*mayses fun hintern oyvn 11: *Yokhid un *Yekhide

*Yokhid un *Yekhide

gevidmet A. Sutskever tsu zayn *yoyvl

  1

in a *heykhl vu s'vartn *neshomes ongebreyte aroptsunidern in *shoyel, oder vi andere rufn es: erd, hot gehoyert a *neshome fun vaybershn *min, *Yekhide.
*Yekhide hot gehat gezindikt in dem *oylem vuhin zi iz aropgekumen fun *kise-hakoved.
*neshomes fargesn dem *shoyresh.
*Pure, der *malekh fun *shikkhe, geveltikt umetum oysern *eyn-sof.
*Pure iz *tsimtsem, *haseyser ponim.
*Yekhide hot gemakht skandaln, *khoyshed geven yede *malekhte az zi hot *asokim mit ir gelibtn, *Yokhid, gelestert got, *afile geleyknt in im.
s'iz oysgekumen loyt ir grayziker *hasoge, az di *neshomes vern nisht bashafn mit a *takhles, nor kumen oyf fun zikh aleyn, on a zinen un a tsvek, un s'iz *les-din veles-dayen.
di *shoftim in yene *mekoymes farlengern dem tsorn un zenen *dan *lekaf-zekhus, ober s'iz gekumen tsu a *mishpet un m'hot *Yekhiden *farmishpet tsum toyt, dos heyst: aroptsuzinken tsu dem planetl erd.
*Yekhides *meylits hot apelirt tsum *bezdn-shel-mayle un *afile tsu *Meta''t sar haponim, ober di *Yekhide hot zikh gehat azoy farflekt, az keyner hot zi nisht gekont bashiremen.
m'hot *Yekhiden opgesheydt fun *Yekhiden, m'hot ir opgehakt di fligl, opgeshoyrn di hor un m'hot ir ongeton a lang *malbesh, di *takhrikhim fun yene vos vern farlendt.
m'hot zi mer nisht geshpayzt mit himlisher muzik, mit *gan-eydn-reykhes, mit *soydes-hatoyre, mit der loyterkayt fun der *shkhine.
zi hot zikh mer nisht gebodn in kvaln fun balzam.
in *tfise-kemerl hot shoyn bay tsaytns gehersht di fintsternish fun *oylem-hatakhtn.
erger fun alts hot gematert di benkshaft nokh *Yekhiden.
*Yekhide hot zikh mer nisht gekont farbindn mit im telepatish.
m'hot ibergerisn ir klarvoyantishe komunikatsye, m'hot ir tsugenumen di yunggezeln un yung[g]ezelins vos hobn zi badint.
s'iz *Yekhiden gornisht farblibn *akhuts di forkht farn toyt.

vos *emes, der toyt iz an ofter gast in dem *oylem vu zi hot zikh oyfgehaltn.
ober s'hot getrofn s'*rov mit *neshomes niderike, farlangvaylikte, on libshaft.
genoy vos s'geshet mit a toyter *neshome hot *Yekhide nisht gevust.
zi hot oykh nisht gevolt visn.
ven a *neshome iz oysgegangen, hot zi zikh azoy gut vi oysgeloshn, *hagam s'iz geven a meynung az a funk *khies blaybt in ir.
zi hot glaykh ongehoybn foyln un iz bavaksn gevorn mit shleym.
a bagreber hot zi arayngeleygt in a *keyver vos heyst: trakht.
dort iz zi gevorn a fungus, a parazit, vos hot getrogn dem umheymlekhn nomen: kind.
shpeter hot zikh ongehoybn di payn fun *gehenem: geburt, vuks, arbet.
loyt vi di *muser-sforim hobn geshribn, iz der toyt vayt nisht di letste stadye.
di *neshome laytert zikh oys un kert zikh um tsurik tsum *shoyresh.
zi shtaygt nokh hekher.
ober fun vanen hobn di *muser-sforim dos geshept?
oyf vi vayt *Yekhide hot zikh orientirt iz keyner fun der erd biz itst nisht tsurikgekumen.
di oyfgeklerte *Yekhide hot gehaltn az a *neshome foylt a shtikl tsayt un vert dernokh gornisht, tsegangen in a fintsternish vos s'iz nishto fun ir keyn umker.

itst hot *Yekhide gemuzt avek ahin.
yede minut hot zikh gekont bavayzn *Doyme, der *malakh-hamoves, mit der fayerdiker shverd un mit di toyznt oygn.
frier hot *Yekhide geveynt teg, nekht, vokhn.
dernokh zenen di trern gevorn oysgetriknt.
di trakhtenishn vegn *Yokhidn hobn nisht oyfgehert nisht oyf der vakh, nisht in shlof.
vu iz er?
*Yekhide hot voyl banumen az eybik vet er nokh ir nisht troyern.
di *heykholes zenen ful mit sheyne yungfroyen, *malekhtes, *seyreftes, *kruvim, *erolim, [?] *khayes-hakoydesh, yede mit ir *kheyn, mit ir lust, mit ir farfirerishkayt.
vi lang kon aza *Yokhid tsoymen di farlangen?
*Yokhid iz vi zi, *Yekhide, an umgleybiker.
dos hot er zi gelernt az der gayst iz nisht gevorn bashafn, nor hot zikh antviklt in a natirlekhn protses vos er hot gerufn evolutsye.
*Yokhid hot nisht onerkent keyn frayen viln, keyn *mitsves un *aveyres.
vos kon im ophaltn?
er ligt shoyn *avade in der shoys fun epes a bafliglter *nekeyve un er dertseylt vegn ir, *Yekhiden, vi er hot zikh frier barimt far ir vegn andere.
nu, ober vos zol zi ton?
 vos kon zi ton?
in dem kemerl vos zi hot zikh itst gefunen zenen farshtopt ale *tsinoyres.
s'hot do nisht aropgenidert keyn *shum genod, keyn *shum *shefe, keyn *shum sheynkayt.
s'hot do gehersht der *mides-hadin.
fun danen hot gefirt eyn veg: arop tsu der erd, tsu *gashmies, kelt, fintsternish, un tsu di *pkhodim vos trogn dem nomen *guf, fleysh, blut, markh, nervn, otem un nokh azoyne umverdikaytn, vos fun dem bloyzn trakhtn derfun vert di *neshome farglivert.
tsvor, di frume hobn tsugezogt *tkhies-hameysim, di *neshome, hobn zey gelernt, blaybt nisht eybik shmakhtn oyf der erd.
nokh dem vi zi kumt iber di erdishe shtrof, geyt zi tsurik oyf fun vanen zi iz gekumen.
ober *Yekhide, di voylgelernte, hot dos gehaltn far aytl obergloybn.
vi kon a *neshome zikh umkern nokh dem vi zi iz gevorn farvandlt in dem foylekhts vos m'ruft layb?
*tkhies-hameysim iz nisht mer vi a vuntsh, visnshaftlekh nisht oysgehaltn, a puste treyst far *neshomes primitive, shrekedike...
mitn eygenem viln iz nokh keyner tsu dem *bes-oylem erd nisht arop, *akhuts a por *halb-meshugene zelbstmerder.

  2

in eyner a nakht ven *Yekhide iz gelegn in a vinkl un zikh gegriblt vegn *Yokhidn un di fargenigns vos er hot ir ongeton - di kushenishn, di tsertlekhkayt, di *soydes vos er hot ir ayngeroymt in oyer, di alerley shpilerayen vos er hot zi oysgelernt - hot zikh bavizn der *malakh-hamoves, genoy vi di *muser-sforim hobn im geshildert: mit a fayerdiker shverd un ful mit oygn.
er hot a zog geton tsu *Yekhiden:
- shvester, dayn tsayt iz gekumen.
- iz nishto keyn *shum opbetenish?
- fun danen iz nokh keyner nisht aroys gants - hot der *malakh-hamoves geentfert.
- nu, tu dos daynike.
- zay zikh *misvade, *Yekhide.
*tshuve helft *afile itst.
- vos kon es mir helfn oyb ikh zink arop tsu der erd?
neyn, kh'hob oyf gornisht keyn *kharote.
oyb kh'badoyer epes iz es vos kh'hob nisht mer gezindikt - hot *Yekhide geredt a vidershpenike.
- shvester mayne, kh'veys az du tsornst oyf mir.
ober vos iz dos mayn shuld?
kh'hob zikh aleyn far keyn *malakh-hamoves nisht gemakht.
ikh shtam fun a hoykhn *oylem un dort hob ikh gezindikt glaykh vi du do, un m'hot mikh aropgeshikt aher vern a *malakh-hamoves.
s'iz mir azoy lib tsu shekhtn vi dir umtsukumen.
ober epes hobn ikh gelernt fun mayn *melokhe.
zay visn az der toyt iz nisht azoy groylik vi du molst dir oys.
tsvor, dos aropfaln tsu der erd un dos arayn in der trakht iz nisht laykht.
ober di nayn *khadoshim vos m'hoyzt dort zenen gornisht azoy biter.
vest alts fargesn, gornisht gedenken.
dos aroyskumen fun der trakht un dos onheybn dem tsveytn semester fun toyt iz shverlekh, ober di kindhayt iz a guter peryod.
der kerper iz frish un nokhgibik.
du gefinst ale zayne shvakhkaytn.
du lernst *toyre fun toyt.
du geveynst zikh tsu tsum *guf un zayne eytlkaytn.
du verst tsu im azoy tsugebundn, az er vert dir tayer.
nokh a vayl meinstu az toyt iz lebn.
s'dergeyt dertsu az du heybst dikh on shrekn far dem tog ven der toyt vet oyfhern...
*Yekhide hot im ibergerisn.
- *harge mikh oyb du muzt, nor ikh vil nisht hern dayne tsinishe treystverter.
- kh'zog dem *emes.
der toyt doyert nisht mer vi a por tsendlik yor.
bloyz di ergste *reshoim blaybn toyt hundert yor.
der toyt iz nisht mer vi a tsugreytung tsu a nay lebn, a frishn onheyb.
- kh'bet dikh, makh an ek tsu di dozike *melitses!
- kh'vil zolst visn nokh epes: s'iz faran *bkhire dort oykh.
- voser *bkhire?
*beemes, azoyne narishkaytn pasn nisht *afile far a parshoyn fun dayn sort.
- s'iz dort do *bkhire.
in di groyln fun toyt, in same tifenish fun *shoyel zenen faran gezetsn, protsesn, opkloybn.
loyt vi m'firt zikh toyterheyt, azoy kumt men tsurik tsum nayem lebn.
der toyt iz a varshtat far der rehabilitatsye fun *neshomes.
ver s'farshteyt dos, hert oyf zikh tsu shrekn far im.
- kh'bet dikh, farendik mikh.
- ayl mikh nisht.
host nokh a por minut tsu lebn un kh'muz dir gebn di instruktsyes vos zenen dir neytik.
zay visn az oyf der erd zenen oykh faran *mitsves un *aveyres.
di greste *aveyre iz emetsn tsurik lebedik makhn.
in ir gantser badrengenish hot *Yekhide zikh tselakht.
vi kon eyn toyter lebedik makhn dem andern?
- s'iz laykht.
der kerper iz fun aza shtof, az fun a rir tsefalt er zikh.
dir dukht zikh az *tkhies-hameysim iz ummeglekh.
in *emesn iz es di laykhtste zakh.
der toyt iz vi shpinvebs.
fun dem mindstn vintl tsefilt er.
ober m'tor nisht lebedik makhn nisht yenem un *afile nisht zikh aleyn.
m'tor zikh nisht farkirtsn dem toyt vayl dos brengt naye shtrofn un naye toytn.
nisht bloyz tor men nisht yenem lebedik makhn mit a mol, nor m'tor nisht ton keyn *maysim, redn verter un trakhtn gedanken vos firn bislekhvayz tsu der farlendung fun toyt.
glaykh vi m'muz do hitn dos lebn, azoy darf men dort hitn dem toyt.
glaykh vi m'muz do hitn dos lebn, azoy darf men dort hitn dem toyt.
- ligns! fantazyes!
oystrakhtenishn fun a *malakh-hamoves.
- s'iz *emes.
s'iz dort faran a *toyre un zi iz geboyt oyf eyn *klal:
yenems toyt darf dir zayn azoy tayer vi dayn eygener.
gedenk di dozike verter.
zey veln dir tsu nuts kumen in tol fun toyt.
- kh'kon mer nisht hern di dozike *shkorim!
un *Yekhide hot farshtopt di oyern.
- kum shvester...

  3

yorn zenen ariber.
m'hot shoyn *Yekhiden gehat fargesn in dem *oylem vu zi hot gelebt.
ober s'iz nokh geblibn dort a muter un zi hot getsundn yortsaytlikht nokh der tokhter.
do oyf der erd hot *Yekhide gehat an andere muter - a toyte muter, vi oykh a toytn foter, toyte brider, toyte shvester.
zi hot gehat shtudirt in mitlshul far *atsomes-yaboshes un genumen kursn in a hoykhshul mit voylklingendikn nomen Rigor mortis.
zi hot zikh gefunen in a groyser *meysim-shtot, der yarid, vu m'greyt tsu di toyte far alerley *bes-oylemdike funktsyes.
s'iz geven in friling ven dos foylekhts oyf der erd tseblit zikh in der gantser kretsikayt.
fun di *kvorim, di gedenkbeyner, di *tahre-vasern iz oyfgegangen a geshtank.
milyasn *nefashes vos in vinter hobn zey nokh gelebt, zenen itst aroys in di gemarkn fun *tsalmoves, ongeton *gufim, gevorn flign, blumen, shmeterlingen, verem, yeder loyt zayn mos fun zind un shtrof.
zey hobn aroysgelozt di *koyles, *reykhes un shorkhenishn vos gibn iber di ranglenishn fun *gsise.
ober *makhmes *Yekhide iz shoyn gehat arayngevaksn in di *hevl-havolim fun toyt, iz ir forgekumen az di ale *pegorim lebn.
zi iz gezesn oyf a bank in a park un gekukt oyf der *levone - a *ner-tomed in a toytn-sharbn vos balaykht a kapele dos erdishe *khashkhes.
vi ale *bar-menens fun vayberishn *min, hot *Yekhide gelekhtst tsu fareybikn dem toyt, tsu shenken di trakht far a *keyver fun naye geshtorbene.
ober dertsu darf men a *mes fun mansbilshn *min.
tsu baheftn zikh mit im iz neytik di *sine vos di toyte rufn oyf *segi-noher-loshn: libe.

azoy vi *Yekhide iz gezesn oyf der bank un gekukt tsu di oygnlekher un tsu dem nozlokh fun *levonedikn toytnkop, hot zikh tsugezetst oyf dem andern ek bank a *mes in vayse *takhrikhim, in a hoyb fun shtroy un in shikh tsunoyfgeshtept fun der fel fun a kalb.
a vayl hobn di tsvey *meysim geglotst oyf zikh in der tunklkayt - a kukenish fun oygn vos s'dukht [202] zikh zey, az zey zeen *beys in der *emesn zenen zey shtok blind.
dernokh hot der mansbilsher *mes gefregt:
- zayt mir *moykhl, fraylin, ir veyst *efsher vi shpet s'iz?
oyfn *bes-oylem mest men *keseyder di tsayt, vayl tif in zayn vezn hoft yeder *mes di por yor zoln vos gikher ariber un er zol opkumen di shtrof.
ober zey veysn nisht derfun.
zey kumt for farkert, az yede minut vos geyt farbay iz zey a shod.
*Yekhide hot a tsiter geton.
- vi shpet? a sekunde!
zi hot getrogn ibern hantgelenk an instrument aza vos mest tsayt un teylt zi fanander in alerley *khelokim, ober di tsifern zenen geven azoyne kleyne un di shayn aza tunkele az zi hot nisht gekont untersheydn tsvishn eyn tsifer un dem andern.
derzen az zi matert zikh im tsu zogn di rikhtike tsayt, hot der mansbilsher *mes zikh kligerish tsugerukt tsu ir un forgeshlogn:
- meg ikh ton a kuk?
ikh hob a gute *rie.
- yo, oyb ir vilt.
oyfn *bes-oylem tut men keyn *shum zakh nisht oyfrikhtik.
dort muz men oyf alts hobn an oysreyd un a dreydl.
nisht umzist ruft men di erd: der *oylem-hasheker.
der mansbilsher *bar-menen hot ongenumen *Yekhides hant un tsugeboygn dos *ponim tsum tsiferblat.
s'iz nisht geven dos ershte mol vi a mansp[a]rshoyn hot ongerirt ir hant, ober epes iz geven in dem hantbarir fun dem dozikn *nifter vos hot aroysgerufn a tsiternish in ire glider.
er hot gegaft lang un zikh nisht gekont antshlisn.
tsum *sof hot er zikh ongerufn:
dukht zikh s'iz tsen minut nokh tsen.
- azoy shpet shoyn? nu, a dank.
- meg ikh zikh forshteln? mayn nomen iz *Yokhid.
- *Yokhid? ikh heys *Yekhide!
- vos far an oysterlisher tsufal!
a lange vayl hobn beyde geshvign un zikh tsugehert tsum toyt in zeyer blut.
dernokh hot *Yokhid gezogt:
- vi herlekh di nakht iz!
- yo, prekhtik.
s'iz do epes in friling vos men kon nisht ibergebn mit keyn verter.
- m'kon keyn zakh nisht ibergebn in keyn verter - hot *Yekhide geentfert.
azoy vi zi hot dos gezogt hobn beyde gevust az zey zenen ongebreyt zikh tsu porn un tsutsubreytn a *keyver far a nayem *mes.
vorem vi toyt di toyte zoln nisht zayn, blaybt in zey a reshtl lebn, a shpur fun yenem visn vos filt on ale *oylomes un makht keyn mol nisht keyn *toes.
der toyt iz nisht mer vi a maske, a farblendenish, an oysdukhtenish.
hinter zayne *shkorim loyert ale mol der *emes.
di *khakhomim hobn farglikhn dem toyt tsu a zeyfnbloz vos doyert a minut un mit a shtroyele kon men im oyfshtekhn.
nu, ober di toyte zenen shtolts un shemevdik.
di toyte shemen zikh mitn toyt un deriber muzn zey alts farborgn mit hinterlistikayt un reyd.
vos toyter a *mes, alts baredevdiker iz er.
- meg ikh fregn vu ir voynt? - hot *Yokhid gefregt.
vu hob ikh im gezen?
fun vanen kon ikh im?
far vos iz mir zayn *kol azoy kentlekh? - hot *Yokhid getrakht. - un far vos heyst er epes *Yokhid?
dos iz a zeltener nomen.
gezogt hot zi:
- do nisht vayt.
- hot ir epes kegn dem ikh zol aykh tsufirn aheym?
- s'iz nisht neytik. a dank. nor oyb ir vilt...
- yo. s'iz nokh fri far mir tsu geyn shlofn.
*Yokhid iz oyfgeshtanen.
*Yekhide hot zikh oyfgeshtelt.
iz dos der basherter vos nokh im benk ikh zint ikh hob zikh oyf di fis geshtelt? - hot *Yekhide gefregt. - kon dos zayn az der *goyrl hot im tsugeshikt grod itst oyf aza shteyger?
ober vos iz *goyrl?
der profesor hot dokh ersht nekhtn gepreydikt az s'iz nishto keyn *goyrl, keyn bashertkayt.
s'iz gornisht faran *akhuts atomen un zeyere kombinatsyes.
der gantser univers iz dokh nisht mer vi a fizish-khemisher protses, a produkt fun a kosmishn oyfrays.
a droshke iz farbaygeforn un *Yekhide hot gehert vi *Yokhid zogt:
- kh'bin nisht dreyst, nor *efsher volt ir gevolt forn mit mir in a droshke?
- forn vu?
- glat azoy shpatsirn. in di aleen.
onshtot zikh ontsubeyzern oyf im, vi zi hot *bedeye gehat, hot *Yekhide a zog geton:
- tsu vos? s'iz a shod ayer gelt.
- vos iz gelt?
vi lang m'lebt darf men genisn.
di droshke iz tsugeforn un beyde zenen ayngezesn.
*Yekhide hot zikh opgegebn a *kheshbn, az zi darf nisht forn mit dem fremdn *bokher glaykh bay der ershter bakantshaft.
vos vet er trakhtn vegn ir?
er vet meynen az zi iz epes a hur vos geyt mit yedn *zokher.
zi hot im gevolt oyfklern, az zi iz fun der natur a tsurikgehaltene, der *heypekh derfun vos zi vayzt im oys, ober zi hot derbay banumen az zi kon ir kompromitatsye shoyn nisht opvishn.
zi iz gezesn a shvaygndike un zikh tsugehert tsu der eygener shtoynung.
an umbakante noentkayt hot gehoykht fun im tsu ir.
zi hot *kimat geleyent zayne gedanken.
zi hot gehat a farlang di nakht zol eybik doyern un zi zol *keseyder azoy forn mit im.
iz dos libe? - hot zi geforsht. - kon men zikh vorhaftik farlibn azoy gikh?
nu, un bin ikh gliklekh? - hot zi zikh gefregt.
ober fun ineveynik iz nisht gekumen keyn entfer.
di toyte zenen keyn mol nisht gliklekh.
di toyte zenen ale mol *more-shkhoyredik, *afile ven zey tantsn.
nokh a vayl hot *Yekhide zikh ongerufn:
- kh'hob a modne gefil, az kh'hob shoyn dos alts durkhgelebt.
- di psikhologye hot a nomen derfar: dezha vi.
- *efsher iz faran derin epes an *emes?
- vos meynt ir dermit?
- *efsher hobn mir zikh gekent oyf an ander velt?
*Yokhid hot geton a lakh.
- oyf vos far a velt?
s'iz do bloyz eyn velt, undzer erd.
- *efsher zenen faran *neshomes?
- absolut nisht.
dos vos men ruft *neshome iz nisht mer vi der *sakh-hakl fun der mentshlekher fizyologye.
ikh veys.
kh'bin a student fun meditsin.
er hot zi plutslung arumgenumen bay der talye un vi voyl *Yekhide hot keyn mol aza heymishkayt nisht derloybt keyn *shum mansbil, *afile nisht ire *yugnt-khaveyrim, hot zi epes zikh nisht gekont fun im aroysraysn, oder *afile im betn er zol aropnemen di hant.
zi iz gezesn a banumene, gepleft fun der eygener nokhgibikayt, dershrokn far der *kharote un der farshemung vos di dozike nakht vet brengen nokh zikh.
kh'hob in gantsn nisht keyn kharakter, hot zi zikh forgevorfn.
kh'tu aleyn dos vos ikh *farmies in andere.
kh'bin a lignerin, a hipokritin.
eyns iz er gerekht: oyb keyn *neshome iz nishto un dos lebn iz nisht mer vi a kurtser epizod in an eybikayt fun toyt, - far vos nisht genisn?
oyb s'iz nishto keyn *neshome, iz oykh nishto keyn got, keyn *toyre, keyn *bkhire.
di gantse moral iz nisht mer vi a produkt fun der ekonomye.
vi rufn zey dos?
an ideologish ibergeboy...
*Yekhide hot tsugeshlosn di oygn, ongelent dem kop on dem ventl fun droshke.
dos ferd iz gegangen trit bay trit.
in der nakht hot yeder *mes - mentsh oder *khaye - geyomert oyf zayn toyt: ver mit a gelekhter un ver mit a zifts;
ver mit a grilts un ver mit a tsvitsher.
a tsol skeletn hobn zikh gehat *ongeshikert mit a getrank aza vos makht fargesn oyf a vayl di maternishn fun *gehenem.
*Yekhide hot zikh in gantsn arayngeton in zikh.
a shtilkayt hot zi arumgenumen un a farglivertkayt.
zi hot geton a kurtsn driml.
bald hot zi gegebn a tsapl, zikh ibergevekt.
ven di toyte shlofn, farbindn zey zikh tsurik mitn lebn.
s'hert oyf di oysdukhtenish fun tsayt un roym, *sibe un folgn, tsol un farheltenish.
in *kholem iz *Yekhide vider oyfgegangen in dem *oylem fun vanen zi hot geshtamt.
zi hot gezen di muter, di *khavertes, di lerer.
*Yokhid hot, *a ponim, oykh gehat ayngedrimlt vayl er hot zikh dort oykh gefunen.
beyde hobn zikh derkent, zikh arumgenumen, gelakht un geveynt far freyd.
in der minut hobn beyde derkent dem *emes: az der toyt oyf der erd iz tsaytvaylik, an iluzye, a *nisoyen un a leyter farn vaytern oyfshtayg, far reynerer libshaft.
di yunge por zenen farbay palatsn, gertner, indzlen far himlishe feygl, velder far getlekhe *khayes, oazisn far rekonvalestsirndike *neshomes.
neyn, undzer tsuzamentref iz nisht keyn tsufal, hot *Yekhide geredt.
s'iz do a got, s'iz do a tsvek in bashaf, s'iz do *ziveg, *yikhed, *bkhire.
*Yokhid un *Yekhide zenen farbay a *tfise, arayngekukt in fentster.
s'iz dort gezesn a *neshome *farmishpet aroptsunidern oyf der erd.
*Yekhide hot gevust az zi vet zayn ir tokhter.
shoyn baym oyfkhapn zikh hot *Yekhide farnumen a *kol:
- dos *keyver un der *kabren hobn zikh gefunen.
di *kvure vet tsu shtand kumen haynt bay nakht.