az got vil shist a bezem
di parshoynen:
*matses
*arbe koyses
*peysekhike shmalts
eyer
ribayzn
kokhlefl
deyzhe borsht
bezem
kats
*balebos
*baleboste
ort - in shpizarnye
tsayt - *erev-Peysekh
eyer [tsu di *matses]: zayt zhe *moykhl. ven hobn mir *Peysekh?
*matses [tsu di eyer]: vos iz den?
eyer: gornisht, glat azoy. es iz undz *nimes gevorn tsu lign ot do, in der shpizarnye. mir voltn shoyn gern derlebn *Peysekh.
*matses: tsikave *beytsim! mir lign do fun nokh *Purim on.
shmalts: fun nokh *Purim? a tayere *metsie! ikh shtey nokh fun far *Khanike.
borsht: un mikh hot men do avekgeshtelt bald nokh *sukes. s'iz mir shoyn azoy umetik, az ikh hob , dakht mir, gekhapt a shiml.
*koyses: *lemay ot shteyen mir do fun farayorn?
kokhlefl: haynt vos zol ikh shoyn zogn? ikh bin elter fun aykh alemen. ikh bin do a kokhlefl fun zint der *balebos mit der *baleboste hobn *khasene gehat.
ribayzn: ober take nisht mer vi a "kokhlefl"...
kokhlefl [beyz]: her nor, du blekhene *keyle, vos bistu do far a makher?
ribayzn: mer makher fun dir. ven nit ikh, vu volt men nemen *morer tsum *seyder?
bezem [tsit oys a gelekhter fun vinkele]: khi-khi-khi!
*koyses [eyns tsu dos andere]: ver khikhiket dos?
*matses [tsu di *koyses]: s'iz der bezem. dakht zikh, aza bezem volt gemegt hobn *derekh-erets khotsh far undz, *matses?
eyer: vos epes far aykh? un vu zenen mir?
*matses [mit *gadles]: vos iz mit aykh der *yikhes? me est aykh den nit a gants yor?
eyer: fregt zhe ober di *balebatim, vos far a *tam hobn *matses on eyer?
shmalts: un vos iz *matses mit eyer on shmalts?
borsht: molt aykh, az ikh bin a bisl neytiker fun aykh alemen. aykh, eyer un shmalts, banutst men nor fun *yoytse vegn, un on mir kon men *Peysekh zikh nit bageyn. fregt oyf a tsikavest di *matses, vos far a *tam hobn zey, az me brokt zey in borsht arayn.
*matses: vos *emes iz *emes. mir voltn ober veln visn, vos far a *tam volt gehat a *Peysekh-borsht on undz, on gebrokte *matse?
eyer: oder ven me zol dem borsht nit farvaysn mit an ey?
shmalts: un me zol nit arayntun keyn lefl shmalts?
kokhlefl: un mikh hot ir fargesn?
ribayzn: kokhlefl iz umetum a kokhlefl!...
kokhlefl [in *kas]: blekhener *shlimazl! vest nit antshtumt vern?
bezem [lakht fun vinkele aroys]: khi-khi-khi!...
*koyses: vider khikhiket er, der bezem?
*matses: a[n] idyot!
eyer: nit aza[n] idyot, vi an *azes-ponim!...
shmalts: un vos darf men, a shteyger, a bezem oyf *Peysekh?
borsht: oyf sim-sot *kapores!
ribayzn: farnemt umzist an ort in shafe.
kokhlefl: tomer iz do karg eng... me vert dershtikt ot do bay zey in shpizarnye... ikh vel pruvn efenen di tir... [efnt a halb tirl]
shmalts [tsum kokhlefl]: vos tut ir? ir vilt, s'zol arayn di kats? zi vet *kholile makhn fun undz alemen a *tel!
*matses: mir hobn keyn *moyre nit far keyn kats.
eyer: mir oykh nit.
*koyses: mir *avade nit.
ribayzn: un ikh *avade un *avade nit!
kokhlefl: ikh her zi, vi di kats!...
borsht: *afile ikh her zi oykh in Trok. ot iz zi, di *mekhuteneste! [es kumt arayn di kats, kukt zikh arum un mruket]
kats: murrrrr...
*matses: *borekh-habo, a gast!
*koyses: skotsl kumt.
eyer: me zol dermonen *Meshiekhn.
ribayzn: zet nor, zi geyt in zokn!...
kokhlefl: dos hot ir di *baleboste ongeton zokn, zi zol *kholile nit *khometsdik makhn dos zaltsbretl.
borsht: beser geven farshlisn di kats in a bazundern *kheyder, eyder ontun ir zokn oyf di fis. a narishe *baleboste bay undz!...
*matses: zet nor, vi zi shmekt mit der noz, di *ganevte!...
*koyses: interesant tsu zen, vuhin vet zi geyn frier.
eyer: nisht keyn narishe kats, kh'lebn. zi krikht glaykh tsu der shmalts, vi mir zenen *beytsim oyf der velt! ober glaykh tsu der shmalts!
ribayzn: zet nor, zi lekt shoyn! zi frest, di *zoylel-vesoyvenitse!
kokhlefl: a *khidesh, vos di shmalts lozt zikh azoy umfarshemt bahandlen!...
borsht: vos zol zi nebekh ton? shuldik iz di *baleboste. hot zi gezolt farshlisn di shafe fun yener zayt. nit umzist zogt di velt a vertl: az di *baleboste iz a *shlimezalnitse, iz di kats a nasherin.
bezem [shist oys a gelekhter]: kha-kha-kha! [farn gelekhter shrekt zikh di kats iber, tut a shprung, kert iber dem top mit shmalts, velkher fartshepet di eyer, di *koyses mit di *matses, un tsuzamen mit zey falt um di gantse shafe, un es vert oyf der erd a mishmash fun *Peysekhike borsht, mit farnetster *matse, mit tseshlogene eyer, mit tsebrokhene *koyses, mit shmalts, mit a ribayzn un a kokhlefl oykh *besoykhem. geblibn iz bay der zayt nor der bezem. - der klap fun der shafe lozt zikh hern in shtub. es kumen tsu loyfn, nit toyt, nit lebedik, di *baleboste mitn *balebos]
*balebos: vos iz do geshen? [blaybt shteyn vi a geleymter]
*baleboste [brekht di hent]: a duner hot mikh dershlogn! der gantser *Peysekh iz *khorev gevorn! [veynt. der *balebos ziftst. in droysn fayft der vint. durkhn fentster *ganvet zikh arayn a toyter shtral fun der kalter *levone. in vinkele zitst di kats un balekt zikh. di shtimung iz a hekhst dekadentishe]
*balebos [mit an untererdisher shtim, vi fun *keyver] vos tut men?
*baleboste [visht oys di oygn]: *koydem darf men nemen dem bezem un oyframen dem *hekdesh... [nemt dem bezem un kert]
bezem [tsum gants bisl mist]: nu? haynt zet ir shoyn? az got vil shist a bezem!...
forhang
