dos vintsh-fingerl: dos tsveyte bukh

dos ershte kapitl

az di heylike *toyre zogt: "ישׂשׂכר חמור, *Yisoskher iz an eyzl, גרם, a breytbeyniker, רובץ, vos hoyert, בין המשפתים, tsvishn di gemarkn", vet nokh dem, dakht zikh, keynem shoyn nisht prikre zayn dos farglaykhenish fun a yidish *bar-mitsve-yingl tsu a loshekl baym nemen es tsu der arbet. - es loyft zikh a kleyn loshekl hinter dem vogn, velkhe di viste mame zayne, di shkape, shlept nebekh, aynraysndik zikh dos gezunt un khapndik hintervaylekhts a shmitsl, gornisht, es zol im dos onheybn tsu arn.
es loyft zikh fray, yogt hendem-pendem, driget mit di fislekh, tantst, shpringt hots-hots-hots lebedik-freylekh, farraysndik dem veydl, un hot *hanoe fun lebn.
plutslem tut men im on a tsayml, men shpant es tsu mit a shtrikl tsu der farvoglter mamen, gey, *bokher, git men im shtark ontsuherenish mit der baytsh, gey, *bokher, oyfn dronzhik!
dos harts rayst kukndik, vi yungerheyt iz es, nebekh, dershlogn, vi yungerheyt geyt es batribt, farumert in dem shvern yokh.
in der erd iz, nebekh, zayn kop, az okh un vey tsu zayne yunge yorn!
undzer Hershele vert *bar-mitsve - a loshekl shoyn mit a tsayml!
zayn kepl un zayn dar-kindersh hentl, nebekh, zenen gebundn, geviklt shtayf mit rimens, *retsues.
dos ershte mol makht er dem "*leshem-yikhed" mit layb un lebn un ale zayne kreftn tsu zayn fun haynt on *meshubed, ayngeshpant in der *avoydes-haboyre...
"וארשתיך לי לעולם" un ikh hob dikh *farknast tsu mir oyf eybik!
zogt Hershele, arumdreyendik di *retsue oyfn finger.
a tsveytn mol a drey un vayter "וארשתיך לי באמונה" ikh hob dikh *farknast tsu mir mit dem gloybn "וידעת את ה" un du zolst visn, vos far a got mir hobn!...
- genug, Hershele, zayn a yingl!
dermonen im oykh di eltern mit a *muser. - oys fray!
shoyn tsayt tsu zorgn, tsayt in zinen tsu hobn epes *takhles-zakhn...
kum, loshekl, oyfn dronzhik, kum shlepn dem yokh, *krie raysn oyf dem shtikl broyt, farshvartst vern mit undz in eynem!
tsvey mol *mazl-tov dir, Kabtsansker orem *bar-mitsve-bokherl! - *mazl tov dir mit dem "*ol-avoyde", mit dem yokh fun *avoydes-haboyre!
un *mazl tov dir oykh mit dem "*ol derekh-erets" mit dem yokh fun der biterer *parnose un dem vistn lebn!
gezegn zikh op mit dayne yunge yorn - du binst gebundn!
hob *moyre fray dem kop oyftsuheybn - s'iz an *aveyre, men tor nisht!...
zorg, zifts, krekhts un loz dir darn, trikenen der *moyekh...
un azoy vi Hershele hot gehat a sheyn kvitshik *kelkhn, hot der tate drinen gezukht dem *takhles, gevolt derfun makhn a *parnose - dos zundl zol im unterhaltn *yomim-neroim dort in dem Glupsker klayzl, vu er iz shoyn hipshe etlekhe yor *keseyder geven a *bal-tfile.
bar-mitsve iz Hershele gevorn nokh *shabes-nakhmu, punkt take in der tsayt, ven *bale-tfiles heybn on zikh tsu greytn tsum davnen, ven zey shteln di "*keyle", pruvn dem haldz, farhern zikh in shteyger;
ven es lozt zikh in di ovntn hern, vayt oyf der gas, shtiklekh fun der *rosheshonediker "*Shmoyne-esre" oyf veynendike, troyerike *nigunim.
nisht der soloveytshik, der ziser vald-zinger far a velt mentshn, nisht er iz der *meshoyrer far yidishe kinder;
nisht far zey shpilt er zayne sheyne lider vesne-tsayt in "*sfire", oyfvekndik dermit in laytishe hertser geshmake gefiln fun libshaft - neyn!
dem yidns soloveytshik iz der *bal-tfile, gefiln fun libshaft vekt er in im oyf mit dem vunder-sheynem "*ate zoykher" un zise liblekhe verter fun di heylike *neviim.
dem yidns libshaft iz getlekh reyn, hot nisht, vi got, keyn bild, keyn geshtalt, er brent, er iz farkokht, tsiet zikh far groys *kheyshek mit ale zayne gedanken ahin, ahin - tsu der heyliker *shkhine dort in himl...
"כה אמר ה azoy zogt got, shrayet oys hoykh oyf a *kol der *bal-tfile: "זכרתּי לך חסד נעוריך", oy gedenk ikh dir, *kneses-yisroel, dos gutskayt dayns in der yugnt, אהבת כּלולותיך, di libshaft dayne *kalevayz, לכתּך אחרי במדבר, dayn shpatsirn-geyn mit mir in der *midber, בארץ לא זרועה, ergets in a hek epes dort, - es git dem yidn a bri, a tsup baym hartsn, er tsaplt, flatert, shtrekt oys di hent mit a heys gebet tif fun der *neshome: ay-ay-gotenyu, liber, ziser *reboyne-shel-oylem! -
un eyder nokh er kumt tsu zikh, tseyakhmert zikh der *bal-tfile, tsegist zikh un lozt aroys in zise rirndike shteyger: הבן יקיר לי אפרים, a tayer zundl iz mir *Efroim-leb, אם ילד שעשועים, a kind - a treyst, כּי מדי דברי בו, ven ikh red fun im, זכור אזכּרנו עוד, kumt er mir oyfn zinen alts mer.
על כּן המו מעי לו, dos harts geyt mir oys nokh im, רחם ארחמנו נאם ה', a gots *rakhmones, nebekh, oyf im". - mayn yidele shteln zikh in di eygelekh trern, makht piskelekh vi a kind, es veynt in im dos hertsele un pistet zikh: oy, tatenyu!
heylik, libhartsedik, getray foterl!...
deriber farzamlt zikh, vi di binen az dershmekn ergets honik, redlekh yidn hinter di fentster fun *Leyzer-Yankls shtub, vu er arbet geshmak in "ונתנה תּוקף" un nokh azelkhe gute shtiklekh.
Leyzer-Yankl zetst verter, tsegist zikh oyfn heldzele in shteyger, ibergeyendik fun der gembe in a *bay-kol, un Hershele entfert im op oyf a kvitsh.
beyde horeven, geyen op mit shveys, *koyles alerley flien - dos fun itlekhn bazunder, eyner nokhn andern *keseyder un dos oysgemisht in eynem, dreyelekh mit a tsuk aher un ahin, der a kvetsh arop, brumendik mit a freg oyf der grober strune, yener a heyb fun untn aroyf, oyskvitshndik an entfer oyfn gleynkl.
di heldzlekh arbetn bim-bam-bim - un yidn hinter di fentster zenen zikh *mekhaye herndik.
azoy knakt der Kabtsansker soloveytshik, shpilt zayne troyerike-zise *nigunim in di ovntn biz a por teg far *slikhes, vos denstmol vert er antshvign un klaybt zikh in veg arayn in eyn tsayt mit di shvelbelekh un ale andere zumer-feygelekh.
zey ahin ergets in di vayte, vareme lender, un er mit Hershelen keyn Glupsk, dort in klayzl...
sha, shtil iz *slikhes-tsayt in dem vald, vi in Kabtsansk *shabes, ven der *oylem shloft nokh mitik, un dos shtilkayt dort varft a *more-shkhoyre.
di beymer shteyen fartrakht, farzorgt, gor nisht dos *ponim, dos geshtalt vos frier.
zeyer shoklen mit di tsvaygn - dos iz a brekhn mit di hent, zeyer zhumen - dos iz a biterer yomer, a ziftsn, a krekhtsn fun a getrayer muter, vos blaybt iber aleyn nokh dem vi ire kinder tseforn zikh in ale zaytn.
dort vu es hot ersht gelebt, zikh *gerasht, gezungen, geshprungen in itlekhes vinkele, iz atsind shtil-ruik vi oyf a *bes-oylem.
altsding dort dermont in dem tsesheydn zikh mit di libe, tif in hartsn ayngebakene.
nishto dos frierdike lebedikayt, dos frishkayt un oyfgeraymtkayt, altsding shteyt epes vi *broygez, zeyer umetik.
der himl kukt oykh nisht frayndlekh un iz epes shtark ongeblozn.
vist iz di nest - di feygelekh zenen zikh tsefloygn...
farzorgt, fartrakht shteyt der vald, glaykh vi er filt, az dos oyfheybn zikh un avekflien fun zayne shpil-feygelekh bavayzt nisht oyf keyn guts.
er meg zikh rikhtn, az bald-bald vet zikh onrukn oyf im a khmare - der vinter mit zayne bitere keltn.
un er iz atsind deriber farumert, shtark batribt.
sha, shtil, vi *slikhes-tsayt in dem vald iz atsind oykh in Kabtsansk.
mit *Leyzer-Yankls rirn zikh, hot zikh oykh gerirt *efsher a halb shtetl.
s'iz avek keyn Glupsk, vi geveyntlekh, a transport mit ale sortn lebediker *skhoyre, zukhn in Glupsk dos shtikl *parnose.
Kabtsansk hot geshpirt di bitere tsayt, es geyt oyf dem *oylem der vinter mit ale zayne baderfenishn: heytsung, a shukh, a kleyd, un take epes esn oykh.
nishto der zumer ven men, kumt iber et-azoy mit grinvarg un *patert op dos lebn vi es iz mit *shihe-pihe, mit a retekhl, a grin ugerkele, mit a knobl, a tsibele, abi farshtopn dem mogn, oysshteyn im dem *bilbl vegn der *akhile...
un der guter almekhtiker got, vos dernert ale zayne bashefenish, funem groysn vizltir biz tsum kleyn vereml in ey, er tut es baytsaytns on di zumer-feygelekh:
flit zukhn ayer shpayz ahin in di vareme lender - un ir Kabtsansker yidn: shlept zikh, oreminke yidelekh, zukhn ayer *parnose in der fremd, dort in Glupsk!

dos tsveyte kapitl

men badarf visn, vos heyst azoyns bay a yingl forn, *bikhdey tsu farshteyn Hersheles harts baym klaybn zikh in veg arayn.
gliklekher fun im iz oyf der gantser velt nisht geven in dem tog, ven er hot zikh tsugegreyt forn dos ershte mol in zayn lebn in a fremder shtot in eynem mit di eltern.
Leyzer-Yankelikhe hot zikh oykh nokhgeshlept.
geheysn hot es, zi fort oyf *keyver-oves, nor *beemes hot es geshmekt mit a gesheftl, oykh mit onkukn, dakht zikh, epes a *khosn, far Tsipe-sosyen oder far emetsn andersh - dos iz shoyn ir zakh, keynems *eysek nisht.
un *bikhdey oystsushlogn di *hetsoes, hot zi mitgefirt a bisl *skhoyre, optsuzetsn es in glaykhn gelt dort, in Glupsk.
undzer Hershele hot zikh gedakht, az Glupsk iz ergets in ek velt, epes nebn di *hore-khoyshekh, vu der himl lozt zikh arop, un der tog forn ahintsu vet zikh tsien lang, zikh gor nit oyslozn.
es farshteyt zikh, az mit a nakht frier hot Hershele keyn oyg nisht gekent tsumakhn, zikh gevorfn oyf zayn geleger fun eyn zayt oyf der anderer, trakhtndik alts funem groysn glik, vos im shteyt fir.
es hot im zikh gedakht, vi gants Glupsk shteyt atsind un kukt aroys oyf zayn taten, ale in eyn *kol: vu iz er, *r' *Leyzer-Yankl?
ven kumt er, *r' *Leyzer-Yankl?
a *mayse, a *mayse!
nokh iz nishto *r' *Leyzer-Yankl!
un plutslim vert a groys freyd, a *gdule - *r' *Leyzer-Yankl fort!
r' *Leyzer-Yankl iz shoyn gekumen!
er iz nisht aleyn, er hot mitgebrakht oykh zayn *bokherl, a *keyle-shleyme!
es iz a tsunoyfloyfenish, an erd-tretenish, men shlogt zikh iber dem taten mit dem kind, itlekher rayst zey tsu zikh oyf *akhsanye, oyf varemes, oyf a kermeshl.
men tayt oyf zey fun der vaytn mit di finger: ot zenen zey, ot geyen zey, *r' *Leyzer-Yankl mit zayn *bokherl!
zey shteln oys a shtikl davnen, a "*naaritsokh", zingen a marsh, a volekhl, farbaysn mit a Klivaner betler - un der *oylem vert *meshuge, shpringt oys der hoyt herndik azoyns.
koym vos Hershele hot derlebt tog, iz er geshvind oyfgeshtanen, opgegosn negl-vaser, gekhapt dos *tfilin-zekele, durkh velkhn dos *mazl zayns iz im azoy derhoykht gevorn, un gelofn in *bes-medresh, in der gikh opdavnen.
oyser dem hot er take nokh gehat etlekhe neytike gesheftlekh, velkhe er hot badarft farn avekforn mit zayne *khaveyrim dort oparbetn.
di *khaveyrim zenen oykh bay tsaytns gekumen in *bes-medresh arayn, vayl der *khoydesh Elel, vi itlekhn iz bakant, iz iber hoypt a tsayt, ven far yinglekh shtelt zikh der groyser *yerid, un abi gezunt, mit arbet hot men nit tsu zorgn, gesheftn zenen, *borekh-hashem, do ibern kop:
men badarf dertapn mit kuntsn dem *shoyfer un zikh pruvn blozn hintervaylekhts dort in der vaybersher shul:
derbay muz men firn di gantse *takhsise-milkhome mit dem *shames, vos er iz denstmol dertsornt un beyz vi tsen *rukhes.
oykh badarf men zayn oyfn heylikn ort, oyfn feld, s'iz dokh dortn epes do a boym mit *kol-nidre-barlekh.
haynt iz dokh oyf der velt epes oykh do a veldl mit nis-beymer, ersht tsaytik gevorene, men muz geyn raysn, onshtopn fule plyudern.
geloybt iz got, vos unter aza tsayt mit azoy fil vikhtike gesheftn iz men nokh khotsh fray, *poter fun lernen - di *melamdim loyfn denstmol, geyen tsu kind, kvoken oyf a knelung un "butsken" zikh un baysn zikh far di nez, nebekh.
Hershele hot gekukt shtolts oyf zayne *khaveyrim arum im in polish funem *bes-medresh, trakhtndik bay zikh:
oykh mir mentshn, mshteyns-gezogt, zey blaybn do un ikh ^- ikh for!
men zol im denstmol geven zogn, a shteyger: Hershele!
der *porets shenkt dir dos gantse shtetl Kabtsansk mit zayn shlos, abi blayb do, for nisht, volt er geshpign klek un nisht gevolt *afile hern. - er gezegnt zikh mit *khevre un lozt zikh geyn lebedik, freylekh.
a tog iz denstmol geven zeyer a sheyner, vi es git zikh oys a mol in *Elel, eyner fun di geshenkte teg.
nokh gants fri hot fun ir getselt dort baym ek himl aroysgeshaynt di zun mit ir likhtik *ponim un, tsetraybndik bislekhvayz dem frish kilblekhn tuman, zikh geshpiglt in toy-tropns, vos hobn gefinklt, geshpilt in alerley kolirn vi di brilyantn.
di shotns rukn zikh mit *derekh-erets trit bay trit alts tsurik un vos vayter, vayter vert heler un heler.
freylekh svishtshen di vorobeytshikes, untershpringendik mit di dine fislekh oyf di dekher, oyf di pleytn, dos ^- tsunoyfloyfn zey zikh peklekhvayz in eynem, epes hampert men zikh iber a kerndl, epes *shmuest do *kohol iber vegn zeyers a vikhtike zakh un dos - tseloyfn zey zikh in bazundere porlekh, tantsndik itlekher akegn zayn basherter, viten zikh, haldzn zikh, lyuben zikh, tsaplen, flatern mit di fliglekh - un pik, pik in kepl...
mekendik loyfn raptem tsign fun ale geslekh ahin, vu es farklaybt zikh di tsherede, fun dort geyt zi oyfn gantsn tog avek in feld arayn.
di farshayte tsign, di *shkotsim shpringen *rashndik farrisn di veydelekh het foroys, di ki rirn zikh pamelekh mit statik, nisht geaylt, tsuneygndik mit di keplekh, vi fayne *balebostes, ruik, shtil, nor etlekhe fardreyen ahintn di kep un lozn aroys vi fun a tseshpoltenem *shoyfer a heyzerikn, a kiish-narishn "me" glat azoy zikh, a grus gor frayndlekh dem gantsn shtetl yidn, oder "a zay gezunt" di farblibene kelblekh.
shoklendik zikh fun eyn zayt oyf der anderer, firt der goner, zayn gants gezindl yunge gendzlekh, vos ersht arayn in di federn, blozt fun zikh a shrek, gogotshet, shtrekt dem haldz, farvarfndik mitn kepl un lozt zikh mit der kompanye arop ahin tsum vaser.
der tog iz sheyn, likhtik vi Hershelen oyfn hartsn.
Hershele shpilyet oyf geyendik dos kapotkele, shtrekt oys di hent khapn di shney-vayse fedem, vos trogn zikh arum in der luft vi dine shpinvebs;
farkukt zikh oykh oyf di toybn, vos shvebn, dreyen zikh het in der hoykh mit oysgeshpreyte fligelekh, reyn-klor glantsndik, gold un zilber - un er hot *hanoe, s'iz im epes gut, gring oyf der *neshome.
er filt, az haynt iz er gliklekh.
di gesheftn zayne hot er, geloybt iz got, opgearbet nokh beser vi gevuntshn.
er iz fray, er fort.
s'iz *yom-tevdik gut arum un arum.
reboyne-shel-oylem!
trakht er - un di oygn banetsn zikh im far fil freyd - ikh dank dir un loyb dir far dayne *khasodim.
nu, men badarf zikh nemen tsu dayn dinst: frum zayn, lernen, davnen geshmak - zayn a yid.
geyendik azoy oyfgeraymt, shtark tsufridn mit a harts ful freyd, kumt im plutslim tsu di oygn dos tayere geshtalt, di likhtike *tsure fun Beylen.
Beyle iz zikh geshtanen nebn der prizbe bay ir shtub, vu zi hot aroysgeshtelt trikenen dos tsevashene gefes un oysgehangen oyf a shtrikl etlekhe ibergeshveynkte shtiklekh gret.
zi iz geven nokh nisht ongeton, nor in eyn untersht kleydl, fun hintn farshtekt, borves.
di arbl funem hemd vayt farkatshet oyf di fuletshke, dike orems biz iber di eyln-boygns.
der buzem a bisl ofn, der gantser haldz, *mekhile, in droysn un di hor tsepatlt, vi geveyntlekh a *berye a meydl fri morgn.
undzer Hershele shtark oyfgeraymt, *simkhes-toyredik, loyft tsu in groys *khedve hastik tsu zayn *bas-malke, fregt im *bekheyrem, vi azoy dos iz geshen, epes gor take vi der guter yor volt im fun hintn tsu ir a shtup geton.
er gezegnt zikh mit ir, nemendik zi bay der hant, vi zi volt geven a mansparshoyn, un redt epes far fayer, far vaser.
nisht rekht tsu gedenken vos.
Beyle blaybt fargaft, veyst nisht vos tsu ton.
un az di ershte hits iz ariber, lozt Hershele op Beyles hant, makhndik, nokh alts nisht rekht baym zinen, mit a narish gelekhterl:
- he... bay a meydl di hant!...
a yidene, he, *sholem aleykhem!...
nor vi er kumt bald in gantsn tsu di gedanken, nemt im op dos *loshn, er vert royt un bleykh.
Beyle shtikt zikh shtilerheyt far gelekhter mit aropgelozene oygn, avekrukn zikh in der zayt, un Hershele trogt zikh op geshvind vi a *ganev.
Hershele iz geven epes gor tsedreyt, bay zikh in hartsn *mies aropgefaln.
staytsh, vos hot er geton!...
ersht zogt er tsu, dem *reboyne-shel-oylem tsu tsu dinen, zayn a yid - un plutsem aza *mayse, azoyns "im" optsuton!...
fe! - er shpayet, kratst zikh far fardros in der *peye un makht: na-na!...

dos drite kapitl

az Hershele iz gekumen aheym, hot er gekhapt a shtikl *psak, far vos er hot zikh epes azoy gezamt.
der tate iz shoyn geven ongeton in di veg-kleyder: a tsitsen, opgeblyakevet khalatl, di arbl un di poles fun fornt ayngetunkt in fete, farhartevete flekn fun alerley *maykholim, oysgemisht mit grinlekher tabake un geglantst epes mit a *mise-meshune-kolir, der hintn oysgeribn un ertervayz dort kukn aroys shtiklekh klyotshe.
oyfn kop epes a *min opgeforn, shtark tsekneytsht mitsl.
nor di alte tserisene vegshikh mit lates, velkhe er hot badarft onton, zenen im dervayl oyf di fis nokh nisht geven, men hot zey ersht gezukht un gepruvt mit der kotshere aroyssharen fun unter der bet.
dos hoyzgezind hot getantst arum im, shtark basheftikt mit aynpakn di klimkes un er iz geshtanen ongezotlt vi a ferdl.
yo, nebekh, take a ferdl, vos hot badarft shlepn oyf zikh a shtub mit kinder.
eyn mol in yor flegt er muzn zikh azoy aynshparn, geyn in veg arayn, aynraysn zikh dos gezunt, arbetn oyf ale *keylim un fun der doziker *nesie iz opgegangen dos lebn funem hoyzgezind dos gantse yor...
deriber hot zikh in aza tog gevigt di gantse shtub, ale zenen oyfgeven un *Leyzer-Yankl, nebekh, iz geshtanen ongezotlt bleykh, fartrakht mit an ernst *ponim.
di mame iz geven ongeton in ire vegkleyder, epes *mine shmates azelkhe fun Khmelnitskes tsaytn, in velkhe zi iz oysgekumen greber, diker vi shtendik un a *min tikhl ongerukt oyfn shtern biz iber di oygn.
nor Hershele aleyn hot farshport zikh ibertsuton.
mer vi dos eyne kapotkele oyfn layb hot er nisht gehat.
di mame hot im *afile geheysn iberkern dos kapotkele oyf der linker zayt, Hershele ober hot ir bavizn bashaymperlekh, az der untershlak iz *mies farshmirt, oykh tsehakt, tsefaln un take geblibn bay dos zaynike - forn gants prost vi er geyt, derfar hot er shoyn gemuzt tsulib ton, nemen oyfn kop dem tatens an alt hitl, epes a *min katerukhe, velkhes men hot shoyn lang gemegt mit dem *khomets farbrenen, un arumgartlen zikh mit a krayke.
ot azoy ongeton vi geherik, hobn undzere parshoynen, nokh dem vi zey hobn in aylenish epes ibergekhapt, zikh gezegnt mit di kinder, gekhapt di klimkes un yogndik in eyn otem, farshvitst, farsopet, fardult vi oyf a beyzer *mehume, azoy vi der shteyger iz fun yidn baym forn.
"oyf a langn vogn in der hoykh, iz geshtanen a shtayg mit *oyfes un a korb mit eyer in polove, velkhe di mame hot avekgeshtelt dort bay tsaytns nokh in der fri.
der vogn iz ongezetst geven eng mit parshoynen, *kimat a fertl Kabtsansk.
dort hobn zikh gefunen meydlekh, vayblekh, vos zenen geforn zikh shteln far dinstn un amen, oykh alerley sortn yidn: sheyne yidn, *koshere yidn, mitn fuln moyl yidn, brenendike yidn, tsebrokhene yidn, gildene-oder-yidn, glat yidn, azoy zikh yidn un oykh-mir-yidn.
s'iz geven a farmishenish, a farplonternish mit di fis un a tsunoyfshtikenish gor umtsukumen.
Hershele mit di parshoynen vos in der mit, hobn geshvitst, take *meshune geshvitst.
di sheyne yidn hobn, nebekh, geshvitst vi a biber, di *penimlekh zeyere zenen geven oysgepriet vi a tsimes un oyb men hot zikh nisht farkilt, iz nor deriber, vayl der vogn iz geven balagert fun di oyfgekhapte parshoyndlekh, vos zenen oyf *mishkoyles geshtanen, gezesn mit kuntsn fun hintn, bay di zaytn, oykh oyf der kelnye, nisht tsutsulozn oyf di vos in vogn keyn pitsl luftele.
nor in onheyb iz itlekher gezesn *broygez, epes ongedrudlt, untergevortshet oyf dem *bal-agole un baym khapn a klap in di krizhes, a kvetsh in der mozolye funem finger hot men shtark farkrimendik zikh farbisn mit di lipn, *meyle nu-nu.
nor dernokh iz men gevorn shoyn a bisl heymisher, *derekh-erets in der zayt, eyner dem andern bet *mekhile: rukt zikh a bisl!
fun yenems a zets tut men a geshrey.
yidn zenen nisht tsu fridn un krign zikh.
di mame hot alts gepildert oyf a tsebrokhenem yidn, er zol nisht tsebrekhn ir di eyer.
der tate hot gehaltn farmakht dos moyl, ayngeviklt dem haldz mit a shtikl fey, nisht tsu farlirn, *kholile, dos *kol.
di ferd heybn on zikh unterfoyln, shlepn zikh pamelekh, makhndik mit di oysgekrokhene veydlen un di parshoynen makhn zikh harts, heybn tsvishn zikh on a *shmues.
der *orl, epes an oremer, ergets a mol gevezener ekonom, vos di gantse tsayt, zint funem oyfzetsn zikh zaynem in vogn, iz er geven farpofen, nisht oyf dem *oylem -
hot zikh *lesof oyfgekhapt shoyn nikhter, gekukt vi a nekhtiker oyf der gantser kompanye arum im un zikh tsugehert tsum *shmues, velkher iz geven far im terkish, pruvndik bald take arayn in der mit oykh mit a *shmues, vos iz vider far yidishe kinder geven *targem.
nor a yidish kepl bayst in *targem oykh.
abi gekhapt nor epes, eyn vort fun tsen, hobn zey zikh shoyn geshtoysn, gedrungen dos iberike mit zeyer eygenem *seykhl un zikh gekligt ale in eynem, gebn dem grobn poyershn kop tsu farshteyn zeyer meyn mit ale *mine *haskores:
a bisl mit undzer *loshn, a bisl mit zeyer *loshn, a bisl mit di hent, a bisl mit dem vink, a drey mit dem finger oyf a *nign, *nishkoshe men hot zikh farshtanen.
es hot zikh getsoygn a *shmues vegn dem, vos bay zey, vegn dem vos bay undz, *lehavdl, zayn nomen Ivan iz undzerer, men hot es genumen fun, *lehavdl, *Yoykhenen.
di ale *sheva khokhmes zenen genumene, undzere, men hot im oykh derklert zeyer a voyln *moshl funem *medresh, a glaykhvertl fun der *gmore, klor gemakht im in yidishe *minhogim mit dem *seykhl, vos drinen shtekt.
Ivan, *a ponim, er hot *moyde geven - etlekhe mol hot er alts oysgeshrien:
kugl, tsimes! un zikh derbay balekt.
di vayber hobn gekaykht far gelekhter, gemakht:
- tsu zayn kop, tsu zayn lebn!
kukt im on, vi er balekt zikh, er hot lib undzer kugl!
epes a yugnt mit a tsugedektn kop.
vos fort zikh shteln far an am, brumt shtilerheyt unter far zikh a troyerik lidl:

oyfn himl loykhtn shterndlekh,
in veldl shpilt a solovey,
der gantser velt iz lib un freylekh,
un mir aleyn az okh un vey.

der *orl kert zikh avek, makht zikh a bisl narish mit di vayber un men git oyf im a makh mit der hant: an *orl blaybt take an *orl!
nokh dem vi men iz a hipsh shtikl veg zikh ongegangen tsu fus unter a bergl, untershtupndik dem vogn un vider zikh oyfgezetst, hot der *oylem yidn zikh geshmak a nem geton tsu a breytn *shmues.
men redt fun altsding, vos kokht zikh do oyf der velt un dort oyf yener velt.
men redt funem handl, shatst dos farmegn fun a *sakh *gvirim, es kumt oykh tsu reyd di alte *mayse mit *r' Shmelken un es blaybt, az er hot fun *Elye hanovi bakumen a vintsh-fingerl.
es heybt zikh bald take on a gekrekhtseray, a geziftseray, a gevintsheray, eyner zogt, er zol hobn a vintsh-fingerl volt er gevintshn dos, der anderer - dos un dos, der driter - yens...
haklal itlekher vintsht epes andersh.
tsdokes iz gefaln genug vi mist, mit der fuler hant.
eyner dem andern vayzt aroys zayn groyse frayndshaft, tsuzogndik dem, yenem gildene berg.
dos gut-bridershaft tsvishn der kompanye vert geshtarkt, men filt zikh epes getreyst, nisht azoy farvorfn, fargesn in der velt un eyner mit dem andern iz zeyer tsufridn.
ot azoy hot zikh es geton biz men hot, mit dem oybershtns hilf, akegn nakht zikh koym lebedik farshlept keyn Glupsk.

dos ferte kapitl

והיא‏‎ un zi, Glupsk, hot tsu *Leyzer-Yanklen nisht azoy geton.
בבואם מקאַבצאַנסק, bay zeyer onkumen fun Kabtsansk iz Glupsk zey nisht gelofn akegn *mekabl-ponim zayn, vi Hershele hot in der heym zikh firgeshtelt.
men hot zikh iber zey nisht geshlogn, nisht gerisn itlekhn bazunder tsu zikh oyf stantsye, oyf a moltsayt.
mentshn zenen kaltblutik gegangen farbay, zey *afile nisht ontsukukn.

Hershele iz di zakh in flug shtark *koshe geven un shteyendik baym aroyskrikhn funem vogn mit a pekl in di hent oyf der gas, hot er gekukt oyfn taten farvundert, on verter, glaykh vi geredt: ha, vos zol es azoyns badaytn?
shtekt nisht drinen *efsher epes a grober *toes?
nor nokh dem vi er hot gekhapt fun hintn a dishl un der tate a shtup, azoy az er iz, nebekh, gefloygn vayt oyf etlekhe trit, shier nisht aroyfgefaln oyf dem *khazer, vos hot geshmak gekhromket bay der zayt gas, v[u]hin men hot ersht fun a ganikl in der hoykh aropgegosn, vi geveyntlekh, a fule, *meshune a shmekndike pomeynitse mit alem gutn, un tsu dem dishl mit dem shtup oykh geleyzt nokh a mol tsen in taten arayn, far vos shteyen es yidn, vi di leymene *goylems, farshtelndik dem veg - ot denstmol fun aza ontsuherenish iz im, Hershelen, farentfert gevorn di *kashes.
er hot aropgelozt di noz, shoyn take gut farshtanen...
un er un der tate zenen in zayne oygn a bisl aropgefaln.
bald baym kumen iz *Leyzer-Yankl alts geshtanen un zikh geratn mit dem vayb vegn zeyere zakhn un oyb atsind iz nisht shpetlekh a gey tsu ton tsu bakante, nor nokh aza bagegenish iz bay zey beyde geblibn mer keyn *shies nisht tsu makhn un blaybn dervayl oyf nakhtleger do in der *bal-agolesher *akhsanye.
Hershele hot men *mekhabed geven mit arayntrogn peklekh in shtub arayn, dort aroyf akhtung gebn un aleyn hobn zey zikh gebobret arum der shtayg mit *oyfes, *ibergeshmuest mit dem *bal-haagole, er zol *moykhl zayn araynforn in hoyf arayn, vu di shtayg vet dervayl shteyn oyfn vogn biz morgn.
nisht far keyn yidishe kinder gedakht aza nakht, velkhe Hershele hot oyf der *akhsanye in groyse *tsores tsugebrakht.
hungerik, mid un tsebrokhn fun veg hot er shoyn shpetlekh bay nakht, in dem groysn *rash un der *menukhe fun alerley *mine parshoynen, zikh dershtupt ergets in a vinkele un zikh a vorf geton oyf epes a hinkedikn tserisenem taptshan.
dort hot men im shoyn yo take *mekabl-ponim geven, un oyfgenumen far a gants tayer[n] gast - Glupsker vantsn, vi der gantser velt iz bakant, nemen zeyer gern oyf *orkhim mit ale *kovedn: haldzen zey, klepn in zey un krikhn zey unter di negl.
Hersheles kratsn zikh un ontsuherenish-gebn mit di hent, az er iz zey *moykhl dem *koved, hot akegn azelkhe *nefoshes nisht geholfn.
zey hobn zikh take geton zeyers, zikh gedreyt, gearbet arum dem *oyrekh mit groys fargnign, biz er hot gemuzt zikh optrogn sha, shtil un zikh geleygt *poshet oyf der erd.
ot azoy hot zikh oysgelozt Hersheles yener freylekher tog oyf velkhn er hot azoy aroysgekukt un zikh firgeshtelt in im groyse glikn!...
morgn nokh gants fri hot di mame zikh geaylt in shtot arayn vegn ire gesheftn.
shpeter a bisl nokh ir iz oykh avek der tate.
baym avekgeyn kukt er zikh arum, az di keshene iz im tserisn un far groys aylenish khapt er un git iber dos baytele mit zayn bisl farmegn Hershelen, vos iz ibergeblibn aleyn nebn di zakhn.
undzer Hershele derkhapt fun a zekele a shtik broyt mit a groyser, geler ugerke, oykh a tseyndl knobl un nemt zikh voyl ton, esn geshmak, vi oyfshteyendik fun a krenk.
untergelent dos harts bakumt er shtark *yetser-hore aroystsugeyn oyf a vayle in droysn, ontsukukn vos far a *ponim Glupsk hot.
far Hersheles oygn efnt zikh epes gor a naye velt.
altsding iz far im nay, glaykh vi ersht bashafn gevorn, ersht aroysgekrokhn fun der erd.
er shteyt fargaft, farrisn dem kop un veyst nisht oyf vos frier tsu kukn.
nor tsum ershtn varft zikh im in di oygn a gedikhte kashe fun yidn.
men loyft, men shtupt zikh in yogenish vi oyf a *sreyfe.
yidn, yidenes, kind un keyt - on *ayn-hore vi bob! - oysgemisht in ale in eynem, ongeton in alerley *malbushim, fun tserisene shmates biz di tayerste kleyder.
tsvishn zey oykh *nekeyves in sametene mentelekh mit zaydene, fardripete kleydlekh, nor *srorestes un ven zey zoln nisht geven redn zingendik hoykh, oyf der gantser gas, mit a kvitsh, shnaytsndik derbay di noz, volt er zikher gemeynt, az dos zenen *pritses...
fun ale zaytn forn boydn, baydlekh, furlekh, a teyl farplonten, farhakn zikh mit di reder, a teyl mit di dishles, un zidlerayen, geshreyen, gvaldn biz dem zibetn himl.
dos vos rinshteklekh fleytsn in di gasn, iz im keyn vunder nisht geven, s'iz dokh a yidishe shtot.
in Kabtsansk iz genug di eygene *skhoyre.
vi den andersh?
deroyf iz dokh es a gas oyf oystsugisn dort pomeynitses.
a vunder iz im nor geven di shpitsekhdike shteyner, velkhe valgern zikh in di gasn.
tsu vos nokh shteyner azelkhe oyf tsu brekhn rik-un-lend, az on dem ken men oykh in di griber do faln zeyer sheyn un brekhn dos genik!
aynfaln zol im plutslim, az dos iz a bruk, staytsh vi azoy, az gebrukirte gasn zenen far im geven nokh gor a *sod, nisht gehert, nisht gezen keyn mol azoyns.
ot ersht shpeter, az er iz zikh dergangen funem *sod, vos azelkhs badayt, iz im es take shoyn mer keyn vunder nisht geven.
azoy iz shoyn take rekht.
oykh iz im keyn vunder nisht geven di ayngeheykerte shtiblekh mit tsebrokhene dekhlekh, ongezetst gedikht eyns nebn dem andern, vayl azoy badarf zayn, azoy hobn *a ponim hayzer, vi geveyntlekh yidishe hayzer.
meshune vild hot im oysgezen gor in mitn drinen a moyerl in tsvey, in dray gorn.
reboyne-shel-oylem, vi shtupt zikh es a yid aroyf azoy hoykh untern himl un shtelt zikh nokh ayn dos lebn aroyfkrikhn ahin oyf a shmol layterl fun droysn!
take nor *vide, frier ven men geyt oyf aza layterl aroyf, muz men opzogn *vide, zikh gezegnen mit dem lebn.
di oygn Hersheles hobn alts gekukt, gefunen vos tsu zen, dos kepl zayns hot alts batrakht, getrakht un di fis zayne zenen zikh dervayl alts gegangen, gegangen biz er hot plutslim zikh a khap geton - e-e!
er iz fargangen vaytlekh un shoyn lang tsayt tsurik.
tsurik ober veyst er nisht dem veg.
er heybt on fregn bay yidn, vi geyt men tsu der Kabtsansker *akhsanye.
a teyl kukn im, in aylenish, loyfenish, beyzlekh on, nisht tsu entfern a vort;
a teyl moln im *bekitser mit der hant:
- gey, yinglekh, glaykh, glaykh, dernokh links, biz tsu a gesele, dernokh rekhts un vayter links.
dort, yingele, tu a freg, vet men dir shoyn vayzn.
Hershele, a *breyre hot er gehat, iz gegangen, farkrokhn in geslekh, in blotes, geshprungen iber shmole, eyne fun di andere vayt opgetretene klatkes, onkhapndik zikh derbay in der zayt far pleytn.
er iz, *a ponim arayn Glupsk in di kishkes, in dem mogn, vu s'iz gedikht, es shmekt un fargeyt in noz.
er hot gearbet oyf ale *keylim un iz, nebekh, opgegangen mit shveys biz er hot zikh ongeshlogn oyf a faynem yungn man, vos iz azoy gut geven zikh optsugebn mit im.
kum zogt der yunger man, batrakhtndik Hershelen mit a gut shmeykhele funem kop biz di fis.
kum, ikh vel dikh unterfirn.
bist do, vi ikh ze, nokh gor a frits.
Hershele dankt dem yungn man far zayn gutn viln *kimat mit trern in di oygn. -
helfn a *ger iz a *mitsve, makht der yunger man mit a shaynendik *ponim.
do in Glupsk, tor men keyn frits nisht zayn, bay undz do badarf men gut hitn di keshenes.
farshteystu mikh, yingele?
Hershele tut zikh geyendik a tap in keshene.
- du bist shoyn a *khosn?
- neyn! - entfert Hershele shoyn mit a freylekh harts.
- far vos neyn?
ot vestu zen, bay undz vet men in gikhn dir shteln a *khupe.
Hershele shtikt zikh far gelekhter.
- vos, du gleybst nisht?
ot vestu zen.
lakh dir, lakh, *nishkoshe!
ot iz a klatkele.
pamelekhn hob nor in zinen di keshene.
Hershele tut zikh vayter a tap.
- nu, s'iz do?
- shrekt zikh nisht, s'iz do.
far a yorn hot zikh dos eygene take getrofn mit a *bokherl vi du.
er hot zikh alts getapt, gemeynt, az bay im ligt es in keshene dos baytele, un *lesof vos lozt zikh oys? - boydem!
di karmanshtshikes, brenen zoln zey, hobn es bay im nisht far dir gedakht, dertapt un anshtot dem arayngeleygt ahin epes shpargaln, *asher-yotser-papirlekh.
du farshteyst? - nem es, *mekhile, take aroys un kuk rekht on.
foyl tor men nisht zayn.
undzer Hershele iz nisht foyl, nemt aroys dos baytele un halt es far di oygn.
- zestu, ha?
vos ikh hob dir gezogt! - dos zenen di letste verter funem faynem yungn man, vos oyskhapndik Hershelen fun di hent dos baytele, makht er a *pleyte un vert bald vi oysgetriknt.
Hershele blaybt in der heyser minut shteyn vi oysgepatsht mit a por oysgeshtelte oygn un an ofn moyl, nisht tsu visn, vu er iz un vos mit im tut zikh azoyns.
dem *oylems vertl: "a gast oyf a vayl zet oyf a mayl" hot take zikh akurat gepast tsu Hershelen.
bald in dem ershtn tog fun zayn kumen hot Glupsk zikh far im "antplekt" mit ir gantsn *koved un sheynkayt: mit ire shmole krume hintergeslekh, mit ire "piskes", levades, rinshtoklekh, shtark shmekndike kalizhes, gedikhte un shitere blotes un mit ire *ganovim, baytl-shnayder - un dos antplekn zikh irs iz im bokem oysgefaln.
farshmirt, fardripet, mit a frish-tsapldikn Glupsker koter iz Hershele ersht arum *minkhe-tsayt gekumen batribt tsurik oyf der *akhsanye.
nishto keyn tate, keyn mame un di klimkes - oykh nishto!
er blaybt toyt mit ale *eyvrim, kukt vi a duler un dos harts tyokhket im shtark.
plutslim derhert er, vi men beyzert zikh oyf im mit di verter:
- ot hostu im. dos sheyne *bokherl!
vos zogstu, ikh bet dikh, tsu zayn taten?
un er derzet far zikh Reyze di *bal-akhsanyete.
Reyze iz a kurtse, dike, breytbaykhike yidene, shoyn in di yorn, mit a geshtuplt *ponim, vos iz shtendik farshvitst un mit a tsveygorndik geyderl.
a shnirl shitere herlekh tsit zikh ir oyf der oybershter lip, vos farrayst zikh bay der rekhter bak aroyf, azoy az men zet a royt shtikl tsung aroyskukndik durkh a hipsh shpeltl oyfn ort fun tsvey oysgefoylte tseyn.
an ek fartekh iz ir shtendik farshtekt, der buzem tseshpilyet.
di tsvey ekn funem kopn-tikhl zenen farvorfn a hintn un halt geveyntlekh in der hant a palonik - a bavayz, az zi poret zikh shtendik nebn oy[v]n.
zi redt shrayendik, gikh in eyn otem funem hartsn mit a beyzer;
es dakht zikh, zi iz shtark oyfgebrakht, krigt zikh, *hagam zi meynt, *kholile, nisht keyn shlekhts un iz *beteve a gants gute.
dos iz bay ir glat aza *loshn, aza shteyger redn, vos hot nokh oysgearbet zikh fun eynike *asokim un tsuton-hobn ir gants lebn mit *bal-haagoles.
in dem *shmues varft zi alts arayn "hen a bisl!" "vos zogstu tsu zayn taten?" hoykh oyf a *nign.
oykh iz der shteyger irer baym redn ontsubeygn efters dem kop in der zayt un a for ton mitn shpits noz iber dem arbl, take a vish oyf der gantser leng funem orem.
- vos zogstu tsu zayn taten? - iz Reyze aroys mit ir shrayendikn *loshn oyf undzer Hershele, nebekh, un take a gutn for gebndik mit der noz iber dem arbl.
vi vert es a *bokherl farfaln, hen a bisl!
kukt im nor on, dos sheyne *bokherl!
nemt zikh un vert farfaln!
Hershele shteyt aropgelozn dem kop, vargndik zikh mit trern un shvaygt.
- er shvaygt nokh, dos sheyn *bokherl!
tate un mame shtarbn do.
un er, hen a bisl!
shteyt vi a *Lemekh un shvaygt.
- oy vey-vey mir! - tut Hershele a geshrey un tsekhlipet zikh, meynendik take, az di eltern zenen oyf der velt shoyn nishto un er iz geblibn a *yosem.
- nu, khlipe nisht, farfaln! - treyst Reyze undzer vist *yoseml.
vayter zol a *bokherl azoyns mer nisht ton.
tate un mame zenen dokh on a *neshome...
di *neshome iz zey oysgegangen loyfndik...
- ik-ik-ik!
khlipet Hershele mit a farklemt harts.
vil epes zogn, nor es shtikn im di trern un koym vos er brengt aroys fun moyl ikedik a por halbe tsebrokhene verter:
mam... geshtor... ik...
- oy, a duner hot mikh nisht dershlogn - tut zikh Reyze a khap, er meynt "shtarbn" heyst take geshtorbn...
es redt zikh nor azoy, narele, s'iz aza *loshn... hen a bisl!
tate un mame hobn take gekent shtarbn.
nu, sha, ot veln zey bald kumen gevor vern.
nokh bay tog hobn zey zikh mit di zakhn ibergeklibn ergets, veys ikh vu?
farkoyft di hiner, di eyer, ikh aleyn hob oykh gehandlt.
sha ot vel ikh dir gebn fun der mames eyer.
a veytik iz mir!
hen a bisl, a gantsn tog hot er nisht gegesn! - gey vash zikh un zets zikh tsum tish.
undzer Hershele iz fun toyt lebedik gevorn un zikh genumen unterleynen zayn harts mit a prezhenitse, vos Reyze hot in der gikh tsugetrogn im tsum tish, makhndik derbay oyf ir shrayendik beyzerndik *kol:
- na, es gezunt, hostu gehert, hen a bisl, men zol aza tog opfastn!
bald zenen nisht toyt nisht lebedik arayngelofn in shtub der tate un di mame, a geshrey, a gepilder.
a freyd mit a *rugze un a *muser-zogn in eynem.
- geloybt iz got! - shrayt di mame mit a freylekh harts un makht derbay take, kukndik oyfn zun, a beyz *ponim. - du veyst, vos du bist far aza *mayse vert...
- staytsh, staytsh! - fayert der tate, azoyns tsu ton!
du bist dokh vert, staytsh, staytsh, vi a hering zol men dikh tseraysn!
- hen a bisl! - iz Reyze, a gute *melitse, aroys oyf ir shprakhe, a for gebndik mit der noz iber dem arbl. - sheyne tate un mame!
men zol iberlozn a kind aleyn vi oyfn vaser!
er shrayet!
vos zogstu, ikh bet dikh, tsu zayn taten?
a kind iz a kind.
vos den?
ot shvaygt beser, shvaygt!
- oy, vi du bist farshmirt, farshlumpert. - shrayt di mame oyf Hershelen brekhndik di hent - epes gants Glupsker blote ligt oyf dir!
- ikh bet aykh, vos zogt ir tsu ir? - zogt Reyze tsushoklendik mitn kop - di *pritste - a katoves a *pritste, es gefelt ir nit dem zuns kapote, ken gor oyf dem nit kukn!
a kapote vi ale kapotes bay undz do, un vu shteyt dos in der *toyre, az a yid muz geyn *davke mitn puts? - oyb Glupsker blotes gefelt nisht der printsesin, iz on *sakone, *nishkoshe, Glupsk hot nit farlorn bay undz dem *kheyn azoy vi zi iz.
ale lebn mir, *borekh-hashem, on *bushe un on shand.
dos kind iz, nebekh, mid, shvakh, nisht gegesn dem gantsn tog, un zi...
vos art dos zi?
megst zikh, kh'lebn, shemen un loz im gemakh!
Reyzes verter hobn gevirkt un fun yener tsayt hot Hershele lib gekrign Reyzen bay zikh in hartsn.

dos finfte kapitl

undzere parshoynen zenen geshtanen tsesheydt oyf bazundere stantsyes.
nisht derfar vayl itlekher far zikh hot badarft hobn zayn *kheyder, zayn ort bazunder.
kholile!
gants raykhe yidn *afile lozn zikh oyf der *akhsanye bagnign mit a betl un shteyen dray, fir ire in eynem, abi es zol volvl kostn.
narishkaytn!
epes badarf den a yid hobn *oylem-haze? - nor vos den?
vayl andersh iz gor take nisht meglekh geven.
der tate hot, vi geveyntlekh, zikh oyfgehaltn vi-s'iz baym *shames fun dem klayzl, vu er flegt *yomim-neroim davnen.
dem *shameses *dire iz koym genug geven far zayn eygn gezind.
nor vi zogt men epes bay undz yidn - vu tsvey iz oykh a driter.
un mit dem dozikn *klal shtekt a yid, nebekh, arayn dem lefl tsu yenem in shisl, shtupt zikh arayn vu s'iz eng, krikht arayn mit a fus tsu yenem in bitl, khapt a kuk tsu yenem in *makhzer, shpart zikh tsu vi-s'iz tsu yenem oyfn geleger, kvetsht zikh arayn in boyd tsvishn ful ongezetste parshoynen un shterkhet, nebekh, op azoy dos gantse lebn.
et, vos makht es oys?
abi iberkumen;
abi *oppatern, mshteyns-gezogt, dos esn;
abi khapn a dreml;
a nakht ibertsulebn;
abi *yoytse zayn un vi-s'iz derhaltn di *neshome.
derbay hot take *Leyzer-Yankl mit dem *shames zikh gerekhnt epes shtiklekh *kroyvim, un vi der aynfir bay undzer *oylem iz, halt es a yid zikh far a muz tsu farforn tsu zaynem khotsh a gants vaytn *korev, vayl ven nisht - azoy taytsht er es - vet er im, *kholile, baleydikn un yener vider ken oyf im *broygez zayn.
un oyb *Leyzer-Yankl iz dos mol mit dem vayb, mit dem kind un hak-pak mit di *oyfes bald take nisht farforn glaykh tsum *shames - iz ershtns deriber, vayl er hot gut gevust, az azoyns iz reyn ummeglekh.
ay vos, yener ken faribl hobn, - *nishkoshe, on *sakones!
er vet es im gebn tsu farshteyn. - un tsveytns, vos meynt ir?
iz dos take gor geven dem *shameses *treyfn glik...
di mame iz gegangen oyf stantsye tsu irer a bakanter yidene fun Kabtsansk, a kekhne in a *negidish hoyz, vu zi hot opgezetst etlekhe tsendlik eyer un aroysgekukt ontsunemen bay der *baleboste a por tuts zokn in glaykhn geld oystsuarbetn un fun a tsvantsik gendzlekh federn ibern vinter oystsuflikn.
di mame hot gor geshaynt in dem shleyer, in dem *shabesdikn tikhl oyfn kop, ir iz, *a ponim, in kikh gor nisht shlekht geven, zi hot zikh dort oysgeglaykht di beyner.
di kekhne hot zi tsugepilevet, ir alts untergerukt tsu kayen, ontraybndik zi alts:
est, *Malke-Toybenyu!
est, est, mayn harts.
beydn hot dos moyl zikh nisht tsugemakht, alts geredt, geredt, zikh oysfregndik iber fil mentshn, bakante un oykh vild fremde, azelkhe vos gehern zikh mit zey *klal nisht on.
zikh dermont alte *mayses, vos nokh moydvayz.
- gedenkt ir, gedenkt ir, *Malke-Toybenyu!
- gedenkt ir, gedenkt ir, Trayne-sosenyu!
beyde hobn zikh geshmoltsn, gekukt eyne oyf der anderer mit laykhtndike eygelekh, baym *shmuesn epes mit *kheyn tsunoyfgetsoygn, ayngeshnirt di lipelekh, eyner der anderer alts: serdtse, kroyn, zolt ir mir gezunt zayn!...
es farshteyt zikh, az fun ale zakhn hot men nisht fargesn dem *iker - *rekhiles, dos beste gevirts, di geshmakste *bsomim in itlekhn vaybershn *shmues.
men hot *mekayem geven dem *minheg, oprikhtn, opshpetn mit ale *dinim un *kavones, vos drinen shtekt.
Trayne-sosye hot es *mekayem geven gants prost on *khokhmes - geflakert, geredt mit apetit, gikh, geshvind, vi es geher tsu zayn...
Malke-Toybe akegn hot dos eygene take *mekayem geven, nor mit *shmad-shtik.
alts tsugeshoklt mit dem kop, geglotst di eygelekh mit a *yiras-shomayim-peniml, *kloymersht vil zi nisht yenem baredn, fe! - nor bay zikh ober hot zi derfun shtark *hanoe, balekt zikh azh far *tayneg un varft in *shmues a mol arayn a vort.
epes mit fil taytshn, azoy un azoy.
dos vort irs, vos dakht zikh in flug gor nisht, et...
tsit ersht Trayne-sosyen baym tsung un hidet zi unter tsu flakern un tsu redn, shpetn nokh mer.
zolt ir mir gezunt zayn, *Malke-Toybenyu! - heybt on Trayne-sosye tsu moln mit dem tsingl un a mos reyd iber di *bale-bostes oystsushitn. - vos veyst ir, vos far a shlek zey zenen, di ale sheyne hayntike *bale-bostes!
bay vifl ikh bin ibergeven, iz alts eyne erger fun der anderer.
itlekhe mit ir mankolye, mayne *tsores oyf zey!
hobn gor lib ot vos, zikh tsu dreyen, tararamen, pildern, klingen mit di shliselekh.
meynen, zey tuen epes.
un tomer veyst ir vos?
- vos, vos? - rukt *Malke-Toybe arayn a vertl, *kloymersht *tam un tsiet dermit take bay Trayne-sosyen verter funem moyl.
- gornisht!... tsehitst zikh Trayne-sosye, veys ikh vos bay zey heyst es, gor a gelekhter, kh'lebn, di iz a *berye, ful in itlekhs vinkele.
yo, *emes take, ober keyn mol nisht in yenem vinkele, vu men badarf.
glaykh vi zi shpilt zikh in baheltenish.
zukht men zi do, iz zi gor dort un badarf men zi dort, ha-ha! iz zi do...
der man zukht, di kinder zukhn, men ruft, ruft un zi shrayet fun ergets aroys in eyn *kas. -
yene vider, mayne veytikn oyf ir, getroyt nisht di shayn, tseylt di groypn in tepl, far a halbn groshn volt zi zikh gelozt di oygn aroysnemen, vos iz?
- a *baleboste, vos den?
zi vil aynbrengen...
makht *Malke-Toybe mit aza minele, epes vi oyf katoves un epes vi gants ernst.
- yo, aynbrengen!
makht Trayne-sosye shtark farkrimendik zikh.
zi vil aynbrengen funem esn a groshn un aleyn brengt zi dem man oys - veys ikh oyf vos - hunderters!... eyne, epes a *shlimazl, handlt ayn in mark ale *metsies, eyer a *metsie, puter, shmalts a *metsie, got shikt ir alts tsu.
hot a shpizarne mit alem gutn un halt es ober untern shlos azoy...
- ayere meynt ir?
khapt zikh *Malke-Toybe aroys mit a vort.
bay ayerer iz es alts untern shlos? - a gute *baleboste, kh'lebn!
- tfu, a gute *baleboste, kh'lebn!
zogt Trayne-sosye iber yeners verter mit a beyz gelekhterl, oysshpayendik derbay.
halt es untern shlos azoy lang di ale *metsies, biz di eyer vern tukhle, di puter bakumt a *reyekh, der ayngemakhts getsukert un men varft es dernokh aroys...
di andere, epes a shtik fleysh, ligt iber shtendik in kikh, misht zikh tsum tepl.
veys ikh vos?
khotshe men badarf zi dort hobn vi oygnveytik.
farkert, durkh ir mishn zikh vert ersht a mishenish: der gebrotns tsugebrent, di yoykh oysgelofn un s'iz gor a tsepukenish...
- *sonim, *sonim!
a tsepukenish di *sonim! - makht *Malke-Toybe, unterlekndik zikh. - est aykh, Trayne-sosyenyu, nisht op azoy dos harts!
- tfu zoln zey vern! - shpayt Trayne-sosye oys.
vos veyst ir, vos veyst ir? *Malke-Toybenyu!...
eyne nisht keyn rekhte!
ale zenen zey *shlimezalnitses, leydik-geyerins, hobn nisht vos tsu ton un gibn zikh oys klompersht far *bries.
a *katoves, on zey volt di gantse shtub hornem-kornem zikh ibergekert.
tomer veyst ir vos? - gornisht!...
frier bin ikh geven a nar un zikh genumen tsum hartsn, fleg fun zey kayen di erd.
un haynt ober hob ikh mikh *meyashev geven - a-a, tsu ayer kop, tsu ayer layb un lebn!
ir nisters, redt, beyzert zikh, shrayt aykh *meshugenervayz un ikh tu mir mayns.
vert tsezetst!...
vos iz, tomer veyst ir, *oylem-habe vel ikh hobn?
aderabe, zogt, kroyn, serdtse, un ikh aleyn far mir, vos iz, vos, badarf nisht epes hobn?...
ir farshteyt dokh mikh, *Malke-Toybenyu, gezunt zolt ir mir zayn.
- zolt ir mir gezunt zayn, Trayne-sosenyu, vos den, ikh farshtey nisht?
ikh farshtey zeyer gut.
- vos, serdtse, bin ikh *efsher nisht gerekht?
vos iz, *tomer veyst ir fun di *skhires, vos im nem, vel ikh mikh a sheyn bisl moyern?
un eybik, ha, vos iz, vel ikh dinen?
vi zogt men epes, a mentsh iz nisht keyn eybik gever.
kol-zman men lebt, lebt men un men badarf zikh zorgn far shpeter oykh.
ikh zol mir nisht geven daroben - sha, tsvishn undz zol es blaybn - a bisl funem mel, a bisl funem *katsev, a bisl funem aynkoyfn, volt take geven a veytik mayne *sonim.
tsu vos lomir zikh do narn, *Malke-Toybenyu? - *nishkoshe!
ir farshteyt?
tsu dem vos lebt eybik hob ikh keyn *taynes nisht.
nisht tsu farzindikn.
hob, gedankt iz zayn liber nomen, vos ontsuton. - mayn kastn kleyder hot ir nokh nisht gezen?
kumt, serdtse, vel ikh aykh vayzn.
un Trayne-sosl nemt zikh vayzn ir guts, tseleygt ir kreml: shtivletlekh oyf kneplekh, eyn kleydl, dos andere geneyet nokh der letster mode mit shlyarkelekh.
a zaydene pelerinke oysgeneyt mit granatlekh, a koftele, a *shabesdikn burnos mit kutasn.
zi halt zikh pid-bokem un shmokht.
Malke-Toybe kukt zikh tsu, vi a *mevine, tsu itlekher zakh, tapt un shatst.
dos *peneml loykht ir, vi zi shept fil *nakhes fun Trayne-soslen, vos der oybershter hot zi azoy gebentsht, makht okh-okh!
farvarfndik mit di eygelekh, alts: geloybt iz *hashem-yisborekh, geloybt iz zayn liber nomen!
 un vintshevet, vintshevet, farzikherndik bay itlekhs mol Trayne-soslen, az vi dos lebn azoy lib un tayer iz zi ir.
zi hot shoyn dos gezogt un zogt take:
- *a ponim oyf der gantser velt iz den nokh do aza Trayne-sosenyu? keyn *tsar!
beyde shmeltsn zikh un vern breyter vi lenger far groys fargnign.
lomir do iberlozn oyf a vayle dem *meylekh mit der *malke - dem *meylekh baym *shames, di *malke in kikh - un zikh nemen tsum *ben-meylekh.
undzer *ben-meylekh, Hershele, iz zikh gelegn oysgetsoygn, vi baym taten in vaynhoyz, oyf a bank in klayzl.
dort iz far im geven *nishkoshedik fun an ort oyf ontsushparn dem kop.
di bank iz geven tsvey mol lang vi er, azoy az er hot gekent oysshtrekn di fis gants fray un onshtot a kishele tsu-kopns hot im zeyer gut gedint dos porentshele.
moyre tsu hobn nekhtikn dort hot er nisht gehat vos, vayl er iz nisht geven aleyn, mit im hobn geshlofn in klayzl nokh etlekhe yidn, *batlonim.
umetik iz dort oykh nisht geven, men hot *geshmuest, dertseylt vunderlekhe zakhn, nisht ergere fun Kabtsansker.
Glupsk, *nishkoshe, geyt oykh gornisht op.
dort zenen oykh do yidn, oykh di ale sheyne *mayses.
dort shteyt oykh fray der veg tsum himl, un men farkrikht oyf im take oykh keyn Boyberik...
Glupsk mit Boyberik iz vi eyn shtot, akegn a gute helft Glupsker yidn zenen Boyberiker.
dakht zikh, gor keyn *mayse nisht.
undzere parshoynen zenen, *borekh-hashem, take geven farzorgt, nisht farzindikn, altsding gut, es hot gor gefelt a bisl gezunt.
Hershele hot funem ershtn tog kumen keyn Glupsk bakumen a kater, a bisl untergehust, dos *kelkhn iz im geven tsugelegert, heyzeriklekh.
fun dest vegn iz er oyfgeshtanen tsu di ershte *slikhes un untergehaltn dem taten.
zayn geleynkl iz *emes take geven gedripet, zayn kvitshele gefayft, oyslozndik zikh mit a grilts, nor on *sakones.
eyn mol, iz on im oykh geven helfers, fil funem *oylem hobn, vi geveyntlekh, opgeentfert, zikh opgerufn "bim-bam!"
unterbimken yenem zenen do bay yidn zeyer fil *balonim, oyb "bam" past oder neyn - alts eyns, abi zikh arayngemisht, abi a shtime, loz yener nisht meynen, er arbet aleyn...
un tsveytns, iz a tsugelegert *kol epes take gor vi gevuntshn tsu *slikhes, es past tsum *eysek, men filt, az s'iz *slikhes.
in droysn iz shtok fintster, nakht.
umetum sha - di gantse velt shloft.
nor yidn khapn zikh arop fun di gelegers, genetsn, knakn oys di beyner, der shlof ligt zey oyf der brust, es triknt zey in haldz un zey shtarkn zikh, loyfn farshmakht in shul arayn, nisn dort oys zeyer harts far dem lebedikn got in himl un klogn zikh, nebekh, far im oyf a tselekhtst-brumendik-krekhtsndik *kol, vi a farvoglt, umgliklekh dershlogn kind klogt zikh far dem foter oyf di *tsores, velkhe er iz oysgeshtanen, arumblonkendik zikh in der velt.
dos tselekhtste, khripendik-farshmakhte *kol - ot dos ersht rirt baym hartsn, drinen take ligt ersht der *berye, dos gantse, gefil fun *rakhmones...
az dos shlafe kind, nebekh, khapt zikh oyf fun hits bay nakht, shtrekt oys mit a gebet di hentlekh tsum foter, krekhtst, yomert far veytik oyf a trukn heyzeriklekh *kol, fargeyendik zikh in a hustele - khapt es on bay der leber, nemt er aroys di *neshome un shtekht in der zibeter rip...
un der hon fun *kapores, im az men git in der mit nakht a trog fun der sidele - kum tsum "*bney-odem"!
un er tsaplt, krekhtst oyf a fardumpt *kol, ruft zikh den zayn khripendik *kol nisht op in hartsn?
rayst den zayn khorkhlen nisht bay der *neshome?...

dos zekste kapitl

*reboyne-shel-oylen!
vos ligt azoyns in dayn harter bank in *bes-medresh, az der vos nekhtikt oyf ir iber a nakht mit dem kulak tsu kopns shteyt dem andern tog oyf epes gor an ander mentsh, vi nay-geboyrn?
shoyn *Yankev ovinu, az er hot in veg denstmol bay zayn aveklozn zikh fun der heym, untergenekhtikt in "yenem ort" oyf a hart geleger, tsushparndik dem kop oyf a shteyn - hot bald baym oyfshteyn in der fri geshpirt: אין זה, nisht andersh כּי אם בית אלהים, do iz a *bes-medresh, וזה שער השמים un do iz a toyer tsum himl.
yo take tsum himl.
ligndik oyfn hartn geleger gor in dem ershtn *bes-medresh, nokh on vent, on a dakh, on an unter-oybn, hot er shoyn derzen nisht Krakau un Lemberg aleyn, nor oykh yene velt - fayerdike *malokhim, vos hobn im in di oygn zikh gedreyt aroyf un arop epes oyf a hoykh leyterl fun der erd biz het-het in himl arayn - un *Yankev hot derfilt in zikh a groyse farenderung...
nokh a mol *reboyne-shel-oylem!
vos ligt azoyns in dem *goles, in dem *na-venad zayn in der fremd, vos dayne kinder *Yisroel, velkhe es hobn azelkhs fun dir a *matone, zenen durkhdem in der velt epes gor andere *mine mentshn, hobn epes gor an ander *ponim, an ander shteyger lebn, an ander *mazl, alts-mit-anander epes nisht laytn glaykh?...
in der tsayt ven andere zenen nokh gor yinglekh, frish-lebedik, makhn zikh narish un hobn in zinen *oylem-haze, di velt, iz dayns a yidele geeltert, gekneytsht, ayngeheykert, farzorgt un dershlogn.
dos kepele nor es arbet: trakht, trogt, flit un in zinen iz im nor *takhles-zakhn, azoyns vos hot epes a vert, a *kiem - *oylem-habe, yene velt...
undzer Hershelen iz in di ershte por teg funem *na-venad zayn in der fremd un fun dem shlofn in klayzl oyf der harter bank nisht tsu derkenen geven, azoy hot er zikh geendert, ibergebitn gevorn in gantsn.
keyn freylekhe mine hot men fun im nisht gezen.
er iz geven alts epes fartrakht, glaykh vi himl un erd zenen oyf im gefaln.
dos vort "*takhles", velkhs er hot fun di eltern gehert tsu der *bar-mitsve, iz im tif in harts arayn un im geekbert, gelekhert dem kop: gevald *takhles!
vos vet zayn der *takhles?
men badarf trakhtn, zorgn arum der *takhles -
un Hershele hot zikh a geshmakn nem geton tsu der *gmore.
den vu andersh hot er gekent, nokh zayn farshtand denstmol, gefinen dem *takhles, ven nisht in der *gmore?
ot do ligt dos gantse glik far a mentshn, dos beste, vos er ken nor dergreykhn do in dem lebn.
bay a bletl *gmore mit *toysfes lozt zikh shoyn oys ale *khokhmes, un az got helft nokh, men treft tsu dem *Mahara"m Shifs a *kashe, oder men farentfert dem *Maharshos a "ויש לישב", iz men shoyn a fartiker, a farzorgter mentsh, men ken shoyn gliklekh oplebn zayn velt, in *oysher, in *koved.
a *katoves epes a *lamdn!
מי לנו גדול, ver iz in der gantser velt greser, shtarker un hot di gantse *deye mer fun a yidn a voyl-lerner, a *rov un a *dayen?
velt hot denstmol bay Hershelen geheysn - yidn.
vayter, gornisht!
es zenen do *afile epes nokh andere oykh, nor dos zenen glat azoy zikh *umes-hooylem un vos geyen zey vemen on?
vos kenen zey, vos veysn zey, mshteyns-gezogt!
az in keyn *kheyder, vi yidishe kinder, geyt men nisht, dos vos bay undz farshteyt men nisht, haynt vos-zhe?...
Hershele hot fun der shafe *sforim in klayzl aroysgenumen a *gmore "*Bove-Kame" un zikh gezetst lernen "שור שנגה את הפּרה, vi *Ruvns oks hot geshtoysn *Shimens ku, hoykh oyf a *kol mit a *nign, shtark shoklendik zikh un vu men badarf dem kvetsh, a makh gebndik mitn grobn finger.
Hersheles kepl hot shtark gearbet, gefloygn in der luftn.
es hot zikh far im gekeytlt eyn zakh in der anderer un s'iz mit a mol oysgevaksn a gantser leyter, oyf velkhn es hobn zikh gedreyt aroyf un arop אַרישא, אַסיפא, אַמציעותאָ‏‎ in der geshtalt fun beyze vayber, vos kenen tsvishn zikh nit oyskumen un oyfn shpits der *tane *Kame, der groyser *porets.
Hershele varft zikh in ale zaytn, farflit vaytlekh, es khapt im azh on a shvindl, es fardreyt zikh im der kop, ot-ot rayst zikh iber di letste hor, in velkher er halt zikh on - un plutslim git es mit im a trog tsurik take tsu *Ruvns oks un *Shimens ku.
ha-ha dos kepl iz im vider oyfn ort, er tseshoklt zikh un lernt mit *kheyshek...
men muz frier ibernekhtikn a hipsh bisl nekht in *bes-medresh oyf der bank hart vi a shteyn, *bikhdey tsu dergreykhn dem *sod fun aza leyter, tsu filn dem *tam derfun un rekht vi geherik tsu farshteyn, az dos altsding iz nisht glat azoy zikh epes zakhn, az *Ruvns oks un *Shimens ku zenen nisht *megushem-grob, *poshete ki, vos nem un melk zey oys.
neyn! zey shteln zikh fir gor andersh, epes vi der oks, der vider, der tsvilingl un di *bsule dort in di tsvelf *mazoles...
undzer Hershele hot gelernt mit a bren, vi er hot nokh keyn mol in zayn lebn azoy nisht gelernt un dos hot im gegebn tsu *kheyn un tsu laytzelikayt in di oygn fun fil mentshn in dem klayzl.
- a voyl yingele, hot men gezogt, er bagert lernen!
der tate hot zikh gor geshmoltsn un dertseylt dem zuns groyse *mayles in a breytlekhn *shmues mit mentshn vegn im.
- et, hot er gemakht, vos veyst ir, vos mayner iz!
di Kabtsansker *melamdim kenen zikh nisht zat oploybn zayn gut kepl, zayn *tfise.
bay tsvelf yor - vet ir gleybn? - hot zikh bay zey oysgelozt *toyre far im.
oyf zayne *kashes iz bay zey nisht geven keyn *terutsim.
der *terets iz geven a tsvey heyse petsh, a knip, a trakh in der bak *bekivn take, farshteyt ir mikh, *bikhdey er zol bay zikh zayn gefaln, nisht meynen, az er iz epes, oykh a mentsh!
beemes, mayne libe yidn, iz take azoy, a yingl tor nisht hobn zayn *seykhl;
vi an elterer zogt, azoy badarf zayn.
a yingl badarf visn, zogt an elterer tog, khotsh es meg zikh zayn nakht, iz tog, gor on *kashes.
ele nisht, iz biter.
haynt fregt er aza *kashe un morgn vet er shoyn fregn gor et-et-et!
es vet im shoyn nisht gefeln, farshteyt ir mikh, dos, yens, a *sakh zakhn...
ikh zog es akegn dem, az tates badarfn es visn.
undzere eltern far tsaytn hobn es farshtanen beser fun di hayntike, deriber take iz geven az gut un voyl.
meyle vi di *mayse iz, petsh aher, petsh ahin, mayner iz dervayl aroys funem *kheyder un hot ongehoybn unter mayn *hashgokhe tsu lernen bay undz in *bes-medresh aleyn far zikh.
es farshteyt zikh, ikh vayz im a mol unter.
vi ir kukt im on-o, ken er shoyn, ot-o der shnek, gants *Beytse, *Kidushin, *Ksubes un *Nide!...
azoy hot geveyntlekh der tate oysgelozt dem *shmues mit a shaynendik *ponim, onvayzndik fun der vaytns mit a finger oyfn zun, un getrakht *beshas mayse bay zikh: ha?
efsher vil got gor a *shidekh...
derfun zol zikh oyspikn a *kale - ta!...

dos zibete kapitl

tsu dertseyln do, vi *Leyzer-Yankl hot *rosheshone shtark gearbet in davnen, volt geven a shtikl umrekht akegn dem iberikn *oylem funem klayzl, vayl der *oylem yidn hot fun zayn zayt oykh gearbet, geshrign mit im in eynem.
Leyzer-Yankl iz *emes take geven der "*sheliekh-tsiber", dos heyst, der deputat, oysgeklibn fun *kohol, tsu dem *reboyne-shel-oylem;
nor yidishe kinder ober hobn lib umetum zikh arayntsumishn un ven zeyer deputat zol *afile zayn mit herner, an antik in der velt, dokh koym loz er efenen a moyl zikh epes ontsurufn, faln zey im arayn in der mit itlekher mit zayns, itlekher mit zayn tsingl oyf zayn shteyger, trakhtndik in hartsn: yener meg zikh zayn dort vos er iz, farshtey ikh nokh, *nishkoshe, a zakh *efsher azoy gut vi er.
yener meg zikh heysn mayn mentsh, hobn fun mir a "*koyekh-harshoe", fun dest vegn kukn im in moyl arayn tsu fil, tor men nisht, men muz im a mol vayzn un aroys mit a vort.
klompersht heyst es, yener iz der advokat, der *shtadlen, men farlozt zikh in gantsn oyf im, fun dest vegn aleyn muz men oykh epes ton, zikh klogn oybn, in senat far dem oybershtn un onbetn hintn-arum oykh di groyse *sorim patspatsye *ukhdoyme dos gantse pekl straptshes, sekretarn mit zeyere *faktoyrim in *bes-din shel mayle dort.
un di kinder *yisroel arbetn, lozn zikh hern oyf *koyles biz dem zibetn himl.
s'iz a lyarem, a gepilder, a gevald, az take eyn got nor ken farshteyn, vos zayne yidelekh viln, vos zey betn un shrayen.
der *oylem yidn hot gut geshrign, *Leyzer-Yankl ober hot zey aribergeshrign, fort take oysgefirt zayns - opgeshpilt dem "*meylekh elyen" mit a marsh lebedik, knakndik un Hershelen iz oykh etlekhe mol gerotn tsu ton a kvitsh, azoy az es hot gehilkht.
ot azoy iz opgelofn dos davnen dem ershtn tog *rosheshone.
Leyzer-Yankl, heyst es, iz geven fun oybn, er hot ayngenumen.
dem andern tog ober hot shoyn *goyver geven take der *oylem.
es hot zikh *gerasht un geroysht baym zogn di shtiklekh *piet mit di *tfiles, vi es roysht zikh der vald *beshas a shturemvint, oyf alerley troyerdike *koyles.
es hobn geshrign heldzer, geziftst, gekrekhtst hertser, hent hobn gepatsht, finger geknakt un kep halb-ibergedekte un in gantsn biz dem boykh ibergedekte mit *taleysim hobn zikh gevorfn in ale zaytn, geshoklt aroyf un arop.
eng iz geven in klayzl, a shpiltsn kepl ahin nisht arayntsuvarfn.
heys, a shrek!
Leyzer-Yankl iz opgegangen mit shveys un khapndik a bloz fun a tsugvintl hot er farloyrn dos *kol, iz geblibn vi dervorgn, nebekh.
geratevet hot im nor dos eyntsike mitl, vos er hot, vu s'iz oysgekumen tsu zogn mit moyl epes a rirndik shtikl, zikh geshmak tseveynt, gegosn taykhn trern, opkhapndik dervayl di verter unter der noz - un dos iz itlekhn shtark gefeln.
oyf veynen iz *Leyzer-Yankl geven eyn mayster in der velt, er hot geveynt epes *mekhayedik-geshmak: dos hot im farshaft a nomen in undzer vinkl un er hot geheysn "der Kabtsansker *bal-bekhi."
andere hobn im drinen farglikhn tsu dem barimtn litvishn *khazn "di klogmuter".
yener, azoy *shmuest fun im di velt, hot in zayn tsayt geveynt epes getlekh, *batamt: alts mame, mame!
gants yidishlekh, mit dem zibetn *kheyn.
Hershele hot oyf dem taten kukndik zikh oykh tseveynt un derfun take bay zikh in hartsn zeyer *hanoe gehat.
men badarf visn, vos heyst azoyns bay a yingl veynen *rosheshone un *yom-kiper in shul, az ale zoln zen.
dertsu tuen yinglekh sharfe mitl - shmekn, nebekh, tabake, knaypn zikh shtilerheyt, raybn di oygn - un undzer Hershele iz dos mol azoy gliklekh geven tsu veynen gor on yene ale zakhn!
deriber iz im epes gut geven oyfn hartsn fun zayne trern, er hot gekukt oyf zikh epes mit groys *derekh-erets, zikh umgekukt, oyb men zet, vi er veynt un es geyen nisht farloyrn zayne trern, derbay take ale getapt hintervaylekhts di bakn, oyb zey zenen gut nas.
a por teg nokh *rosheshone iz *Malke-Toybe avekgeforn aheym, mitfirndik mit zikh gantse zek federn, vos zi hot in etlekhe gehoybene erter ongenumen, iber dem vinter es oystsuflikn, oykh fodem a hipsh pekl oyf zokn oystsuarbetn un dertsu nokh a bisl *skhoyre in glaykhn gelt: zeyf, krokhml, tsits oyf kleydlekh mit royte groyse kveytn, epes gor a *miese *metsie un di barimte Glupsker shvebelekh, vos vern oyf dem fayer *afile nisht farbrent un megn zayn a gut mitl tsu leshn mit zey *sreyfes.
avekgeforn iz zi epes beyz, ful mit fardros.
zi iz *broygez geven, shtark ongelodn oyf Trayne-soslen, mit velkher zi hot nokh dem groysn gut lebn zikh *mies tsevertlt un fun der shtarker libshaft hot zikh oysgelozt a taykh.
nayn mos reyd klekt far tsvey vayber nisht mer vi oyf a por teg.
biz vanen s'iz nokh geven fun vos, fun vemen tsu redn, hot der tsung geklapt, gemoln, koym ober hot zikh oysgelozt reyd, hobn zey ongehoybn eyne tsu der anderer zikh tsukukn, eyne in der anderer oystsuzukhn feler un zikh geblozn.
Malke-Toyben iz nisht gefeln der ayngeyer, vos kumt alts tsu Trayne-soslen, makhndik mit ir kutsenyu-mutsenyu, un nokh ven?
in azelkhe teg, vos a fish in vaser tsitert.
haynt iz ir oykh nisht gefeln, vos dos tikhl oyfn kop iz ir aroyfgerukt, azoy az es kukt aroys hor;
vos hintern kleydl rukt zi arunter epes a barg mit shmates mit reyfn, *bikhdey es zol oyskumen, *mekhile, diker, greber.
zi hot ir *mikoyekh yens gegebn ontsuherenish: epes nisht vi bay a yidisher tokhter, oykh etlekhe mol aleyn mit ire *koshere hent genumen un aropgelozt ir nideriker oyfn shtern dos tikhl, a tap geton ir fun hintn dos kleydl, gemakht dernokh fun di beyde fornt-tsu oysgeshtrekte hent a kaylekhdikn beygl, geshoklt derbay mitn kop, oystsiendik di lipelekh epes mit a *meshune zoyer krimele, glaykh vi geredt: o-o, hostu es a bombe, bahit zol men vern!
Trayne-soslen vider hot nisht getoygt tsu der zakh a fremd oyg, hobn nebn zikh a *rebetsin.
ir iz oykh groys geven in di oygn *Malke-Toybes esn, vi zi pakt, est far tsen un ken nisht khapn di zet, epes gor a heyshrek!
in dem *psak velkhn zi hot eyn mol gekhapt fun der *baleboste, hot zi bay zikh bashuldikt *Malke-Toyben - dos hot zi ir tsugeshtelt a hinter-fisele, dos iz take nor ir *mlokhe.
*Malke-Toybe hot take a por mol zikh geshushket epes mit der *baleboste, geglotst mit di eygelekh, makhndik a farfrumt *peniml un alts geshpign, geshnaytst di noz.
un az Trayne-sosl iz deroyf ongekumen, iz der *shmues plutslim ibergehakt gevorn.
Malke-Toybe hot, royt verndik vi a tsvik, zikh gekratst, gedreyt, gemakht mit di akslen un geblibn dernokh shteyn mit a krumen rukn, ayngehoykert vi a kats, untershparndik di bak mit a finger...
*haklal, di frierdike beyde *khavertes, vos zenen geven dos lebn mit der *neshome, hobn zikh geblozn, eyne der anderer gegebn ontsuherenish mit shtekhvertlekh.
di - yener a pik, yene - der a pik, biz zey zenen *lesof aroys mit di geshlifene tsinglekh un hobn zikh gut tsekrigt.
un *Malke-Toybe, shtark oyfgebrakht oyf Trayne-soslen, hot baym avekforn oysgelozt ir bet tsu der gantser velt un tsu itlekhn bazunder: tsu dem *bal-haagole, far vos a tsen groshn mer vi bay andere nemt er, *nishkoshe, bay ir un zetsn - zol im aroyszetsn di *neshome ! - zetst er zi arop untn, tsvishn di akegndike parshoynen;
tsu dem mekler, vos hot bay ir gemont a drayer far zayn *tirkhe, rufndik zi: *mumkhe;
tsu der ku, vos iz untergekumen oyf der gas tsum vogn, gants heymish vi an eygene, on groyse tseremonyes, zikh arayngeshtekt di morde unter ir gezes un aroysgeshlept a ful moyl shtroy, nisht gemeynt, *kholile, emetsn dermit tsu baleydikn, gor glat azoy, vi der shteyger irer iz shtendik, khapn a lek fun di vogns;
oykh tsu dem yungn-mantshik, *lehavdl, vos dreyendik dos shtekele, oyf zayn shteyger, baym geyn oyf der gas, hot er, shtupndik zikh hart baym vogn, mitn skipkele ir derlangt a zets in *ponim, shier an oyg ir nisht aroysgenumen, es farshteyt zikh umgern, nisht gemeynt, *kholile, keyn shlekhts.
haklal zi hot zikh gevorfn, umzist-umnisht oysgelozt ir tsorn tsu dem, tsu yenem un tsu gants Glupsk, vos hot gemegt fun iret vegn ayngezunken vern, glaykh vi di ale, nebekh, zenen shuldik derin, vos Trayne-sosl iz a hitslekhe, a shlak fun zayn libn nomen:
der *bal-egole hot zikh genumen *mekhile betn zayne *gepeygerte ferd, vos baym mekler, dem *bal-haagoleshn *shadkhn - a *berye oyf tsu fargresern, vi geveyntlekh ale andere *shadkhonim - heysn azelkhe leybn, odler, un di *neveyles hobn nokh a tsendling baytshn zikh gekvetsht, *matriekh geven di alte beyner zikh tsu rirn funem ort, aroysshtekndik di tsinglekh un untershmaysndik zikh mit di oysgekrokhene dine veydelekh.
*Malke-Toybe hot nokh dem tsentn mol gezegnt zikh oysgeshtrekt di hant funem vogn un nokhgeshrign dem man iber der gantser gas hoykh oyf a *kol:
- *Leyzer-Yankl! *leman-hashem farges nisht *mikoyekh yens!...
breng aheym etlekhe peklekh tsikorye!
Leyzer-Yankl, *leman-hashem, shvitsn!
trink oys etlekhe glezlekh trukene malines!
Hershele! dem tatens shtikl fey ligt ayngebundn mit dem veghitl gedenk-zhe, shvitsn!...

dos akhte kapitl

nokh dem az Hershele hot aroysbagleyt di mame, iz er gegangen vider in zayn ru arayn, ahin in klayzl, vu er iz shoyn geven a bisl heymish.
es hobn im ahingetsoygn vi a magnet tsvey mentshn dort - eyner a grayz-groyer yid, *r' *Avrom mekabl, un der anderer, *Moyshele, an *orem-bokherl, mit im *kimat in eyne yorn.
*r' *Avrom iz geven fun di gehoybene *mekubolim vos rekhnen zikh bay yidn tsum kapitl *kle-koydesh un shteyen oyf der tsveyter shtufe nokh di *dayonim.
der titl zeyerer iz geveyntlekh: sheyne yidn.
dem grestn teyl tog iz er gezesn in klayzl iber a *seyfer un genekhtikt hot er bay zikh in der heym.
er iz geven zeyer ayngezen bay di ale *balebatim in klayzl, fun velkhe der grester teyl hobn nokh *balebeslvayz, bald nokh zeyer *khasene, im do getrofn azoy dinen got un zenen mit im deriber shtark geveynt gevorn.
on im volt, dakht zikh, dos klayzl keyn klayzl nisht geven, es volt epes gefelt.
r' *Avrom hot gehat ayngang in fil laytishe hayzer un zikh geribn arum *negidim, tsu velkhe er flegt a mol araynkumen a *shabeys-tsu-nakht oyf a glezl punsh, makhn mit zey epes a *shmues, nemendik derbay a gutn tsigar-titun, un velkhe es flegn im a mol oys'hern vegn a *shidekh.
der nomen sheyner yid hot im *beemes take gepast.
oyf zayn kapote hot zikh nisht gefunen keyn shpreynkele, shtendik reyn, gants, on a ris, on a tren, in der keshene a noztikhl, keyn mol nisht geshpign, nisht geshneytst di noz fray akegn mentshn in *ponim arayn un nisht gevisht zi mit dem arbl oder mit an ek pole vi andere.
zayn shvartse, sametene yarmulke iz geven frish, fayn on federn, nisht farshmoltsevet dik mit fete *miese flekn, an *ipesh, fun fartriknte shveys.
dos *ponim loyter mit a miteler bord, reyn, vays, vi oysgefalener shney.
di gedikhte groye vontses nisht opgeshotn mit tabake fun a *mise-meshune-kolir un oyf di lipn shtendik a gut shmeykhele.
*r' *Avrom iz shtendik geven oyfgeraymt mit a freylekher mine un az er hot geton a mol a zifts, iz dos nisht geven far zorg un *yisurim, nor glat azoy zikh a yidish ziftsele, vi der shteyger iz baym efenen a *seyfer, oder makhn a *brokhe, nemendik in hant a glezele vayn, oykh baym shteln zikh davnen.
zitsndik in klayzl baym tish iber a *seyfer flegt er geveyntlekh lib hobn *shmuesn mit mentshn, hern vos der, vos yener dertseylt *khadoshes un aleyn take epes oykh dertseyln, baym redn flegt er gletn mit der hant dem shtern, oykh unterheybn a kapele di yarmlke, fakhendik pamelekhn mit ir oyfn kop.
im hot nisht oysgemakht dervaksene mentshn, oder yunge layt, *bokherimlekh, er hot geredt gern mit ale glaykh.
genumen tsum hartsn itlekhns a zakh un nisht avekgemakht keynem mit der hant.
yinglekh zenen oykh mentshn.
dos vort "*shkots", vos er flegt es zogn a mol mit a shmeykhele eynem a yungn man, hot es geheysn bay im a *simen fun libshaft, az er halt fun yenem zeyer shtark.
*r' *Avrom hot bald funem ershtn tog zikh tsugekukt fun der vaytns tsu Hershelen, vi er firt zikh gut oyf, un getrakht bay zikh: a voyl kind undzer *Leyzer-Yankls, men badarf im *mekarev zayn.
az Hershele iz eyn mol fartift geven in dem lernen, untershparndik dem kop mit beyde hent oyfn shtender, hot *r' *Avrom farbaygeyendik nebn im zikh opgeshtelt, arayngekukt fun der zayt tsu im in der *gmore, im azoy zikh fun oybn oyf a pruv geton, a freg gegebn, vos bavornt *Rash"e do mit zayn *kloymer?
vos der *tane lozt mikh do hern?
un vu ligt do der rekhter kvetsh?...
*r' *Avrom aleyn hot nisht gehat keyn shpitsekhdikn kop, oyftsuton sharfe *pshetlekh, er iz geven nokh a *balebatisher *lamdn.
zayn *iker lernen iz geven *muser-sforim, *Eyn-Yankev un *medresh, vu es gefinen zikh vunderlekhe *mayses, vertlekh, *mesholim, sheyne aynfaln.
oykh hot er gezupt "*Zoyher" vi vaser, optsufrishn zikh nor mit di verter aleyn, nisht optsushteln zikh lang iber a harb vort, tsu trefn dem rekhtn taytsh.
tsaytnvayz flegt im plutslim epes geben a bri - un er hot zikh genumen zupn "*Zoyher" geshmak mit *kheyshek, di oygn hobn im geflakert, dos *ponim geflamt, vi bay a farlibtn.
dos flegt zikh mit im makhn geveyntlekh bay yene shteln dort, vu got shpatsirt in *gan-eydn mit di *tsadikim, di beymer shmekn, gibn fun zikh aroys zise *reykhes fun *bsomim;
kites, *kites fun *malokhim shpringen *kdushe, loybn, rimen, basheynen zayn heylikn nomen un zogn *shire;
vu di "*shkhine" tsegist zikh in heyse, heylike gefiln, beynkt krekhtst, brumendik vi a toyb far groys libshaft tsu di *kneses-Yisroel.
a mol klogt zi, veynt oyf zikh vi oykh oyf ir gelibt folk, vos iz, nebekh, azoy farvoglt, farshvartst in *goles un a mol treyst zi im, ir tayern zisn gelibtn, nemt ayn mit zise reyd un gute hofnungen oyf shpeter.
nishkoshe, zey veln zikh nokh *im-yirtse-hashem tsunoyfgeyn - un denstmol vet zayn aza lebn, vos di velt hot es nokh nisht gehat...
der *Zoyher" dos iz a *sinay, a fayershpayendiker barg fun heyliker, reyner libshaft, dort zenen zikh *meshadekh di erd mit dem himl, *malokhim, *srofim mishn zikh oys in eynem mit mentshn un gibn, kushndik zikh, eyner dem andern getlekhe gefiln;
dos iz a fayerdiker zayl fun libe, vos hot tsum ershtn mol a shayn gegebn far yidishe kinder in di mitele yorhundertn, ven arum zey iz geven shtok-fintster, ven fayndshaft, vilde *akhzoryes, farblendzkayt hobn zey ongeton gebrente, gebrotene leyd un fargiftet zey, nebekh, dos lebn - dos iz der ershter yidisher roman, der "*Shir-hashirim", der roman fun ale romanen...
*r' *Avrom iz in zayn grad geven, vi ruft men es epes, a poet.
es hot im epes getsoygn tsu *hagadetes, tsu di vunderlekhe, sheyne zakhn in dem "*Zoyher" un iz oyf zayn shteyger geven farlibt.
di *gmore akegn iz far im geven a trukene zakh, vos dernert dem *seykhl un kvikt nisht dos harts.
er hot deriber dos lernen zi gehaltn nor far a muz un gelernt oyf azoy fil nor, vifil im iz es neytik geven tsum *eysek:
in di nayn teg, a shteyger, tsu makhn a *siem, *bikhdey di *balebatim zayne zoln megn esn fleyshiks, *erev Peysekh a *siem far zayne bakante *bkhoyrim, zey zoln dem tog nisht fastn, un a *peyrek *Mishnayes ale tog mit a *rabonen-kadish far a *mes.
vos deroyf hobn im dokh di *yorshim gedungen oyf a gants yor.
fun dest vegn iz im di *gmore geven heylik un hot shtark *hanoe gehat, az yene lernen.
az Hershele hot gelernt, iz es bay im geven zeyer ongeleygt, *makhe-teyse sheyn, gants fayn un ven er hot farbaygeyendik Hershelen a freg geton, vos *Rash"e bavornt mit dem *kloymer? iz dos geven glat an oysred, vayl azoy hot es im gepast, nisht gemeynt gor arayntsulozn zikh do mit im tiflekh in a *pilpl.
abi Hershele hot epes geentfert, zikh gedreyt mit dem kepl, makhndik derbay mit a finger, iz es far im shoyn geven gants genug - a *simen az Hershele iz a gut yingl, an erlekh kind - un er hot im derfar shoyn take lib bakumen.
*Moyshele - a shvarts-kheynevdiker mit prishtshiklekh oyfn breyt-platshikn *ponim, iz geven a shtik yingl, a shlafs fun oreme eltern, erlekhe layt, bay velkhe er iz, nebekh, fun kindvayz oyf shtark opgekumen in noyt, in *dakhkes un zikh keyn mol zat nisht ongegesn.
nokh gor kleynerheyt hot er zikh aroysgevizn far a farshtendik kind mit a gut kepl tsum lernen un dos iz bay di eltern geven der eyntsiker treyst in zeyer biter lebn.
zey hobn opgeshport fun di neytikste badarfenish, fil mol nisht dergesn, nisht dertrinken, *bikdey tsu tsoln far *Moyshelen *skhar-limed, abi zeyer *Moyshele zol kenen lernen un dermit aleyn zenen zey geven zat, zeyer tsufridn.
oyb yidn zenen oykh mentshn vi ale andere oder nisht? - dos iz a gants alte *shayle, mit velkher di velt dult zikh shoyn fun eybike yorn un biz haynt nokh nisht gekumen tsu keyn ek.
nor dos ober iz a gants klore, gevise zakh, az der yidisher mogn iz epes gor andersh vi bay ale andere mentshn.
den vu nokh iz do aza mogn, vos zol zat zayn mit *toyre, mit lernen, vi bay yidishe kinder?
bay vemen nokh fun di ale felker iz in zeyere *sforim do aza oysdruk, aza *posek ותורתך בתוך מעי un dayn *toyre iz mir in mayne gederm, vi bay undz yidn?
dos megn yene dort in der velt hern un zikh gut batrakhtn.
aza mashine, in velkher es arbet aza getlekhe kraft, iz an eybik gever un vet fun yenems a bloz mit dem moyl, fun yenems a klap mit der hant zikh, *nishkoshe, nisht anidershteln.
aza zeyger, vos geyt durkh elektritsitet - durkh dem gayst funem *khumeshl, fun gots heylik vort, vet eybik vayzn di tsayt fun tog un nakht un klingen in der velt.
*Moyshele hot gelernt un di oreme hungerike eltern hobn zikh gekvikt, groys *nakhes gehat.
az dos kind iz untergevaksn un shoyn in shtand geven aleyn a bletl *gmore ayntsubaysn, iz er aroys funem *kheyder un zikh gezetst lernen far zikh do in klayzl.
iz im oysgekumen a mol in dem lernen kraytish, epes a harblekh shtikl, flegt er zikh vendn tsu yidn *lomdim un zey flegn im helfn aroyf oyfn veg.
Moyshele, fun der natur a shemediker mit a gutn, veykhn kharakter, dertsu nokh a shlafer, a krenklekher, dershlogn fun der biterer noyt - iz geven shtendik vi epes fartrakht, un zikh gehaltn opgezundert fun itlekhn in der zayt.
men hot fun im nisht gehert keyn mol keyn hoykh *kol, zikh gezesn in a vinkele un gelernt shtil.
azoy iz er oykh geven tsvishn zayne *khaveyrim, bakante yinglekh, keynem nisht baleydikt mit a grob vort, nisht ongerirt keyn mol *afile a flig oyf der vant.
shvaygn - dos iz der shteyger zayner geven shtendik, derfar ober hobn bay im geredt di oygn.
akh *reboyne-shel-oylem, vos far an oygn!
vos zenen dos geven far an oygn!
oyf a krenklekh-bleykh *ponim plutslim azelkhe tsvey oygn!
zey hobn epes gerirt bay der *neshome, aroysgenumen a mol bay yenem dos harts, epes iz in zey gelegn a gantser opgrunt, es hot zikh aroysgekukt di mindste bavegung, altsding vos invendik dort in im geyt for.
der ergster *kundes *afile, koym hot er gefilt oyf zikh *Moysheles oygn, iz er bald ophentik gevorn un es hot im nisht derlozt dos harts ontsurirn im mit a finger.
Hershele hot onfangs oyf *Moyshelen zikh geblozn.
es hot im fardrosn, far vos halt er zikh vayt fun im in a vinkele, onnemendik es fun *Moysheles zayt far shtoltskayt.
Hershele aleyn iz bay zikh in hartsn geven a shtikl *gadlen, nisht gekent laydn, az im zol men nisht bamerkn.
er iz geveynt geven bay zikh in shtetl zayn shtendik der ershter un haynt makht im epes *Moyshele glat azoy avek, neyn, hot er bay zikh getrakht, andersh vel ikh mit im nisht bakant vern biz er muz frier tsu mir kumen.
az a por teg ober iz avekgegangen un *Moyshele iz alts take nisht gekumen, hot Hershele shoyn nisht gekent mer oys'haltn un iz mit zayn *koved aleyn tsugegangen tsu *Moyshelen mit der *deye im ontsulernen - aroysrufn im oyf a poyedinik, mit a vayzenish in der *gmore, *aderabe, loz men zen, ver vemen vet ibershparn.
di *milkhome tsvishn zey hot zikh ongehoybn.
eyner dem andern hot fargebn a vayzenish.
Hershele hot zikh gehitst, zikh gevorfn, gedreyt aher-ahin mit ale *eyvrim.
Moyshele akegn hot zikh oysgedreyt, opgeshlogn di *klots-kashes ruik, gelasn, un der shpits iz geven - zey zenen gevorn *khaver.
Hershele hot derkent az er hot in *Moyshelen gehat a grobn *toes, un iz tsu im vi tsugekokht gevorn, vos vayter, vayter iz di libshaft tsvishn zey gevorn alts greser, shtarker, biz zey hobn zikh tsunoyfgenumen un beyde in eynem gelernt eyn *mesekhte.
r' *Avrom hot zey derfar beydn geloybt in di oygn, itlekhn bazunder gerufn mit a shmeykhele "*shkots" - un di fraynfshaft tsvishn di ale dray iz gevorn shtark.

dos naynte kapitl

*Leyzer-Yankl hot geton dem vaybs *rotsn, getrunken bay nakht farn shlof trukene malines un geshvitst.
oyf morgn hot er nokh arumgebundn dem haldz mit dem shtikl fey, velkhes Hershele hot gefunen take dort bay im in dem vegmitsl, un oykh oysgezupt a por l[oy]ze eyer.
nor dos altsding ober hot nisht geholfn.
er hot zikh, *a ponim, shtark farkilt dem tsveytn tog *rosheshone baym davnen.
di brust iz im alts take geven farleygt un baym pruvn dos *kol flegt er filn a shtokh in der linker zayt.
*meyle a shtokh yak a shtokh, dos volt im azoy nokh nisht geart, tsu shtekhenish iz shoyn a yid geveynt un makht zikh nisht visndik.
gut geart hot im ober dos *kol - dos eyntsike mitl zayns tsum lebn, fun vanen er tsit dos shtikl *parnose, dernert, mshteyns-gezogt, dermit vayb un kinder.
ot iz shoyn bald *yom-kiper, ven di "*keyle" iz im azoy neytik, men badarf oyf ir azoy fil arbetn - un do iz er gor heyzerik.
er hot aropgelozt di noz un gehat derfun groyse *yisurim.
di *shameste hot gefilt zayn harts, un far groys *rakhmones zikh genumen im tsu heyln mit ale babske mitl.
zi hot im geshtelt a groyse shpanish-flig, gemakht epes a shmirekhts oyf ayntsuraybn untern lefele, gegebn im trinken epes kraytekhtser azoyne, fun an alter *dorfs-goye, oykh rosl fun ugerkes, untergereykhert im mit federn, gegebn im shmekn tabeke, ibergebrente, gemolene kave, opgeshprokhn im in eynvegs take an *ayn-hore oykh un farbundn im dem haldz mit irn a grobn volenem zok.
Leyzer-Yankl, nebekh, hot vi a kind zikh gelozt ton mit zikh altsding, vos me vil, abi es zol im zayn dos *kol.
es geyt avek a tog nokh a tog un gornisht.
erev *yom-kiper in der fri hot zikh bay *Leyzer-Yanklen gevizn epes a *kol, ober s'iz *gemlokhet, nisht zayn "*keyle" vi shtendik, epes gor a *min *bay-kol, untn greblekh un oybn a bisl gefayft.
er hot gepruvt zogn dermit di "*yayles".
di *shameste hot oysgehert un shoklendik dem kop, zikh mit trern in di oygn ongerufn:
- geloybt iz *borekh-hu uborekh shemoy!
gor a derkvikenish, kh'lebn, nokh beser vi frier.
dem *yom-kiper hot *Leyzer-Yankl vi s'iz opgeshpilt oyfn nayem *min *bay-kelkhn, alts hoykh, oyf der diner strune.
bay im iz oysgekumen dem *oylems vertl farkert:
"az men ken nisht arunter, muz men ariber".
abi got hot geholfn, er iz dem *yom-kiper ibergekumen *besholem un hot zikh shoyn gekent bageyn on dem *kol biz iber a yor *yomim-neroim, *im-yirtse hashem, hot im shoyn nisht azoy oysgemakht dos, vos er iz heyzeriklekh.
biz iber a yor iz nokh got a tate.
nor koym iz im aroys funem zinen dos *kol, hot zikh im opgerufn shtark in der zayt dos shtekhenish, azoy az er hot shoyn nisht gekent zikh nisht visndik makhn un zikh gemuzt tsuhern.
frier hot er zikh getreyst alts mit der hofnung, et, *nishkoshe!
es vet fargeyn, er badarf zikh nor a por teg iberlign.
di *shameste hot oykh gezogt:
- et, s'iz gornisht!
s'iz haynt epes aza untergang.
un dernokh ersht, az er hot shoyn nisht gekent khapn dem otem un gefokht mit der *neshome - iz gevorn a tararam, a gepilder.
men hot aropgebrakht dem *royfe mit dem gantsn klipergetsayg, vos hot im geshtelt bankes, gelozt tsu der oder un im opgetsapt a hipsh bisl blut.
es hot im ober nisht geholfn der *royfe oykh un men hot im *kimat a toytn opgefirt oyf a vegele in dem *biker-khoylim, vu er iz etlekhe vokhn opgelegn shtark krank.
dervayl iz zikh azoy avekgegangen der *sukes.
undzer Hershele hot gehat, nebekh, a farshtertn *yom-tev.
punkt in *simkhes-toyre iz dem taten gevorn azoy shlekht, az men hot gemeynt, ot geyt im oys di *neshome, un der doziker tog, der bester, der freylekhster far yidishe kinder, iz bay Hershelen geven *Tishe-bov.
dem gantsn tog hot er far groyse *tsores in moyl nisht gehat *khuts a shtikl lekekh, vos er hot bakumen baym oyfrufn im tsu der *toyre in shul "*im kol-haneorim".
nor mshteyns-gezogt, vos dos iz geven far a shtikl lekekh!
gor nit dos, vos a mol, an anders mol hot dos eygene shtikl lekekh geshaynt, geloykhtn *yom-tevdik, gehat dem zibetn *kheyn, epes gor an ander *tam, oyf im iz vi geshtanen ongeshribn "*simkhes-toyre!" epes hot es geredt verter, geshmekt *mekhaye, derfreyt dos harts, geshpayzt un derkvikt di *neshome - un dos mol iz es geven a vokhndike zakh - glat azoy a *min gebeks, kornmel mit honik, vos men koyft es in mark far a groshn un makht deroyf a *brokhe "*boyre mine mezoynes"...
bay yidn hot iber hoypt dos esn *shabes un *yom-tev epes gor an ander *tam.
s'iz do in dem esn, zogn undzere alte heylike *khakhomim, a *min gevirts azoyns.
vos "*shabes" heyst es baym nomen;
aza gevirts, vos vakst ergets nisht do oyf der velt, vos far keyn gingold iz es nisht tsu bakumen in dem handl un keynem fun di ale felker iz es nisht bakant - di heylike *malokhim brengen es funem *gan-eydn fraytik itlekhn yidn in shtub arayn, vu zey shteln zikh, vi undzer *oylem zogt, kokhn dem tsholnt.
fray far der gantser velt ken men gants zikher zogn - andere megn zikh deroys lakhn - az der vos hot inem gutn yidishkayt nisht farzukht keyn tsholnt, hot in zayn lebn keyn guts nisht gegesn un veyst nisht, vos gekekhts heyst azoyns...
az dem taten hot es ongehoybn tsu geyn beser, iz Hershelen likhtik gevorn in di oygn.
di ershte tsayt iz er geven ful freyd, azoy az er hot fun keyn ander zakh nisht getrakht, zikh fargesn gor in zikh aleyn.
derfar ober shpeter a bisl iz im dos trakhtn tsugetretn mit a mol.
es hot zikh oyf im ongerukt a shtarke *more-shkhoyre un er hot bay zikh alts getrakht azoy:
ot bald, bald vet men badarfn forn aheym, nor vi varft men avek do *Moyshelen un *r' *Avromen, mit velkhe er iz shoyn azoy geveynt un es tsit im tsu zey azoy dos harts?
hagam dos forn aheym iz a gute zakh, es tsit im ahin take - zen di mame, shvester un brider, oykh ale andere bakante;
nor tsurik *geshmuest, vos ken fun im der *takhles zayn dort in der heym?
es hot im zikh forgeshtelt dos groyse elnt in der heym, vi dos gantse hoyzgezind kumt op, nebekh, laydt hunger, kelt, vi er aleyn flegt oysgeyn fil mol far a shtikl broyt.
dermonendik zikh nor in dem, iz im a groyl ibern layb ibergegangen.
blaybn-zhe vider do - dos hot zikh im oykh in kop epes nisht geleygt.
vos heyst blaybn!
bay vemen blaybn?
glat vi nemt es a yingl eyner aleyn on eltern un blaybt!
un ven *afile azoy, blaybn - nu, vos... vos?...
ot azelkhe gedanken hobn zikh gedreyt bay Hershelen in kop un er iz geven shtark batribt, oys mentsh.
*r' *Avrom hot bamerkt, az er iz epes funem *ponim arop un far groys *rakhmones zikh genumen oysfregn, vos mit im iz azoyns, fort vos iz azoyns di *mayse?
Hershele hot zikh tseveynt un im aroysgezogt zayn gants biter harts.
r' *Avrom hot im a glet gegebn baym kepele un zikh ongerufn:
- nu, gut, gut!
ikh vil mikh shoyn batrakhtn.
es hot nokh tsayt.
les-ate zay nor nisht keyn narele un veyn nisht, *shkots!

dos tsente kapitl

der tate iz in etlekhe teg arum aroys funem *biker-khoylim.
es hot gerisn dos harts kukndik oyf im, azoy bleykh, toyt iz zayn *ponim geven.
er iz, nebekh, a shvere krenk oysgeshtanen, *kimat nisht geven tsu derkenen im, azoy iz er funem layb arop, nor hoyt un beyn.
keyn mol in zayn lebn hot Hershele azoy nisht lib gehat dem taten vi denstmol, un keyn mol in zayn lebn vider hot oykh der tate azoy gut, libhartsik nisht gekukt, azoy zis-shtil oyf a veykher-shvakher shtime nisht geredt, vi in yener tsayt.
epes iz er aleyn gevorn a kind un hot mit zayn blik, mit zayn shtil-shvakh *loshn aroysgenumen a shtik gezunt.
epes iz drinen gelegn a klogn zikh shtil on verter oyf di veytikn zayne in dem vistn lebn un a gebet:
- gevald, genug!
nishto shoyn mer keyn *koyekh oystsuhaltn...
men hot bashaynperlekh aroysgezen, az ven Hershele zol zikh nisht geven shemen, volt er denstmol ale glider dem taten oysgekusht.
er hot zikh ober geshemt, vayl kushn zikh iz bay yidn nisht keyn aynfir.
vi nemt men es epes glat azoy un men kusht!
bifrat a kind a taten!...
*r' *Avrom hot avekgenumen dem taten in a vinkl un mit im dort a hipshe tsayt *geshmuest.
bald deroyf hot men tsugerufn ahin oykh Hershelen un der tate hot zikh gevendet tsu im mit di verter:
- mir *shmuesn do mit *r' *Avromen, az oyb du vilst, Hershele, megst du dir do blaybn.
Hershele hot zikh tseveynt, gekukt oyfn taten mit groys libshaft un iz nisht in shtand geven aroystsubrengen a vort, azoy hot im farklemt baym hartsn.
un az der tate iz mit a gebet tsugeshtanen tsu im, er zol redn reyne verter, hot er geentfert gants kurts:
- neyn! - on dir, tate, ken ikh nisht zayn...
- akh, Hershele! makht der tate mit a zifts tif funem hartsn. - nisht eybik, narele, iz a kind nebn a taten.
vos ken men ton?
ikh fil, oy, az di *koykhes geyen mir bislekhvayz oys.
genug *krie gerisn in mayn lebn.
veyn nisht, Hershele, vos ken men ton?
frier oder shpeter - men muz zikh sheydn...
- tate, tate! veynt Hershele mit a gebet, aheym, tate, aheym!
- aheym! honik vest du dort lekn, in der heym...
ziftst der tate un vendt zikh tsu *r' *Avromen, shoklendik mit dem kop: zogt im khotsh, *r' *Avrom.
- zay nisht keyn *akshn, fe! - heybt on mit gutn *r' *Avrom, on dir iz oykh do genug in der heym.
der tate - du zest nisht? - hot mer keyn *koyekh nit tsu horeven.
funem bisl gelt, velkhes er hot do fardint, iz veynik geblibn.
a krenk kost.
es geyt a langer vinter nokh mit an *iber, a *rakhmones, nebekh, oyf di ibrike kinder.
du aleyn vest darbn un zey nokh shatn.
dem letstn bisn, mshteyns-gezogt, zey funem moyl oysraysn.
fun *r' *Avroms dozike verter iz Hershelen dos harts mit blut farlofn un er hot gegosn mit heyse trern.
- dank *r' *Avromen, zogt der tate, dank zey far zeyer gutskayt, tsu zorgn zikh do far dir un tsu hobn oyf dir *hashgokhe.
gey, mayn kind, in rekhtn veg un folg *r' *Avrom vi a taten.
zey meynen - du herst? - dayn *takhles.
got zol zey nor derlengern di yorn.
- a-nu, *shkots! - makht *r' *Avrom, a klap gebndik pamelekhn Hershelen oyf dem aksl, mit a zis shmeykhele. - azoy, azoy!
vish dir oys di oygn un gey dir, gey atsind tsu dayn *khaver dort, dem *shkots...
fri hot in yenem yor zikh geshtelt der vinter.
plutslim, eyder der *oylem hot zikh arumgekukt hot fun *tsofn-zayt a bloz geton a kalter vint un zikh ongerukt a beyze, fintstere khmare - dem vinters tsvey kozakn - loyfndik foroys mit a shturem, a fayfn: "tsitert, lebedike bashefenish!
ot kumt er, der kalter feter, un vet aykh onraybn a royte noz"...
di felder lign shoyn bagrobn in dem vaysn kitl fun shney.
di beymer dort shteyen opgeshmisene, nakete, aropgelozn di kep un di tsvaygn gepentet mit keytn fun fliterlekh, prentes ayz.
fun feygl un *vald-khayelekh iz nishto keyn shpur, ale vi oysgeshtorbn, di lign bahaltn tif in di lekher, yene hobn bay tsaytns gemakht a *pleyte - avek v[u]hin di oygn trogn, un umetum iz sha, shtil.
nor vorones dreyen zikh ertervayz arum in der luft, epes hobn zey gesheftn:
khasenes oder glat azoy *asifes vegn *koholshe zakhn - un veyst zey der guter yor vos zey kraken dort, krekhtsn, raysn zikh oyf di heldzer...
vayt arum un arum hersht shoyn in der velt der vinter, nor di yidishe shtot, Glupsk, zi aleyn vil zikh im nokh nisht untergebn.
er firt mit ir a shtarke *milkhome.
er shikt on oyf ir a frestl, un di kalizhes ire in di gasn nemt nisht keyn koyl, blaybn take dos, vos frier;
er regnt oyf ir mit grayplekh shney, un umzist zayn mi, blote!...
di Glupsker yidelekh gibn zikh a shot vi di mureshkes, tretn es mit fis un makhn deroys a kashe, a shitere, a groy-shvartslekhe blote;
er shtelt zayn vays shneyen fendl oyf dekhlekh, tsum bavayz, az er iz fun oybn - kumen hungerike ki, gantse *makhnes tsign un shlaydern es arop baym aroysshlepn hoyfnvayz shtroy oyftsufresn, oder yidn, yidenes kumen mit tep, mit tsebres, shtopn es on ful mit dem dozikn shney, tsu makhn derfun vaser oyf kokhn.
oykh iz do akegn dem nokh a mitl - *sreyfes.
bay yidishe kinder nemt zikh denstmol grod on di koymens un Glupsk netst...
Glupsk shtelt geveyntlekh dem vinter aroys a fayerdikn tsung - er, der vinter, knakt, blozt, shturemt, un yidelekh zenen im *mevatl!
geyen zikh naket, borves, glaykh vi nisht zey meynt men.
oder vi zey tuen im oyf *tsu lehakhes.
un *beshas der doziker *milkhome funem vinter in Glupsk shteyt dort nebn der Kabtsansker *akhsanye a yazde mit dray dare miridendike, krumrukndike, koltenevate, lang-haldzdike un kurtsveydldike ferd, *mekhile, vos hobn es badarft far zeyere zind zikh *matriekh zayn shlepn keyn Kabtsansk ire a por *minyonim yidn un tsvishn zey oykh undzer *Leyzer-Yanklen.
der mekler bobret zikh epes arum dem vogn, shart tsunoyf mit der baytsh di *shirim - etlekhe bletlekh hey un farkrimendik zikh mit an eygl oyf eynem fun di ferd, derlangt er im a trakh in der morde, glat azoy zikh, shiltndik derbay:
- a-a, *peygern zolst du, *pegire eyne!
vi er ken es a bisl nisht aynshteyn oyf di fis...
flien glust zikh im, dem odler. dem sheynem.
a, flien zolst du tsu aldi shvartse yor!
*Leyzer-Yankl iz, ongeton in zayne vegkleyder un oyfn kop ongerukt dos mitsl, gikh in aylenish tsugekumen tsum vogn.
Hershele mit a pekl nokh im, un ibergebndik es dem mekler tsu di hent mit a gebet, er zol makhn a gut gezes, zenen zey beyde arayngegangen dervayl in der *akhsanye.
Reyze, vi der shteyger irer mit a farshtekt fartekh un mit a polonik in der hant, iz shtark basheftikt geven mit dem *bal-haagole un di parshoynen arum ir, mit velkhe zi hot zikh opgerekhnt, makhndik derbay oyf a beyzer tsu dem, tsu yenem alts: hen a bisl!
vos zogst du, ikh bet dir tsu zayn taten?
az zi hot zikh shoyn mit itlekhn opgefartikt un derzen in der zayt undzere beyde parshoynen, dem taten mit dem zun, hot zi zikh oyf zey aroyfgelozt mit ir shrayendik *loshn, a for gebndik mit der noz iber dem gantsn arbl.
- ot host du im vayter, dem sheynem *bokherl! vos?
gekumen forn? naket, borves, hen a bisl!
in aza kelt zol men azoy forn!
vos zogst du, ikh bet dikh, tsu zayn itst do, a sheyner tate, kh'lebn! aleyn, hen a bisl, iz er in a mitsl, arumgebundn, *nishkoshe, un dos kind zumerdik!
vos zogst du fort, ikh bet dikh, tsu zayn taten.
- mayn zun fort nisht, entfert der tate.
- gor nayes! aleyn fort men un men lozt iber a kind *hefker, hen a bisl!
naket mit a hoyl harts in droysn.
vos zogst du tsu zayn taten?
men badarf hobn take a harts fun a toter! - azoy lozt Reyze oys dem *shmues, batrakhtndik Hershelen fun oybn biz arop un geyt zikh avek.
der *bal-haagole heybt on untertraybn dem *oylem - hayda, forn!
di parshoynen shtupn zikh in aylenish aroys oyf der gas, tsu farkhapn geshvind erter in dem vogn, itlekher varft zikh ahin arayn oyf *kidesh hashem mit hent un mit fis.
s'iz a shtupenish, a kvetshenish, an eyngshaft. a dershtikenish.
*Leyzer-Yankl, nebekh, zitst, vi s'iz oyf a shpits klimekl, in eyne *tsores un nemt on far lib itlekhn shtup, vos er bakumt in di zaytn.
er gezegnt zikh mit Hershelen zeyer troyerik oyf a veynendik-tsiterdik *kol.
Hershele kukt dos letste mol gut arayn in dem tatens bleykh *ponim un bavasht zikh mit blutike trern, nisht in shtand tsu zayn aroysbreyngen epes a vort un nisht tsu zen, vi der vogn hot zikh gerirt funem ort.
- ha, vos iz do tsu veynen! - makht Reyze, aroysloyfndik tsu Hershelen oyf der gas, nokh dem az di yazde iz avekgeforn. - az a tate fort avek, hen a bisl, nu iz vos!
kholile, nisht geshtorbn.
na, beser - nemt zi un shtupt im arayn in der hant an alt laybl - nem un trog gezunt.
nisht geveynt.
kum, *efsher vilst du esn?
- neyn! - entfert Hershele shoyn a bisl getreyst fun Reyzes verter.
- na dir neyn! - ruft zikh Reyze on.
hen a bisl, men zol zogn neyn!
far vos iz esn neyn?
nu, gey-zhe dir gezunterheyt, az neyn.
nor tomer vest du veln, gedenk-zhe, zolst du kumen!...

dos elfte kapitl

*leosid love, het-het shpeter, *im-yirtse-hashem - azoy shteyt geshribn in undzere heylike *sforim - nokh dem az men vet oyfshteyn *tkhies-hameysim un got vet *mishpetn di velt, denstmol veln ale mentshn zayn oysgeshtelt oyf a groysn plats, ayngeteylt in tsvey teyl: oyf eyn zayt di *reshoim, oyf der anderer zayt di *tsadikim un tsvishn zey in der mit der *yetser-hore.
yene, di *reshoim, vet der *yetser-hore zikh oysdakhtn gants din vi a hor.
di andere akegn - groys vi a barg, un ale mentshn fun beyde zaytn veln, kukndik oyf im, shreklekh veynen, di *reshoim yomern, shrayen:
- gevald, aza dine hor oyfn glaykhn veg iz undz shver geven ibertsugeyn un mir zenen farkrokhn mit krume geng tsu aldi shvartse yor!
akegn-zhe di *tsadikim klogn, gisn trern:
- *reboyne-shel-oylem, mir farshteyen nisht, vi es hot zikh tsu undz genumen an ayzerner *koyekh aza shreklekhn, hoykhn barg ibertsugeyn, azoy fil payn un *yisurim in undzer lebn oystsushteyn!...
di dozike vunderlekh oysgemolte kartinke, ken dinen zeyer gut far a *hakdome tsu der ertseylung, vi fil *yisurim, veytikn Hershele iz in zayn lebn, nebekh, oysgeshtanen.
dermonendik zikh atsund in di besere yorn, vi fil berg *tsores, ale *mine *puronyes un layd, er hot badarft ibergeyn biz er iz *lesof aroys oyf a veg, veynt in im dos harts un er vundert zikh, vi aza shnek, a verml, a gornisht mit a nisht, zol geven kenen azoyns ibertrogn, nisht vern tsetretn in der velt unter di fis!
er veynt oyf zikh vi oykh oyf fil azelkhe zayn glaykhn bay undz yidn, vos zey iz bashert fun kindvayz on tsu ranglen zikh mit alerley onshikenishn, oystsukrikhn ale lekher, tsu drapen zikh oyf di glaykhe vent un tsu filn dem bitern *tam funem toyt, *bikhdey tsu dergreykhn yene shtufe, velkhe zey shvebt fun der vaytns far di oygn.
umgliklekhe yidishe kinder!
umgliklekhe *afile shoyn *kloymersht in dem glik.
nemt yene, a shteyger, vos shteyen shoyn oyf a shtufe, hobn a *ponim un lebn.
nokh iz dos shteyn zeyers ayzn-fest, vos shteyn heyst, mit beyde fis, az es zol nisht meglekh zayn fun a mindstn bloz umtsufaln?
iz dos *ponim zeyers in der velt laytish fayn, a mentshlekhs?
iz dos lebn zeyers dort in gantsn a gliklekhs vi es geher tsu zayn? - iz den *keday far aza glik, mshteyns-gezogt, ontsulaydn zikh azoy fil umglik;
far aza *ponim *kloymersht azoy krikhn oys der hoyt, un far aza lebn, oyf *sonim gezogt gevorn, azoy oysgeyn, tsen mol in tog shtarbn far hunger?...
yo, tsu yener kartinke felt nokh a *sakh.
di *reshoim take zenen do, di *tsadikim do der barg *tsores oykh do, nokh der *tkhies-hameysim ober iz *gemlokhet, un zeyer fil lign nokh gor toyt, nayn eyln tif bagrobn in der erd, got un zayn *mishpet iz nokh oykh nishto.
*r' *Avrom hot in zinen gehat Hershelen, geton far im vos nor meglekh.
er hot im geshtelt *shabes bay eynem fun zayne bakante *balebatim un in mitn der vokh flegt im oyf *r' *Avroms *bakoshe nemen oyf a varmes oder oyf a vetshere, a mol der, a mol yener fun di, vos davnen in klayzl.
ot oyf aza shteyger hot Hershele, nebekh, vi-s'iz ibergelebt a tog, halb gegesn, halb gefast, gemakht mit di lipn, un im iz denstmol shoyn oysgekumen gut tsu filn dem *tam, fun vanen nemt zikh es, az "*vayokheylu" - aza *poshet, bakant vort dakht zikh vi "*vayokheylu" - zol bay undz yidn gor der taytsh zayn "un zey hobn geton tun glaykh vi gegesn".
yo, fil oreminke azelkhe bay undz kumt oys dem dozikn *tam nebekh, tsu filn.
az dos harts *khalesht, men volt shoyn gevolt derlebn epes in moyl arayn tsu nemen, heybt zikh geveyntlekh on ot der langer *mizmer: vasht zikh...
vart a bisl, mit der kvort tor men nisht...
loz men gebn an andere...
nu, dort, zayt *moykhl, dort zukht dem hantekh.
zogt שאו ידיכם.
zetst zikh. makht *hamoytsi.
bald, bald, vart a bisl, ot vet men gebn zalts.
shtekt arayn dem lefl.
khapt a shtikl fleysh.
mayim akhroynim.
mekhabed mit *mezumen.
bensh! - "*raboysay mir veln bentshn!"
dos heyst oyf dem mogns *loshn: "*raboysay mir viln esn!"
dos iz nokh gold, efters flegt zikh makhn, az "*vayokheylu" hot bay Hershelen gor keyn taytsh nisht gehat, *poshet take gornisht - un nisht eyn mol, leygndik zikh azoy, nebekh, shlofn, hobn zikh im bay nakht *gekholemt betler.
genug iz im opgefaln dos fleysh far *tsores funem esn, hot im nokh vey geton oykh di *neshome - er hot di ershte tsayt shtark gebeynkt aheym.
in der heym hot er dokh, *emes take, oykh nisht gelekt keyn honik, nor fort a groyser *khilek.
dort iz im geven epes varem, gringer oyf der *neshome, vi a feygele in nest, unter der mames fligelekh.
dort iz er geven an eygener, altsding arum im, in der heym, in shtot, zenen im geven eygene zayne, zey hobn zikh farshtanen:
afile di *beheymes dort, di hayzer, di luft, vos er hot geotemt, di erter, vu er hot geshpatsirt, zikh geshpilt mit zayne *khaveyrim, hobn epes geredt tsum hartsn un zikh mit im ongehert - un do iz er elnt, fremd, es klept zikh epes nisht, altsding gor nisht dos, epes gor andersh.
di zun, di *levone un di shtern kukn do epes nisht azoy, vi a mol bay zikh in shtetl, nisht azoy frayndlekh, gut vi frier un er hot a *ponim, vi baym bagegenen zikh mit dem vaybs *mishpokhe nokhn *get, shoyn nisht mer keyn eygene, nor glat alte bakante, gevezene *kroyvim.
aza gefil vi beynken, vos tsupt, nogt tif in hartsn, lozt zikh nisht ibergebn mit verter, dos farshteyt nor der, vos iz gepruvt gevorn tsu farzukhn a mol in lebn dem *tam fun elnt, tsu zayn plutslim opgerisn fun zayne libe un blaybn aleyn far zikh.
a katoves epes!
eyn kleyn pintele, a broyzn, in aza groyser, groyser velt.
es tsit zikh gots groyser velt in der leng, in der breyt on a *sof, on an ek.
in der mit velt, oyf der kaylekhdiker erd, iz do a kleyn flekele, vi a flig hot ibergelozt - dos iz Glupsk.
in dem dozikn flekele iz do a pintele - a klayzl.
in dem pintele iz do nokh a brekl pintele - a bank.
un in dem brekl pintele ligt nokh a pitsinkele pintele - a *min bashefenish azoyns, vos heyst Hershele.
dos pitsinkele bashefenish ligt vi a shpin punkt in der mit funem groysn rod shpinvebs.
fun im tsien zikh arum un arum in ale zaytn lange dine fedemlekh, ful un ful ongezetst, hart eyns baym andern, mit epes luftike *mine pintelekh, azelkhe, gor nit far dem oyg, vos heysn bay di *pilusufn "atomen", un geyen het-het vayt tsu di shtern in himl, tsu altsding in der velt arum, un, es farshteyt zikh, keyn Kabtsansk oykh.
oyf di dozike luftike fedemlekh kletert Hersheles *neshome, karabket zikh mit ale zayne gedanken ahin, ahin - aheym.
zi karabket zikh vi di elektritsitet in dem telegrafishn drot, onrirndik mit ire brenendike gefiln eyn teylkhl funem langn, luftikn fedeml, dos teylkhl git fun zikh iber dem bren dem vayterdikn teylkhl un azoy flit es shreklekh geshvind vayter vayter, biz es treft vi a blits in di hertser fun zayne eltern, zey derfiln bald Hersheles harts un tuen a shlukerts.
Hershele, zogn zey, dermont undz.
es shtelt zikh zey fir zayn lage, eyner aleyn, nebekh, in der fremd - un geyen oys far *rakhmones.
nokh vos kenen azelkhe gefalene, nebekh, ton, az zey aleyn iz shlekht un kumen shreklekh op?
di mame arbet, nemt zikh di oygn aroys biz shpet in der nakht mit dem federn-flikn, un fun der gantser arbet iz, mshteyns-gezogt, keyn vaser oyf kashe *afile nishto.
der tate, nebekh, hot, zint aheym kumendik, nisht oyfgehert tsu krenken.
er tsankt, geyt oys vi a likht, er ken nisht tsuzen dos groyse elnt in shtub, dem *tsar fun di hungerike, dershlogene kinder.
dos bitere oremkayt iz im shoyn shver ibertsutrogn, genug shoyn zikh ongelitn, nishto shoyn mer keyn *koyekh - ot-ot triknt shoyn oys der letster tropn zaft fun zayn vist, gebrokhn lebn.
di eltern ziftsn, okhtsn, krekhtsn, firshtelndik zikh dos elnte, farvoglte kind, tsu velkhn es tsit zey azoy dos harts - un zeyer biter gemit telegrafirt zikh, durkh di eygene luftike fedemlekh take, in Hersheles hartsn tsurik.
es *soydet zikh a harts mit a harts - shushket zikh a *neshome mit a *neshome, gisn zikh eyner far der anderer oys un *shmuesn zikh iber shtil on verter...
es dakht zikh Hershelen, der tate ligt, nebekh, shlaf, farshmakht, kukt epes mit a gebet vi baym tsesheydn zikh.
es shvebt im far di oygn dem tatens bleykh *ponim, yene gute, zise mine zayne *beshas gezegenen zikh mit im - un Hershele iz tsekokht, er veynt shtilerheyt bay nakht oyf zayn hart geleger, ibertrakhtndik a shrek...
ot dos iz es, vos geveyntlekh heyst dos baym *oylem: "dos harts zogt."
yo, dos harts hot Hershelen gezogt un a hipshe tsayt im nisht oyfgehert tsu zogn, biz er hot eyn mol fun der heym bakumen a viste *bsure: "Hershele, zog *Kadish nokhn taten;
du bist a *yosem!"

--> dos drite bukh