me hulyet
tipn vos shtarbn op
geshribn *lekoved *Simkhes-toyre (in yor 1911)
etlekhe verter vegn di "hulyakes".
"*khevre hulyakes" - azoy ruft men zey bay undz. dos zenen yidn *davke shtile mentshlekh un *davke *nishkoshe fun oremelayt un gehern zikh nisht on a gants yor eyns mitn andern gornisht nisht; nor az es kumt *Simkhes-toyre, vert men lebedik-freylekh, un glaykh vi me volt zikh oyfgeredt: men nemt zikh arum gants briderlekh un me geyt iber di gasn, tantsndik un zingendik freylekhe *nigunim un me makht freylekh di gantse shtot. me kumt arayn tsu ale *bale-batim gut *yom-tev betn, me rayst zikh arayn oykh tsu di *negidim un me makht zey dem freylekhn *simkhes-toyredikn *Kidesh, un *beeyn breyre muz geshtelt vern vayn oyfn tish, oder bir, oder *posheter bronfn mit farbaysn, anit konen di hulyakes aleyn nemen. zey veysn, vu vos es shteyt. zey konen trefn tsum oyvn un aroysnemen vos s'iz do, aroystsien fun di shafes di ayngemakhtsn, aroplozn zikh in keler un aroyftrogn fun dortn di gute "nalevkes" mit di sheyne gezaltsene ugerkes mit di kluge gezayerte arbuzes, vos shteyen bay di *negidim tsugegreyt oyfn vinter, un nokh azelkhe zakhn, vos s'iz gornisht tsu gloybn, az yidn konen azelkhes tun...
dos aleyn iz nokh gornisht. amol (oy, amol!) flegt men aleyn zayn *shiker, vi *Loyt, un oykh di "natshalstve" *onshikern azoy, az zi flegt tantsn mit ale yidn, ikh bet aykh iber ayer *koved, on kapotes baym *nogid oyfn dakh. itst iz shoyn andere yorn mit andere "natshalstve". men iz gern, az zi lozt khotsh yidn eyn mol in yor zayn *shiker un geyn frank un fray fun shtub tsu shtub un zingen freylekhe *nigunim. vorem in andere shtet, zogt men, tor men dos oykh nisht...
farshteyt zikh, az fun yor tsu yor vert bay undz di "*khevre hulyakes" shiterer un vintsiker. a *sakh zenen oysgeshtorbn, un di, vos zenen geblibn, haltn baym opshtarbn. deriber ayl ikh mikh di dozike barimte hulyakes tsu bashraybn, yedn eyntsikn mit zayn tip un bay zayn nomen - loz khotsh blaybn a *zeykher, a *simen fun dem, vi me hulyet bay yidn in *goles, az es kumt *Simkhes-toyre.
me hulyet
א. Alik der mekhanik
ב. Kopl *bal-moyekh
ג. Mendl der blekhener
ד. *Moyshe-Yankl der *apikoyres
ה. *Shaye-Dovid *bal-tshuve
ו. *rabeynu *Yoyne
