3. Gonte der *melamed

heysn heyst er Ziml, nor rufn ruft men im "Gonte". un Gonte ruft men im iber dem, vos er iz a Gonte, a *gazlen.
Ziml iz take a barimter *melamed, a guter *bal-tanakh un a sheyner *bal-loshn-koydesh; keyner shlogt ober nisht azoy zayne *talmidim vi Ziml-Gonte. alts heyst geshlogn! Ziml *harget, *meymest, makht broyn un bloy. un shmaysn shmayst er - zol zikh got derbaremen! un *makhmes Ziml iz shoyn a *zokn, ariber *shmoynim, vos hot oysgehaltn oyf zayn shoys etlekhe *doyres, iz nishto in shtetl *kimat eyner, vos zol zikh konen barimen, az er iz nisht geven a geshmisener fun Ziml-Gonte... Ziml-Gonte - dem *shvakh muz men im nokhzogn - leygt nisht keyn *koved oyf keynem nisht: "yo shuldik, nisht shuldik, a *nogids a yingl, a *kabtsns a yingl - leyg zikh, vel ikh dir arayntsimblen".
arayntsimblen iz bay im a shmek tabeke. s'iz geven tsaytn, az Gonte iz nokh geven yinger, flegt er brekhn beyner, makhn yidishe kinder far kalikes. a vertele - Gonte? a yid a *gvar, a hoykher un a beynerdiker. roykhert nisht, shmekt nisht keyn tabeke, trinkt nisht keyn bronfn, kukt on a bril, hot nokh *kimat ale tseyn in moyl. a berdl iz bay im a shiters, getseylte hor, vays vi zilber. di hoyt trukn un glantsik, gel vi parmet. fun di bakn shtekn aroys tsvey beyner. oyfn shtern *moyredike kneytshn, oyf di hent odern, un a *kol iz bay im fun a lempert. keyn lebediker mentsh hot nokh nisht *zoykhe geven oyf dem dozikn *moyredikn *ponim tsu zen a shmeykhl. zayn eygn vayb mit zayne eygene kinder hobn fun im keyn mol keyn gut vort nisht gehert. nishto keyn mer *moyredike zakh far optsushrekn kleyne kinder, vi: "ot gib ikh dikh op tsu Ziml-Gonte in *kheyder arayn!" "*Gonte-gazlen" - azoy ruft men im in shtot.
nor eyn tog in yor iz faran, vos Gonte vert veykh vi vaks. di *moyredike kneytshn funem shtern vern etvos oysgeglet, dos troyerike glantsndik-gel-parmetene *ponim vert etvos farroytlt un oyf di eybik shtrenge lipn bavayzt zikh vi a *min troyerik shmeykhele, vi bay a kleyn kind, *beys es kloybt zikh onhoybn tsu veynen. dos iz der tog fun *erev-yonkiper.
gekumen fun *merkhets an oysgetsvogener un an opgevashener, tsekemt di getseylte zilberne hor oyf ale zaytn un ongeton di *yontevdike tsehakte nor atlasene kapote un dos plyushene hitl mitn *moyredik breytn denik, geyt er um, sharndik mit di pantofl, fun shtub tsu shtub, tsu ale zayne *balebatim, vos zenen ale a mol geven zayne *talmidim, zey iberbetn, zikh *moykhl zayn:
- a gut *yontev! *tomer hob ikh aykh ongerirt mit a krum vort, bet ikh aykh iber, un vintsh aykh a *khsime-toyve.
entfert men im: "*gam atem, loz got *moykhl zayn". - me bet im zitsn un men iz im *mekhabed mit lekekh.

4. *reb *Moyshe-Velvl *balegole