*mesholim II

der ber
trit bay trit, pamelekh, shver,
oyfn himl krikht aroys der ber
"volknkhmare".
er batrakht di velt mit oygn shtare.
ot-o leygt er oyf der zun zayn shvartse lape!
s'iz di velt *al ape
*veal khamose. burrr! - di erd tut zikh a vakl!
okorsht vos gemakht er ir *sakh-hakl
un gefunen mer nit vi tsvey *gimlen -
gole gornit... burtshet in im, brent in di gederem,
rayst er shtiker fun der zun un fun di himlen
un er varft zey far di hint un di *khazeyrim...
un *beshas er
hodevet di hint mit zun un himl,
treyslt es mit barg un tol un boym un bliml,
mitn gantsn veltgeviml,
un es gisn taykhn blut vi vaser...
blut? vos zog ikh? ikh ken shvern -
nit keyn blut, nor blutike fun *doyres-lang dershtikte trern.
*sof-kl-sof mit eyn mol oysgebrokhn in a fintstern gos-regn!

- zeydeshi, vos vil der tate fun di bern?
shikt der vald tsum altn demb a *shayle fregn.
- vos er vil? fun demb a *kol se hert zikh dumpik
glaykh a hak shlogt ergets tif. di hak ober nit shtumpik,
hilkhn op di dembene verter sharf: tseshtern vil er! alts tseshtern!
ober fregt nit vos er vil, nor vos vet vern!
hert:
vern vet farkert -
rayst der ber di himlen, vekt dos lebn zikh fun unter dr'erd.

*shatnez
ikh dertseyl dokh aykh *mikol-vekhol -
nu, dertseyl ikh vegn kishele fun zayd
un oykhet vegn kishele fun vol.
vos, m'shteyns gezogt, es heyst haynt vol bay layt!
banvl mer vi vol *sakh-hakl!

un dos zaydn-kishele?
oysgeneyt oyf im a gildn fishele
un an indik mit a kaphon (oyf zayn kop a fakl!)
un vos ineveynik? federlekh, vos gute frume babes
oysgeflikt fun hindelekh, gekoylete oyf *shabes.

veykh dos kishele un sheyn!
un ir darft dos nit dertseyln im - es veyst aleyn!
redt es mit a shtil veykh-zaydn *kol,
zogt tsum kishele fun vol:
- zayt-zhe *moykhl, rukt zikh op fun mir!
kh'bet aykh, tut zikh nit tsu mir keyn rir!
- un far vos? - derfar! m'darf nit!
- fort?
- az ikh zog m'darf nit, megt ir gloybn oyfn vort.
- ober dokh! vi zogt men es? a vort an iberikes varf nit -
un a mol iz fort dos oyfn ort.
- to! az aykh iz *nikhe...
ir zent, hot mir keyn faribl -
nu, vi ruft men dos? vi heyst dos in der bibl?
(eyn mol zikh onshparndik oyf mir der sheyner *mikhe
zis geleynt es farn kleynem maks)
ir zent, nu... a *shatnez... vol un flaks!
nit fun reynem *yikhes! greblekh! hart!
- e! azoy? azoy gor?! ober - vart!
nu, gevis! a *shatnez ikh un ir zent fayn un tsart -
ober nit fargest, dermont zikh gut,
far ayer tsartkayt vifl hindelekh batsolt mit blut!

der oyvn un di lopete
male iz men hungerik! nu, efnt men azoy a moyl?
vi er fayert! toyznt un eyn koyl!
glaykh im a *mekhuyev! broyt im gebn! shpayzn!
oy, vos shlekhte mayler zenen!
yidn, ir zent *eydes! er vet mikh a mol farbrenen!
ikh bin nit fun shtol un nit fun ayzn!
neyn! nito iz bay di layt keyn dank a tropn!
vart! ikh vel dayn moyl mit broytn dir farshtopn!
vayl dir kumt! *avade, yo, far dayne *maysim toyvim!
(redt mit *kas di lopete tsum oyvn).
un der oyvn hudet un er brent:
- uf, uf! sara broytgeber, *r' lopete, ir zent!
shpayzt mikh... ayer *khesed groys!
un dem bisn rayst ir mir fun moyl aroys!

*shoyfer shel meshiekh
eyn mol *elel-tsayt derhert dos eyzl *shoyfer shaln
un es vert dertsitert: *shoyfer shel meshiekh!
- ven kh'hob fligl, shrayt es, fli ikh
un tsetrog di *bsure iber ale shtaln.
zol men visn! zol men *koyrim faln! -
plutsim ober gor di freyd farshtert:
s'eyzl hot derzen a rayter oyf a ferd
un es yomert shoyn, es krekhtst shoyn: vey, vi lozt men oyf zikh raytn?!
vi me filt nit, az shoyn nit di yorn, nit di tsaytn!
(es tsehitst zikh, es iz *mole-kheyme)
o! farfaln! o! *beheyme blaybt *beheyme!
*shoyfer shel meshiekh vet zey nit bafrayen!
az se veyst nor eyns: *male-geyren, kayen!
az se vert geboyrn mitn zotl!
az fun mames boykh shoyn *oyver-botl!
temp!
un az toyznt *shoyfres blozn, rirt zikh den a demb? -
un gezidlt un gezidlt er dos ferd on oyfher, on a mos,
trogndik aleyn oyf zikh zayn eygenem *balbos!

zikh farredt
sane kumt dos eyzl shpanen,
un dos eyzl nemt zikh *taynen
(*tomed dos geven a nareviste):
zog mir nor, ver bistu?
meynst, *beemes, mikh fun dir teylt op a groyser *shetekh?
nu, barekhn nor, ikh bet dikh:
mikh vi dikh a mames boykh geboyrn,
un a mame mikh vi dikh gezoygn,
un bashmekt undz, un gekukt undz in di oygn,
ven apetit un freyd, *kholile, mir farloyrn.
un eyn erd undz beyde hodevet mit eyn bading,
az mit undzer fleysh un beyner far altsding,
ven ir vet nor farveln, tsoln muzn mir *bishleymes,
un dos nemen vi dos nemen, nor dos tsoln undz nit gring...
(yo, *nishkoshe, beyde zenen mir *beheymes!)
vos-zhe, sane, nemstu iber gor azoy zikh?
vos far a *mekhuyev ikh dayn *mase dir tsu trogn?
(hert: a nar, a nar un shoklt oys zikh!)
neyn, ikh trog nit mer! vilst shlogn?
shlog mikh, *harge!
vest nit *poyeln! bist du a *yakhsn, - bin ikh oykh nit keyn *khosdarge...
veyst, mayn elter-bobe nokh mit *bilemen gelernt *bolek!
tsugeshpart im tsu der vant un im bavizn,
az a glaykher veg ken oykh zayn bargik-tolik.
du farshteyst? dos iz nit *poshet! izn
iz der veg a vire, ober "*yorat", s'heyst: lakirde,
epes geyt nit, epes fort nit... un se vet nit forn, sane!
eybik, meynstu, vel ikh zayn bay dir an *eved-knani?!
vi a glaykher tsu a glaykhn vel ikh redn haynt, mit virde!
oyfn altn *derekh vet nit geyn shoyn! - *yorat!
*khoyshekh vakhlaklakes un *fartsoret! -
shit azoy dos eyzl, shit es, nor vos iz derfun? -
in zayn klug gekrayzlt ployderay azoy fartun
(*mamesh zikh farkhlinyet in di klorinke *diburim!)
az on mi un on *yisurim
dos mol gringer nokh vi *tomed der *balbos
oyf im ongelodn *mase zibn mos.

lokn
lokn,
vos a kop a klugn fun a *velt-khokhem a *zokn
hobn vi a zilber-krants *bakheynt,
opgeshoyrn hot dos sherl. meynt ir dokh, dershrokn
zikh di lokn?
*khas vesholem! gor dem kop badoyert zey, baveynt.
(lange hor un kurtser *seykhl! ir farshteyt? gemeynt,
zilber-lokn far a klugn kop a muz
un dertsu *mistam a *zkhus.
nit umzist dokh oyfn kop der *khokhem zey getrogn!)
makhn *kheyndlekh zey un zogn:
sheydn, nu! *avade shver!
nor keyn *taynes nit, *kholile, tsu der sher!
fray vel'mir geyen, vel'mir vandern
fun eyn land in andern,
un in yedn land
undz mit libshaft gletn vet a veykhe hant,
umetum mit *koved undz oyfnemen
un mit kemelekh mit gildene undz kemen.
zilber-hor iz zilber-hor, nu fort a *zilber-sheyvet.
zey vet
nit farlozn *got-borekh-hu.
ober du?! -

in dem, u-va! *mi's!
zet! dem zilber-krants der *khokhem tret gor mit di fis,
un er shmeykhlt: s'treft zikh, zogt er, oft un nit umzist,
vos a mol oyf kop getrogn, tretn mir vi mist.

in eyn *moshl zibn meynen,
yeder kon im in zikh epes andersh leynen. [?]
eyns gedenken vil ikh aykh do betn:
oyf tsufridn mist - got aleyn geheysn tretn!

der zeyger un di neymashin
- *peyger!
shrayt di neymashin tsum zeyger,
(vos er hengt im kegniber oyf der vant)
tak-tik, tak-tik klapt er durkhanand!
ayngegesn mir dos lidl shoyn! ikh zog dir *al-pi praktik.
khapt der *ruekh dikh mit dayn taktik!
vi er hot der nudnik nit keyn *bushe!
tsayt shoyn di gegarte *sho tsu shlogn! *ru-sho!
un me hert nit un me zet nit!
kumt tsum klingen, iz er
der *bal-taktik gor a *niz'her,
*tomer klingt er far der tsayt, *kholile, ven me bet nit!
halt er zikh arunter, halt er, vayl arunter
*al-pi taktik im gezunter!

- *khas-vesholem! (krekhtst der zeyger krank)
gleyb: ikh volt geklungen lang
ven nor nit dos shlisele, mayn redl-firer, dreyt tsurik mayn gang!

di kapote un di shtivl
di kapote mit di shtivl redt zikh iber:
- akh fun im-zol-lebn haynt gehert a *diber:
hiltsern shteysl zikh geshteyslt
un an ayzn shteysele geboyrn,
vet tseshtoysn dos di moyern
un di shleser fun *gan-eydn-toyern!..

- *shtusim, funem arbl oysgetreyslt!

- *azes-ponim mit zayn narishkayt zikh greyslt!
nit badarft dertseyln dos in *tokh,
ober gey, az in der keshene a lokh
un ikh farloyrn -
nit a yedes vort iz dokh far shtivl-oyern...

di vogsholn
tsingl fun der vog!
vilst epes dertseyln? zog! -
yo! a *maysele fun shtengl-shtangen.
oyf eyn shtengl sholn tsvey gehangen
un zeyer lebn shtil *besholem zikh gegangen.
beyde zikh *benimes oyfn shtengele gevigt,
guts tsi shlekhts - geteylt zikh glaykh oyf glaykh, un nit gekrigt.

makht zikh grod a mol,
falt a beyzer *goyrl oyf a shol:
fun der tsveyter, fun der *shkheyne,
*mase shvere, on a *shier
trogt men iber nor oyf ir, oyf ir,
trogn het in gantsn muz zi, nebekh, eyne!
- ze nor, shvester, krekhtst di ongelodene, ikh fal, ikh fal *mesukn!
un du, *shkheyne? - veys ikh vos! - zi vil nit kukn!
zi iz hoykh! un mer ir shvester falt,
zi nokh mer derhoybn!

ober vey! gevald!
bay der shvester platst geduld un gloybn!
opgerisn ale shtriklekh!
un gefaln zi, tsebrokhn zikh oyf shtiklekh,
mit a lyarem, mit a knak!
ober oykh di *yakhsnte gehat ir *psak
(hit undz got fun aza *sof!)
zi arop un keyn mol nit tsurik aroyf!

der *novi kro un di toyb
oyf a boym der *novi-kro gezesn
*more-shkhoyredik fartrakht.
nit keyn kro - a fintster shtikl nakht,
vos di zun haynt oyfn boym fargesn,
funem shlof nit oyfgevekt.
kumt di toyb tsu flien un zi fregt:
*novi heyliker, vos hert zikh?

- shlekht, der *moyekh kert zikh!
(entfert ir der *novi-kro farkhmuret).
oyfgegangen haynt di zun farzhmuret,
foyl.
z'hot geton a genets mitn fuln moyl
un tsurik geleygt zikh shlofn,
oygn halb farmakht, halb ofn
un geflamt ir linke bak...

- vos-zhe zol dos heysn?

- der vald vet opbri'n zikh mit heysn
oder kaltn! oder duner oder hak!

- take?
vos-zhe shvaygstu? krake!
shray! vayz on bay tsaytns di *refue tsu der *make!

- kraken? shrayen?
ven baym leyb dem brum zol ikh mir layen,
vet der vald den hern? *daber el haeytsim!
toyb der vald, khotsh mit a *mabl reyd farfleyts im!
ker ikh op fun im zikh mit fardros
vorem *sof-kl-sof, ver veyst nit dos? -
verter
berg gerirt dokh fun di erter!

- nit keyn verter, nor dos vort...
zogt di toyb. az nit do, iz meglekh - dort...

der volf un dos velfele
zitst der volf un lernt *alef-beys mit zayn *bnokl:
zog-zhe! red-zhe! tut der *rebe zikh a shokl.
kuk, leyg-tsu dos eygl:
dos - a *mem un dos a *segl.
ze!
*segl mem iz - me!
dakht zikh: vos-zhe? vos iz gor me?
*orme? zog ikh dir, mayn zun, me - me iz *orme!
*shmad-shtik, hintershiselekh,
al dos beyz oyf *koshere fir-fiselekh
ayngehilt in frumenish, in kutsherave meyndelekh -
shvayg nit! shtek di tseyndelekh!
shind arop fun undz dos felekhl, dos frume *beged.
vos vet blaybn, meynstu, vos? a *koshere *neshome? *oser!
mer nit vi a zindik shtikl *boser
*vedom!
vest shoyn visn vos tsu tun mit im *mistam...
tu op dayns dir, un avek! avek!
nit, *kholile, - iz dayn ek!
khotsh dos frumenish in flug i shtil i shvakh iz -
iz dos *nefesh akhes
mit di hint, di *sonim undzere, di biler,
un mit di geferlekhe tsveyfiser
mit di fayershiser;
yeder eyner *doyres zayn undz vil er!
dos bay zey a *mitsve tsi a *khoyv...

tsitert es, dos velfele, se katserubet zikh tsunoyf
un se veynt mit trern
vi mit bebelekh:
oy vey mamelekh! oy tatelekh! oy *rebelekh!
ikh keyn "me" ikh vil nit, neyn, ikh vil nit hern!
tut der *rebe im a drey baym oyrl:
narish tkhoyrl!
nem, krits oys dir oyfn shtern,
vest a mol dokh elter vern -
to gedenk-zhe, ale me-zoger gemeyne,
ober on zey - me? *ma onu? *ma khayeynu? - - -

di bafrayung
oyfgekhapt zikh der barg *sinay un der *midber vigt zikh.
epes kumt, ot-ot: es pikt zikh!
epes vebt zikh, epes vert geboyrn!
vifl s'hot gedoyert, vet shoyn nit gedoy'rn!
nokh a *rege, nokh a *rege, nor geduld!

ey, vos vil der kval dort? murmlt, bul-bil-bult?
shtiler! sha! me hert... se hert zikh...
- vos? *loy sirtsekh? - yo, *loy sirtsekh!
- neyn, me hert nokh gornit... sha! -
akh, a knal! aha!
nokh a mol un nokh a mol a knal.
iber barg un iber tol a fayerdiker knoyl
kayklt zikh un viklt zikh un tsit a shtral
funem himl bizn moyl
funem *thom: "*onoykhi!"

beygn kep di berg di hoykhe
far a nayer *toyre.
(in di blinde nekht, fartsiterte, farfintsterte fun *moyre,
*doyres-lang oyf ir gevart di shof
un di toyb zi oysgebenkt in shlof
unter fligele farvarfndik dos kepl).
un es blitst un shtralt zikh funem nepl,
dos genarte vort:
opgevisht *retsikhe, mord!
ikh der got fun *hevl bin ikh, nit fun *kayen!
un gekumen treystn bin ikh, helfn un bafrayen
di gedrikte fun di unterdriker.
nit der volf - dos shefele bay mir an *iker.
ikh bin libshaft un *rakhmones,
khotsh mit fayer un mit shturem gey ikh.
un derfar, oyf mayn *mizbeyekh
nit der odler, volf un lempert zoln zayn *korbones,
nor dos shefele, dos taybele, der oks -
ikh bavilik nor dos shtile-frume, nit di foyst fun boks!..

dos ayzn
kha-kha-kha! *befeyresh nor tsum lakhn!
(zogt tsum koval dos shtik ayzn)
meynst mit mir do epes makhn?
brekhn mikh? tsi beygn? *pele, vi a mentsh ken grayzn!
zay nor, bruder, nit genart!
ayzn, zolstu visn, iz an *akshn! ikh bin hart!
*goyver zayn mikh, feterl, nit gringlekh!
fe, a *khokhem, shrekt mikh mit di royte tsinglekh.
ay, ay, ay, tseflakert! knakn, gibn *loshn!
ey, vu bistu blozzak? rir zikh! vayz dayn *koyekh!
toyznt *rukhes fun dayn boykh!
un di flakerlekh farloshn.
nit keyn *sorid, nit keyn resht! -
tantst der blozzak, zikh tsehulyet un fun shoys
*knufyes *rukhes shpayt er oys,
lesht!
nemen *rukhes blozn, biln zey,
leshn viln zey.
leshn! ersht es tsindn zikh di toyte!
ze! di tsinglekh oysgevaksn - tsungen!
un tseflamte un tsebloyte!                            
un dem blozzak glaykh in *tsure gor geshprungen!

- ekh! vos trakht ir, *khevre? - bren iz undzer tate! -
brumt der blozzak, ruft tsu hilf di nase shmate.

zi gekumen un genumen shpritsn.
nor es helft nit, *kelu kol hakitsin!
mid der blozzak, un dos ayzn veykh vi vaks.
nu, vos shvaygstu, bruder? nem dem hamer! shmid an aks!

*roshele!
du, farshtey mayn *moshele:
hart iz ayzn! shtarker der gedank, der frayer!
du - der blozzak, er - dos fayer!

gots *nisim
*tsores, oy, vi holts
un nito mit vos tsu heytsn,
*zalmen hot a ferdl, iz er oyf im shtolts.
nemt er nor in hant arayn di leytsn,
nit gezogt nokh vyo un shoyn farshteyt es
vos me meynt un - *lamnatseyekh al hageyt es!
trogt es, shlept es, rayst di erd,
meg der vogn ongelodn zayn mit shteyner!
az me *shmuest a ferdele mit beyner!
s'iz a *ruekhl, nit keyn ferd!
barg aroyf bay im vi barg arop
un se shtelt zikh oykh nit op
far a tinterl, a zump
in an osyenveg a bitern, a shvern,
un shoyn opgeredt fun iberkern
vi se tut a mol a ferd a lump!
un tsum *sof, nokh alemen,
makht zikh oft az *zalmen
kumt fun hungerland tsu forn,
firt arayn dos ferdele in shtalkhl
un er zogt: a gute nakht! un zol a *malekhl
brengen haynt mayn ferdl hober, veyts un korn -
dos faran genug baym *galekh...
shteyt amol azoy dos ferdele a hungeriks, farshpart
un se vart.
vart? oyf vemen? oyfn *malekh!
efnt zikh pamelekh shtil di shtaltir
kumt arayn an alter,
a breytpleytsiker aza, a hoykher, a geshtalter!
khapt aroyf zikh oyfn ferdl un pashol!
yogt zikh, trogt zikh iber barg un iber tol...
ikh vel aykh nit *mayrekh zayn, a *klal
tsugekumen tsu a toyer.
dreyt der toyer shtil zikh oyfn hokn,
shpringt fun ferd arop der *zokn,
roymt dort epes eynem ayn in oyer,
nemt er, yener, firt arayn dos ferdl in a shtal -
in a ferdisher, a *rakhvesdiker zal!
iber fule zholebes dort ferdelekh ay gornit keyn *khosdarges,
un me molt, me raybt oyf ale varges,
un me hirzhet oyf a *kol in freydn,
vos zol zayn dos?... *shayikh? vos iz do tsu reydn?
dos nit andersh vi der *ferd-gan-eydn!
dos di *shtal-shel-mayle!

un ot shteyt shoyn *zalmens ferdl oykh tsevishn ale
un se trakht zikh: got gezen mayn horevanye
un dos *lakhme-anie,
vos gegesn bay *r' *zalmenen in shtal ikh,
hot geshikt er mir zayn *malekh
un gebrakht aher, ikh zol gefinen ru do
un genisn glaykh mit ale fun der *sude.
got fargest nit zayne ferdelekh di mide.
ot azoy trakht s'ferdl umfardrosik! -

der derleyzer un der *malekh ver? tsigayner yozhek!
ober sha - vi shteyt in *posek:
*al tagide vgas! -
nit dertseylt es oyf der gas.
git di hint nit keyn gelegnhayt, nit biln zoln *klovim:
vayzn zikh tsu ferd *malokhim - ersht zey zenen *ferd-ganovim!

der hintisher bunt
rabtshik ergets vu in yatke zikh arayngekhapt
un a groys shtik shpondre dort dertapt.
bay der tir shoyn er geven,
plutsim gor der *katsev im derzen,
un er lernt mitn grobn taytl im, az shpondre
nit far *klovim nor far and're!

vert er, rabtshik, *mole-kas,
havket, s'geyt mit im di gas:
- nu, vos zogt men oyf dem baykhl?
shpondre nit far hint keyn *maykhl!
zog!
ver hot dir gegebn oyf dem kalb di *shlite,
zolst es firn tsu der *shkhite
un farkoyfn zayne shtiker oyf der vog?!
ver? nu, red! di ku - dos kalb geboyrn,
un di erd
dos gehodevet, genert;
ikh mit ofene oygn, un geshitste oy'rn
iber im in fintsternish gevakht
un faryogt in viste velder di *sakones fun der nakht.
nu, un du vos? vi dayn shteyger,
oysgeshtrekt oyf veykhn bet-geleger,
zikh geshlofn vi a *peyger -
un tsetrogn zoln velf di shtal!
itster ikh, di sline vel ikh shlingen
un arum dayn klots a hungeriker shpringen?!
vi ikh bin a hunt, es platst in mir di gal! -

*khevre hot derhert azoyne verter,
bald gerirt zikh fun di erter.
a geloyf! geshlaydert vi fun *kaf-ekale
un me pildert un me havket: - hayda, *klovim!
sharft di shtekhers! oys *katsovim!
fray der klots far ale!
hayda! ver s'iz hungerik, kumt mit esn! -

plutsim ober gor a *nes geshen:
*khevre tsevishn zikh a fremdn hunt derzen!
iz fargesn
bald der *iker!
ver mir *katsev? oys *nekome!
oyfn fremdn a *milkhome!
me tserayst im *shier oyf shtiker.
der *shlimazl rayst zikh, varft zikh, git zikh *eytses
un *vayivrekh! fus oyf pleytses!
nor di gantse *knufye nokh im nokh, a beyz geyeg!
un der *sof? nit freg!
o, der fremder shoyn gehat a rekhtn *psak!
un der *katsev? s'geyt zayn *pidyen gants geshmak!

*khermen
vegn *shor-habor gehert?
*got-borekh-hu tsun im genenen mit der shverd,
*shekhtn un a *sude makhn far *tsadikim!
dos vet zayn a mol, ven kumen vet *meshiekh
(gotenyu! in gikhn tsun undz shik im!
shik im shoyn, dayn *emesn *sheliekh!)
nor biz demlt, biz der *shoyfer shel meshiekh vet blozn,
est dervayl der *shor-habor fun toyznt berg di grozn,
un iz alts nokh hungerik un mogerlekh!
eyn mol shikt der *shor-habor di loyferlekh, di yogerlekh:
*arbe, *yeylek, *khsil, *gozem,
fun di berg tsunoyfmonen dos groz im.
hot dem *arbe tsum barg *khermen ongetrogn.
ver un vos iz *khermen, darf ikh aykh nit zogn.
*khermen (ruft im *shiryen, *snir tsi *sien)
er iz der vos bentsht di bergelekh fun *tsien:
"got zol gebn *shefe, *brokhe un *hatslokhe!"
er iz fun der hoykher keyt, gehoybener *mishpokhe.
nu, gefelt aykh? *mas zol tsoln er dem *shor-habor?!

gants *kayor,
oyfn kop di yarmlke di vayse, di shney klore,
ayngehilt in bloyen *tales mit der zilberner *atore,
*khermen grod tsu *tfiles-shakhris shoyn gemakht *hakhones
un farton zikh, vi zayn shteyger, in *kavones
hoykhe, shpitsekhike, harbe...
fun der heler hoyt - an *arbe!
"ay nu?" fregt der *khermen mit a *kas.
"ir zent *khermen? zol ayer *sholem vi di grozn zikh farmern!
hot nit keyn faribl vos mir shtern!
*teykef geyen mir zikh, nor
groz gekumen monen, *mas.
undz geshikt der *shor-habor".

"ay, o! *khermen? makht der barg *bitmimes. vos er?
ay! ay! *oser!
nit ikh veys azoynem!  
ikh bin *shiryen bin ikh. freg bay di *tsidoynim!"

vild di *mas-shelukhimlekh un *khutspedik un shtark,
ober kegn vemen? *efsher kegn hoykhn barg?!
geyt avek der *arbe un gekumen *yeylek
in a yor arum fun *shiryen monen *kheylek.
iz im oykhet *khermen *meshaleyekh:
"ir hot, zogt er, kinderlekh, a *toes, ze ikh.
vos? tsu vemen aykh geshikt? tsu *shiryen? nu, iz nit tsu mir!
ikh heys *snir gor heys ikh, *snir!
vos ir gleybt nit? fregt, zayt *moykhl, di *emoyrim!
na dir nu, gor *shiryen! ver gezogt? *khamoyrim!"

geyt zikh *yeylek shoyn un *gozem kumt tsu *snir tsu flien -
iz oys *snir, nito! er heyst shoyn *sien!
dos *befeyresh dokh a *posek in der *toyre,
git, zayt *moykhl, akhtung, vert gevoyre! -

un az *sof-kl-sof gezen, se geyt nit: *yisres nemen!
iz di *bushe on a zayt! far vemen
zikh do shemen?
er tseveynt zikh, *khermen, gist vi toyen trern:
"staytsh, barg *khermen zol men vi a shepsl shern?
nokh gehert azoyns? *kle-koydesh zoln tsoln?
*aderabe, zol men fregn! zoln zogn berg un toln!"
un vos meynt ir, *mas getsolt der *khermen?
*khas vesholem! zol im got bashermen!
nor vos den? di bidne bergelekh fun *tsien,
*mas getsolt zey i far *khermen, i far *shiryen, i far *snir un *sien!
m'hot di hoyt fun zey gerisn!
vayl der *shor-habor iz hungerik un vil fun gornit visn!

der *nitsokhn funem *emes
*sheker hot keyn fis nit, trogn layt im oyf di hent,
un der *emes, meynt ir, hot gezunte knokhn?
lang far tsaytns er oyf hoykhe berg gekrokhn
un tsebrokhn
ruk un lend -
iz fun demlt hinkt er, nebekh, tsu tsu bislekh
oyf tsvey krume gendzn-fislekh.
hinkt er, hinkt er, kumt er tsu di puste miln,
vos zey moln skrip fun toyer, grilts fun griln.
treft er dort a genets in groyskaylekhdike briln.
- a gutn ovnt! - a gut yor!
(s'iz geven far nakht tsu, ven di zun tsekemt di royte hor,
un zi nemt far shlofngeyn fun royznzaft a shprits)
zits! (tsum *emes zogt der genets) zits!
zetst der *emes nebn genets zikh anider oyf der shvel
un er kratst un epes zukht er in zayn grober fel...
- a - a - a! tsegenetst zikh der genets.
ikh bin mid... ikh hob geshvartst di grenits...
kh'hob geshlyondert vokhn tsvelf,
zayn hob ikh gemuzt oyf der *asife fun di velf.
veyst *avade: zikh di velf farzamlt.
m'hot arumgeredt di lage fun di shof.
bay di oreme *yom-kiper haynt gefalt um *tishe-bov...
un ikh zog dir: dos mol keyner nit geshtamlt,
m'hot geredt *diburim klore.
ale zikh aroysgezogt vi eyner: s'iz a *tsore
un a shvartse, vi a shvartse kats bay nakht!
ver s'hot negl - shtekht -
ver a *khalef - shekht.
un a trikenish... di shefelekh farshmakht...
voltn zey avek in vald
vayter funem dorf un funem shtetl,
voltn zey getsipet funem boym a bletl,
far der ayngeshrumpener *neshome khotsh a shtikele derhalt.
iz faran a pastekh dokh un *klovim oyf der velt! a - a - a!
vos-zhe di *asife dort bashlosn? ha!
- s'ershte: optsuhakn ale negl
bay di feygl!
un *afile oykh baym odler, az me vet badarfn...
un dertsu, farshteyt zikh, muzn ale velf di negl sharfn.
sharfn in di sharfste shteyner
un in toyte beyner -
vi di zun zey zoln glantsn!
az zey zoln brenen vi di shtraln, shnaydn fun der vaytn!

- akh, vos redstu? naye tsaytn!
git mir purpur, git mir lorberkrantsn!
hob ikh dos derlebt shoyn, vel ikh oysfirn in gantsn!
shrayt der "*emes", un a loz zikh oyf di gendzn-fislekh tantsn!

di *guzme
hert a *mayse-noyre: iber griber,
iber shtiber
shpringt a *giber.
zekhtsik rayters, hoykhe rizn
nokh im yogn, varfn shpizn -
nor di shpizn op fun im un vayter!
shrayt a rayter,
brilt eyn riz tsum tsveytn:
- teytn!
oder shmidn im in keytn! -
lakht der *giber!
iber ale rizn er ariber
vi a blits
un geshtelt zikh oyfn shpits
fun a zang fun hoykhn korn,
un fun dortn oyfn horn
fun a tsig, - deroyf gezogt *r' *yosi *bar-kupik:
oyb der *giber shtark - vi shtark di zang
un der horn fun der tsig!
ober ikh gezen dem *giber do nit lang,
er iz dokh fun di *zumzumim un zayn nomen: flig!

fun dem *moshele vos ze'mir?
s'nutst keyn *gadles vu es gilt a *shtus!.. *kmoy shnemer:
nit mit shtol un ayzn nemt men khelm,
nor mit shpinvebs fun a *medresh *nelem!

der barg un der taykh
ayngehilt in neplen fun *khaloymes
shteyen zikh di hoykhe berg
un zey klern: vos iz tsayt? vos roym iz?
vos iz himl? vos dos gantse veltgeverk? -
un tsufusns, krum un glaykh,
iber griber, iber shteyner, mit gemurml loyft a taykh.
ruft zikh on tsun im a barg a *kapdn
(dos gemurml shtert im! denk - az do in kop ir klapt'n!)
- shtey nor! shtey nor! her nor, du!
aylt zikh! glaykh me vart oyf im dort ergets vu!
ale *shayles shoyn farentfert! vos? vuhin? fun vanen?
vos iz velt? tsi velt *bikhlal faranen?
shtey! vos loyfstu? s'yogn dikh keyn rayter!
- erger! ikh, fun zikh antloyf ikh! zogt der taykh un loyft zikh vayter.

di ku oyf di karpatn
in der bukovine
berg faranen hoykhe, grine,
berg vi *koykhes frishe, roye,
vos nit oysgenutst zey got *beysn shafn.
un far vos? zol zayn oyf vos tsu gafn.
oder neyn! ikh bin zikh *toye:
ven di erd geven nokh yung - gehoybn zi gedanken
hoykhe, shtoltse, vi di yugnt nor zikh kon farginen.
shpeter, vi geveyntlekh, di gedanken zikh tserunen;
nor a *zeykher dokh geblibn, got tsu danken!
ot dos zenen di karpatn.
akh, fun zey tsu kukn oyf gots velt arum!
du fargest in *rash, in tuml, *mase-matn,
un du shteyst un shvaygst, bizt shtum.

eyn mol kumt aheym fun tsherede di ku
un zi zogt tsum *kelev: - her nor, du!
tref vu ikh bin haynt gevezn! azh oyf di karpatn!
- vos? a lign! kh'hob gekent dayn tatn!
oykh geven a ligner! (zogt der hunt).
- a *mehume
oyf dayn mamen, un oyf dir, un oyf dayn mume!
az ikh zog gevezn, iz gevezn! zol ikh zayn azoy gezunt!
shver aroyfgekletert, otem azh farfelt,
tsvey mol zikh spotiket, *shier di beyner nit getseylt.
- take?! vos host du getun dort, vos?
- gornit, zogt di *beheyme, kh'hob gekayet groz!

dos keml un dos eyzl
yeder *khoyker
hot zayn hoyker.
*vayehi erev, *vayehi boyker -
khapt zikh oyf dos keml funem shlof
un es zogt tsum eyzl: herstu, kuni-leml,
ikh bin nit keyn keml;
ikh, farshteystu mikh, bin gor a filozof.
un far vos-zhe nit? a hoyker vilt ir? danken got -
yo er hot!
nit farmogt azoynem der desoyer, nit ezop!
un in himl, flit der kop.
un di fis a *rukhnyes! batrakht zey: dine, hoykhe, dare! -
dos di filosofye aleyn dokh: a tseshtrayte khmare,
dreyt zikh es arum do vi on zikh,
un far nakht baym zunfargang derzet ir es in himl,
ergets shvebt es dort *farkhusht vi in a driml,
zukht zayn "ikh".
kumt tsu geyn a veys ikh vos -
di *levone oyf shpits noz,
tut a zog im: in umendlekhkayt tserin,
dort dayn "ikh" gefin!
tut es im ahin a tsi,
nekhtikt dort er biz gants fri.
vekt im oyf der ershter shtral -
ersht es ligt shoyn vider do in shtal.
oyf der shtalvant vert der shtral a fleml,
un tsum eyzl redt dos keml:
vos?.. fregt dos eyzl iber
kh'zog dokh dir: a filozof bin ikh, mayn liber!
- filozof? aha! gehert... dos iz mir dakht,
a *beheyme vos zi trakht.
be... an *eysek... *sof-kl-sof
bin ikh oykhet a *beheyme... oykh a filozof!

falshe klangen
e - me - *emes... meket dokh a tsig nor,
ober keyner tor nit zayn keyn ligner,
un *bifrat a tsaytn-zoger,
*shoen-shloger!
neyn! er iz zikh oyf der vant gehangen,
un farshpreyt fun dortn falshe klangen.
nit geshtoygn! shmontses!
nor gevust shoyn yeder: *sheker, *kozev,
vos tseklapt der altitshker "frants-yozef"
(gor frants-yozef? yo! tsulib di vayzers, di tsvey vontses).
eyn mol shpet in langer vinter-nakht
mirele di mame funem shlof aroysgebrakht:
oysgeshlofn, vil zi plaplen mit der mameshi,
plutsim - fun "frants-yozef" klangen telegramishe.

- shtiler, kind! vos klapt der alter? lomikh hern!
(zogt di mameshi) ikh bet nit shtern! -
klapt er, opgeklapt, antshvign.
zogt di kleyne: - s'iz dokh gor a lign!
- neyn, farshteyst nit, kind! ikh ken dem ligner gut,
mit der *sho, mit der minut,
mit zayn gang, zayn falshn, vos er geyt -
zol er klingen zikh gezunterheyt!
s'art mikh nit! farkert: a dank di falshe klangen
ikh dem *emes bin dergangen!

dos lebn
sha, dos meser brokt shoyn
*toyres-lokshn!
shnaydt vi a *bar-samkhe, vi der letster *poysek,
zogt, dos lebn vos? makht nit *khoyzek!
s'iz a bletl lokshn, ikh in im bin *oysek.
brok nokh brok... brok nokh brok...
khik - khik - khik... khik - khik - khik...
biz ikh zog:
khik! a gutn tog!
un ikh shik
in der yoykh
un fun dortn glaykh in boykh -
lakht der boykh mit toyznt vaynshl-oygn
kegn zun un regnboygn.

fregt zis-lebn: boykh, vos lakhstu?
zogt der boykh: un du, vos trakhstu?

- gornit... glat azoy... ikh kuk mir in mayn shpigl-nogl,
ze ikh tantsn blits mit hogl,
shtern firn karahodn un s'iz... *ogil
*veesmekh.
kuk ikh, kuk ikh un farges mikh!..
- gor! un ikh gemeynt du trakhst fun mir... fun mayne grine lokn...
mir tsulib *getoyvlt zikh in zaftn fun bagin...
ersht... tsum *sof... nu, pruv a *seykhl do gefin!
kraket kroen, klingt-zhe glokn! -
narish iz dos lebn on a tsil un on a zin!

vu iz *yoysher?
in a beyzer *rege
(in a gliklekher, zogt *sore-feyge)
hot dos shtaygele dos tirele farklapt
un a mayzele gekhapt.
kumt tsu geyn di kats,
mit di negelekh a krats,
un zi myauket un zi shelt:
"myau! myu! a sheyne velt!
vu iz *yoysher?
zitst a mayzl
in a hayzl,
*mazldik, an *oysher,
in a *pritsish *direle,
un di kats di oreme
baym tirele!

oyfn tsimbl
az der *klezmer nit tsu hoyz,
oyfn tsimbl shpringt di moyz.
az di moyz shpringt oyfn tsimbl,
oyfn tsimbl nemt der tsimbl zi:
bimbl - tsimbl, tsimbl - bimbl,
bimbl - bimbl - bi,
tants, du froshl,
*akhberoshl!
du der *nimshl - ikh der *moshl!
dikh gemeynt ikh,
ven geveynt ikh
farn bas
un dertseylt im fun a *bas-
*malke
tsim-bim-balke,
vos bazetst zikh in a fas
lebn yas.
- nit bay yas un nit in fas, nor in a palats,
hinter galats.
heybndik ir ekele farrikht di moyz.
- akh, antshuldik! s'yor iz groys,
kop iz kleyn! fargesn...
tants, printsesin!
tu a drey dayn langn shlep
un voylyungish mit dayn fisl -
oyf mayn harts tsen toyznt klep!

tut dos mayzele a nisl
un es
nemt zikh tantsn oyf di strunes.

tantst oyf strunes den a moyz?
halt zi! halt zi!
tantst zi! - falt zi
mit tsvey fiselekh arayn,
mit eyn fisele aroys.
- *shikerte, getrunken vayn?
tsi *getoyvlt zikh in bir?
(nemt der tsimbl zi oyf zikher) got mit dir!
tsiterst? flaterst? oygnblik
iz gegangen zukhn glik
un gefunen - zikh dershrokn far zayn glik er...
nu, vos red ikh?.. *iker:
haynt fun glik mir beyde *shiker.
tants-zhe! tants-zhe! gikh, gikh, gikh!
in der mames gringe shikh!
naket fisl
geyt a freylekhs oyf shpits-shpisl
un se tut zikh nit keyn shtokh.

vos? gefaln? vider? nokh? -
nit keyn brokh!
shteyt in *posek: *sheve yipl
ay, tseblutikt zikh a lipl?
on *sakones, vi s'dertseylt zikh:
biz der *khasene farheylt zikh...
un di moyz, zi geyt dem tants
khotsh an *eyver shoyn in ir nit gants
un dos *khayes geyt ir oys
nokh a *rege ru, eyn *rege bloyz,
nor dos zogt nit keynem oys!

*yoysher
ergets bay an altn tatn, nit keyn *oysher,
iz a mol geven a *kale-meydl mit nomen - *yoysher!
*yoysher! - *yoysher! - sheyn! - mit zibn *shinen!
hobn zikh gedreyt *khasanim arum ir vi binen
arum honik
un geshit *khnifelekh fun gildenem polonik:
der geshikt a luft-kush, der geshikt a bliml,
der ir tsugezogt dos telerl fun himl.
nor vos den? az s'treft a *shidekh zikh, *beshas hakoysher
kukt men gor avek fun *yoysher...
un far vos? eyn hemd, eyn kleyd
un men muz zi nemen vi zi shteyt un geyt
un derfar iz - *yoysher vil men... - vil men - yener zol es hobn!
haynt a *khosn vi azoy, fun vanen ir aroysgegrobn?
nor nito bay got dokh keyn fargesene,
nit faran, *kholile, keyn farzesene -
un farkayklt zikh dos beste epele, blaybt lign? nit farfaln!..
kumen vet oyf im der *baln.
kumt der *ruekh, tut a zog zikh kurts un sharf:
"*hiney, *yoysherl, zay visn, ikh badarf
hobn a *balboste, un ikh meld dir
du bist mayn... tsi ikh gefel dir
oder neyn,
nit mayn zakh... dos veys bay dir aleyn".
un azoy der *ruekh undzer *yoysher zikh *farknast
un oyf ir aroyfgeleygt fun zayn *balbatishkayt di last.

vert farshvartst zi. keyn helft fun ir shoyn nit geblibn.
kumt der *ruekh - zet in ale vinkelekh reyn tsugeklibn,
shmokhet er un dreyt a vontse - *mayse *gvir,
likhtik-tsikhtik, zogt er, umetum in *yom-tev-tsir,
itst nito vuhin a shpay tsu ton, *zugosi-yoysher, nor oyf dir!

gerikht
mit a shepsl oyfn aksl, in der hant dem shtekn,
zikh in vald gelozt der *katsev. nit dort luft tsu shmekn!
*shtusim! vos? a *poyel *botl? geyt um leydik?
a gesheft gehat er dort tsum *bes-din-tsedek -
tsugeshtelt a benkele dem hunt:
*al-pi *toyre kumt der *kelev di *neveyle
far *loy yakhrets dort... nu *meyle!
zayns iz zayns. fargint im. tsu gezunt!
vos-zhe shlept er, ober, der *nevukhed-netser,
*koshers fun di kletser?
gornit oystsuhaltn! a *geshmadter haldz!
haynt bay mir a zodik-fleyshl (khotsh ikh treyber) -
nekhtn bay *kham-leyzer er a lung un leber!
un anumlt a gants shtik shmalts!
vos? ir gloybt nit? vi git got gezunt azoy mir!
ver m'shteyns gezogt s'iz undzer *shoymer!
hav-hav-hav! a beyzer *odn!
un khapt shpondre fun di lodn!
un a rekhter hiter! hit dem klots! anu far yorn,
ven m'hot oysgeroymt di krom baym *shokhn *yankev-ohrn -
vu geven der *bokher? nit gehavket, nit gevekt!
in a vinkl zikh farklibn un geshlofn!
tsi a beyndl, vos der *ganev im gevorfn, gor gelekt!
gut azoy? bashtrofn darf men im, bashtrofn!
*kedeboe, zol er visn! -
(ken! er ken, *r' *nisn!
darf keyn tsung bay keynem zikh nit layen!)
oysgehert im, heybt zikh oyf *r' fiksl (er in vald der *dayen,
bay der rekhter hant *r' volf, der *meylits-yoysher, kneytsht dem shtern,
un in peltsn tsvey *bekovedike bern zitsn nor un hern)
un er zogt, der *shoyfet:
- *avle heybt mit *simkhe onet un mit trern hert zi oyfet!
vey tsum *roshe vey! im veynik
*skile, *sreyfe, *horeg, *khenek!
shtreng der *mishpet vi der oygnblik fun kenig!
(zol gebentsht zayn tson zayn un a loyb tsu zayne negl!)
un dervayl, *r' *katsev liber,
megt ir geyn! dos *psak-gelt lozt nor iber! -
(un a vunk der *shoyfet mit eyn eygl)
opgegebn zeyers, gebukt, genoygt zikh, vi geherik
un aheym *r' *nisn. ringlt men arum im un me fregt naygerik:
- nu, vos hert zikh? - rekht!
- kay' *moyre! rizen vet der hunt bay mir di erd! -
geyt avek a *khoydesh, tsvey, un vos-zhe vert?
shlekht!
nit men zet un nit men hert!
shvaygt er nit *r' *nisn, un shlogt on ahin, aher:
a *havtokhe funem pipernoter *greysl-meykhe-teysl
(er baym volf dos oybershte fun shteysl!)
un a vort a guts oykh funem ber,
biz *lesof shoyn arum *peysekh -
neyn, vos zog ikh! veys ikh?..
*khoydesh *iyer, tsi dakht zikh take *sivn,
ersht bakumt a *tshuve er a klore:
*kefi, *heyoys, faran a *svore,
az der hunt geton do nit, *kholile, mit a *kivn,
nor azoy gor, glat umgern, *al-pi *toes,
kumt dem hunt a "*mi shepore"!
geyt shoyn an ambitsye: a *mi shepore un nit merer?!
neyn! er vet zey vayzn, vos un ver er!
nit gefoylt zikh un geleygt *hetsoes
un gebrakht tsu firn *eydes, pek mit *rayes,
az baym hunt *lakhlutn dos keyn nayes:
kert men zikh avek nor - oysgevaksn der *mekhutn!
fayer un flam! - iz vos-zhe tut'n?
darf men makhn ersht a frishe
*khkire-drishe,
*hen *mikoyekh di *eydes, *hen *mikoyekh dem gantsn *inyen.
(nit oyf yedns verter shtelt men dokh a *binyen!)
ikh vel aykh nit *mayrekh zayn, *hakitser, *khoydesh *ov
koym dervust zikh: s'felt a *ksav nokh funem *rov,
tsi gevezn di *beheyme *kosher on a *sirkhe.
helft nit! kargt er nit keyn *tirkhe
(az genumen zikh dervayzn - iz dervayz!)
loyft er un er brengt tsu trogn shvarts oyf vays
funem *rov,
az altsding, *mealef vead tov,
vos dertseylt der *katsev,
*emes veyatsev!
- *kosher on a *sirkhele - un *klovim *kheylek viln!
git men nit mit gutn, baysn zey un biln! -
gut shoyn? leygt *r' velvele di briln
oyf di eygelekh di grine
un dos *ksav batrakht er: sha! di *khsime nit *kedine!
*keyedue, darf der zigl
zayn nit lengekhik, nor kaylekhik - an *igl!
*khuts loze, *gekhasmet darf oykh zayn der *shoykhet!
nu, farrikht un tsugeshtelt dos oykhet.
meynt ir fartik? neyn!
vert a *shayle vegn *katsev gor aleyn:
vos un ver er? un es geyt a *gvis-eydes
vegn im un zayne zeydes -
festgeshtelt muz vern zeyer *hisnayges!
un azoy vos mer alts merer *sfeykes, frages,
un alts naye *ksovim, *khsimes,
un dos *katsevl *bitmimes -
alts *geberyet zikh, di fis zikh opgeshlogn.
un a *bushe! un baym harts farklemt!
nebekh! shier geblibn on a hemd:
dortn - vos a trit, batsol! (me darf dokh aykh nit zogn!)
biz *lesof - an ek!
oysgeshpign er a klek,
un geshvoyrn bay di *tfiln:
zoln *klovim fresn vos zey viln,
*treyfes, *koshers - *hefker! er vet shoyn farzogn,
nit tsu geyn in vald arayn zikh klogn!

der *bal-yoysher
oyfn frayen feld a *kelev rizet a *neveyle:
nit keyn *gneyve, nit keyn *gzeyle -
zayns! *befeyresh! zolt ir take visn!
nor az got bashert a fetn bisn,
shikt er tsu an *oyrekh un a tsveytn un a dritn -
mit a mol di gest zikh ongehoybn shitn!
un zey vartn nit oyf *kibed gor di gest:
"kumt mitesn!" vi der shteyger. neyn!
hendum-pendum, men iz do, me est!
nu, mit vemen shteln zikh? zol zayns shoyn ibergeyn!
keyn beyz oyg genug! nit blaybn keyner hungerik, *kholile! -
kloybt azoy a redl zikh arum, un sha! fartun in der *akhile.

ersht *vayove! oysgevaksn *r' terkate
un er shtupt zikh: lozt mikh! khotshe
ir gekumen far mir - mayn *neshome nit fun klotshe!
vos? vos meynt ir zikh? a kats bin ikh? a kota!
ikh bin oykh a hunt! yo, yo, *bekovedike *eyde!
ikh hob oykh a *kheylek do, mayn zeyde
oykhet nit gebilt oyf yidn in *mitsrayim.
ir genug gefresn! mir khotsh di *shirayim!
lozt a bisl mikh dem hunger shtiln!
nemt men im shoyn oykh in ruml - zol a hunt nit biln!
zoln shoyn di *sonim havken! fres *les-ate! -
in dem yogt on rabtshik. nu, tsefayert zikh terkate:
- marsh, trog op zikh! *efsher veyst ir, vos di shnorers viln?!
oysgevaksn! tsu di yatkes gey, tsum *katsevs lodn!
do nito shoyn gornit! ver s'kumt shpet - der makht aleyn zikh shodn!

vi me fodert es gerekhtikayt! mit impet un mit shturem!
lozt men tsu nor tsu der shisl - andere *diburim!

der *iker
mit *kame yorn nokh tsurik
hot ergets vu in vald a nis getun a flig.
nu, *meyle, nist zi - zol ir zayn tsu glik!
derhert dos ober di *makhsheyfe funem vald,
di kukuveyke, un zi makht a *rash:
- kuku!.. *detsa"kh ada"sh!
- kuku! gevald!
gehert azoyns? gor flign nisn?! epes nayes!
kuku! s'shmekt mit *meride bay di *khayes! -
dem leyb in oyer di *makhsheyfe gring arayngelozt a gril,
un es kayklt iber dembes zikh a dunerdiker bril
vi hundert toyznt *reyshn:
- *r-r-rotskhim! ikh vel varfn far di *klovim ayere fleyshn!
di odern fun aykh baym lebn tsi ikh!

- a brokh! an oysgos oyfn vald! *yam-hamelekh!
s'koholn zikh di *khayes in der fintster: a *sheliekh kloybt men, a *sheliekh!
zol zayn a guter *meylits er baym *meylekh!
iz ver? iz ver?..
- der solovey! (zikh hern *koyles) er
a zoger - eyner in der velt! un a *bal-bekhi!
ekh!.. hi!..
az er tseknakt zikh, er tsegist zikh in a mildkayt,
bay nakht in vilder velder-shtilkayt! -
un andere:
- di salamandre, shrayen zey, di salamandre!
a bren! a piskele - a fayer! oygn likhtike, tseglite!
- di salamandre gor?! vos redt ir? shrayt a drite *kite.
a hitskop! keyn genite!
der fuks, der fuks zol geyn! a *khokhem atik!
a tsung! - i sharf i glatik,
er redt - fun tsederboym un bizn mindstn grezl,
a vertele, a *moshl, tsi a *memre fun a *khokhem -
un yeder shoklt nokh im!
- un ikh meyn... (a tsehirzhe zikh dos eyzl).
*ledati, loyt mayn kuk,
der fuks a *meylits-yoysher oykh a shvakher, oykh a shvakher!
- nu ver-zhe-den? - der *odn *dover-akher!
- der *khazer? vos derzen in im? an *omek? azoy klug?
- a boykh! un *iker - oyern lange gants genug!

baym leyb oyf der *sude
vos? a *moshl vilt ir? *makhe-teyse! ot dertseyl ikh:
s'iz a mol der leyb gevorn freylekh
un gemakht a groyse *sude - ver es iz geven
oyf der *sude funem *meylekh *akhashveyresh
der hot aza *min *sude oykh gezen -
s'hot der leyb gezogt *befeyresh:
"vos ayeder vil - *keyad hameylekh!"
un a *rakhves un a sheynkayt - himl efn zikh!
s'iz den tsu bamoln azoy gikh?
betlekh
fun *hadasim un fun *bsomim-bletlekh,
oyf di betelekh di gest
un me *shmuest zikh un me est;
vos me vil nor - brengen hirshelekh tsu trogn
vi men efnt nor dos moyl tsu zogn,
un *kundeysim aflekh tantsn,
in di hentlekh royte pomerantsn,
un dem *oylem iz men *mesameyekh.

nor der *khazer zitst zikh in a zayt dort ayngenuret,
kharket, vortshet, s'iz zayn *peniml farkhmuret.
- pani *mordu! epes zent ir *broygez, ze ikh, -
zogt *r' fuks, - es iz nit ongenemen aykh der *reyekh
fun di *bsomim-betelekh, farshtey ikh.
- *khas vesholem!
- vos-zhe den? es shmekt aykh nit di *maykholim?
tsi gor *efsher karg iz?
- et!
kh'vel aykh zogn, pani fuks, tsevishn undz geredt,
es gefelt mir nit der *oylem... tsu fil do *khosdarges!"
"yo, gerekht, iz *maskim fiksele, *avade glaykher
iz a *sude - on a *dover-akher!"

der *korbn
ayngebildet zikh der leyb: er zingt nit erger
funem solovey, un *efsher beser;
zayne treln kayklen zikh vi feser
iber toln, iber berger!
akh! az er bay nakht *khtsos
oyf zayn gembe a tseloz!
un fargeyt zikh in a *baykol, shtilerlekh,
krayzlendik di trilerlekh -
vos dort tut zikh!.. *mekurovim
klapn mit di *znovim,
malpes pyesken mit di lapes,
shrayen: "*tashra"k! *tsape"s!
(bravo, heyst es, bravo!)
blumen trogt im tsu di pave,
un a kroen-khmare trogt zikh oybn mit gepilder: kra!
(s'heyst a shteyger, vi bay undz: hura!)

... indes - hostu dir nit, na dir! a merike!
plutsim, vi in heln tog a *like.
dos der buhay "*shor hanogekh"
zikh gelozt dort hern. un ikh zog aykh:
nit keyn beyzer meyn geven - kapoyr gor: kelberish *hispayles,
oyf zayn *mu-mu-loshn oysgedreyt a *shir-hamayles. -
nor der *oylem gor tsevigt zikh,
velf un bern reven, voyen:
- aza *khutspe! a *bizoyen!
fayft gor! *khoyzek! vi geshikt zikh?! -
un in eyn *keheref-ayen
shoyn tseshpoltn ligt der oks oyf drayen.
dokh a nomen zikh gemakht: - a *korbn! -
farn *emes, zogt men, er geshtorbn!

*sholem
oyf di drotn
funem telegraf getantst der *sotn
un mit zibn lange tsungen
knakndik geklungen:
slupes fun der gorer velt, fareynikt aykh!
ayere oyer-shiselekh gikh reynikt aykh!
reynikt aykh un hert:
ayngetunken hob a finger ikh in blut fun muter erd
un ikh ruf a ruf a groysn un ikh mol im
oyf di toyern fun der velt - *sholem!
*sholem tsu di nonte, tsu di vayte, tsu di berg un toln! -

ober zet! vos *rashn zikh un *koholn
epes oybn dort di feygl?
do me greyt di shnoblen, dort me sharft di negl,
odlers piken feldzn, robn kizlshteyner dzyoben!
vos! vos iz? - a *kayme-lon di kro hot fun ir baben,
un ir babe funem foygl funem raben
un der raber foygl funem velger-heltsl funem grobn,
vos geshlogn hot *khad-gadyes ketsl,
un dos velger-heltsl funem kletsl,
vos es ligt nayn eyln in *adome:
az der *sotn ruft tsu *sholem - vart oyf a *milkhome!

tsevishn yo un neyn
- shtey! vuhin *r' hoz?
vos iz epes far a loyfn, vos?
- staytsh! gornit gehert? - a brokh! a *tsore!
epes *shmuest men dort... a *svore -
a bafel azoyner funem *srore:
ale fiksn opshnaydn di ekn!
- vos azoy? ay, ay!.. nar du, vos hostu zikh tsu shrekn?
- fregst nokh? e, ikh ken zey gut, di layt, ikh ken!
eyder vos un eyder ven,
tsevishn yo un neyn,
eyder ikh dervayz zey klor un reyn,
*al-pi *din,
ver un vos ikh bin -
shpil ikh zikh dervayl nit mit *malokhim!
vey mir, ikh shtel *eydes, i dem yegers hintl, i dem *galekhs *shiksl.
nit ikh bin un nit ikh bin geven a fiksl -
ersht ikh kuk zikh um, oy! vu mayn ek? shoyn nokh im!

oyfn *emes ir getun a nis!
nu a gutn! - gib got fis!

a *klots-kashe
- hert ir, *yoytse zayn far tsvey iz take shver.
rayst mikh der ahin, shlept der aher!
vey-mir! me tserayst dokh mikh oyf shtiklekh!
redt di zeg zikh gliklekh
un mit shtolts.
un dos kletsl holts
se krekhtst, se shrayt:
- vey! gevald! se shtekht, se shnaydt!
*meyle - raysn zey zikh, yene layt,
der ahin un der tsu zikh.
ober ikh?
ikh, vos tu ikh do in mitn
zey dort raysn zikh, ver ikh tseshnitn!

*mazl un *shlimazl
eyn mol zikh dos *mazl mitn *shlimazl bagegnt.
vu un ven? baym oremen *r' *shaye,
*tishe-bov, in droysn hot geregnt
un der *tones gring geven, *mekhaye.
tsi gor bay a dikhter nokhn toyt oyf der *levaye.
tsi - veys ikh vu? vos di *nafke-mine?
ikh dertseyl a *moshl, un genug tsu visn,
az dos *mazl oyfn *shlimazl gekukt mit *kine,
far fardros di lipn azh gebisn.

got mit dir! zogt *shlimazl farvundert.
vos azoyns derzen in mir du? hundert
shvartse yor zikh shpiglen,
vashn zikh in zoyermilkh?
in der fintster, vey mir, bril ikh:
darn, brenen zoln mayne fliglen!
ikh bin shuldik! ikh bin zindik! un far vemen?
far der *khokhme! ikh di *khokhme muz farshemen!
zi mit gal zol shpayen, tsi mit blut!
zi mit federn arum bashtekn
un zi traybn gasn oyf a shtekn
unter shmits fun beyzer rut!

- nu, un ikh, vos meynstu, zogt dos *mazl, mir iz gut?
mir bashert dos narishkayt badinen!
milekh fun der vant ir melkn!
un a dorn-shtekele zol blien,
ven di blumen velkn!
leydik nisele bagiltn,
un an oysgeblozn ey zol giltn
vi a shteyndele fun *khoyshn!
ober sha nor! fran an *eytse! - *dehayne?
- du tsu mayne, ikh tsu dayne!
toyshn!
nu, vos trakhstu? gib di hant! a *tkies-kaf fun tsvey *malokhim
nit keyn shpas! zayn liber nomen
vet *bal-korkhe zogn *omeyn.

- e! zogt *shlimazl. a *khokhem!
shtroykhl nit keyn *shlimazl, nit shtroykhl!
dos nokh felt mir - mit *naronim ontsuheybn! *moykhl!
zol shoyn zayn vi got mir ongeshribn! -
un *ad hayem bay der *khokhme *shlimazl farblibn!

dos nebekhl
*shloyme ben gabirl
shraybt a gildn *shirl oyf a vays papirl
(tsilyet perl oyf a shnirl!)
volt badarft dokh dos papirl gliklekh zayn, vos den?
neyn, gor klogt zikh oyf der pen:
- vos a *shiker, zogt es, ken!
hot zikh do nit vayt a shenkl,
khapt arayn zikh ale mol ahin
un fun dortn *mole glaykh tsu mir tsu fli'n.
hob fun im dem toyt ikh: nit geven oyf mir shprenkl,
ersht gefekhlt in di oygn - itst,
zet nor vi er hot dos mikh bashpritst!
burrr!
volt ikh im fartribn - iz dos nit in mayn natur.
ven khotsh gute layt a vort gezogt im,
ongezidlt khotsh a bisl im.

- *tam venishlem!
shraybt oys *ben gabirl un *gekhasmet
un tsunoyfgeleygt, farziglt un geshikt
tsu zayn *khaver *ben shapret, der odler-zun, der *masmid
(vos bay tog, bay nakht di diment-berger pikt).
vi mit troybn in der *midber *ben-shapret zikh kvikt,
mit *hispayles, mit a bren
kusht er, drikt,
drikt tsum harts dos kind fun *ben gabirls pen.
ze nor, shurshet dos papirl, drikt mikh gor tsum harts,
ikh gefel, khotsh ikh bin shvarts!
kusht mikh gor!
vi-zhe volt geven shoyn, ven vi fri'r ikh bin nokh klor?!

di kro un der kanarik
griblers zukhn *sibes dine,
ikh zog: glat azoy, far *kine
beyz di kro oyfn kanarik.
z'iz oyf im, vi zogt men es, *lehareg
un *leobed,
az in kop-arayn mir mit zayn triln *rak er dzhobet.
der *ben-pik'holts ken keyn rekhtn kra nit nemen
un er trelelayket! freg far vemen?
ver badarf dos gorglenish, dos viste?
*shlimazl, genug shoyn! in di oyern blay mir gistu!
keyn *rakhmones gor bay dir nito?
shrayt di kro.
shrayt zi, pildert, gragert, azoy lang
biz fartrakht zikh der kanarik: in an *emes,
yeder veyst: di kro a *neviete un a *khakhemes.
ver vi zi farshteyt zikh oyf gezang?
*efsher take
kumt keyn tril nit tsu keyn krake.
tsu fil zikh fartrilert shoyn *mistam ikh.
iz nisht glaykher kraken? okorsht nor a pruv tun loz mikh!
pruvt er eyn mol, tsvey mol, oyf der linker *keyle, oyf der rekhter.
zikh dos tsingl vi mit shteyndelekh tsebrekht er.
ale feygelekh arum im kaykhn far gelekhter.
nor di kro iz gut un frum,
nemt zikh on zayn krivde, tsit oyf im genod:
lakht nit, kinderlekh, me tor nit, zogt zi, lakhn fun a *mum!
vi di gasnyinglekh dort in shtot!
fun keyn *tsore keyner nit bavornt, keyner!
krake, krake, zinenyu, alts mer un merer
vet dos heldzele dir vern klerer,
reyner!
tun a krake iz, farshteyt zikh, epes mer
vi aropshlingen a ker!
s'iz a *toyre, ye... un yeder onheyb shver...
ober: vos der onheyb biterer - der *sof geshmaker!
bravo! bravo!
hert nor vi er tut a nem oyf der oktave
tsu farrisn, ober fort tshikave.
hert, er vet nokh zayn *nishkoshe fun a kraker
ye, ye, ye, ir megt mir gloybn...
freyt zikh der kanarik, iz bay zikh gehoybn,
un vos mer er makht zikh lekherlekh - di kro im greyt tsu loybn.

der *meyvn
*r' orang-utang,
nit fun haynt ersht, nokh fun lang,
er fun vald dos shayndling, der *ben-yaker.
veyst di *soydes vos in yedn kneytshl funem aker
un in mindstn shorkh fun boym,
im iz klor ayeder "kuku" fun der alter kukuveyke
un farentfert yedn *teyke
funem vald. - - *vayehi hayoym,
er tseredt zikh iber
hoykhe berg un tife griber,
iber trern-shtromen kvelnde,
un *matseyves, *tseylem-beymlekh elnde.
vos in mitn veg avekgeshtelt *al-pi *hadiber,
un oykh iber
freyd,
vos shpilt zikh shtilerheyt
mit a nogndikn troyer.

- nu, vos zogt ir? fregt dos ferd dem buhay oyfn oyer.
- vos ikh zog? tsu zogn grod iz do a *sakh,
khotsh tsurik geredt, genug mit eyn vort: shvakh!
s'heyst... gevolt ikh zogn... kh'meyn... nor *hayinu hakh!
redt *nishkoshe der parshoyn,
ober nit far undz - far dem *hamoyn!

dos fidele, der bas un di tatsn
m'hot gefregt dos fidele a mol:
zog, far vos *r' bomtsik-tsak
plyesket *rak
mit di tatsn gants geshmak?
shpilstu vert er shtark *nispoel,
bist bay im *a ponim *zoer loyel,
un der bas - a *pele! -
nor er vortshet, nor er brumt gor, vi a *khaye.
shpilst - der oyer iz
*mamesh zikh *mekhaye -
im gefelt nit: er iz dos nit *goyres!
- ikh bin an *apikoyres,
zogt dos fidele: ikh meyn,
gleybn darf men nor in zikh aleyn...
bomtsik-tsak iz bay mir gor nit keyn *bar-hokhi
un der bas - nu, *meyle -
er iz *afile a *bekovedike *keyle,
nor keyn *yikhes iz er nit in der *mishpokhe.
brumen - dos iz zayn *malokhe,
vil er brumen? zol er! kh'vel nit platsn,
vi es freyt mikh nit dos plyesken fun di tatsn!

*emes un lign
"lign! lign!"
hobn zikh tseshrign
oyf a *kol a mol
yene shtikelekh kristol,
vos arum a blits-lomp hobn zey gehangen,
vi a krants fun shtraln-zangen -
"nu, genug, *r' lomp, shoyn shvindlen in di oygn.
zol ayeder visn: likht iz nit geshtoygn
nit gefloygn.
i der lomp, i yener
himldiker, kaylekhdiker brener,
di *levone mit di *bonim,
shpayt zey, kinder, on in *ponim:
ale zenen zey, *mekhile, gor *shakronim,
ale makhn zey a falshn shpil
a farblendenish fun farbn, alerley kolirn
un ir, *shoytim, lozt aykh firn!
vos? ir gloybt nit? redn darf men do nit fil.
kukt, zayt *moykhl, ir aleyn,
zet nor dem *sakh-hakl fun dem "*min",
vos ir ruft es "likht"; ir zet tsi neyn?
bloy un royt un grin.
- *emes, *emes! shrayt der *oylem
nor a *goylem
ken itst zogn
likht un nit keyn shvindl hot geshlogn
fun der lomp undz in di oygn.
vemen ken itst kumen gor in *moyekh aza gedank?
un dem kop hot men geboygn
mit groys *koved un mit dank
far di *emes-zogers, nor nit lang.
bald hot men mit veytik
shoyn aroysgezen
az dos falshe likht iz neytik   
yedn gor geven:
*kol-zman me hot gegleybt in shtraln-lign
hot ayeder
dort *keseyder
gut gezen, a fargenign,
s'iz geven in yedn vinkl likhtik, hel.
itst iz yedn in di oygn grin un gel!

muz un muze
muz -
gor nito far im keyn harte nus,
alts tseknakt er.
un ot nemt er gor dem knaker un er vert zikh a redaktor!
dos aza *min boygnshiser, a gevagter:
boygns nit geshtoygns in di kep arayn vi flokns shist er,
tint vi blut fargist er
un fararbet *maysim mit der pen!
(ver se muz der ken!)
eyn mol, ikh vel aykh nit zogn pinktlekh ven,
tsi fartoglekh, tsi farnakhtlekh,
demlt ven der himl umetik farakhtlekh
mit eyn shtern pintlt,
bay zayn tish der muz gezesn, vi zayn shteyger, un getintlt.
ersht untern tish dos hintl zikh tsehintlt
(dos a fesvinikl a gebrotns!)
un in vinkele tsevishn bikher-shrank un betl, fun di shotns,
vi fun ire zibn hemdelekh di kukuruze,
oysgesheylt zikh ver? di muze!
*odem-naket on a faygnbletl,
un zi shart zikh tsu tsum muz... vos iz dos? *mayse-lilis?
nit mayn zakh, ikh red nit keyn *rekhiles,
ikh a *moshl oysn nor, un vos tsum *moshl *shayikh.
nu, a *kitser zi a *kheyndl, er - a gletl
un zi redt *diburim klore: ikh
opgezogt zikh fun di bleykhe dikhter mit di oysgedreyte shikh,
oyf di oreme *bal-gayvenikes shpay ikh,
ver se tsolt mir - dem getray ikh!
- dos gefelt mir, zogt der muz,
dreyt a vontse, farleygt a fus oyf fus.
denkst groysshtotish, bizt in velt-zakhn shoyn kentik, a genite!
bite! -
(heflekh trogt er unter ir a sigaretl).
rikhtik, ikh shoyn, zogt zi, lang avek fun kleynem shtetl.
vu di tsign oyf di prizbes troymen
un *khaloymes shikt tsum hunt der koymen.
(dar un hoykh un shmekt nokh roykh, un dikhtert!)
haynt a velt a praktishe dokh, ikh zikh oysgenikhtert!
di *levone shoyn bay mir nit keyn *farkholemte printsesin,
zi hot oykh a mogn un vil esn,
un zi hot zikh ire libe-geslekh, shtile interesn,
vos bay nakht me redt fun zey nit in a shtub on a *mezuze.
muzlt zikh di muze,
nemt di fislekh unter zikh, fartsit dos sigaretl.
nu, un vayter? veys'ikh,
est men *treyfes, trinkt men *nesekh,
hobn vayber vos tsu redn, shushket zikh dos shtetl.
biz bavizn oyf der velt zikh a poetl
vos gerotn i in tatn i in mamen:
nit azoy a muze vi a muz in gramen,
vet fun im a mol a layt zayn! far damen!

dos paykl
ayngeredt dos paykl zikh a kind in boykh,
dos ken trefn zikh bay mentshn oykh.
ober az dos paykl *meuberes,
ver iz
der vos ken zikh tsu im glaykhn?
fun zayn boykh vet dokh aroyskumen der fidldiker fidl,
vos vet opshpiln der velt dos lidldike lidl
az di beymer veln tantsn, plyesken veln taykhn,
dos di gantse velt bay tsaytns muz shoyn filn,
vi azoy-zhe nit deresn *khevre-klezmer shoyn dos alte shpiln?
- shat! zog ikh aykh! (patsht dos paykl mit di tatsn) shat!
vos dos far a rimplenish? ir makht zikh narish glat?
vayzt der velt: ir oykh kent skripen vi di tir?
hert a nayem *shir-hashirim ikh trog oys in mir!
unter harts bay mir er drimlt,
vimlt,
un fun aykh se shimlt shoyn, se shimlt.
nemt der paykler hastik shlogn:
- eyder nokh bavizn epes rekhts du oystsutrogn,
kumstu shoyn undz *deyes zogn?
shtum!
- bim-bam-bum! bim-bam-bum!!!

di bin un di shpin
s'hot di shpin derzen a bin
fli'n
iber blimlekh dort aher, ahin,
khapn do a shmek,
dort a lek,
un im trogn gikh avek
in dem binshtok, vos er shteyt nit vayt
dort in a zayt.

"*gneyve! *gneyve! shrayt di shpin
meynst ikh ze nit? kh'ze! ikh bin,
bindele, an *eydes!
*lakkhnst do un *lakkhnst dort un a freyd iz:
honik! honik! honik makht di bin zol lebn:
kha, kha, kha! es iz dokh a gelekhter, kh'lebn!
s'iz der honik dayner
punkt vi mayner.
fremds iz dos dokh! *gzeyle! tfu tsu al di *sheydim!
ze! du gots gezegns!
ze vi ikh tsi fedim!
nor fun mir aleyn, nor eygns,
nor fun mayne dokh gederem.
freg *bekheyrem
tsi ikh *ganve.
oyb mayn vebekhts, i mayn kanve
vos ikh shpin,
iz nit mayne - zol mayn nomen nit zayn shpin!

- bizt gerekht! zogt ir di bin, nu *meyle -
host gepakt mikh mit a *gneyve,
s'iz mayn honik fremde zaft gor, *gzeyle!
kh'kokh zi ober iber loyt mayn *teve
oyf mayn ort un shteyger, un *keday iz:
s'vert fun ir dokh epes nayes,
zis, geshmak - a *khayes!
ober du! dayn vebekhts - et!
vegn vos ikh hob zikh do tseredt?
kh'lebn, nit *keday di reyd -
un di bin hot ire fligelekh tseshpreyt...

der brumbas
*oyr layehudimlekh! blintsldiker lomp
brent haynt fayerlekh, mit pomp.
di mizinke git haynt oys *reb *elye,
fidlt di kapelye
*oyzer-deliml et komp,
un me hulyet un me tantst azh biz der stelye,
lebedik un freylekh! nor der brumbas vortshet:
hulyet, - *mazl-tov - oysgegebn di mizinke!..
ver? tsvey hozn flinke -
*elye-shames un di krume khinke.
kukt zey on nor! beyde ayngehoykert un gekortshet!
un di *kale-khosn?
zi an *esreg, er a *lulev,
un - *kol simkhe vekol sosn!
khodorom der shulhoyf!
*efsher veyst ir vos? tsvey *meysim geyen tantsn!
*hefker petrishke un sholekhts fun marantsn!
ot azoy o, vortshet er, der bas - gezunterheyt!
ver-zhe hert im? nit di trube, nit der fidl, nit di fleyt.
s'iz shoyn fun *tomed on azoy: er brumt - zey shpiln.
un der fidl vertlt zikh halb ernst, halb in shpas:
ven men zol zikh tsuhern tsum vortshen funem bas,
voltn keyn mol nit geplyesket tatsn oyf der gas...
nor me hot tsum bas keyn *taynes nit: farkert, zey ale filn
oyf der grester *simkhe, inem *khasene-getuml -
volt der bas geshvign, volt er oysgefelt tsum ruml.

der gas-lamtern
oyf a slup a gas-lamtern.
brenen brent er fayn, *nishkoshe, s'heyst: nit shlekht.
un fregt-zhe ober im, iz durkh di nekht
konkurirt er mit di shtern!
er, der shayndling fun der gas, in gantsn ir *bakheynung!
mne... a bisl vegn zikh a hoykhe meynung...
*meyle, nu, azoy *bikhlal di *teve fun a hoykhn...
zol er nor di *teve nit misbroykhn.
vil er gor me zol im rufn *r' lamtern (*davke mit der *reysh),
un far vos nit take "*omed-eysh",
un iz *broygez, vos me hert nit, vos me rekhnt zikh nit mit zayn viln...
nemt zikh kegn im der gas-hunt biln:
vi gefelt aykh undzer shtern, undzer shtralndiker har?!
hoykh un dar un shmekt nokh nar.
meynt, kh'hob nit gezen anumlt
vi geblibn er tseklapt, tsetumlt
ven a *kundesl getsilt mit a farfoyltn epl
un getrofn im in kepl?

nit keyn kunts *a ponim vern groys bay zikh,
naft un fayer nem in kikh -
un *ogil veesmekh - kaylekhdik un shpitsik.
nor vos mer der *kapdn hitsik,
shtoltser nokh der slup farrayst dem kop
un er redt tsu der *levone: fayerdiker top!
nu, vos zogstu? az *klovim kegn undz eyn bunt?
vu nor a *levone, bilt akegn ir a hunt!..

reyner fun gold
zitst a goldshmidl bay zikh in kemerl
un es klingt dort, klingt dos hemerl
oyf a groys shtik gold, un klingendik,
klapndik un zingendik
tsum shtik gold mit libshaft redt es:

"lib mayn gold mir, ober ikh nit glet es!
na dir, na dir, na dir!
*tomer veynik, bin ikh nokh *menader:
eyns, tsvey, dray, un nit umzist!
fe! vi kumt tsu dir dos? *psoyles! pust!
neyn! mayn gold! neyn, neyn!
nit fun ershter probe du! nit reyn!"

hert dos a farzhavert shtikl ayzn un es zogt:
aha! me shlogt!
klapt im! gut! a *mitsve! dos hob ikh gevolt!
nit gezen azoyns nokh! a *metsie! gold!
oysgemisht mit kuper tsi mit mesh
un iz groys bay zikh! a *yesh!
kukt on mikh!
ikh bin take ikh!
ayzn! gole ayzn! gold mir nisht keyn *khaver!
kh'bin in *yikhes ayngetunken dokh, in zhaver!
ikh bin reyn! tsi *efsher nisht?
*efsher epes tsugemisht?
*aderabe, zol dos ver dervayzn!
neyn, nito keyn reyners fun farzhavert ayzn!

dos tsapl-mentshele
tsvishn heltslekh tsvey bavegt zikh, neygt zikh, beygt zikh
*odeml - a mentshl: "katshke ruk zikh" -
tsu derfreyen kleyne kinder!
ongetun in vayse heyzlekh, shvartsn frak,
oyfn kepl a tsilinder,
oyf di fislekh shikhelekh fun lak
un - vos beyze tsinglekh biln! -
khotsh se trogt dokh oyf di eyglekh briln,
zet dos mentshele nit vayter funem nezl!
(*meyle, *efsher shuldik iz dos oygnglezl!)

ober fort dos mentshele keyn *poshets nit: a filozofl!
kleynvarg ruft es: dokterl kartofl!
nu, filozofirt dos dokterl in briln.
vegn vos-zhe? vegn frayen viln!
lebn, klert es, leb ikh, *vehoraye:
ikh baveg zikh!
ober ot di frage vos ikh freg zikh:
di bavegung, tsi iz zi a fraye?
fun mayn frayen viln ikh tsu ir geshtoysn,
tsi ir *sibe nit in mir gor, nor in droysn?
oyser mir a *sibe dort aza
hot a *teve zikh tsu shpiln,
i mit mir, i mit mayn viln.
a? vos zog ikh, a?
lomikh okorsht zikh fartifn.
*sibe... droysn... di bagrifn -
hobn zey a *tokh? a *mamesh? iz zeyer inhalt vogik?
zog ikh *sibe - ikh gib nokh, ikh gib es -
muz di *sibe dokh fun ir zayt, *al-pi logik,
oykhet hobn zikh a *sibe... geyt a keyt fun *sibes
on a *sof un on a breg dokh... vi der droysn...
heyst es... vos-zhe bin ikh oysn?

on a *sof iz on an onhoyb, se farshteyt zikh... *nimtse:
kumt men tsu der ibertsaygung - klor aroyf *mimeyle shvimt zi -
az... az vos? se heybt zikh gornit on, se lozt zikh gornit oys...
*hakl gornit *shebegornit, gole gornit bloyz.
un in mitlpunkt fun ot dem gornit keyner, keyner nit nor ikh -
mit mayn frak un mit di shikh!

shtern
der *parnose-geber -
alter tseber
yornlang geshpayzt er di *beheyme,
i di ku, zol lebn, i di tsig, *afile di *khazeyrim
(khotsh di letste tsu fil shoyn gekrokhn im in di gederem).
demlt er geven a "*keyle shleyme"
"undzer foter", "undzer shpayzer",
un geloybt in tog arayn im, hekher hayzer,
itster oyf der elter, az shoyn opgedint, a *shivre-keyle,
valgert er zikh dort in "*moyshev zkeynim" -
oyf a kupe altvarg, nit geshoynt fun keynem.

kumt tsu geyn di teletse, di gele,
(er dokh nokh ir mamen oysgekhovet!)
tut a shmore mit di nozlekher un geyt zikh.
se shteyt nit on ir tatn, khotsh a lek tun im *bekoved!
un di tsig di narishe, zi dreyt zikh
un mit me un be in gantsn im *mevatl.
erger nokh dos vayse *khazerl, dos yatl -
mitn *kosher-fisl im getun a shtoys!
ekh farfaln! alts farfaln! oys!

- nit gezorgt, *akheynu ate!
treyst im alte shmate,
her zikh aynet nor, gloyb mir,
a *kabole ho'mir, veys: fun shmates vert papir,
klor papir far *muser-sforim, *haleluye-lider,
un deroyf bin ikh, farshteystu, shtolts!
un fun holts vert oykh papir, fun holts!
ze'mir, heyst es, brider, yo mir zenen brider!
un vos nokh? du megst es hern:
fun farfoylte heltslekh, zogt men, vern shtern.
un aleyn gezen ikh oykh:
holts geyt oyf in himl mitn roykh...
(nit umzist
valgert zikh *r' shmate oyfn mist,
er gevorn dortn "mistish", in *kabole *oysek.
iz in himl-zakhn er a *poysek.)
gleybt der tseber im... (*agev se gleybt zikh take gern...)
un genumen mit der tsayt der tseber klern:
tsi, ven nit di tsebers, volt *bikhlal geven in himl shtern?

*malokhim
yo, mayn liber fraynd,
yo, a mol *malokhim umgegangen borves, haynt
geyen zey in shikh.
un zey makht zikh oykh shoyn oyfn kop a plikh.
vayl m'shteyns gezogt *malokhim, hayntike *malokhim,
vos? a *khevre *poshete *nitsrokhim.
veynen oyf *mi-yikhye glaykh vi du, vi ikh.
shuldik gor in dem *r' *nakhmen byalik,
undzer *novi. er in *tsar un tsorn galik
oysgepoykt a *sod:
yidn, ayer got
iz a *yoyred *loy aleykhem, iz bankrot!
demlt altsding zikh a vakl: vu *emune? vu *bitokhn?
vi der roykh fun koymen, vi der shney faryeriker tsekrokhn!
un a tret-tsu ale mit a mol tsum himl-fentsterl tsum shmoln,
mit di alte vekselekh un mit a shturem: tsoln!
veysekh! *imru lelohim! red tsum lomp!
be! farhakt dos fentsterl... nokh *nile...
opgedankt di alte firme "*lili"
("*li hakesef, li hazohev"), *yah et komp!
un az oysgelozt a taykh zikh fun der hoykher fayer-kase -
di *meshorsim un *meshorsimlekh fun der *pamalye,
zey fun himl biz tsu dr'erd aropgeshvenkt a khvalye,
oyf der erd vos tut men? nem, khotsh tu dir on a *mayse!
az a *tsore: say a *galekh, say a *malekh, nit keyn *khilek -
do *parnose darf men, un *parnose iz nito, nito!
nit azoy *malokhim - mentshn ibrik do,
khotsh mit *sam vi shtshures zey fartilik!
az der mentsh vi tayblskoyt iz bilik!
az der *goylem gor dem mentsh aroysgeshtoysn!
*goylems, *goylems iber *oylem-goylem groysn,
*goylems ayzn... *goylems shtol...
ver-zhe darf shoyn haynt *malokhim? haynt iz nit a mol!

nu, *bekitser,
az dos lebn shverer un der toyt nit gringer,
zeygt men oys *parnoses fun di finger:

eyner vert a zitser -
*shive-zitser... ir farshteyt?
nokh a nontn *bar-menen ver ken dos haynt, ver meg,
ibergebndik zikh shtil zayn tifer troyer-leyd,
nemen gor in mitn havenish-geyeg
zikh avekzetsn oyf zibn gantse teg?
du vest zitsn un dayn veksl dort zikh protestirn,
tsi, nit do gedakht, dayn shtele kenst farlirn...
iz, az s'treft zikh - nit far keyn *shum yidn! -
kumt der *malekh *dikarnose
un er zitst far dir tsulib *parnose.
s'iz an oyftu, yo, i got i layt tsufridn -
tsivilizatsye!

gor an ander *eysek zikh gefunen *patsepatsye
er gevorn iz a niser,
dos aza *min *nemred, "noznshiser".
shteyt a kremer in gevelbl un er shvert zikh far a *koyne,
az der *pidyen haynt geshlogn... leyzn vil men gern,
lozt er op im a *metsiele in *kern,
un, m'shteyns gezogt, vos er fardint do, vintsht er nor a *soyne.
vakst derbay oys *patsepatsye!
un aptsi - aptsi - ptsipatsye!
*tkies, *trues un *shvorimlekh azoyne un azoyne,
oyf der gantser gas geblozn un geshosn.
zogt der kremer: zet ir, oyfn *emes er genosn!
un der *malekh khapt derfar shoyn zayns a groshn.

ho'mir zey farzorgt shoyn. un *kasriel?
er fargist tserisene kaloshn
mitn kayekhts
fun politishe *magidimlekh un nikhter shpayekhts.

un *shlumiel?
er gevorn a *kapore-hindl
ergets vu in a gezindl
fun khinezer.
az me nemt zikh dortn raysn far di nezer,
oder far di tsep,
er arayn in mitn un khapt oys di klep
un bakumt derfar fardinst a shisele mit rayz
(mer a klap tsi veyniker - eyn prayz,
kargt men nit keyn flyask im).

dos iz
zogt ir mir, *parnoses
nit *bekovedike far *malokhim? - *maskim!
ober di geshikhte vet nokh di *malokhim bentshn.
naye tsvaygn fun *parnose oysgetrakht far mentshn.

nor tsurikgeredt, ver ken oyf zikher zogn?
mentsh flit haynt mit luft-balonen, nit mit ferd un vogn!
hoykh un hekher alts - az voyl im!
ken er nokh far di *parnoses oykh bashafn zikh a *goylem!

benklekh
tsi gezunt dos, tsi *kholile krenklekh -
mit *hispayles zikh tseredt di benklekh
vegn, toyznt mol ikh bet aykh iber, vegn, zayt mir *moykhl, vegn *unter-kheylek,
fun zayn *koved vegn alts bashafn, er iz heylik
un derhoybn, un bay zayn *khshives
veykh un durkhgedrungen mit *anives,
nor di nidrike mit *rakhmim shetst er.
vos? *ma onu? *ma khayeynu?
*shofldike *bruim, kleyne,
un oyf undz zikh mit zayn *koved zetst er,
nor oyf undz un nit oyf hoykhn, breyt gegreytn tish.

- *yeshokeyni!
zol er kishn mikh mit zayne kish
mit di zise,
er der *meylekh yoyshev al hakise!
(eyns a benkl zikh tsebenklt in a benkshaft)
- *omeyn! (zogt dos tsveyte)
mir fun zaynet vegn shtey'mir greyte
say in *rakhves, say in engshaft.

- *emes (zogt dos drite) un vos nokh muz
yeder visn un gedenken: ale *sheve khokhmes
er mit zitsfleysh bloyz bahersht.
- dos a kleynikayt, dos vikhtikste vet kumen ersht:
nit mit *gvure, nit mit vunder fun *mitsrayim,
nit mit dunern un blitsn -
er mit zitsn
vet nokh opnemen *yerusholayim!

- aptsi! tut zikh shoklendik der tish a nis:
zayt ikh shtey oyf mayne fis
ikh azoy nokh, zogt er, nit genosn zis.

- oyfn *emes! - shrayen ale - oyfn *emes!

- in dayn shuflod! - tif in dayn *zikorn nem es!
- yo, yo, yo, gedenk!
vest nokh *zoykhe zayn derlebn dos mit undz in eynem.
un a tants vet zayn oyf tish un benk!

un der *sof? dertseylt nit keynem -
lang di benkelekh tsekrokhn un tsebrokhn
un me lebt nokh alts mit altn *koshern *bitokhn!..

*gvure
ver-zhe veyst nit az a *berye iz der hoz?
kert zikh iber oyfn rukn, falt oyf veykhn groz
un tseklapt di noz. -
loyft der hoz tsum vaser tun a trunk,
ersht a *lets mit lange oy'rn shtelt im dort aroys a tsung.
tut der hoz, farshteyt zikh dokh, tsurik a shprung
un aheym, aheym er trogt zikh tsu zayn hayzl.
ze: se loyft im iber oyfn veg a mayzl!
iz *avade dos a *simen dokh a shlekhter,
un ver veyst tsi iz nit dos di rekhte moyz
vos bay hozn tsit dos *khayes zi aroys
mit geveyn un mit gelekhter?

kerevet er oys der *shlimazl oyf links -
horkh: a dzhimdzhele a grings!
vos-zhe zol dos zayn? - a hint-gebil!
(*in der emesn tsevishn grozn shpilt a gril)
varft er zikh tsurik tsvalom, tsvalom oyf rekhts,
kumt akegn im a *gog megog,
oyfn kop tsvey herner, oyfn haldz a glok
(ver iz dos? - a tsign-bok!)
inem berdl zet men, az fartrakht er epes shlekhts!
nor vuhin antloyft men, az der *sotn
ale vegn vi fartsoymt mit drotn?
vert der hoz tsetumlt, veyst nit vu er iz,
in di oygn bokn, in di oy'rn glokn,
varft er zikh ahin-aher un tut dem bok in fus a bis!
do far zikh aleyn der hoz zikh shoyn dershrokn
un far zikh aleyn genumen er antloyfn, yogn
hendum-pendum vu ahin di fis im trogn.

un dernokh zayn lebn-lang der hoz gegesn zikh, gegesn:
staytsh un staytsh, aza laykhtzinikayt! vi meg men zikh azoy fargesn!
gut! mir opgegoltn grod! un ven *kholile nit?
ven der *mazik mit di herner mir gor git?
take, yo, *gvure past zikh far a hoz,
ober iberkhapn darf men nit di mos!

*odn *bifkedkhe
*odn *bifkedkhe - a hunt an *akhzer,
un geveyntlekh, vi a *kelev, vakh zer,
hit dos dobre-mazl funem *balebos,
hit er mit di tseyn un mit der noz,
un nokh merer mit der tsung.
ober
khotsh a hunt a grober -
nit keyn grober yung.
(er gehat a gutn *reben: dem *meshores fishke nasher...)
veyst dem *posek er: "*eyn tsadik asher"...
s'heyst geven eyn *tsadik bloyz, vos nit farzukht keyn pupik -
bin ikh oykh *mesupek...
iz derumekh muz a hunt, gedenkendik zayn *khoyv,
oyfn hoyf,
nit fargesn oykh in zikh
un a mol araynkukn in kikh.
kukt er -
kumt im a gebrotn taybele in moyl!
iz er dokh nit, *khas vesholem, keyn farrukter,
vos men tor nit, tor men nit, dos veyst er voyl.
lebedike taybelekh nit rirn vet er!
oyf gebrotene gefint men shoyn a *heter.
loyft er vi fun a biksele a koyl
ergets in a vinkele in shotn
tsu farzukhn dos gebrotn,
ersht - a *sotn!
fishke mitn shtekn...
zet nor, zet! er shlogt dokh, o!
havket *odn *bifkedkhe!
vos? oys velt? me tor shoyn gor in kikh arayn nit shmekn?
meynst, ikh veys nit, az... un az... un az es
iz a *khutspe un a groyser *azes,
du zolst lernen mikh "*loy signev"?
ot tseshray ikh zikh, az s'khapn zikh di kinder in di vign oyf!
zol men hern, zol men visn!
fishke ober hert im vi dem koter un shlogt op dem hunt dem bisn.

iz der *kelev oyfgetrogn, -
geyt um ongelodn, halt zikh in eyn klogn:
*gzeyle un *retsikhe!
zint der *emes iz geshtorbn, iz dos lebn mir nit *nikhe.

der mutiker
geyt aroys a mayzele oyf royb,
kukt ahin, aher, derzet a troyb
(emitser gegesn troybn dort *mistam).
s'ershte im oyfn gedankele gekumen: *sam!
un geklert tsu makhn fis,
nor farshemt zikh bald: er iz dokh shoyn a *khosn;
ven di *kale zet dos, lakht zi dokh, gevis,
un se volt ir *efsher gor fardrosn
un mit blikelekh mit beyze im dershosn,
tsi, *kholile, im mit negl-vaser opgegosn...
vert im in di eyglekh, nebekh, shvarts
un se nemt zikh on mit harts -
elehey der shvartser koter tut im a tsedroybl;
eyns un tsvey a shling arop dos troybl -
beser shtarbn sheyn vi lebn *mi's!

nu, un vos? dos troybl tsuker-zis!
un tsum tantsn gor se heybn zikh di fis
(vos... a *sakh den darf a mayzl, se zol vern *biglufn?).

brenen hoferdik di eyglekh, nemt es rufn:
ikh bin shpringer-shlinger, rayser-bayser, tseflik-fliker -
git aher dem koter mir, tserays ikh im oyf shtiker!

*akhberoshl
*akhberoshl
iz a mayzele a froshl
mit a fisele a lomen;
dokh azoy gemakht zikh bay di mayz a nomen!
ot der shnek
aropgebisn bay der kats dem ek!
opgebisn? yo opgebisn!..
ober *reyshes darft ir visn,
az bay mayzlekh baysn heyst oykh tun a krats,
*vehasheynes iz geven dos nit a kats,
nor a ketsl...
un dos ketsl - nit a ketsl nor a kletsl,
un dos kletsl - nit a kletsl, nor a pletsl
oyf a tetsl!..

di *behole
*itsele
opgetun di mayz a shpitsele.
a *ma-yaysenik! gekhapt a mayzele, baym ekele
tsugebundn im a glekele.
opgelozt es, loyft dos mayzele gikh, gikh,
glaykh in lokh tsu zikh.

nu gevorn dort an iberkerenish, a *khoyshekh!
bin umshtand den tsu bamoln dem getuml, dem geroysh ikh?
yogndik,
vi *farsamte shretelekh ahin, aher zikh trogndik,
eyns iber dos andere tsemishte mayzelekh zey shpringen
un zey fregn: nu, gehert, gehert a klingen?
un in gribl,
bay der prizbe funem untershtibl,
zitst a *knufyele tsunoyfgetulyet
un me shushket zikh dershrokn:
- horkht ir? zogt a moyz a *zokn,
horkht ir? dukht zikh mir, an *akhberosh dort hulyet!

- vos? an *akhberosh? vos heyst dos? - s'iz aza *min *letsl,
vos se vert *megulgl in a ketsl,
un s'hot royte hernerlekh!
az men zet es, tut men zikh a tsi baym oyer, a nis,
un me zogt: oyf puste lekher un oyf dernerlekh!
nit, *kholile, shnaydt men opet *mi's! -
un in vinkele baym fesl
shteyt an *akhberl, mer toyt vi lebedik - a *mesl!
un mit im tsvey damen,
vayse, *khosheve, mit goyderlekh,
eyne fun der heym aroysgekhapt zikh, tsugezogt nit zamen -
un in mitn gor a klingen! shoyderlekh!
*khalesht zi, farvarft ir kepl oyf zayn pleytse.
eyne tulyet tsu zikh, flatert: oy, vos tut men? git an *eytse!
er zey glet, baruikt mit a shmeykhl:
- nu, genug shoyn! lange ekn - kurtser *seykhl!
vayber... nit keyn kleynikayt... dershrokn... vos?! a kling! -
plutsim, in di reyd - ding, ding!
er derhert dos glekl un *vayivrekh! zey im nokh
un arayn in lokh!
nor fun dortn *teykef zey aroys.
undzer moyz
mitn glekl ayn un oys,
vi a skrukh, a krats-krats iber ale lekher.
vey! der *pakhed klingt alts hekher, hekher,
er fartoybt, tsetumlt ale mayzn-keplekh.
me bahalt zikh oyfn oyvn, in di teplekh,
untern tirl bay di treplekh,
der fartsveyflt shpringt in nontn taykhl
yene loyft un treft in koters *treyfe-baykhl. -

un der *gilgl? oysgetsoygn - loyfn shoyn nit meglekh! -
ligt zikh ergets, flatert, kukt tsetumlt mit di eyglekh
un a vunder: *akhberosh, fun ale mayz der shrek,
zikh aleyn dershrokn, far zayn eygenem ek!

der fus
ot azoy dertseylt zikh in an altn klugn bukh:
oyf a fus zikh ongezetst nit tsu der mos a shukh.
epes felt im in der breyt, nokh merer in der leng.

- fintster iz mir! biter iz mir! eng!
(shrayt un tsaplt zikh in klem der fus)
geyn vil ikh! ikh darf! ikh muz!
un s'iz nit tsu rirn zikh. gevalt, vos iz dos far a velt!
nor oyf kvelenish, oyf payn un plog geshtelt!
kvetsht der shukh, kumt tsu nokh a mazolye!
vi a hinernogl a fasolye!
ay, pamelekh!.. ay, ay, ay, pavolye!..
ver oyf mir dort ongetrotn?..
hot *rakhmones, mentshn! vos vel ikh aykh betn:
nemt a hak un hakt mir op di finger!
*efsher mir a bisl loyzer vern, gringer!
tsu mayn *sof vet zayn an ek! un *poter!
nit keyn *make, nit keyn bloter!

- zol nit zayn dir, bruder-leb, fardrislekh!
(ruft zikh on der klorer zok)
redst dokh, zay mir *moykhl, vi a nar! ikh zog:
ver s'hot hineroygn zet nor nakht un nit keyn tog!
mikh her, mikh: bay mayn geboyrn mir geshtelt di bobe shpislekh,
hob ikh reyne, klore oygn...
ze ikh: breyt di velt ligt oysgetsoygn,
breyt un groys, un fray, un likhtik,
megst mir gloybn, ikh ze rikhtik!..

- dos nit vikhtik
(tut der fus a tupe shtreng)
vos mir velt iz breyt? mayn shukh iz eng!

*shlemiel
- du *shlemiel! du pantofl-held!
shemst zikh gornit far der velt?
(shmayst dos shnirl funem shikhl dem optsas)
oyfn kop im tret men, un er meynt - a shpas.
sheyn tsu lozn tretn oyfn kop zikh? sheyn? -
un es lozt nit op dos shnirl, neyn!
tog oyf tog alts shmitslekh, shmitslekh
un: *shlemiel! un: *loy yutslekh!

biz tsum *sof a khap geton zikh der optsas:
- take *emes! ikh'l
lozn tretn zikh fun epes dort a shikhl,
i in shtub, i in gas?

*loy
mit an *alef, shikhele! azoy
vayter vet nit geyen! -

un genumen der optsas zikh dreyen,
er fun unter dem pantofl muz afir er, muz!
shoyn genug gelozt zikh tretn mitn fus.
shoyn genug *bizyoynes un *yisurim!
altsding hot a *shier! (ir hert *diburim?
im aleyn *gekhidesht un geshrokn zayne reyd!)
un gedreyt, gedreyt
un zikh take oysgedreyt!
ober vos? nokh vos? umzist!
oysgedreyt zikh fun pantofl un arayn in mist!

khesl mitn fesl
khesl
trogt a fesl
oyf di pleytses,
un dos fesl kligert zikh un git im *eytses
- shtey!
neyn, vos zog ikh? gey!
nit aher, du *goylem du! ahin tsu drey!
stop!
veystu vos ikh vel dir zogn?
*efsher oyfn kop
volst mikh getrogn?
ot vi yene slupes, di lamternen?
oder vart! (az lernen darf men im, nor lernen!)
oyf dayn brust mikh nem
un farklem
vi a reyf in dayne orems mikh!
nuzhe gikh!
folg dayn fesl un nit reyts es!

- vos? tsit khesl mit di pleytses.
oyfn harts un oyfn kop dikh? *pshite!
*efsher gor oyf dr'erd a bisl? bite!
ot azoy o! dukht zikh glaykher, kler ikh! -
un dem fesl fun di pleytses khesl git dem *derekh!

shkarpetkes
mit a shkarpetke *afile tor a *moshl zikh nit shemen.
redt di shkarpetke, tsu vemen?
tsu di shikh:
ikh badin dem fus, ir - mikh.
un farknipt, farbundn mir, natirlekh.
ir tsu mir mit shnirlekh,
ikh tsu im mit bendlekh,
un deriber, zelbstfarshtendlekh,
bin fun aykh ikh elter, vi der fus fun mir...
o, vos dreyt ir zikh dort oyfn knafl? hert nor, ir!
oykh mir layt! ver, meynt ir, zent ir? *efsher kleyder?
vart a bisl - *mirtshem *purim nokhn *seyder.
*khosedarges zent ir! fel fun grobn leder,
s'iz far aykh a *koved dokh, a *zkhus,
az di shkarpetke vos nemt arum dem fus,
ikh, zayn layb-fraynd, loz arayn mit aykh zikh in a *shmues.
kusht mayn pyate-zhe un redt nit! shat!
un der *tsad
*shekeneged
*taynet: - *aderabe shkarpetke iz nit keyn *beged,
nit di vert zi undzer knafl, nor a *tofl
tsu di shikh un di pantofl.
shpinvebs! *kosher fodem!
un der fus, er hert un tut zikh zayns: er tret di beyde *tsdodim!

vayzers
yeder brengt nokh zayn *yekhoyles:
ver an oks, un ver a *korbn-soyles.
ikh - tsvey vayzers fun a zeyger
shenk ikh aykh, a groyse hofnung - treger!
orem mayn *matone,
ober *iker nit di vayzers - di *kavone.

- hayda, krikher
rir zikh, rir zikh, gikher!
tsu zayn *khaver zogt der groyser vayzer.
oykh a geyen! hekher hayzer!
dos heyst geyen mit der tsayt?
ze nor! ikh azoy shoyn vayt!
bald dem gantsn veg ikh durkhgemakht,
dem arum-arum *mealef vead tov!
un er krikht nokh! sha, mir dakht,
er iz ayngeshlofn gor! nu, shlof!
zise dir *khaloymes: opgeshtelt di zun zikh un zogt *shire...
in *atune,
dort a *khokhem eyner oysgefunen *al-pi *khkire:
nit di tsayt nor mir aleyn gor dreyen zikh *meshune...
un der *malekh hamemune
oyf tsebrokhene zeygerlekh - (zayn nomen,
dukht zikh mir, *shih"e-pih"e)
opgeshtelt di tsayt: nit fli!
frey zikh un zog: *omen!

- far dayn rede dir a dank!
(zogt der kleyner vayzer) ober her:
shrit bay shrit un shver
iz mayn gang,
nor tsu gutn, yo, tsu gutn!
ikh vayz *shohen, du minutn!

di *boykh-svore
kaylekhdiker boykh, -
nit der trelboykh fun *r' *khone-khaykl
nor der *klezmer-boykh, dos paykl,
barebanet hoykh,             
mit zikherkayt, a *svore:
vos heyst *kol? ikh zog
*kol iz - tog!

teg faranen vayse, klore
un dos likhtikayt se geyt!
gist zikh vi di *koyles fun a fleyt
veykh un glatik, varem un bahartst.
un se git zikh oys a tog farkhmuret un farshvartst,
*broygez-brumendik un nas,
vi dos vortshen funem bas.
vider makht zikh teg fun shrayerishn likht,
vos se shtromt gedikht
vi di gembe fun trompeyt,
un az got farglust zikh (zol er mikh nit shtrofn far di reyd!)
shenkt er teg nit tunkle un nit hele,
nor azoy zikh koytik-gele
vi dos rimplen fun a *shivre-keyle,
nit ahin un nit aher...
itster lomir okorsht tun a kler
vos *bikhlal iz tog:
tog iz plog,
ay *shabosim, *yomim-toyvim?
hot a *kabtsn raykhe *kroyvim!
(dos dem *badkhns iz a zog)
heyst es: *kol iz tog.
un tog iz plog,
plog iz shtrof.
shtrofn kumt di shof
vayl zey kayen groz um *tishe-bov
un zey trogn herner vi der tayvl;
dos di *mayse: vu a pastekh - shpilt er oyf a fayfl.

dos knepl un di petelke
zis di libe, shmekt vi epl.
kumt der finger, pikt in knepl:
"epes bistu, bruderl, mit der petelke
gor a gantser shmelke.
ver a shteyger, tshepet zikh tsu vemen?
zog, nito zikh vos tsu shemen!.."

- ver? farshteyt zikh: zi tsu mir!
hengt zikh on mir oyfn haldz,
nemt arum mikh... lozt nit op mikh alts.
herstu, blaybn zol es, fraynd, bay dir:
mir shoyn, kh'lebn, *nimes... altsding hot a *shier!

- *nimes? (tut a khap zikh di petelke) *nimes?
neyn, zi vet nit shvaygn! zi muz
im shoyn vayzn! umderhert! gemeyn!
iz
ir a *nikhne, krikht in di *gargeres
un tsum *sof gor makht er onshtel, krumer *kheyn!
zol er geyn!
zol er vartn biz zi vet im rufn!

- k-k-kuk! far *kas dos knepl zikh tsehiket azh mit akhtsn *kufn.
ikh a *nikhne! vemen? ir gor? a *metsie!
vargt mikh... oyfn haldz a *tlie mir, a *tlie
un zi meynt nokh, ikh vel rufn zi!
gey, ver darf dikh? gey dir! fli! -

- flien? oy volt er gefloygn! shoyn! di *sho!
iz er ober tsugebundn do.
tsugebundn? tsu vemen? *sheydim veysn, *sheydim!
epes bindn im do fedim!
epes halt im tsu! -
kneplekh hobn lib di alte ru...
kneplekh kneplen zikh, abi zol zayn nor vu.
bet zikh knepl mit petelke iber.
vider "libe", vider "liber",
un me nemt arum zikh, un me haldzt zikh vider,
vi se shteyt geshribn bay di dikhters in di lider.

di kleydershafe
dos an alte zakh, nito shoyn vos tsu klern:
altsding redt! me darf nor kenen hern.
un az shver dayn oyer,
nem an ekberl un boyer!
nokh dem tsu der tir fun shafe leyg im tsu,
ot azoy vi ikh a shteyger tu,
vestu hern sheyns: me redt!
(got mit dir! *kholile nit keyn *shed!) -
di *malbushim *broygez: - m'hot in *tfise zey farshpart.
voltn zey gevust far vos khotsh, volt es nit geart.

- az me shtroft iz nit umzist!
veys un ken zikh ver du bist!
(di kapote redt, di zaydene, di frume)
zet dos kurtse veytikl! es shtekt in im di *tume!
un dos royte hemdl mitn sprontshikl in mitn!
un dos samet kleydl, vos baym heldzl oysgeshnitn!
*khutspe un *hefkeyres!

- meglekh, yo, gerekht zent ir!
ober, az m'zukht *aveyres,
shat nit, kh'lebn, zikh a tap tun frier:
nit farblibn epes fun di *rosh-eshone-tashlikh!
(zogn di lakirene kamashlekh)
tut a tap, *zayt-moykhl! ober gikh!

- du azoyner, du azelkher! ikh?!

- lozt gemakh! hert beser mikh!
(bet zikh a zaydn hemdl) krigerayen on an ek
un fun *emes mir avek!

- shat! lozt redn! shrayt dos vestl.
zog mir hemdele, far vos farshlosn ikh in kestl?
ot in dem o, in der fintster?!
zog, faran oyf mir a flek a mindster?

- un az yo? glaykh veynik oyf der fray dort shmutsike un *mi'se!
un far vos grod undz farshlosn do in *tfise?

- yo, nu, dos tsu visn bin ikh oysn!

- nay un *yomtevdik mir farn droysn!

*yosl stolyer
gute mentshn, voyle!
hot *rakhmones! undzer tish a *khoyle!
ayngetsoygn, *loy aleykhem, im a fisl,
hoydet zikh a bisl,
un a tish iz dokh geglikhn tsu a mentsh, gedenkt!
az a mentsh, *kholile, krenkt
shikt men nokhn *royfe, un er brengt
di *refue, oder,
oyb es shlogt zikh nokh an oder,
heyst er betn *rakhmim...
un a tish ken helfn nor *r' *yosl stolyer.
mit zayn zeg un hibl shpilt di rol er
funem *royfe *khayim-nakhmen
mit zayn sher, zayn rerl un zayn shpritser.

*kitser,
kumt *r' *yosl
(tsvishn ale shnayders volt geven er gor der bester shuster).
shmekt er tabak, hust er,
un dos *ponim vert im shtrenger.
zogt der doktor *yosl:
a fardrosl,
ven eyn fisl lenger,
volt di operatsye dokh tsugegangen gringer.
mitn kuk volt ikh gemakht zi, mitn mindstn finger,
itster... et! nito keyn *eytse... saydn
shnaydn,
kirtsn yene... ale fislekh dray...
un er vart nit: eyns un tsvey a shpay
in der hant, un zegt.
shrayt der tish: gevald! ver hert im den? ver fregt?
(*shoyte, veyst nit az a stolyer glaykht a fisl,
muz men laydn, tu es vey a bisl)...
un *befeyresh nit umzist der tish gelitn,
a *refue! s'kranke fisl glaykh tsum tsveytn un tsum dritn;
shlekht nor vos dos ferte tsu farshnitn!
s'treft zikh - bay a partatsh oft, bay *yoslen eyn mol in a *shmite!
nu, farfaln! *meyle... s'faln nokh nit um di vent...
nor vos tut men? *efsher unterleygn gor di hent
tsi a *sider?
shnaydt er vider
s'ershte, tsveyte, drite,

ersht - dos tsveyte hinkt!!
*yosl fun di *keylim azh er shpringt!
dokh farlirt er nit keyn tsayt,
zegt er nokh a mol un shnaydt,
nokh a mol un nokh a mol, ahin, aher -
stop! nito shoyn vos tsu shnaydn mer,
shteyt er, *yosl, un batrakht, tsefirt di hent:
ta!.. ikh mayns geton... beser helfn zikh shoyn nit gekent!..

*r' *shepsl-shnepsl
vuhin fort a yidl?
oyfn yarmolinitser *yeridl!
yarmolinitser *yeridl falt dokh oys nokh *shvues,
tsayt shoyn es zol sheyn zayn. neyn! iz leygt zikh oys a blote,
un der regn gist un trakht nit oyftsuhern *les-ate.
vos-zhe tut men? zitsn vartn oyf *yeshues?
dingt *r' yidl zikh a *bal-agole un er hot mit im a *shmues,
kurts un sharf: parshoynen eyner, er aleyn,
ferdlekh dray;
laytert oys zikh oder neyn,
forn fort er say vi say!

morgn far der tir zikh opgeshtelt der *bal-agole
(er geheysn *shepsl,
khotsh gerufn *khevre im *r' shnepsl;
un az *khevre im azoy gerufn,
meynt ir dokh, geven er shtendik *mole?
*has milehazkir! *shiker nit, azoy zikh *biglufn)
kumt aroys *r' yidl, tut a kuk un vert *retsikhe:
"staytsh! *loy day
ferd nor tsvey - parshoynen dray?!"
shmeykhlt *shepsl: "nu, *r' yidl, aykh nit *nikhe?
shoyn tsebeyzert zikh? aha!
zogt, ikh bet aykh, zogt farkert:
bilkher ver iz? mentsh tsi ferd?
mentsh! aha! a yo?
haynt, az ikh gebrakht im mentshn *bimkom ferd,
hot er *taynes gor! ir hert?"
vos-zhe zol *r' yidl tun? er tut a shmeykhl
un er entfert: "*al-pi *seykhl
altsding *kosher, rekht un keyn *khisorn;
ober *sonim zoln mit dir forn!"

*r' *akive un der ber
veysn, veyst ir dokh *mistam shoyn, libe kinder,
az der groyser *r' *akive *bokhervayz gefitert shof un rinder,
nor nokh demlt er geven shoyn - er,
un vi mit di shof zikh durkhgeredt *afile mitn ber.
geyt a *moshl um fun demlt biz aher:

eyn mol ven di himlen shpaltn zikh *heshayne-rabe,
shlofn zikh geleygt der ber *r' *abe.
kumt tsu *kholem im zayn frume babe,
nemt arum im, haldzt im, glet,
honik rint fun moyl ir un zi redt:
gey, mayn kind, tsum pastekhl *akive,
zog im: du gey lern zikh in der *yeshive,
ikh far dir vel fitern di shof,
vestu vern mit der tsayt in vald oyf mayn ort *rov,
esn honik fun di binshtokn fun gor der *svive.

khapt zikh oyf der ber un funem himl durkhn shpalt
nokh se kukt tsu im dos groyse ber-geshtalt...
zet er dokh bashaymperlekh dos iz *min hashomayim,
lozt er zikh tsum pastekh raptum in eyn otem
un dertseylt dem *kholem akurat, mit ale *protim,
zetst anider zikh, fregt umgeduldik: nu, *kehayem? -
zogt *akive: *abe, *abe!
mayn babe in *gan-eydn zikh *besholem,
dayne geyt gor um tsu *kholem!
trog-zhe op zikh! zog dayn baben:
vos nokh nit *gekholemt zikh *akiven, zol nit *kholemen zikh *aben!

shmekndike fish
ergets vu in an *akhsanye
*sokhrim tsvey farforn,
eyner *horn
un der anderer *khanine.
nu, derlangt tsum tish
di *balboste shmekndike fish.
- esn, zogt zi, meg di fish der *keyser! -
fefer, tsimring, negelekh un fish-yoykh heyse -
keyn *katoves!

- herst, *khanine, vos ikh vel dir zogn gor... *makhshoves...
epes hob ikh oyf di fish a *khshad,
(*horn roymt im ayn *besod)
shmekn epes zer!

- her nor, her!
a *khisorn vos di *kale iz tsu sheyn?
meynst *beemes, *horn?
vilst nit esn? lebn zolstu *mesushelekhs yorn! -
un *khanine est di fish aleyn.
est, fartrinkt a glezl
un er vitslt zikh: *lekhayim, eyzl!

opgegesn, opgebentsht, geleygt zikh shlofn,
*kholemt zikh *khaninen a *meshune *kholem:
s'lebn nit di fish in boykh *besholem;
a *makhloykes: iber bronfn makht men *shehakl tsi *hagofn?
dos *makhloykes undzer *oyrekh
opgekost a *momen *koyrekh,
un gemolt -
shier nit mitn lebn er batsolt,
iz aroys nokh vi a *keyser.
nor fun demlt a geniter shoyn, a veyser,
hit zikh, makht er mitn finger: zay keyn *tipesh!
unter negelekh un feferlekh bahalt zikh oys der *ipesh!

*khelbne
s'iz a *svore,
tsi mir dakht zikh ergets gor in der *gemore
hob ikh es a mol gezen,
az der *khelbne fun di *ktoyres iz geven,
veyst ir vos? ikh shem zikh gor tsu zogn aykh *afile
saydn oyfn oyer: tayblskoyt, *mekhile!
s'iz a *mayse fun tsurik mit *doyres,
ikh bin nit geven derbay,
nor dem *moshl megt ir hern say-vi-say.
darf'n heyst es tayblskoyt, *lehavdil, tsu di *ktoyres,
tayblskoyt iz tayblskoyt.
tsvishn gute *bsomim meg dos oykh zayn far a noyt.
shikt men tsu der toyb gikh a *sheliekh
un er zogt ir: serdtse! zay zikh nor *matriekh,
gib a bisl *khelbne, es zogn di *khakhomim:
m'darf dos tsu di *bsomim...
- *makhe-teyse, zogt zi, mitn grestn fargenign!
nor ikh vil far dem a zisn knish
funem *meylekhs tish!
- vos? hot der *sheliekh oysgeshrign:
host far got keyn *moyre?
*khelbne iz nit keyn *bsomim fun *merkhakim!
- veys ikh? zogt di toyb, az tayblskoyt iz oykh a *skhoyre -
tsol far ir *mamtakim!..

dos lubliner fesl
mir dertseylt dos *moshl hot mayn elter-zeyde,
im der dubner *magid - mien zoln zey zikh beyde,
*r' *gedalye *oksn-soykher iz gekumen fun lublin
(ale yor fleg forn er ahin)
un gebrakht mit zikh a *pele,
epes a *min gele
*keyle,
a naymodne - khapt dem onblik fun der mume pesl:
baykhik, vi a kleyntshik fesl,
oyfn heldzele a kepl mit a *shoyfer-nezl,
un me zogt gor: mit a blozzak az me fokht oyf im, me fokht,
zidt es vi di mume pesl un se kokht,
un es tsapt zikh fun im varems in a glezl.
vos a velt baklert!
*benemones, s'geyen um *malokhim haynt oyf dr'erd!

oyf *khidushim zikh tsunoyfgelofn ale *shkheynim.
nemt aleyn *gedalye - er farlozt zikh nit oyf keynem,
nit oyf zayn *meshores, nit *afile oyf zayn tokhter,
er aleyn nor mitn blozzak fokht er.
fokht *balbatish, fayn, nit shtark, nit shvakh
(nit keyn kleynikayt, di mos tsu khapn bay a yeder zakh -
"khap nit iber!" shteyt in *peyrek).
fokht er, un arum a redl shteyt a rod naygerik:
ot-ot-o! a *nes geshen!..
nor umzist! nito nokh vos tsu zen.
klert *gedalye, leygt tsum shtern tsu a finger.
*efsher pruvn gringer?..
neyn un neyn! es vil nit kokhn!

- lozt, zayt *moykhl, *r' *gedalye, mikh!
(zogt a *shokhn) fokhn darf men shtarker, gikh!
un *r' *gedalye hoybt on fokhn,
blozn,
shtarker, shtarker mit an impet, a *yirgozn.
veys ikh vos! dos fesl toyt vi ale toyte.
un keyn *khidesh nit: fargesn undzer *shoyte
in lublin tsu fregn,
tsi men darf in fesl fayer leygn.

un farblibn iz a *maymer
funem *magid, vos m'ruft im *potish khezak"
(heysn heyst es: shtarker hamer):
iz nito keyn finkl - varf avek dem blozzak!

der vuntsh
- kum mayn taybele, di royte fislekh dayne,
dininke un fayne,
oyf mayn rukn zoln tretn!
kh'vel a *nikhne zayn dir, tun dayn viln eyder du vest zogn,
ikh dikh in ek-veltn trogn,
un *akhuts
ale mayne *oytsres dir un al dos guts!
(far der toyb der *khazer zikh gebetn)

- gurr! *khazeyrishe *oylem-haze!
zi a vorke un avek. (a *hoze!)

*tomer veynik, trogt es on di kro
un zi reytst im: - vos toyg *mazl, az keyn *seykhl, oy, nito?
vos getrakht zikh? fun der toyb vet *khazer vern sheyn?
- neyn!
(shrayt der *khazer) a kapriz:
*khazer vil, di toyb fun im zol vern *mi's!

a *shmues
- hartsik-ziser foter!
zogt der hunt tsum koter.
ir gehert? me *shmuest, a nit-guter
oyfgegesn haynt in kelerl di puter!
- mya, zogt der koter, vos-zhe art es mikh?
- ober, yo... gehert unter der tir:
der nit-guter - dos zent ir!
- vos-zhe art es, *kelev, dikh?

der papagay
neyn! keyn zakh nit shver, abi s'iz nor do viln!
eyn mol papus papagay zikh oysgelernt biln
un genumen tsu der arbet zikh: a shorkh, a rir
koym geton in foderhayzl bay der tir,
nit keyn *nafke-mine ver: a *shokhn, a *ben-bayes,
der *balbos *afile - bald a havkeray iz:
hav-hav-hav un hav-hav-hav!
biz er vert nit mid iz nemt keyn *sof!
un nokh vos? nu fregt *bekheyrem!
glaykh gedungen, glaykh gebetn ver im!
komish!.. un es kost dokh, dukht zikh mir, gezunt!
neyn! keyn kleynikayt nit, az a foygl vert a hunt!
epes iz dos havken foygldik! *meshune vild! -
eyn mol zikh der papagay tsebilt,
nokh im *yoktn
oykh aroys mit tsingele getoktn.
(khotsh a shnekl - veyst shoyn *davke:
biln hint, tu ikh a havke!)
nokh a vunder! *r' *pedhatser, der kudlater, der *bal-kasn,
er, der alter *kelev, ligt zikh shtil, gelasn!
nit zayn *eysek! hot zikh tsayt *les-ate.
- tate, havket *yoktn, tate!
nu vos shvaygstu? herst nit? a gebil!
- shtil! tsebeyzert zikh *pedhatser, shtil!
do lig, shrayt er, do baym toyer!
un er shlept dos zundele baym oyer.
aza vevrik! zikh tsehavket! *efsher veystu vos!
kukt oyf yenem pik'holts mit der krumer noz!
zolst oyf im nisht kukn! herst? tsu getray er!
fe! a nokhgemakhter hunt, a papagay er!

a *seykhl fun a flig
bay di binen, veys'mir, in gevise teg
a *mehume, a geshleg,
un s'geyen, got bahit, *retsikhes un *hariges.
eyn mol hot bamerkt a flig es
un zi zogt der giftiker *khevraye:

"klert mikh oyf, ir arbetorer getraye,
vos gefunen plutsim ir an arbet zikh a sheyne,
*meymesn zikh oyf *sakones?
vi m'hot es nit oyf zikh aleyn *rakhmones!
glaykh m'lebt tsu fil! m'shteyns gezogt, *ma onu, *ma khayeynu?
zum - zum - zum un oys! iz hit dos shtikl lebn, hit es!
neyn, me makht oyf zikh aleyn gor *shkhites!
nit keyn reyne zakh dos, *benemones!"

"veys ikh, zogt di bin, es pikt mikh oykh di *shayle.
shtarbn keyn mol shpet, un lebn vil'mir ale!
nor vos den? ikh veys? me zogt, a *toyve farn *klal,
s'iz a muz, in binshtok eng!
un dertsu darfst visn, bruder, az *bikhlal
ayngefirt bay undz in binshtok shtreng;
nit vi flign *hefker undzer folk,
on an oyberhar *kholile! distsiplin!
a bafel fun undzer *malke gingold-gin -
un der gantser binshtok in eyn *kol: ikh folg!
un m'geyt! oyf lebn un oyf toyt! me fregt nit iber!"
take, nu? azoy, azoy, mayn liber!"

"zo-zo-zo (zikh kratst dos fligl
mit an untersht fisl in a fligl)
vart, zayt *moykhl, vart nor! ikh farshtey nit, neyn!
*klal - *mesires-nefesh - ordenung - zer sheyn!
ober vos a yeder gor oyf yenem gor? *loy day aykh
*kitser yomim, felt nokh merderay aykh?
iz shoyn *hargenen, iz nemt un *harget yeder zikh aleyn!
glaykher! i dem *klal gezunt, i farn himl reyn!

der polonik
hert a *kol vi funem nopl.
der polonik redt tsu lefl-gopl:
az di dinst a *shlimezalnitse, iz vos hart mikh es?
nit mayn *eysek!
nor vos-den-zhe? az di yoykh iz *ketsapikhes
vi a shkrab in *esik,
muz baym tish ikh shrayen: malye!
malye makht in gantsn *kalye!
ir farshteyt: dem *emes muz ikh zogn!
*emes, kinderlekh, bay mir vi vayn baym *shiker!
meg *afile malye raysn fun mir shtiker,
nemen nokh dem putsn, raysn azh s'zol nogn,
makht nit oys bay mir, far lib ikh nem es!
farn *emes!.. farn *emes!..

- dos iz, mol dir, ersht a *shayle!
(zogt a gopele mit sharfe tseyndlekh)
vegn *emes redn ale,
un derbay zikh yeder zayne meyndlekh.
du vos meynstu: *emes? puste niselekh!
lib du tsu tsetrogn alts oyf telerlekh un shiselekh!

oyfn polumesik
a polumesik a breyter oyfn tish
in polumesik a fish.
un a vunder:
khotsh der kop, der boykh, der ek bazunder,
tsvishn zikh oyf *shtum-loshn di shtiker redn
(oyf dem *loshn redt zikh iber nakht mit nakht,
nit keyn *kol un nit keyn vort, dergeyt es dokh tsu yedn,
ver es plaplt veyniker un merer trakht)
- ver, nokh vos aher tsu mikh gebrakht?
(fregt der kop an alte *kashe)
un fun vanen gey ikh un vuhin?

- sha!..
nit *keday tsu fregn *shayles fun dem *min,
(shtilt im ayn der feter boykh)
nor, oyf ale *kashes zukh a *terets dir in bisl yoykh.

- ikh zog oykh dos eygene, ikh oykh.
(mit a *khshives *maskim iz der breyter ek.
nit keyn groyser *khorets,
ober vontses vi a shlakhtshits, vi a poylisher groysporits).
biztu in polumesik, iz filozofyes avek!
un *kol zman faran a bisl fishyoykh, khap a lek!
- akh, vos redt ir? es farfelt dokh otem, eng do, eng!
epes dakht zikh mir... vi durkh a *kholem ikh gedenk...
ekh! a mol geven un haynt nito shoyn...
- vos? gib *loshn!
(shrayt der ek)
- yo, a shisl ergets vu faran... a shisl on a breg.
dort nito keyn ikh un du... nito keyn trukenish.
ikh un du un er eyn gantskayt dort... eyn fish...
un in eynem shvimen mir in fishyoykh, tsaplendik far freyd,
ir farshteyt, dos, bruder, ir farshteyt?
- vos do tsu farshteyn den (zogt der boykh), farshteyt zikh, bizt a lekish!
- ye, (git tsu der ek un shmeykhlt ekish)
ven in kop a tropn *seykhl khotsh faranen,
volt dokh im der boykh farshtanen.

di kats in shpanye
tsugegesn zikh der kats dos *lakhme-anie,
vos in kikh es varft ir tsu dort *khaye-tanye,
un avek zi azh keyn shpanye.
vos epes keyn shpanye? - ir dertseylt an alte pitseritse,
az gehert zi fun an alter salamandre,
di *tsadeykes, tokhter fun der frumer inkvizitsye:
shpanye iz a heylik land, *minhogim dortn andere,
dort gebrotns darf men zikh far gelt nit koyfn,
in di gasn brot zikh oyf a shayter-hoyfn!
un *kol dikhfin - *yeysi!
vilst gebrotns - *makhe-teyse!
es un zol dir voyl bakumen!
un me vil fun dir nit gornit nor a kleynikayt:
vash zikh, bentsh *mezumen,
zog a loyb tsu der drayeynikayt,
*kudshe brikh hu veshkhinaseye,
un zeyer zun, der *goyel, der *meshiekh!
trogt di kats zikh iber felder-velder vayse un tsegrinte.
un zi halt in eyn myaken: mi-mi-mi-ekh!
heysn heyst es: mikh hot dort in zinen, mi-ekh!
vart! ot kum ikh shoyn! ot fli ikh!
un zi flit... se flit oykh ir gedank!
ot-o rut zi oyf a veykher bank,
s'kotsl kumts, se shitn zikh oyf ir a regn
un me trogt ir pupiklekh un leberlekh akegn!
un me shtupt zikh un me halt zi in eyn fregn:
iz aykh nokh der heym nit bang?"
"vi geven der veg aykh?" un der veg - oy vey! - iz lang!
erger! lenger nokh fun lang... *vayehi mikets
az di kats a mol shoyn ongekumen hungerik un krank,
ersht a naye nayes: shpanye hot zikh ire kets
un zey dreyen oykh zikh um dort shling un shlang!

tsvey ketslekh
nit keyn diment kitsi,
nor ir shvester mitsi
shteyt nit op, *nishkoshe oykh a shlak!
un me lebt in eynem vi in eyn farmakhtn zak.

eyn mol nokhn esn
mitsi oyf der zun gezesn,
zikh gevaremt, mitn tsingele gelekt zikh,
un in hertsl epes varems zikh gevekt zikh.
kumt on kitsi, lontshet zikh un shtrekt zikh:
- lomir, zogt zi, shvester, zikh a mol shoyn iberbetn!
eybik kon men dokh oyf shtekhediks nit tretn!
kh'lebn, az me hot zikh lib, iz andersh shaynt di velt dir.
nu-zhe, shvester, vos geven - geven!
oyf ale puste velder!
un fun haynt a lebn vi in puter!

- *omen! entfert mitsi, in a *sho a guter!
lang gezogt ikh: krigeray tsu mist glaykh! -
un m'nemt arum zikh un m'kusht zikh in di pisklekh
un m'zetst zikh plaplen, vi geveynlekh shvester.
m'baredt di dinst: a *khatsufe, a *marshas!
vey, vey, az zi kumt in *kas!
un dem *shokhns hunt - zikh ongedungen do oyf kest er!
krikht in kikh gor! trogt aroys dem bestn bisn!
oy, hot gitl mitn bezem nekhtn im geshmisn!
un *r' *homen - eyn mol dos a hunt mit oyern!
vey der mames boykh... azoyns geboyrn!
- sha nor, khapt zikh mitsi, shir fun kop farloyrn!
haynt undzer geburtstog dokh! vos vintshstu,
shvester mir tsu?
- kh'veys? zogt kitsi, nu un du
vos, a shteyger, vintshevestu mir?
- *brokhes, shvester, hobn den a *shier?
veystu vos? ikh vintsh dir: vos vilst zen in mir,
zol es ongeyn, zise shvester, dir!
- shtum, du *khatsufe! shoyn, du heybst shoyn on?
oyg far oyg un tson far tson! -
zikh tsekvitshet kitsi, glaykh mit heysn opgebrit zi
un in mitsis *ponim mit di negl flit zi.
shoyn! zey krign vider zikh, myaken, sheltn zikh in tatn. -
zol es faln oyf di shteyner, keynem zol nit shatn!

der koter un di bin
az a *shikse dint baym *rov,
lernt zi zikh oykh oys *paskenen a *shayle,
un vos dakht zikh ir in shlof?
far a *khoshev *bokherl zi vert a *kale!
kent ir im dem *rebens koter?
kukt: a zhupetse a sametene hot er,
vayse shikh-un-zokn trogt er,
*loshn-koydesh-verter brokt er...
haynt zayn *kosher penitsl...
un zayn hustele... zayn genetsl -
a parshoyn!
*benemones, nokh a bisl
meg er esn mitn *reben fun eyn shisl!
nokh a bisl? un ver zogt es, az nit *teykef? shoyn?
s'shteyt *befeyresh dokh: *im yoym - *yomayim,
az du vest nit khapn, vestu blaybn on *shirayim.
un vi zogt es di *gemore dort? *khatef veokhoyl -
khap, az s'kumt a feter bisn dir tsum moyl!
zog nit: morgn es ikh, morgn kay ikh...
un az di *gemore zogt, iz dokh nit *shayikh.
vet er den avekkukn, *kholile, in der zayt,
ven der heyliker polumesik, zol lebn, shrayt:
kuk aher, zay *moykhl, ze a fish!..
un dertsu in kikh *mekhaye-shtil, keyn *nefesh!..
ersht a bin trogt on der *ruekh! vu an umet
un a nudnitse aza; zi zhumet, zhumet:
*rosh-sh-she! *z-z-zoylel ves-s-soyve!
ay - vey! ay - vey! oy - vey!
z-z-zet nor vos der *mamzer tut! -

blintslt er, der koter mit di oygn, mit di grine,
un er redt *gemore-loshn: *istere bilgine.
kush, kush vu di yidelekh gerut!

- vos? vos bebet er dort: *istere - shmistre?
(vert di zlidne bistre).
meynst, az redst mir *loshn-koydesh, hob ikh far dir *moyre?
mikh vestu nit shrekn: ikh bin *frume-dvoyre -
honik shtel ikh tsu tsum *rebens tish
*rosh-eshone tsu der heyliker "*hamoytse"!

- mye!? di *dvoyre vos far got un layt iz *yoytse!?..
na zhe dir a beyndl funem fish!
shling arop... zol voyl bakumen...
un an ek! her oyf tsu zhumen! -

hostu dir nit, na dir - hendum-pendum zikh a loz oyf im di bin.
- zayt-zhe *moykhl, rukt zikh! rukt zikh!
*loy meuktsekh, *loy meduktsekh!
shrayt er, fekhlt mitn ek, aher, ahin.
hert dem grager *homen? di *marshas
dreyt zikh, viklt, viklt arum im a zhumendikn *kas,
biz zi lozt di gift... i dos
vu nokh? in shpits noz!
un far vos? gevald far vos?
vayl, zogt aleyn, tsi den der koter shuldik? zogt aleyn:
ken dem *rebens koter kegn der *gemore geyn?

tsvey koters
vayser koter mitn shvartsn koter zikh tseampert.
- pipernoter! (shrayt der vayser) *yam-ferd!
blinde nakht! shvartsyor!
glaykht zikh! vil mit mir gor umgevashn
fun eyn shisl puter nashn!
mya, a zas! fri'r vash op dos *partsefl dayns klor!
vilst nit? kenst nit? bist nit *khoyle du tsu khapn mayz!
puter vilstu? zay aleyn vi puter vays,
nit aza farzeenish, a shvartss!

in dem yogt
on der valger-holts un zogt:
vays dos *peniml un shvarts dos harts!
ver fun aykh der shvartser, ver der vayser, veyst aykh der nit-guter!
beyde aykh - a kota fun der puter!

der fuks un der volf
dakht zikh mir, der fuks, in flug,
nit keyn nar, me zogt *afile klug,
un zayn piskele se boymlt:
puter-vertelekh, khotsh nem un lek!
nor der kligster fuks hot oykh a langn ek.
hot der volf dem fuks, vi zogt men dos, bakhoymlt:
vinter-tsayt im opgeshikt tsum taykh
khapn karpn mitn ek.
shtek im, zogt der volf, in a polyanke shtek,
zits a *shoele un tsvey, zits glaykh,
ruik un geduldik nit a rir zikh funem ort,
vestu hobn glik -
veln karpelekh zikh onhengen in im a tamezlik.
azh keyn *koyekh dir nit klekn im aroystsutsi'n fun dort!

un *kakh have: take nebekh nit geklekt
mitn ek in taykh er shtekt,
ersht - vos zet er? - *poyerim mit hek!
shlept er, tsit er, rayst - an umglik: opgerisn zikh der ek!
(az der frost dos ayz tsunoyfgekovet!)
vart er nit der *khevre-man oyf *koved,
fis oyf pleytses un aheym, aheym!
mitn hintn, mitn veytikdikn zikh gezetst in kiln leym,
un er oyket un er krekhtst.
kumt der volf tsugeyn - a *kosher lemele,
in di oygn nor a modne flemele:
- nu, vos hert zikh, bruderl? gefangen epes rekhts?
- yo gefangen, nit gefangen,
dos iz *sof-kl-sof nit vikhtik,
*iker, in di oygn mir gevorn likhtik,
herst? a naye zun mir oyfgegangen -
zikh *gepatert fun mayn *kharpe, fun mayn ek.
s'tut *afile mir a bisele nokh vey,
ober et... a kleynikayt... dos vet avek...
itst darf ikh zikh nokh tsulernen tsu geyn oyf tsvey,
bin ikh dokh a mentsh, a mentsh mitn fuln moyl,
un az got mir yo geholfn, bin ikh shoyn nit foyl,
loz avek in dorf zikh, bin a *khoshev dort, a gast ikh,
un ikh shtel zikh far a pastekh...
redt azoy dos fiksl, zhmuret eyns an eygl
un dos tsveyte zikh farkukt oyf feygl...

oyser zikh der volf: er volt tserisn zikh oyf shtiklekh.
vos hot er do oyfgeton? tsu vos gebrakht?
er dem *mamzer far a pastekh gor gemakht!
opgetun im... im gemakht umgliklekh!..
trogt er op zikh, kritslt mit di tseyn,
loyft avek un kumt tsu geyn,
dreyt zikh um a nekhtiker, ahin, aher,
kurts, er kumt tsum fuks, un shtrekt zikh oys mit a gebet:
bruder-lebn, her:
shver dos telebendekhts mir dort untn, shver...
tu a *toyvele, bafray mikh... khotsh dermont zikh shpet...
nor vi zogt men: beser shpeter eyder keyn mol.
lozt der *mazik zikh nit betn tsvey mol:
akh, tsulib a *khaver, zogt er, zolst nor tay'rinker, nit shrayen...
shrek zikh nit, ikh makh es in eyn *heref-ayen...
opgefartikt mitn shtikl arbet, ersht der fuks er shlogt
zikh in kop arayn mit beyde lapes un er zogt:
itster ver der *khokhem, ver der nar?
zis iz di *nekome... *emes... yo... derfar ober... derfar
zibn mol mir biterer, fun zikh aleyn ersht itster shpet ikh,
ikh gelozt zikh firn fun aza-o *petekh!

di baleydikung
kopl pik
oyfgekhapt zikh oyf a tsig
(nokh a glik
vos nit oyfn koymen, nit avekgelozt zikh mitn roykh...
aza *mazik er geven nokh in der mames boykh!)
fort er, fort, der rayter,
fayft er, shrayt er
a farshmayter
*lesusosoy birekhove pare:
makht a vare! makht a vare!
zet a ferdl
mit a berdl;
nemt er loyfn - geyt a pare!

mit a mol - dibom!
a vorf fun zikh dem *mazik un a gib im!
mit di herner shier im nit geshedikt
un se treyslt mitn berdl, fokhlt mitn ekl tif baleydikt.
ferdl? ruft mikh ferdl gor! avek du bik!
ikh bin nit keyn ferd, ikh bin a tsig!

dos eyzl un di zun
eyn mol *tamez,
ven di zun vi a *shulamis,
vos zi geyt shoyn fray aroys fun unter fartekhl der mames
in ir fuln *bogres-kheyn,
in a *poshet vaysn kleyd on puts un on batsir,
oyfraysn a velt di oygn nor mit zikh aleyn,
mit ir gang un mit ir mindstn rir,
nemt dos eyzl kegn ir
makhn zoy're mines
(*alemay oyf der *levone zogt a hunt *mevines!):
- oykh a zun mir! lange hor un kurtser *seykhl!
*iker felt, der *iker -
shmeykhl!
un di hor badarft zayn kirtser ober diker,
vi di strunes fun mayn tsop,
vos ikh trog im oyf mayn hintn,
nit vi zi ir ek, fargeltn un fargrintn,
oyfn kop.
un vos nokh? di farb di royte oyf ir *ponim tsu gedikhte!
shiter volt zi dokh badarft zayn, shiter!
itster likht un likht
un me khapt a tsiter!

- got mit dir! vos redstu? loz gemakh, nu loz tsu ru mikh!
kleyne *bruim - kleyninke *hasoges! un derumekh
iz aza zun oykh a *nes... ober ikh...
un vos zol ikh aykh dertseyln? gikh
opgezukht *khsidim undzer *khokhem,
vos zey bamken un zey shoklen nokh im,
(m'hot gerufn zey di faynshmeker, di groyse *mefunokim!)
un keyn sheyns in lebn nit gezen der,
ver s'hot nit gezen dem ber *r' *sender,
mit der lape tun a makh tsum ber *elyokem:
zol der *oylem zikh dort preglen, shmeltsn der *hamoyn,
mikh di zun nit varemt, kalt tsu ir un shoyn!
(un aleyn dervayl me shvitst geshmak).

kumt a tog un geyt,
biz se kumt der tog fun rekhtn *psak:
yogt der *gehenem-shames on, di eyzl-oyern dreyt er, dreyt
un dos eyzl hirzhet, leygt ayn moy'rn,
glaykh se geyt tsu kind, a monkalb vert geboyrn!
un fun demlt on der *shlimazl bakumen lange oy'rn
heyzerik er vi a rukbet, un kumt *khoydesh *tamez,
nemt er tsitern: tsi geyt shoyn nit der *shames?..

*gayve un pave
in a vald fun di gedikhte velder vos in poyln
in an altn boym, a hoyln,
oyf a brust an opgeshnitener fun toyter *tayve
zitst vi oyf a kishele a pave.
un in droysn oyfn boym der solovey, er knakt, er trelt.
oysgeshternt, zogt er, zikh a velt,
shterndlekh oyf shterndlekh! in velt-harts yeder shtern
vi in shvartser akererd a kern!
shprotsn fun im zangen -
likhtike gezangen
kerndike glikn,
muz men khapn, pikn, pikn, pikn!
nisht farshpetikn a *rege!

- mir gehert shoyn dos! tso *khokhme to nye yego!
a tso yego to nye *khokhme (zogt di pave).
narele, di *khokhme shoyn gevust di bobe *khave
nokh *beshas
ir an epele farglust zikh funem *eyts-hadas...
*iker *khokhme: - zog ikh - zikh aleyn in zikh dershtikn...
un dos hekhste glik: antloyfn fun di glikn,
vos zey narn in der nakht vi foyle shtiklekh holts...
zest a shterndl... du khapst es... du bist shtolts...
ersht - a vereml gefangen!
- iz di *eytse?
- herst dokh: gornit nit farlangen...
- vos-zhe lebt men? vu der zin?
- lebn hoybt zikh on ersht ven me kumt ahin tsu tsu ahin...
zogt der solovey: tshikave
sara velt muz got bashafn tsu bafridikn a pave!

ezop un dos eyzl
khotsh ezop der *moshl-shrayber fray gefilt zikh vi a *keyser
er in *emesn geven a shklaf
(*efsher veystu nit - to her un gaf).
eyn mol ven a zumertog a naketer, a heyser
zikh in taykhn fayer-likht gebodn
firt ezop an eyzl *mase-ongelodn
in *shlikhes fun *balbos.

s'eyzl, nebekh, sapet, smoret mit der noz:
ot a boym... a bisl groz...
o-ado shoyn ruen mir in kiln shotn
(pruvt dos mide eyzl nebekh rotn).
ersht, gor vayter traybt ezop!
shoklt troyerik dos eyzl mitn kop
un tseredt zikh: o ezop, du oykh?
du, vos kukst arayn tsu mir in harts, in kop, in boykh,
shepndik fun dortn *moshl un *melitse,
du shtelst oykh tsevishn mentsh un eyzl a *mekhitse?
zest nit? koym vos mit di fis ikh plonte
un di *mase nit keyn gringe, di *akhsanye nit keyn nonte,
voltn mir khotsh do a *sho tsvey ruen blaybn.
neyn, du traybst! nit shver iz dir, a leydikgeyer, mikh tsu traybn.

red nit, zogt ezop, an alte *mayse...
yeder geyt zayn velt adurkh mit zayn *mase
un di ru kumt, ven me kumt tsurik ersht funem mark...
ze, ikh oykhet oyf mayn pleytse trog a barg...
(vi bakant - a hoyker er geven, ezop)
trog-zhe, zogt er, trog. ikh hob
tsu dertseyln vegn dem a *moshl
fun a kinig mit a froshl,
un nokh eyns a sheners: fun a riz,
vos zayn kop tsekrigt zikh mit di fis.

un der oysfir: ale mir gots verk.
un di erd, zi trogt di berg,
un di berg dem shney,
un der shney di kalte vey
fun di groe kep
vos zey kukn in dem opgrunt fun der zibetsikster trep... -

redt ezop... er volt zikh ersht tseredt!
gring zayn hant, di lange bord zi glet,
un zayn *khokhme zikh in regnboygn farbt,
nor dos eyzl veyst keyn *khokhmes nit - un shtarbt!..

di bin un di flig
i shvakh, i kleyn, i grin
un shit on feslekh gold. ver iz? di bin!
zi shpint ir gold fun blumenzaft un shtraln,
un ver iz nit oyf im a *baln?
*afile di vos varfn zikh mit gingold.
(faran azoyne feygl,
vayl yidn zikh gemakht fun gold an "*eygl"...)
zey oykh derlobn zikh dos biter harts mit bingold:
(s'iz zis!
un nasherlekh, tsukerke-shlinger
fun bingold lekn zikh di finger,
khotsh finger lekn veysn zey iz *mi's!..)
iz shpint di bin ir bingold, shpint es flaysik,
un arbet zikh geshmak, far tsvantsik, draysik,
un vert nit mid -
ikh bin *mekane zi, *mekane, vi ikh bin a yid!
vos ober zogt oyf dem di flig?
zi tut zikh mit shpitsfiselekh in shterndl a pik
un makht: - se felt a shrayfl ir do - o!
aza *min arbetn, aza! nokh vos-zhe?
ikh zog: host fligl - fli! *nishkoshe!
faran shoyn, ver s'zol arbetn far dir, nu yo!
azoy fil krikhers! shlepers on a *shier!
un mir, mir zenen dokh fun foygldikn *yikhes! flier!
iz kum-zhe!
kum hulye, zhumzhe!
a zumer-zinger zay!
un *khay -
gelebt!
- un gornit tuen! - gornit, fray!
- un nor geshvebt?
un *rak geshvebt?
- azoy! azoy! - oy, fe! an umet!
zol der in himl hitn!
bay ale zise tsvitn!
ikh volt fun flien leydik, fun umzinikn zhumen
farsholtn ale blumen,
*afile oykh di zun!
gezogt di bin un irs genumen vayter tun.

*shloyme hameylekhs *klovim
oyfn hoyf baym *meylekh *shloyme
*klovim tsvey gevezn, *klovim *meyukhosim,
eyner hot geheysn *doyme
un der anderer *pe-khosem.
beyde bern, oygn - volfish-vild!
beyde eyniklekh fun yene hint vos nit gebilt,
nor gesharft di tsung oyf yidn in *mitsrayim.
zol got hitn aykh, tsu heybn oyf di hint a shtekn.
*khas vesholem! dos ken shmekn
mit *arboim khoser akhes, tsi mit *geyresh fun *yerusholayim
un *kedoyme.

me dertseylt, a mol hot *kelev *doyme
opgetun a zakh a *miese, zer a *mi'se:
er fun *shloymes kikh a fete tsung avekgetrogn.
far der *mayse im der kekher mit a *tsitse gring geshlogn -
iz der kekher nit gezesn, meynt ir, zibn teg in *tfise?
yo, yo! vi kh'bin a yid! gezesn!
nor... indesn -
*klovim!
(hunt blaybt hunt, *afile ven es *pasknt tsu der *rov im!)

eyn mol *shloyme mit zayn *khaver *adoynie oyfn hoyf shpatsirt
un a *shmues a vikhtikn gefirt.
plutsim fun der heler hoyt, mit a gebil, a lyarem
*kelev *doyme oysgevaksn:
"hav, *adoyni kinig! a *retsikhe! oy derbarem!
dayne raytvegn on reder un tsebrokhn zikh di aksn!
nit keyn *emes, nit keyn *yoysher, nit keyn *din!
*sdom do tsi *yerusholayim? kh'veys nit vu ikh bin!"
(*keday tsu visn:
nekhtn *r' *pe-khosem punkt azoy geshrign
un *r' *doyme *tmimesdik geshvign,
vayl *pe-khosemen hot er tsebisn.
itster havket *kelev *doyme shoyn
un *pe-khosem shvaygt, a shtilinker parshoyn)
- morgn, morgn! entfert *shloyme. gey un morgn kum!
lozt der hunt arop dem kop, farbeygt tsevishn fis dem ek,
trogt zikh op, avek
*broygezdik un mit a brum.
- i, o!
(zikh farvundert *adoynie)
loz gemakh! zogt *shloyme, nit far umgut nem es:
mesers in di oyern un nit hern *klovim biln vegn *emes!

shnape
modne!
dakht zikh mir in grodne,
tsi, ken zayn, in brisk,
iz a mol geven a *kelev mitn nomen shnape -
a *noki-kapayimnik... er nemt nit in der lape!
(nor in pisk...
biln unter vi der shteyger kleyne hintelekh)
a geshtrayfter, a gepintlter, a hunt mit hintelekh. -
zogt tsu im a mol di shkape mani:
pani,
nemt nit far umgut, ikh vil aykh epes fregn.
ikh, ir veyst dokh, bin an *eved-knani,
ayngeshpant in shvern vogn,
shlep ikh zikh oyf vilde vegn,
in gedikhte zumpn, unter baytsh un regn
mit a beyzer kats in mogn,
un az kh'kum aheym, ikh fal koym lebedik anider,
ersht, er vayzt mir mayn *balbos, a "*hey" in *sider...
*meyle, *kol-zman yung, vi zogt men es, iz "katshke pratshke"...
ikh geshvign... ikh geshlept di tatshke...
itst az... s'yo... volt ikh gevolt im vayzn,
az a shkape iz a shkape, nit keyn shtol un ayzn...
- s'heyst? vos meynstu? - *poshet
bay a zump a tinterl ikh tu a zog mir: do shit!
un ikh shit... ikh shit im oys in mitn veg!
vi meynt ir... ikh zol?.. me meg!
- m... ne! me tor nit... tun dos tor men nit... nor optun... tu! nit freg...
beser nokh vi zikh aleyn vet dir nit rotn keyner...

- a gezunt aykh in di beyner!
shoklt mitn kop di alte dankendik un geyt zikh.
zi avek, nor ir *balbos shoyn arum shnapen dreyt zikh
un er redt: ir veyst, her shnape?
a *rakhmones, nebekh, oyf mayn shkape!
- *meyle...
- s'shit zikh fun ir zamd shoyn... a *neveyle...
- be, dos zet a blinder!
- nu?
zogt men: tprru!
shtey! genug geshlept dem vogn! itster ru gefin dir!
- ikh farkoyft volt zi, farshteyt ir mikh, tsu berl shinder...
nor az ikh barekhn vifl yorn
nebekh zi farshvartst gevorn...
yo, bay mir farshvartst gevorn zi...
iz mir epes, vi zol ikh aykh zogn, vi?
a, vi meynt ir? vos iz shnapes *khives-das?
- neyn, me tor nit... ober... to... az...
nu un vayter? fregt nit, kinder!

in a vokh arum shoyn firt er berl shinder...
firt undzer *beheyme oyfn frayen feld,
vayzt ir tsum letstn mol di vayse velt...
un di shkape veynt un bet zikh: shver mir! shver bay vos s'iz heylik!
keynem nit, nor shnapen, gistu nokh mayn toyt mayn tsung
un mayn leber un mayn lung -
im der bester *kheylek!
keyner filt nit mit a kranker shkape,
keyner nit, nor shnape... shnape!

a hintisher *mi-shebeyrekh
*khalfn
shlogt zayn hintl *dalfn
un far vos-zhe? - shver tsu zogn!
*khalfn hot a shtekn, hot er lib tsu shlogn.
tsi gor oyfn zin aroyf s'iz
tsu bavayzn im, dem hunt, mit *oyses un mit *mofsim,
az a hunt hot keyn *neshome nit - a shmate!
shlogt er vi in *posek shteyt: "*beoyses - *ze hamate!"
vilst a hunt a *raye vayzn?
nem a shtekele fun ayzn!
tsi derfar gor *khalfns shtekn
hot farshidene tsvey ekn,
eyner din - der tsveyter dik.
iz bakumt dos shlogn shoyn a tifn zin:
frier ersht, mit a *sho tsurik,
gevizn er dem hunt fun eyn zayt, vos heyst "*din",
itst bavayzt er "*rakhmim" fun der tsveyter zayt, der diker.
un der *iker -
*shayles fregt nit oyf keyn *shiker.
fregt: vos tut der hunt? - vos zol er tun?
vos getun der zeyde un der tate, tut der zun:
havket, bilt!
kumt deroyf on *vofsi - oykh a hunt,
un tselozt zikh: vey, fun kop biz fus eyn vund.
vey, vos tut zikh do? *derhargenen ir vilt?
vi hot men es a harts azoy tsu shlogn?
*gazlen! merder!
ersht oyf *vofsin varft zikh *dalfn: ver der?
ze nor: s'hot im ongetrogn!
un er fayert, *dalfn, makht dem gast a "*mi-shebeyrekh":
du azoyner! du azelkher! nem dem *derekh!
az gefunen zikh mit mir dos shtekele fun mayn *balbos,
du, vos tustu do? dayn tatns *eysek dos?!

petsh
s'hot a *kelev fun der kikh zikh opgetrogn,
un far vos? a *bushe gor tsu zogn.
zet! di lopete nokh im zikh yogt,
un zi shlogt, zi shlogt!
e! an *avle! er, der *kelev, vos er iz, nu iz er,
oyf *loy signev, oyf *taneysim nit keyn *niz'her,
ober fort a *mamzer, durkhgetribn!
er, az vil er, ken er gibn
fayer, pekh un shvebl funem moyl im!
varft a *pakhed oyfn *oylem-goylem,
un dertsu - a dikhter!
fun der fel in himl krikht er!
durkh di nekht akegn der *levone zingt er!
un di lopete di flakhe iber im a rikhter!?
shlogt!?.. havket er, azh fun di *keylim shpringt er:
"aza platshike! zi patsht! tsun al de shvartse!
veyst nit funem nomen zikh, untern oyvn dart zi,
un zi varft zikh! nemt zikh lernen mikh!"

"dikh! di lopete geentfert, dikh!
vayl du bizt a hunt un krikhst in kikh.
nu gevis
iz a patsh keyn *khokhme nit un sharfer iz a bis,
nor di *khokhme, *shmuest men, hot keyn grunt,
zogt di *khokhme: petsh on *khokhmes gib a hunt!"
un geyogt im biz tsum toyer
un im ongezogt: *zekhoyr!
ikh bin platshik, du bizt sharf,
ober lernen mit a hunt, dos ken ikh, ven ikh darf.
ikh hob shoyn a mol gelernt mit a *dover-akher,
khotsh a baykhiker, a *nogid a filfakher!
hit zikh, *kelev, far a lopete a flakher!

*klovim biln - keyn *katoves!
s'dreyt zikh um in shtot der *malekh-hamoves!
vos-zhe trakht ir, kluge? alts nokh nit getrakht genug?
tsu der lopete, der flakher, geyt un vert a mol shoyn klug!

der milkhiker hunt
vos se ken zikh trefn! fun a fraynd antloyfn zol di *reysh
un a hunt zol faynt bakumen fleysh!
ersht tsum fleysh gedint er, nit gekent der *kelev lebn on im,
ersht er es gefresn mit di beyner (far groys libshaft dos *a ponim).
haynt
faynt der hunt dos fleysh shoyn, faynt.
milkhiks, dos nor est er.
ongedungen bay *r' *tevyen zikh oyf kest er,
un *r' *tevyen
kent ir dokh: a yid an *evyen,
geyt arum *beheymes, shtelt tsu milekhiks far raykhe *balebatim,
zey di kez-un-puter, im zhe, nit far aykh gedakht, *kadokhes.
(khotsh *kadokhes nisht keyn krenk,
keyn gutn fraynd ikh vintsh nit dokh es)
*tevyen dos gematert, *sof-kl-sof farshat im!
kokht im golde op a *yaykhele, se shmekt,
nokh a feter *sude apetit se vekt:
*of a fertele, farbrokt mit petrishke, a tsiblke, tsum *tam alts -
i der aynbrok, i dos zalts,
funem grukh aleyn se kumt shoyn tsu a shtik gezunt.

trogt es on in kikh arayn dem hunt
(nit geven in kikh grod keyner),
nyukhet er, der hunt, un zayet durkh di tseyner:
epes shmekt, mir dakht, mit roykh
un mit gergelitse fun *kol-nidre-barlekh,
tsi mit hindl-fleysh... derfun ken hart vern der boykh
un der kop *afile darlekh.
un odos
esn vet der *khoyle? *tevye? mayn *balbos?
vu-zhe bin ikh? vos zhe shvayg ikh? in mayn tatns tatn,
eyder *tevyen, beser mir zol shatn!
ikh far im zol krenken un *afile shtarbn oykh!
un der hunt zikh *moyser nefesh un est oyf di yoykh.

un *r' *tevye? er vos zogt deroyf?
zay mir, *kelev, nit getray, loz tsu ru mayn shtikl *of!

der hunt un der fuks
eyn mol kumt der hunt tsum fuks gut *yom-tev-bitn.
s'iz geven in yene tsaytn, vos avek, avek shoyn vi a *kholem
un dermonen zikh nor zeltn, nor in di *mesholim,
demlt nokh, ven fuks fleg zikh far hunt nit hitn
un geven farbundn frayndlekh zey mit zibn knipn.

- o! gut *yom-tev! o! a gast a sheyner!
zitst! (zogt fiksl mit a libn shmeykhl oyf di lipn)
zitst-zhe! - un *mekhabed er dem gast mit beyner.
oykh a *maykhl... undzer gast nemt zikh nit iber,
veyst az fiksele a knaper giber -
knakt der hunt di beyner, makht keyn *tayne.
lozt arayn der fuks zikh ober in a *shmuesl a zisn:
- zol aykh, zogt er, liber *oyrekh, nit fardrisn,
ikh bin, kh'lebn, aykh *mekane:
keyn *ayn-hore, keyn beyz oyg zol aykh nit shatn!
az got helft azoyne tseyndelekh - der velt in tatn!
nit keyn kleynikayt dos: knakn beyner!
kh'hob gehert, gezogt a mol a *khokhem eyner:
"rekhter *tam fun fleyshn - nor in di *atsomes" -
zogt aykh vos ir vilt, nor do muz
platsn dos geduld *afile bay a hunt.
- shvayg! tsehavket zikh der gast. ikh bet dikh, zolst mir zayn gezunt!
*meyle! dir dos fleysh, dem gast di beyner!
red-zhe khotsh nit! vil nit zayn dertsu keyn sheyner!

in vald
vald! - vos veyst ir, un az tif in vald farkrokhn!
s'iz dokh haynt dort *shabes-koydesh in der vokhn,
*emese *menukhe!
nit azoy *beys der krig der groyser iber der *melukhe
tsvishn leyb un fuks, ven bruder - bruder hot geshtokhn.

vey, vos demlt zikh getun dort! a gebril, a brumen!
a gezeml, *koyles, nit arayntsukumen!
mitn *khayes ir nit zikher!
di *milkhome *barikhes iz farshribn in di alte bikher,
z'hot gedoyert a shok mit yorn
un zi lebt *afile bay der kats nokh in *zikorn.
ikh dertseyl a kleynem *prat fun ir, un dos *bekitser:
khotsh der leyb fun fuks *avade shtarker,
un dem volf, dem ber, dem helfant hot er far bashitser,
un der hunt far im - a barg er
(a shpyon: geshmekt un tsugetrogn
vos di feygl zingen, vos di *sonim zogn
un di fraynd vos bentshn, un in harts got sheltn)
dokh azoy - *nitsokhn lib a shpas tsu tun nit zeltn -
dem fuks gelungen, mit der hilf fun di *kle-koydesh:
vizltir, *r' pipernoter,
frume kats un shvartser koter,
tsu farkhapn di *melukhe oyf a *khoydesh.
un der leyb gemuzt antloyfn tsu di vilde beduiner.
shvere tsaytn, shvere farn leyb un zayne *mekurovim -
ober nit far *klovim.
vi m'hert: der hunt baym fuks gor kamerdiner!
arbet mitn koter, mit der kats in eynem
un der *meylekh fun zayn tish varft ale mol a marekh-beyn im.

eyn mol ven der *kelev in *shlikhes funem fuks gelofn,
im der volf in a farvorfn vinkele getrofn
un er shtelt im op un fregt im ofn:
- *kelev du!
du in fuks *shlikhes?! hu-u-u!

- nit mit *kas, her volf! ikh vel
(zogt der hunt un s'tsitert im di fel)
kh'vel dem *emes zogn: meynt nit! ikh genug gelitn!
nor vos zol ikh tun? di meynung zikh gebitn!
yo, a boym bayt oykh di bleter!

- vo-o! vos redt er?
brilt der volf, se hilkht a *viderkol fun vaytn.
yo, ikh veys! meynungen zikh baytn!
nor far vos-zhe hintish meynung zikh gebitn
*davke ven der vizltir in mitn
un der fuks bakumen hernerlekh fun ayzn?!
hunt vos bist! azoy gor tust dayn *khoyv du?
vart, ikh vel dir vayzn! -
un der volf tserayst dem hunt. *ken yoyvdu!

dray hint
tsvey -
(rabtshik un *kol-boynik heysn zey)
brider, unter eyn dem zelbn muterharts gelign -
dokh azoy: tog-ayn-tog-oys, nor zey baysn zikh un krign!
un der driter, khotsh er heyst *r' havke.
*davke -
gor a *roydef-sholem.
(es farshteyt zikh: oyfn zatn mogn, nokh a gutn *kholem!)
eyn mol zikh farglust im, tsvishn
undzere tsvey briderlekh zikh mishn.
beyde zikh gevalgert in a fayerdikn knoyl,
un a bruder zukht dem bruders gorgl mitn moyl
(nit tsulib a kush *avade)
nu, *r' havke zey gevolt tsenemen, un mit gutn grade:
nor, vi s'treft zikh, gants umgern,
tut er rabtshikn a bis.
vos-zhe iz?
zayn *kavone nor tsu gutn dokh, gevis!
vil dos ober rabtshikl nit hern:
- kh'bin dir *moykhl! havket oyf a *kol er.
kh'bet fun dir keyn *toyves nit azoyne!
hit mikh got fun fraynd un ikh aleyn vel hitn zikh fun *soyne! -
*meyle, vil er havken - zol er!
e, m'ken im! oyf zayn shteyger zikh tseshteygert er!
zukht zikh di podkoves fun der shkape
der *gepeygerter!
nu gezunterheyt! - shtrekt derfar *kol-boynikim di lape,
dankt im mit *hispayles.
... *pele, rabtshiks bruder - un a hunt mit ale *mayles! -
- nor ikh veys nit, ver s'iz shuldik, der *bar-mayle
tsi *r' havke - dos dervayl a *shayle;
veysn veys ikh: morgn shoyn *r' havke gor aleyn
oyf *kol-boynik gesharft di tseyn.
(zikh gemakht a *mayse dortn mit a beyn)
rabtshik dos derzen, un oyf!
(fort a bruder, nit a fremder *doyresh-toyv)
eyns un tsvey - er leygt im shoyn anider
un er helft zayn bruder makhn *tel
fun *r' havkes fel! -
un fun demlt zenen zikh di brider - brider,
haynt gekusht zikh, morgn kider-vider -
nor dem *roydef-sholemnik biz haynt
beyde faynt.

*shimshn un di shleng
*vayehi,
s'iz geven ven *shimshn in a gingold-inderfri
iber toytn leyb geshtanen
un dos honik-gold im iber lipn hot gerunen
(nemt, zayt *moykhl, dos *tana"khl, kukt arayn derinen!
ir gedenkt? a retenish dort vegn dem faranen)
plutsim - hert!
epes a *meshune *kol fun dr'erd:
"kum shoyn, kum shoyn! nu shoyn, shvim shoyn!
gikher! ot-o iz er! *shimshn, *shimshn!
ot-o shteyt er!" -
zibn grine shlangen sapen, rufn eyne tsu der tsveyter.
mit an ekl-blik
varft der *giber zey tsurik,
kritsndik far *kas di tseyn.

- vos iz epes far a tseyner-sharfn?
(fregt im eyne giftik un di oygn *sarfen)
*efsher vilstu vi a hunt undz baysn?
- baysn? mit di tseyn gor? aykh? *kholile! neyn!
- yo, mir veysn! host dertsu keyn *koyekh nit!
oder *efsher meynstu, vi dem leyb undz mit di hent tseraysn?

- ikh nit!
- nu gedenk-zhe! *tomer mitn shtekn?
- mit vos-zhe ikh fun leyb dem honik lekn?

- sh-sh-sh! *sholem, *sholem vil der riz!
- *sholem? mit di shlangen?!
mit di fis aykh *sherotsim, tretn! mit di fis!
er gezogt un tretndik oyf zeyere kep zayn veg gegangen!

der tants
marants -
frimorgnroyt-glants
un epl
roytkepl,
er *khosn, zi *kale, gegangen a tants.

geven dos a tants vi geveynlekh, *balbatish un eydl,
iz ober an umglik bashert!
ir hert:
az umglik bashert iz *mesukn,
du falst oyfn rukn,
tseklapst dir a noz!

iz vos-zhe geshen dortn, vos?
in mitn dem tants in rod-redl,
farloyrn di *kale ir purpurn kleydl!
geblibn vi *khave in frishn *gan-eydn
nokh frier far der zind.
iz meynt ir, farshemt zikh di *kale? *kholile! a kind
ful zaft un ful freydn
un *kheynevdik-naket,
zi lozt zikh ersht itst in ir *emesn tants
arum zikh, arum zikh, in likhtikn krants.

vey, vey, vos dort tut zikh! a zhabe tsekvaket,
a koter myaket
un dreyt mitn ekl.
a barele,
a shpitsekhik berdl un nebekh a narele -
makht mines un roytlt a bekl.
mit beyzer tsekreyt zikh a *kapdn a hon.
er pildert un fokht mit di fligl.
vos hert zi? vos geyt zi dos on?
zi tantst kegn shpigl.
se tantst ir fun dortn ir *kheyn-tants akegn!
se shpiglt, se blitst,
marantsn-zaft shpritst.
- a zun mit a regn! a zun mit a regn!
- vi meg'n? vi meg'n?
- dem *rov darf men fregn! dem *rov darf men fregn!
- me darf, yo me darf!
- der *khosn, vos zogt er? - der *khosn, a tsiter, a varf
un lozt zikh avek oyf der sharf
fun shtolenem meser:
di *kale ken tantsn - der *khosn tantst beser!
er dreyt zikh arum ir, arum ir!
se tantst un se flatert a zumer,
a zumer a shmekndik-royter!
ekh tantst er! ekh shpringt fun der hoyt er!
se rindlt,
se shvindlt
a freyd a derfreyte,
derfreyte, fardreyte!
un dort in a vinkele blozt zikh der indik
un redt tsu der gandz:
madameshe, hert ir! di velt iz haynt zindik.
er blozt zikh, er blozt zikh un khapt oykh a kuk oyfn tants.

di zun un di *levone
*makhmes vos in nakhtish-bloyen shotn
falt *levone-trer in tol fun yomer?
*omer,
hot gezogt *r' *leyzerl *hakotn
(lib gehat er tsu dertseyln in der shtil es):
*tkhiles
di *levone fun der zun gevezn greser
un di zun vi di *levone haynt
demlt koym geshaynt.
mankhe zogn: etvos beser;
nor gefelt zey beyde *shleymes.
vegn dem in alte *sforimlekh faran a *remez:
*heyoys di likhtikayt got bashafn nokhn vaser,
iz gevorn oysgeloshn, blaser
der *yetsire-bren fun shefers oyg.
*vedoyk! -

geyen beyde likhtikaytn zukhn a *tikn.
(mit geblits, mit blikn
fun bahaltener *kavone
vayte vaytkayt zey gefangen
in a nets fun benkshaft un farlangen).
iz keyn *mayrev-zayt gegangen di *levone
un di zun keyn *mizrekh iz gegangen.
geyt zi, geyt oyf vayse *mizrekh-vegn.
ver-zhe kumt antkegn?
*raziel hamalekh.
- likht bagegnt! kush dayn shtral ikh!
(shrayt *raziel) *borekh yoytsrekh! *borekh koynekh!
*emes, yo! dos likht a bisl roy nokh,
tukt zikh do un dort in fintster-flekn,
nor es shat nit, neyn! es zol dikh, kind, nit shrekn!
gleyb, dayn shtral vet mit zayn *kheyn-shpil zey fardekn!
az nit haynt iz morgn! un mit glants mit frayern
iber gantsn himl vestu fayern!
azh fun *mizrekh biz di same *mayrev-ekn! -

un azoy gevekt der *malekh un nit oyfgehert tsu vekn.
biz di zun tsebrent zikh un tseshtralt in gantsn.
in eyn *rege *shishim-rabe hel-geshpizte glantsn
un azoy fil shtral-gezangen! -

un keyn *mayrev, *shmues'mir, ver gegangen?
di *levone! kumt antkegn?
*af-beri, der *sar fun regn.
zeyer a beyzer! un dertsu a gantsn tog geregnt!
un a *kayme-lon: hot dikh bagegnt
*af-beri in regntog -
zibn vokhn rikht dikh oyf a plog!
zet er di *levone un er nemt, der *kaysn,
di *levone glidern,
zi farshemen un dernidern,
un rayst shtiker un shnaydt pasn:
az in gantsn zi fun kop biz fus a kripl!
do a flek un dort a shtipl!
krets un pokn! -
un geshen! farshemt zikh di *levone, blas dershrokn
zi farshvundn in di *mayrev-toyern,         
un bahaltn zikh in regn-pas.

un fun demlt zi ir yugnt freyd farloyrn.
a farshemte vayzt zi nit bay tog zikh oyf der gas.
mit der nakht nor tret aroys zi shit, dershrokn
un se trifn trern oyf der gorer velt fun ire lokn!

der kloysterglok un der turem-zeyger
hey! shteyt oyf! shteyt oyf! a *sreyfe!
a *makhsheyfe
mit tsepatlte, mit royte *yam-tsebroyzte tsep
in a vildn tants gelozt zikh iber ayere kep
mitn *samekh-mem!
ekh! a *gehenem! royt di velt, a shekht-hoyz!
tantsndik, di oygn rayst zi, di *makhsheyfe, bay di nekht oys!
fule zhmenyes zi a nem
un gevorfn hekher hayzer!
ekh! der himl zikh tseglit, khotsh shney un ayz er!
oyfgetsitert funem shlof di kloysterglokn
un tseshrokn
zikh tsehudet:
bur! *more-shkhoyrenikes, vos se manglt aykh un nudet,
hot ir haynt a freylekhs! shpilt zikh op haynt a hulyanke!
fun geleger heybt es alte, kranke,
kalikes un nebekhes!
un a fayerdiker tants geyt iber bebekhes!
a gezeml un a brenendiker "hurem-burem!"

in dem hert: se klingt der zeyger funem hoykhn turem.

- got zay dank! got zay dank!..
shrayt tsu im der kloysterglok: badarft shoyn lang!
ikh gevekt dikh shoyn nit eyn mol,
ober... beser shpeter eyder keyn mol.
helf-zhe, bruder, helf!
helf mir klingen, makhn a *mehume
un fartraybn helf di *tume
un ir *kat
mitn shveblpekh un mitn roykh un tshad
in di kep arayn, un in di baykher fun di hungerike velf! -
un der zeyger - opgetseylt zikh eyns, tsvey, dray... biz tsvelf,
un shoyn vider in zayn tsaytgedank farzunken.
- shoyn? shoyn mid? (farvundert zikh der glok) geblibn shteyn!
- neyn!
- vos-zhe shvaygstu? her dos krakhn! ze di funken!
- tsvishn vild tsehulyete *makhsheyfes -
*shturem-sreyfes
ikh getribn fun mayn umru, nit ikh shtey un nit ikh loyf.
- vos-zhe den? - ikh gey mayn gang un tu mayn *khoyv!

*meshiekh
in a mitn heln tog, um dinstik dos getrofn:
kremers bay di stoykes zitsndik geshlofn,
shtelnikes zikh oyf der zun gebrotn
un gegart a kaltn trunk, a kiln shotn,
vayber - ale nayn mos reyd shoyn oysgeshotn -
oyf di prizbes shvaygndik geheklt zokn
gikh, gikh mit di shpiselekh, glaykh yede eyne zikh geshrokn
ot-ot-o blaybt zi hintershtelik.
(*tomer yo, *kholile, falt dokh ayn der belik!)
un di zun zikh in di vayber gor *miskane!
arbet oyf a vaysn zok mit toyznt shpiselekh.
in dem kumt a hunt tsu loyfn oyf dray fiselekh
un er leygt anider voyendik far got un layt a *tayne.
emitser, farvos-farven, tsebrokhn im a lape.
ersht - a vayser rayter oyf a vayser shkape!
un der rayter -
*shma yisroel shrayt er.
un zayn *kol geyt vi di *koyles fun di fayerdike karetes
vos zey rudern in himl, ven der droysn shtark farkhmaret iz.
ver zhe zol dos zayn? ir veyst nit? hert zhe *kelekhlekh:
- yidn makht a vare! nemt avek di shtelekhlekh!
- andersh nit! ot fli ikh!
- sara *loshn, *goylem! zest den nit? *meshiekh!
- te-te-te! *meshiekh? kumen vet ersht iber veys ikh vifl yor er.
- loksh! me darf dir gebn kayen shtroy mit *morer!
nokh nisht tsayt? shoyn lang *meshiekhs tsaytn...
- et - be! oyf a ferdl, oyf a vays *meshiekh-ferdl vet *meshiekh raytn!
un der doziker er rayt gor oyf a shkape!
hob ikh an *emune shoyn in im a knape!
- *apikoyres! *koyfer!
- yidn, hert, er blozt shoyn *shoyfer!
nemt zikh on un lomir tantsn vi di lemelekh!
- *benemones, ale ir gegesn di *meshugene shvemelekh!
*shoytim, kumen vet *meshiekh oyf an eyzl! oyf an eyzl vet er kumen!
un a leyb vet loyfn foroys un vet brumen!
- geyt aykh! geyt aykh! (*taynen hent tsvey lange, dare)
kumen vet der *goyel oyf a khmare,
mitn *omed-eysh un mitn *omed-onen
vet er zikh bavayzn oyfn barg *levonen,
dort in *erets-yisroel!

kurts: se zidt un kokht zikh *kohol
azh se geyt a pare.
naye *khevres oysgevaksn: *khevre "khmare",
*khevre "eyzl", *khevre "ferd",
un me rayst zikh far di *peyes un se flien berd
un me nishtert un me grobt in alte *sforim,
mitn grobn finger,
un me shpitst di *moykhes un me sharft di tsinger,
alte in di kloyzn, kinder in *khadorim,
un nito keyn oysveg un nito keyn *eytse...
un *meshiekh? - er? *beshkape yove, *beshkape yeytse!