beydn, dem pitsinkn *Odem,
un iber der libshaft vos glotst in baynakhtn -
di shpin mit ir groen umzeikn fodem
traybt vayter dos shpinrod fun mentshlekhn trakhtn.
di likhtike shpin iz do oykhet a *shutef
tsum viglid vos Kreyne farzeyt arum vigl,
tsum *tayneg dem nayem vos rizlt in blut oyf,
tsum lebn vos ken nit derzen zikh in shpigl.
*mistam vet ir kinigraykh bald zikh farshpreytn
un alemen shmidn in zaydene keytn.

taborn tsigayner

taborn tsigayner fun Lite un Poyln,
ir berdike mener, shvartserdike tekhter, -
Berlin hot aykh alemen teytn bafoyln,
gekoylet a vald mit gezang un gelekhter.
banand mit di yidn me hot aykh geshaytert,
di erd hot gerisn far beydn eyn krie.
a regn fun ash hot di beyner gelaytert,
a regn fun ash iber mame Vilie.
un ayere vegener zumpike, foyln,
taborn tsigayner fun Lite un Poyln.

s'hot Pushkin antplekt ayer prakht, ayer vander.
zayn harts hot gepayklt in ayer bandure.
tsi vet dem tsigaynershn umkum an ander
bazingen mit zelbiker klangiker *gvure?
der nakhtigal saydn, bloyz er, der *mekoynen
vos hot aykh bagleyt tsu di shlangene roves.
farbeygn zikh tunkl di verbene kroynen
un zapn aykh ayn in di grine *makhshoves.
o, shtam, iberhoypt fun poetn geshetster!
Petro iz geblibn, ken zayn, ayer letster.

opglants fun Varshe

s'iz haynt ershter may. nit keyn troyertog, nayert
bafliglter gloybn. mit im vert tsuzamen
der yortog fun oyfshtand in Varshe gefayert.
an opglants fun yene geheylikte flamen
bashaynt di gekoylete luft vi a fakl.
un *Dvoyrl, vos ir iz bafaln a hustn,
hot fonelekh royte geshpint fun ir yakl.
di fonelekh bezlen atsind oyf di brustn.
un oykh baym tsigayner Petro undzer *shokhn -
a fonele blit mit a shtiln *nitsokhn.

nor *davke bahaltn? s'iz yeder a *baln
di velt zol derzen, oyf *lehakhes dem shender.
krikht *oylem arayn in di shmole kanaln,
me tshlapet in fintsternish mit di gevender
in vaser, vu mayz tuen shpiln teater.
biz vanen di zun durkh a grate bavayzt zikh, -
a riziker perl, a milkhshaynik-mater.
un demolt bay *Dvoyrlen a fonele rayst zikh
aroys fun di finger, un yogt in di heykhn
ahin, vu es ken der *rotseyekh nit greykhn.

un plutsem - a bombe-gehilkh iz dergangen
aher in geheymshtot un *teykef a tsveyter.
farmirmlte *penimer shlingen di klangen,
azoy vi baym hern *Meshiekhs trumeyter.
me nishtert farpropt unter eyntsiker grate
tsu zen di zigzagn fun reter, vos hoglen.
me kusht zikh shoyn ofn... me firt a debate
tsi s'vet nokh gedoyern lang undzer voglen.
tsi vern mir oysgeleyzt frier tsi shpeter?
es fokhen mit vaysinke tikhlekh di reter...

*Meshiekhs trumeyter - farshvundn. in tsunter
der himl, vi dort voltn mentshn zikh shlakhtn.
a shterndl vinkt fun di volkns arunter
nor s'iz nit *keday vegn shtern tsu trakhtn.
farnestn zikh vider in harberik ale
mit odern-blikn geshpante in *tayve.
me shnapt in di nekhtns di groyzik-fatale,
dos glik vert farvandlt in shuld, in *hiskhayves
antkegn di berglekh, antkegn di tsoln,
far velkhe me ken shoyn mit gornit batsoln.

- kh'hob *moyre far eyns: far der nonter *yeshue,
zi paynikt mikh! - *taynet der blinder, geboygn
dem nakn tsu dr'erd vi a platsike duhe.
farsholtene frayhayt, kuk on mayne oygn:
in eyn oyg - mit lakhiker lyalke mayn tokhter,
in tsveytn - mayn froy mit di trern *farsamte!
mayn lebn - iz lebn an eybik geyokhter
biz vanen di fintsternish vet a tseflamte
farshlingen mayn shpitsik gebeyn vi a meser,
nor aykh vet zi oysshpayen, aykh di fargeser.

- fargesn? zogt Folye, zol vern bay yenem
fargesn der nomen ver s'vet nit gedenken
dem *talyen un royzn farzeyen in *gehnem.
nor mer vi gedenken, - zol yederer benken
tsu vern a yidisher tsigl in gruntfest
fun eygener heym. - un far vos nit a tsigl
in eygener velt, un nit shlisn keyn bund fest
mit andere? - git zikh der dokter a kligl.
bin zikher, vet zayn oyf der velt sotsyalizm
vet oykhet farshvindn der anti-yidizm...

in shtot vu es klingen Mitskevitshes verter

ir hoyt - a *levone-shtral volt zikh dershrokn -
balaykht dem geleger. nor shvartser fun blindkayt
farvorfn iz ibern haldz ire lokn.
der shmeykhl - tseboygn. in heyser geshvindkayt
bavegt zikh di brust vi a khvalye in shturem.
der dokter baym tseyln ir puls, un ahinter -
es kortshet zikh Folye in ire *yisurim.
- ikh hob nokh gevornt dem forikn vinter -
zogt Lipman *belakhesh tsu Folyen, az *Dvoyrl
iz krank oyf di lungen, iz krank oyfn *goyrl.

- vos heyst "nokh dem forikn vinter gevornt?"
du bist dokh a dokter! nemt tsukn di pleytse
bay Folyen un s'*ponim vert ashik-fartsornt, -
mir muzn atsinder gefinen an *eytse!
un Lipman fartrakht zikh: di *eytse iz, bruder,
tsu baytn di luft. az mir zoln dos meydl
fun danen aroystrogn shtil, on geruder,
tsu eynem in shtot, vos zol zayn azoy eydl,
bahaltn di kleyne biz nokh der *milkhome,
biz vanen der faynd vet arayn in *adome.

un Folye tsu *Dvoyrlen genent a farklerter:
iz Vilne shoyn take a *sdom on *tsadikim?
di shtot vu es klingen Mitskevitshes verter?
geshtaltn firfisike tunklen zayn blik im.
nor bald nemen andere oyfgeyn tsuzamik
anshtot di firfisike, groe geshtaltn -
Mateyke farvigt oyf der *tlie, Adamek,
Petro, vos mit folk zalbe tsent vil zikh haltn.
es muz zikh in Vilne gefinen a ferter!
in shtot vu es klingen Mitskevitshes verter...

ir hant, in geklem, nemt zikh tsien fun zayner.
alts shtarker der hust, vi a hogl in blekhn.
es faylt a farzhaverte biks der tsigayner,
an andere - Kopl. nor ir nemt zikh brekhn
di erd, vi a haytl fun ayz *khoydesh *Nisn.
un Folye farvandlt er iz in a *tfile.
un Lipman er *taynet tsu *Dvoyrls gevisn:
- dayn shtolts vet nit vern geminert, *kholile,
nor krank bistu, meydl, di luft dayn *farsamer,
mir muzn in shtot dir gefinen a kamer.

dos meydl nemt varfn dem kop vi a triler
ven mentshn im shtern tsu pikn di kerner.
un Folye: baruik zikh, libinke, shtiler.
un *Dvoyrl: farblaybn ot-do vil ikh gerner,
abi - nit aleyn. un di shpin vi a bobe
zi shpint iber beydn dos zaydns fun shvaygn,
fartsirevet shotns - der nakhts garderobe.
biz Folyen di kranke s'gerot [G: gerot] ibertsaygn.
un *Dvoyrl shoyn shmeykhlt: gehorkhik zayn muz ikh,
un firt zayn tshuprine alts neenter tsu zikh.

Maria Fedecka

di zumernakht - oderdik-tsertlekh un varem,
azoy vi der haldz bay a ferd. nor sirenes
tseshnaydn dem haldz mit a sharfn alarem.
zhandarmen oyf itlekhn rog, vi hienes.
farbaygeyer loyfn. di himlishe reter
bakrantsn di shtot. ergets flakern shoybn.
tsevishn di loyfer - Petro in a sveter.
nokh im, durkh kupolike zayln mit shtoybn -
yogt Folye mit *Dvoyrlen. es darf nokh di kranke
dershvebn tsum toyer oyf kleyn-Pohulyanke.

un Folye - er hert nit atsind vi es zhumet
der himl. ir hustn tseshnikert di *khushim.
er yogt vi a kretsike malpe dem umet.
es brenen vi shoybn oyf im di *malbushim.
ayeder ir hust iz a lopete royerd
oyf zayne biz platsn-geshpante farlangen.
un *Dvoyrl in eygenem shotn farboyert -
zi vaklt foroys, vi es volt zi gefangen
zayn viln. der zunfargang hinter zey beyde -
*Avrohom firt *Yitskhokn tsu der *akeyde.

es volknt di nakht. der alarem shoyn iber.
di luft iz a veykh-umgezeener dorn.
es firn tsvey mener a meydl in fiber
tsu Marya Fedetska, vos hot farayorn
arayngebrakht [G: arayngebrengt] *Dvoyrlen in kloyster oyf Rose.
nor plutsem laykht emets arayn mit a lempl:
- pasportn! - Petro git a blishtsh vi a kose:
- mit groys fargenign, a shayn mit a shtempl...
nor s'blaybn on klangen baym freger di lipn,
a blits fun a meser shnaydt-durkh zayne ripn.

arayn tsu Fedetskan der ershter iz Folye.
di klyamke - a yozh, hot di finger tseshtokhn.
"nit ayngenem" tor do nit shpiln keyn rolye.
vayl *Dvoyrl... in ir iz gevendt der *nitsokhn!
- gut novnt! ikh vil ir zolt helfn a frayln,
a yidisher, kranker, - hot Folye shoyn fester
gerisn fun gumen di verter vi fayln.
ir kent zi, dermont zikh, gemakht far a "shvester".
nor ven s'iz der tayvl dem kloyster bafaln, -
arayn in geheymshtot, dos meynt - di kanaln.

- Debora? vu iz zi? - tsevishn di beymer,
in gortn, zayt *moykhl. un Marya: far vos-zhe
in gortn? a vayle, kh'vel gebn a heym ir.
nor ver iz antkegn der fremder? akh, bozhe!
- Petro, a bagleyter, a fraynd... - vi a leml
in groz ligt dos meydl un otemt di shtern.
zey tuen vi balzam bashpritsn ir dreml,
es glimert in hits ir batoyikter shtern.
un gril-eroplanen fun alinke sortn
tsezegn dem grozikn himl in gortn.

s'iz Marya Fedetska shoyn iber di fertsik,
a poylishe tokhter i shtaltne i grefish.
un mitn gevisn durkhoys ofnhertsik,
far yidn - zi shtelt in *sakone ir *nefesh.
a krankayt *mistome: hot *davke lib yidn,
bahalt zey, bazorgt mit gefelshte pasportn.
me hot zi in *tfise geton shoyn farshmidn,
a *nes hot geratevet Maryan fun dortn.
zol yeder gedenken ir nomen, di frayndshaft.
in shreklekhn *dor fun *meshugener fayndshaft.

a vinkl farhoyln fun oyg oyf a salke,
s'hot Marya shoyn *Dvoyrlen gevashn, gebodn,
geleygt in a bet vi a kranke *bas-malke.
antkegn dem zoybern bet, oyf a lodn -
Kostsyushko in fuln galop, mit a krumer
altpoylisher shverd. un derbay - tulipanen.
dos hot eygnhentik gebrakht zey der zumer
far *Dvoyrlen mit *reyekh un klang - nit fun danen,
*kedey s'zol nit zayn azoy umetik, khmarik.
un s'trilt in geshprinkltn likht a kanarik.

zibn flashn

dershvumen aheym durkh a hiltsernem altn
kanal, vos baringlt in dr'erd di katedre,
bapantsert mit mayz un mit shiml fargaltn,
dervart hot do Folyen a naye *min *sedre -
fun Kreynen. me hot nit gehert nokh azoy fil...
zi hot zikh farkert in a velfikhe *mamesh
un voyet: *halmay lozstu iber an *oyfl
un ratevest *Dvoyrlen? s'iz *mies un khamish!
gevald zhe, oyf vemen ikh hob zikh farlozn!
kum *Odeml, kum, lomir alemen lozn.

s'hot Folye farshemt zikh antkegn tsigayner:
- geven iz di *eytse dokh Lipmans, tsu baytn
far *Dvoyrlen di luft! iz oykh Lipman a *tayner,
az *Odem iz bilkher? vos zol es bataytn?
nor oyb du bist *maskim, - reyd klore *diburim
un hayntike nakht vel ikh *Odemlen aylik
avektrogn ergets - biz ibern shturem.
to makh nit umzist dayne lipn zikh haylik,
dervayl - ot iz milkh farn zundl tsu nashn.
arayngebrakht zibn farziglte flashn.

tserudert iz Lipman: - zay *moykhl di verter.
du veyst dokh, s'iz Kreyne bahersht fun *shigoen,
az undzer geheymshtot, az al ire erter,
gemakht iz fun gloz fun a durkhzeik-bloen
un oybn der *soyne, - er zet durkh di gruntn
dos kind. s'iz an aynreyd aza bay der *ishe.
fil beser az *Odem zol blaybn do untn
vu er iz geboyrn. di plutsemdik-frishe
tsezumerte luft ken *kholile im shatn.
un do iz im heymish bay mamen un tatn.

der *poresh vakht-oyf

bay ayer bafrayung vet keyner nit shaln
in roytn trumeyt elehey oyf a *sude.
es veln aykh tsien tsurik di kanaln
azoy vi dem hunt zayn farsholtene bude.
*mekane zayn vet ir di *khurves un betlen
a funk nokh bahaltn tsevishn di tsigl.
ir vet ayer fremdkayt nit kenen *farpshetlen.
a shlang vet aykh zayn fun der kindshaft dos vigl.
un bloyz durkh di lekher fun shuln un kloyzn
vet got zikh far aykh in di himlen antbloyzn.

a *kos fun tsemishung vet zayn ayer zumer,
vayl nokhhengen veln di nekhtns vi keytn.
bay yetveder *khasene vet zeyer kumer
dos yunge porfolk tsu der *khupe bagleytn.
bloyz ikh, vos aleyn paynik-oys mayn *geule,
vel shmeykhlen un kushn di mayz oyfn *zoyher. -
azoy hot der *poresh mit oygn mit dule
gebrumt in zayn ibergeflakertn troyer,
ven s'hot shoyn dergreykht durkh tserisene gratn
der dumpiker ophilkh fun vayte harmatn.

a shifele groys vi a shvalb

a shifele groys vi a shvalb iz geshvumen
in regn-kanal mit papirenem zegl.
gebrakht a geshrifts mit a *reyekh fun blumen,
bafinklt fun shterndlekh dray vi a *segl.
mit umgeduld hot shoyn gevart bay dem hafn
der likhtiker har fun der nakhts metropolye,
un durkh a binokl gehaltn in gafn
in shtromikn gornisht. biz endlekh hot Folye
dervart zikh. geleyent baym glants fun di shtromen
di *oysyes bahoykht mit ir tayern nomen.

vos im hot dos meydl geshribn bazunder
vet blaybn a *sod far der doziker khronik.
nor oykhet far alemen. vos iz der vunder?
a briv iz faran, vos me shlingt im vi honik.
es loynt zikh im ibertsushraybn in gantsn:
- a grus der geheymshtot, a grus ire voyner,
vos benken nokh zun vi farshlosene flantsn.
zayt visn, di shtot iz balegert, der "broyner"
farmest zikh umzist, hot gemoldn der radyo.
er vet nokh *mekane zayn undzer *khad-gadye.

far mir, mayne tayere, zolt ir nit *daygen.
mikh vet nit farshlingen atsind keyn geveser.
a barnboym otemt tsu mir zayne tsvaygn
un oyb me ken zogn, iz er mayn profesor.
tsurik mayne hent *farmilkhomedik-shtayfe,
mayn viln tsu lebn - *farakshnter, fester.
ikh leb mitn hofn tsu kumen keyn *Khayfe,
nor vet mikh derkenen mayn eyntsike shvester?
ikh bin dokh geblibn bloyz eyne fun tsenen!
keyn *shayle nit, zi vet shoyn muzn derkenen.

s'iz take nit pasik tsu trogn a *tseylem
un klern fun *Khayfe. zayt *moykhl. mir torn
*keseyder nit blaybn *aveylim, *aveylim,
nor onyogn muzn mir besere yorn,
vi yeder fun undz hot gebenkt, zikh gevuntshn.
a grus aykh fun Marya, di reterin mayne,
mir shikn aykh beyde di zunikste vuntshn.
un nokh a mol, tayere, hot nit keyn *tayne
vos ikh bin bazunder in onheyb *geule.
dos shraybt ayer *Dvoyrl. dem zibetn yuli.

ershte tanken

s'hot Folye gezukht mit zayn kleynem binokl
a *simen fun oysleyz, durkh grate vu s'regnt
mit zunfargang. ergets baym onheyb Antokol
di ershte sovetishe tanken bagegnt.
es shpaltn funander di shtolene tanken
di luft-eshafotn, vi lebike vezns.
tseefnte klimpern-mit di gedanken.
es veynt ober hintern klang dos gevezns
azoy vi in valdikn shturem a fidl.
nor ver-zhe vet hern in shturem ir lidl?

fun grate oyf shlosgas, bay dominikaner,
vi propns fun flesher aleyn umgerikhte, -
es hobn gegebn a shprung partizaner,
genumen farkritsn in vent di geshikhte
mit koyl-hiroglifn. dershprungen tsum kloyster,
un freylekh bashosn dem turem, vu s'hobn
farbarikadirt zikh in shlakht in tsebroyzter
farbisene daytshn vi shtolene robn.
Petro hot gezungen, dermutikt di shlakhtlayt,
bafliglt mit valdike himnen di nakhtlayt.

farklemt in balegerung zenen zey endlekh,
di nekhtike heldn, gekrokhn fun moyer
mit angstik-farhoybene shmatike fendlekh.
di tsayt hot zikh ibergeshpiglt kapoyer.
nor Koplen - baym glok funem kloyster, antkegn
dem shlosbarg - hot grod in di zelbike *reges
getrofn a koyl, un zayn *guf iz gelegn
mit hant oysgetsoygn tsu noente breges...
di nakht hot geveynt vi a nakhtigal. s'hot im
a *shtilkayt-matseyve farziglt dem otem.

nokh der bafrayung

di royte armey vi a lave hot brenik
avekgeshtromt vayter oyf Kovne un Shavl,
un do iz geblibn in shtot vidershpenik
a shvartser, a diner tsetsoygener bavl.
a bavl a shvartser baym trinken fun ladish,
baym oyfshnaydn broyt, baym bagegenen yidn.
fun yeder gezang hot geridlt a *Kadish,
geshrokn di frayhayt, dem *kloymershtn fridn.
un s'iz nit geven aza sher tsu tseshern
dem bavl, vos hot zikh getsoygn durkh trern.

khotsh mir hobn tsugeshtimt ale, zikh trefn
tsuzamen bay *Dvoyrlen oyf kleyn-Pohulyanke,
vi nor s'vet zikh ton di geheymshtot an efn,
tsu trinken *lekhayim far "*Dvoyrl di kranke" -
fun destvegn hot men fargesn dem tsushtim.
der mentsh hot getsertlt baym hartsn zayn *rege
un zi vi a pyavke hot dorshtik gekusht im,
gezoygn dem ergets bahaltenem ego.
on verter - gezoygn, gezoygn, gezoygn,
gemanyet, genart, mit a farbikn boygn.

azoy vi der nekhtn volt zayn bloyz a film -
gelofn iz Lipman tsu zikh in der *dire,
nit bentshn keyn *goyml, nit zogn keyn *thilim,
nor oyfgrobn *keylim in gruntfestn ire.
oyf morgn a viveske iz shoyn gehangen
bay im oyfn shtidl, gezogt ven der dokter
iz greytvilik zayn klientur tsu antfangen.
badarf er nokh mer, ven a zoyber-getsvogter
es plaplt *gan-eydndik *Odeml: tate?
bloyz Kreyne iz alts nokh farglozikt *les-ate.

der blinder - a vortsl antplekt durkh a shturem,
hot eyner aleyn iber geslekh gehunken.
geplatst hot zayn blindkayt. in fintstern furem
arayn in a regn fun zeike funken!
di *rie, zi hot zayne belmike haytlekh
faryogt vi a volkn. er volt zikh geshvoyrn:
nokh keyn mol zayn *thom nit gezen azoy daytlekh
vi itster, ven s'hot zikh zayn blindkayt farloyrn,
ven bloyz di fargangene vor iz faranik.
un er hot gegrizhet dos holts fun zayn ganik.

*nekome-bazoyft, vi in kretshme mit branfn,
hot ergets gelatkhnt a ferdl a vaysn
Petro, zikh gelozn in gang [G: blend] fun di kamfn
tsu zukhn tsigayner in Lite un Raysn.
un ven er hot keynem in vald nit bagegnt, -
bashpign di shtern, gesholtn di grozn,
tsebrokhn di baytsh oyf der verbener gegnt
un gikh vi a fayl zikh keyn Rusland gelozn.
vayl s'hot im dertseylt oyfn veg a vandrovnik:
- in Leningrad lebt a tsigan a polkovnik.

azoy hot geredt tsu dem yingl Tamare
ven er hot geendikt zayn *Moyshen derknetn:
- kum, lomir avekgeyn, di shtot iz a khmare,
di erd iz farful mit geroysh fun skeletn.
kum, lomir avek in der vayter Oystralye,
abi s'zol dos *ponim in shpigl nit shrekn,
keyn shtub zol nit aynshlingen undz vi a khvalye.
hot yulik on verter genumen a shtekn,
banand mit der mamen avek iber *kvorim.
mit *Moyshen dem oysleyzer - untern orem.

ven s'hobn in shtot nokh gebrumt di snaryadn -
gelofn der dikhter iz unter geshpliter
in ashiker [G: ashikn] geto. gezukht di *ksav-yadn,
bagrobn baym [G: bay] shaytershn opglants in tsiter.
un dortn, vu derner farshteln zayn mamen, -
bay eyntsiker vant, vi dem *koysl-marovis,
gefunen zayn bintl dershrokene gramen,
bay nakht zey geleyent dem got fun di *oves,
nor got hot gemeynt s'iz nit mer vi a *mayse,
gekneytsht fun der heykh mit di shtern di vayse.

bloyz eyner, der *poresh, iz vayter geshvumen
antkegn dem shtrom in kanal, mitn *zoyher.
gefregt bay di mayz ven *Meshiekh vet kumen
tsu *sfire tsu letster a pral ton dem toyer.
oyf zilberne treplekh pavolye geshtign,
*kedey durkh a grate tsu zen di *simonim.
tsu hern a *nign, geburt fun a *nign - -
biz iber dem *zokns *gekesertn *ponim,
vos davnt in dr'erd mit *melokhim *betsiber -
oyf yener zayt grate a tank iz ariber.

"ikh shtarb... loz gerisn mayn shvester in *Khayfe"

vi untn di erd volt tsegangen, iz Folye
gelofn tsu *Dvoyrlen, in kop hot geklungen:
dem *emes antplekn - ikh zol nit, ikh zol ye?
un hot farn meydls gelatete lungen
getrogn zayn otem. un glaykh vi fun kizl-\
shteyn funken fun gumen aroysgehakt verter
tsu brengen dem meydl di zumer-freyd. bizl
in zunfargang-shleyer derzen zayn basherter.
derzen - nit derkent. sara metamorfoze!
ir *ponim iz gel vi in harbst a beryoze.

tsukopns - farshtayglt der zelber kanarik
(di frayshaft far im iz a blendenish, lign),
er hipert vi zayn volt der bodn im zharik
un dzhobet durkh dretlekh zayn eygenem *nign.
un *Dvoyrl - dos zelbe. oykh zi a farshparte
vi frier in ayzerner tsel fun batsiln.
s'bavegn koym-koym zikh di finger di tsarte
oyf zunen-klavishn. zey regenen, shpiln.
biz Folye barirt di shpitsfinger mit kushn
un demolt anttsaplen di meydlshe *khushim.

- dershrokn? derkenst nit an altn bakantn?
a grus fun di farbike bliungen, *sholem!
tseefnt zi mer di batrerte brilyantn:
- aroysgeshvebt hostu mir okersht fun *kholem...
atsind vel ikh shpiln far dir di simfonye
fun mayz in geheymshtot. gedenkst? kh'hob di notn
gehat in di tseyner. ken zayn di harmonye,
ot-do oyf der fray, vet mir miner gerotn.
nor meg ikh di klangen in mir den fartsamen?
geshvind tsu der pyane, ikh zol nit farzamen.

- baruik zikh, *Dvoyrl, vest zayn mikh *mehane
a tsveytn mol, beser dertseyl vi es geyt dir.
nor zi a bagaysterte shvebt tsu der pyane.
es flakert dos tunkele zaydene kleyd ir
in *shkie. un oysterlish-hoykh nemt zi vaksn -
a vakslikht mit krep in a tunkeln *heykhl.
di likht iz geboygn, es trifn di vaksn.
un ot bay der pyane es tsoybert ir shmeykhl:
dem *tseylem - a ris funem haldz, un es geyen
di finger bahershn der pyanes armeyen.

es trinkt zikh in pyanes polirtn geshpigl
alts tunkeler-tifer dos gel fun ir *ponim.
nor s'efnt der har fun di klangen a rigl, -
di meydlshe finger tsevign zayn tron im.
zey tsvitshern, trerenen, lakhn farpaynikt,
zey *tkhies-hameysimen eyner aleyn zikh.
me hert vi a shtrom tsu a shtromele *taynegt:
- tsaf-tsaf, tsaf-atsaf... un s'dertrogt a geveyn zikh
fun al dos faranene, al dos nitoe,
in fentster - a barnboym knit in *hakhnoe.

in opgrunt fun pyane, vu s'dreyen zikh, mishn
*levoneshe perl mit heyse rubinen -
derhert zikh a krekhts, un di *makhne klavishn
vi toybn dershrokene flien on zinen.
un eyder di toybn-klavishn bavayzn
nokh oyfhaltn, khapn dem *meydl-guf, - ligt er
oyf dr'erd shoyn farloshn, in eybikn fray-zayn,
fun purplnem shtrom oysn moyl a bazigter.
di lipn zey tsukn bloyz gliverdik-shtayfe:
- ikh shtarb... loz gerisn mayn shvester in *Khayfe.

 * * *

farvorfn di shikh oyfn aksl, iz Folye
avek mitn grus iber felder Ponarer.
gevortslt in mentshn dort roysht a topolye
in zun-povetine. un er iz a shtarer
gegangen, gegangen vu s'vign zikh, bomblen
di bleter vi hentlekh. fun groz, in gehoyde, -
a flamiker frondz fun a shal vi a monblum.
un Folye er brumt in di griber azoy do:
- ikh bin zikh gekumen gezegenen, betn,
ir zolt mikh dermutikn, brider skeletn!

oyb ergets faran iz a lebedik vaser
vos zol aykh antdorshtn, - ikh gey es gefinen.
anit - kh'vel aleyn zikh farvandlen in vaser,
in ayere dorshtike mayler tserinen,
ir zolt nit fargeyn mitn vint vi a pleve,
di eyniklekh zoln mit aykh zikh nit shemen.
aza iz bay itlekhn *yoyresh di *teve:
fardekn mit shteyner gekoylete nemen.
un vi es hot Folye geredt tsu di *kdoyshim -
fun kropeve-grobn dergeyt a geroysh im:

- gey, Folye, *besholem un zay der *sheliekh
fun ale geshmidte in erdishe keytn.
bagegenen vestu dem *meylekh *Meshiekh, -
aher tsu dem opgrunt im zolstu bagleytn.
fil on zikh a zekele shtoyb, zay *mekayem
di benkshaft fun gor dem farshnitenem zomen.
un tu es tseshpreytn in *Yerusholayim,
*kedey es zol dortn tseblien zikh. *omen.
un Folye er otemt di tunkele shtimen,
farkritst oyfn tovl fun harts zeyer *simen.

un Folye mit zekele erd inem gartl
iz ibergekrokhn dem drotenem planken,
gegangen tsurik durkhn yidishn kvartl,
arayn in geheymshtot, vu gliverdik tsanken
farblondzhete nekhtns. in keler dem libn,
vu s'berglt zayn mame un *Gdalye der troymer -
gezen vi fun alemen iz do geblibn
di lakhike shpin, vi an eyntsiker *shoymer.
di shpin ken im ober shoyn mer nit farshpinen,
un er iz avek zikh aleyn tsu gefinen.

nokhlid

geendikt? iz *bikhlal faran an end?
hot emets oysgefunen dem planet, vos
me ruft a trer? hot emets im derkent
un zayne shtraln ayngezoygn etvos?
geglikhn tsu a yeger, vos bay nakht
arayngefaln iz bay zikh in fangnets, -
gebundn bin ikh in der vilder prakht
fun mayn farshpreyter eygener gezangnets.
un meg ikh voglen, kushn zikh baym *yam,
kh'vel say vi *in der emesn do hoyzn,
ikh fil in "sheynkayt" merer nit keyn *tam,
a blote iz mir heymisher fun royzn.
nito keyn tsveyte vorikayt vi di,
vos kvalt in mayne oderdike strofn.
zi brengt dem *shem hamfoyresh in mayn kni,
ikh zol dershvebn dort vu s'iz derlofn
der eybik-nekhtn. un atsind bay aykh,
geshtaltn vareme, ikh bet *mekhile,
far yeder nit gerotenem farglaykh,
far ale gramen griltsike tsi shtile;
far *Dvoyrls *gsise in muzik, vos mont
a *tikn in di *shures. un baym blindn
vos ale shtern funem horizont
zey kenen zayn farfintstertkayt nit tsindn.
ikh bet fargebung oykhet bay der tsig, -
kh'hob *efsher take nit badarft zi koylen.
zay *moykhl, *Gdalye, *Odeml in vig,
du parmetener *poresh, gorer *oylem.
vu bistu Folye? s'klapt in mir dayn brust
oyf *nokhmilkhome-vegn *na-venade.
kh'hob nit gezungen *stam. ikh hob gemuzt
aroysvoyen fun zikh di kanalyade!

geshribn in Moskve - Lodzh - Pariz 1945-47.